معادلة خطيرة وثغرة فى ترشح مرشحين الرئاسة

[raouf]

عاوز اعرف حاجة

دلوقتى من متطلبات الترشيح الحصول على 30 توقيع من نواب الشعب والشورى صح

طيب مثلا مجلس الشعب والشورى متوسطهم 40% اخوان

طيب الاخوان دول اكيد هيايدوا رئيس ما وبسهولة هيجيب ال30 توقيع

هل سيسمح الاخوان للاعضاء بالتوقيع على ترشيح رؤساء اخرين غير اللى الحزب هايدعمه ؟

لا اتوقع

وبالمثل النور

يعنى مثلا هل ممكن يوقع نائب لحزب النور لشفيق مثلا حتى يحصل على 30 صوت ؟

لا اتوقع برضه

بمعنى ان الاعضاء اللى هايوقعو بالقسمة على 30 هيكون قليل

بمعنى لن يكون هناك اقل من 10 مرشحين فقط

طيب الوفد رشح منصور حسن واتوقع مثلا ان الوفد لا يملك الا 30 مقعد فى المجلسين

الاخوان هايرشحوا واحد فقط واتمنى ان تصدر الاوامر لاعضاء الحزب بعدم التوقيع الا لمرشح الحزب والا يعتبر خروج عن اوامر الحزب

يبقى مرشح للاخوان

مرشح للنور ( فى حالة لم يدعم المرشح اللى هايدعمه الاخوان ) يبقى كده اللى باقى المصريين الاحرار وشوية الاحزاب الكرتونية اللى مجموع نوابهم لا يصل الى 30 عضو

بمعنى قد نجد امامنا مرشحين اثنين او ثلاثة فقط

السؤال الخبيث بقى مين هايوقع لشفيق ومنصور حسن وعمرو موسى ؟ لو حد يعرف يجاوب

[ابراهيم عبد العزيز]

هناك الخيار الثاني أخي رؤوف والمتمثل في :

الحصول على توقيع 30 ألف مواطن مصري من 15 محافظة على ألا يقل عدد المؤيدين من المحافظة الواحدة عن ألف مواطن

والمرشحين الذين لن يجدوا التأييد من نواب الإخوان أو حزب النور داخل البرلمان سيلجأون لهذا الخيار

ولأن الإخوان وحزب النور حتى الأن لم يعلنوا بشكل رسمي عن مرشحهم للرئاسة

فالمؤكد أن كل مرشحين أخذوا بهذا الخيار على سبيل الإحتياط حتى لا يجد أحدهم نفسه خارج السباق في حالة عدم دعم نواب البرلمان له

تم تعديل 9 مارس 2012 بواسطة ابراهيم عبد العزيز

[raouf]

هناك الخيار الثاني أخي رؤوف والمتمثل في :

الحصول على توقيع 30 ألف مواطن مصري من 15 محافظة على ألا يقل عدد المؤيدين من المحافظة الواحدة عن ألف مواطن

والمرشحين الذين لن يجدوا التأييد من نواب الإخوان أو حزب النور داخل البرلمان سيلجأون لهذا الخيار

ولأن الإخوان وحزب النور حتى الأن لم يعلنوا بشكل رسمي عن مرشحهم للرئاسة

فالمؤكد أن كل مرشحي الرئاسة أخذوا بهذا الخيار على سبيل الإحتياط في حالة عدم دعم نواب البرلمان لهم

والله يا ابراهيم يا حبيبى ( اسمح لى اشيل الالقاب ) اعتقد انى قرات ان لازم ال2 مش 30 الف توقيع بس

يعنى لازم ال2

او يكون اخد اعضاء الهيئة العليا لحزب ممثل فى البرلمان

[Ahmed Anwer]

و الخيار الأخير

دعم أي حزب رسمي ممثل في البرلمان بعضو واحد فقط علي الأقل

[raouf]

دى الشروط منقولة من الموقع الرسمى

شروط الترشيح لرئاسة الجمهورية بعد التعديلات الدستورية [جديد 2012]

انتهت اللجنة الدستورية المكلفة بتعديل المواد الدستورية برئاسة المستشار طارق البشرى من التعديلات الدستورية المقترح تعديلاها.

جاء فى التعديلات الجديدة التى أعلنها المستشار البشرى اليوم السبت اختصار مدة رئيس الجمهورية على دورتين متتاليتين مدة كل منهما 4 سنوات، ولا يحق له الترشح مرة أخرى مدى الحياة، وألا يقل سن الرئيس عن 40 عاما وبدون حد أقصى.

تضمنت التعديلات أن يكون رئيس الجمهورية مصريا ومن أبوين مصريين وعدم حصول أى منهم على جنسية أخرى بخلاف الجنسية المصرية وألا يكون متزوجا من أجنبية.

وقال المستشار طارق البشرى، فى مؤتمر صحفى اليوم السبت عقب اجتماع له ولرؤساء اللجنة الدستورية المكلفة بتعديل مواد دستورية مع رئيس المجلس العسكرى المشير حسين طنطاوى ونائبه الفريق سامى عنان إنه تم الاتفاق على تعديلات محددة فى المادة "76"، وهى الخاصة بإجراءات ترشيح رئيس الجمهورية.

وأكد أن الهدف من التعديلات فى هذه المادة هو التقليل والتخفيف من الشروط التى يجب توافرها فى الشخص المرشح لرئاسة الجمهورية، وتمثلت فى ثلاث نقاط الأولى: أن يؤيد 30 عضوا على الأقل من أعضاء مجلس الشعب الشخص المرشح لرئاسة الجمهورية، والثانية أن يحصل المرشح على تأييد 30 ألف مواطن من 15 محافظة؛ بما لا يقل عن 1000 مواطن من كل محافظة، والثالثة يمكن لأحد الأحزاب القائمة وله عضو واحد على الأقل فى أى من مجلسى الشعب والشورى "المنتخبين" ترشيح عضو من أعضائه لرئاسة الجمهورية.

وأكد البشرى قيام لجنة قضائية بحته بالإشراف الكامل على الانتخابات برئاسة رئيس المحكمة الدستورية العليا، وعضوية لجنة قضائية خماسية من محكمة استئناف القاهرة ومحكمة النقض ومجلس الدولة والمحكمة الدستورية، كما تتولى جهات قضائية أيضا الإشراف على اللجان الفرعية.

وقال المستشار طارق البشرى، فى المؤتمر الصحفى الذى خصص لإعلان التعديلات الدستورية بحضور أعضاء اللجنة، إنه بالنسبة للمادة "75" والتى تتعلق بالشروط التى يجب أن تتوفر فى الشخص المرشح لرئاسة الجمهورية، والتى توجب بأن يكون مصرى الجنسية ومن أبويين مصريين، أضيف إليها "ألا يكون هو أو أحد والديه حاصل على جنسية أجنبية، وألا يكون متزوجا من أجنبية، وألا يقل سنه عن 40 عاما".

بالنسبة للمادة "77" ، قال المستشار طارق البشرى إنه تقرر أن تكون مدة رئيس الجمهورية أربع سنوات ميلادية، ويرشح لمرة واحدة بعد ذلك "أى يحق له الترشح لدورتين متتاليتين فقط".

[Alshiekh]

هناك الخيار الثاني أخي رؤوف والمتمثل في :

الحصول على توقيع 30 ألف مواطن مصري من 15 محافظة على ألا يقل عدد المؤيدين من المحافظة الواحدة عن ألف مواطن

والمرشحين الذين لن يجدوا التأييد من نواب الإخوان أو حزب النور داخل البرلمان سيلجأون لهذا الخيار

ولأن الإخوان وحزب النور حتى الأن لم يعلنوا بشكل رسمي عن مرشحهم للرئاسة

فالمؤكد أن كل مرشحي الرئاسة أخذوا بهذا الخيار على سبيل الإحتياط في حالة عدم دعم نواب البرلمان لهم

والله يا ابراهيم يا حبيبى ( اسمح لى اشيل الالقاب ) اعتقد انى قرات ان لازم ال2 مش 30 الف توقيع بس

يعنى لازم ال2

او يكون اخد اعضاء الهيئة العليا لحزب ممثل فى البرلمان

30 نائبا أو 30000 توقيع ( توكيل شهر عقاري ) من مواطنين بحد أدنى 1000 من كل محافظة وبما لايقل عن 15 محافظة، أو يكون عضو بحزب من الاحزاب الفائزة ولو بمقعد في البرلمان

[raouf]

فعلا بعد قراءتها طلع موضوع ال30 الف صوت ده يكفى

يا ترى ممكن نشوف عمرو موسى ولا احمد شفيق فى نفس موقف ايمن نور فى 2005 ؟

يااااااااااااااااااااااااااااه نفسى والله علشان يشوفوا اللى كانوا بيعملوه

[أحمد محمد]

هو أي خيار من ألاتنين يا أستاذ رؤف مش لازم ألاتنين مع بعض

يعني يا أما يأخد التيأيد الشعبي بـ 30 الف توقيع من المواطنين و يكون مقسم لكل محافظات مصر و يكون موثق في الشهر العقاري

و دا الخيار اللي قرر حمدين صباحي أنة يترشح من خلالة

أو يأخد 30 توقيع من أعضاء البرلمان و دا مش صعب بنسبة لواحد زي منصور حسن أو شفيق يا راجل لأن دا هيكون فيها لعبة مصالح و تداخلات علشان يأخدو التأيد اللي هيترشحو منة

لكن اللي هيكون صعب علية أي من الخياريين هما مرشحين زي خالد علي أو يحيي حسين او حسن نافعة لأن دول هيكون صعب أنهم يأخدو تأيد الـ 30 ععضو برلماني و كمان أعتقد أن شعبيتهم في الشارع قليلة و صعب أنهم يأخد توقيع 30 الف مواطن

[محمد عبدالعزيز]

طيب فى سؤال تانى لو حد يعرف إجابته ياريت يقول: هل يمكن أن يوقع نائب واحد لاتنين مرشحين؟ وهل مواطن عادى ممكن يعمل توكيلين لاتنين مرشحين؟

[rewsha]

اعتقد ان لازم ال30000 توكيل لكل مرشح لازم يتفرزوا بحيث ان لو اسم مواطن اورقمة القومي اتكرر عند اتنين مرشحين ....يبقى هنا في عقوبه للي عمل التوكيل

ولازم وسائل الاعلام تنوه عن الموضوع ده .

زي كده موضوع الانتخابات (هل كان ينفع واحد يدخل ينتخب مرتين بنفس رقمه القومي)

طبعا الاجابه ....لا

ولو حد عمل كده بيكتشفوه عن طريق الرقم القومي

[متعب]

طيب انته تركت سليمان ليه من الحسابات دى

مع ان شفيق اتنازل له

ويبدوا ان العمليه ماشيه حسب الاتفاق . لكم البرلمان ولى الرياسه

[shawshank]

طيب فى سؤال تانى لو حد يعرف إجابته ياريت يقول: هل يمكن أن يوقع نائب واحد لاتنين مرشحين؟ وهل مواطن عادى ممكن يعمل توكيلين لاتنين مرشحين؟

النص بيقول صراحة إنه لا يمكن:

ينتخب رئيس الجمهورية عن طريق الاقتراع السري العام المباشر و يلزم لقبول الترشيح لرئاسة الجمهورية أن يؤيد المتقدم ثلاثون عضوا على الأقل من الأعضاء المنتخبين لمجلسي الشعب أو الشورى أو أن يحصل المرشح على تأييد ما لا يقل عن ثلاثين ألف مواطن ممن لهم حق الانتخاب في خمس عشرة محافظة على الأقل بحيث لا يقل عدد المؤيدين في أي من تلك المحافظات عن ألف مؤيد و في جميع الأحوال لا يجوز أن يكون التأييد لأكثر من مرشح

بس شفت نص المادة "المسلوق" واللي مش متراجع كويس؟ سماه في الأولى "متقدم"، يعني متقدم للترشح، وبعدين سماه في التانية "مرشح". الأولى صح والتانية غلط. لأنه ببساطة لسه مابقاش "مرشح". ده احنا لسه بنصيغ الشروط المطلوب توافرها فيه عشان يبقى مرشح. وطالما الشروط ممكن تحققها وممكن عدم تحققها، لا يجوز أن يطلق عليه "مرشح". وإلا لو هو مرشح فعلاً، يبقى ايه لازمة الشروط دي؟ وبتؤدي لإيه لو نفذها؟ وبتؤدي لإيه لو مانفذهاش؟! هو لسه "متقدم للترشح". ولما يحقق الشروط، يبقى "مرشح".

تم تعديل 9 مارس 2012 بواسطة shawshank

[se_ Elsyed]

هذه هي أكثر مساويء "الالتزام الحزبي "

حيث يكون الفرد دائماً متبع لقرارات حزبه مهما كانت .. وحتى لو كانت ضد مبادءه هو شخصياً

وفي حالة مخالفتها بيتم فصلة .. كما فعل الاخوان مع عبد المنعم أبو الفتوح لما أعلن ترشحة للرئاسة

عشان كده الاخوان والنور في مأزق حقيقي حتى الأن ... لأن أي قرار لدعم مرشح معين ممكن يؤدي إلى إنقسام خطير في داخل الحزب .. كما حدث أمس في حزب الوفد اللي اعترض شبابه على دعم الحزب لمنصور حسن ... والسيد البدوي رجع في كلامه ولغى الدعم ده وهاينظروا في الأمر تاني

[ام سلمي]

معني كدة فعلا ان معظم المرشحين لازم يعتمدوا علي التوكيلات ،

لان حزب الحرية والعدالة والنور قرروا ما يدعموش مرشح معين اللا بعد اغلاق باب الترشح و بعد الطعن كمان ،

يبقي اكيد نوابهم مش حيدوا صوتهم لاحد المرشحين دلوقتي

و مش حيبقي اللا حزب الوفد و الكتلة المصرية ممكن يوقعوا لمرشحين ، او اي حزب ليه مقعد انه يرشح احد اعضاءه

[مروان]

طيب والمغتربين امثالنا

ممكن يعملوا توكيل موثق في السفارة ويبعتوه الى مصر ولا

مالناش في اللعبة الا تصويت بس

[raouf]

طيب فى سؤال تانى لو حد يعرف إجابته ياريت يقول: هل يمكن أن يوقع نائب واحد لاتنين مرشحين؟ وهل مواطن عادى ممكن يعمل توكيلين لاتنين مرشحين؟

لا طبعا ماينفعش

كان نفسى يكون الشرط 30 الف توقيع او

يكون 20 الف توقيع + 10 اعضاء من مجلس الشعب حتى تكون العملية محكومة اكتر مش هزلية

[raouf]

هذه هي أكثر مساويء "الالتزام الحزبي "

حيث يكون الفرد دائماً متبع لقرارات حزبه مهما كانت .. وحتى لو كانت ضد مبادءه هو شخصياً

وفي حالة مخالفتها بيتم فصلة .. كما فعل الاخوان مع عبد المنعم أبو الفتوح لما أعلن ترشحة للرئاسة

عشان كده الاخوان والنور في مأزق حقيقي حتى الأن ... لأن أي قرار لدعم مرشح معين ممكن يؤدي إلى إنقسام خطير في داخل الحزب .. كما حدث أمس في حزب الوفد اللي اعترض شبابه على دعم الحزب لمنصور حسن ... والسيد البدوي رجع في كلامه ولغى الدعم ده وهاينظروا في الأمر تاني

بمناسبة ابو الفتوج يا حج

فاكر اول ما اعلن ترشحه وطلعت الجماعة فصلته والقصة دى

فاكر وقتها ناس قالوا ان ده فيلم علشان يريحوا المجلس وامريكا من ان ييجى رئيس من الجماعة

ايه رايك ان السيناريو ده ممكن يحصل الان ويتم دعم ابو الفتوح ولو حتى باطنيا عن طريق عدم اى مرشح