طار الحمام

[هشام الجنيدى]

والله يا امّه داعيتلك قبل ماتقولى

وغزلت عمرى بمغزلى ونسجته على نولى

لجل اما امسح دمعتك اللى فى عنيكى

واموت فداهم لو يشاورو ولا ينادولى

شمسك يام الرجال انا اللى هرويها

وانا اللى هسهر لها وانا اللى هراعيها

يكبر قصادى ضيها ويطلع نهار ليلك

ويعود لارضك طرحها متشال على أديها

قلبك يا ام الرجال عمره ما يوم هيموت

هتكونى دايما شباب مهما الزمان هيفوت

وعجز على ارضك انا وينحنى ضهرى

وافضل ادافع عن ترابك حتى بالنبوت

حمد الله على السلامه يا فروووسه .......... :)

[Salwa]

انا لازم اقول ...

انا فرحانة بيكم كلكم ..كلكم ..كلكم كدة على بعضكم .

ربنا يخليكم لها ..

عارفين انا حاسة بايه ؟؟؟

كأننا كلنا عاوزين نوصل لنقطة التقاء .على سطح الكرة الأرضية ...اللى بيروح بمركب ..واللى بيروح بطيارة ..واللى بيركب قطار ..واللى بيركب سيارة .....واللى بيروح ماشى ....واللى بيوصل وناس مساعدينه يوصل ..

لكن كلنا بنوصل مع بعض فى نفس اللحظة ....لهذه البقعة من الأرض ....كلنا بنوصل لنفس الغرض

كلنا بنتعبد فى محرابها ...

فينا اللى بيترنم ....وفينا اللى بيشاور ...وفينا الأخرس ...وفينا الأعمى ...وفينا الأعرج ..وفينا المتباهى ...وفينا المتمرد ...فينا الوفى ...وفينا الساخط...فينا المكافح ...وفينا الكسلان ..فينا المتمارض ...وفينا المريض

فينا المسلم...فينا القبطى ....فينا اليهودى ...فينا اللى عايش مع نفسه وملهوش دعوة بحاجة ...

لكن ؟؟؟

كلنا بنتفق على شئ واحد .................

ملناش الا هى .......وملهاش الا احنا ....

وهو بعد الأم ....فيه حب ؟؟؟

وهو بعد مصر ..........فيه ارض ؟؟؟

[فارسة القلم]

ينصر دينك سلوى

اتمنى من هنا ان نكون رابطة

نطلق عليها

((( رابطة الحفاظ على جسد مصر من التمزيق )))

لانى خايفة جدا ومرعوبة فالمستقبل مليان غيووووم

والله الحافظ0000

صح لسانك هشام

ردى جاهز ان شاء الله

[هشام الجنيدى]

انا مبسوط جدا يا مدام سلوى على مرورك الكريم وانا فعلا بحب مصر جدا وخايف عليها زى اى مصرى حقيقى

وانا لسانى صاحى يا فروووسه بس قولى ردك :blink:

[soooo]

ماتعبتش ياهشام

بس قلت sooooo

ياخد مساحة للرد عليك

مين بينادي ؟؟؟

:D

وبعدين انتو بطلتو لعب ليييييييييييييييييييه

؟؟؟؟؟؟؟؟؟؟؟؟؟؟؟؟

ماليش دعوه انا عايز العب معاكم

ومعلش يا هشام باشا

انا هاتكلم شويه بلسان اي مصري

زي مانت اتكلمت بلسانك ولساننا كلنا

يا مصر دا انا شفت الويل ألوان و اشكال

شفت ناس حالها اليوم مابقاش كما امبارح حال

شفت العذاب وشفت الويل وشفت المرار ..

ولاجل عيونك مستعد اشوف واتحدى الاهوال

يا مصر ده انا عاشقك بكل ما فيكي

عاشقك بمدنك ببلادك وبحواريكي

عاشق بادوق الحب في نهر نيلك ..

وعمري ما اقفل بالليل ليكي شبابيكي

يا مصر ده انا خايف على كل واحد فينا

خايف على اخويا واختي م اللي يعادينا

خايف القى في يوم نفسي تايه بين الغيوم ..

وكأني مركب صغير والعالم من جنبي سفينه

يا مصر أمانه عليكي اندهي وقولي اني ابنك

اندهي بصوت عالي وحسسيني اني منك

اندهي لاجل الحدادي والغربان ما يفوتو عشك ..

وساعتها هاقوم فارس شجاع عمره تمام سنك

معلش يا اخواننا اعذروني لو كانت محاولتي مش قد كده

:P

اصل انا بقالي فتره ما كتبتش حاجه ...

اعذرووووووووووووووووووووووني

:blush: :P :huh:

تم تعديل 4 مايو 2005 بواسطة soooo

[فارسة القلم]

تعرف يانن عينى ضهرى بيك مشدود

وجودك يبنى بينى وبين عدوى سدود

ياحامى حمى عرضى ودايما موجود

تمسح دمعة عينيه وعندى الف شهود

ان أبن بطنى شجاعته مالها يادنيا حدود

خير جند الارض سبحانه ربى المعبود

000000000000000

فردت لك للخير فقلبى ، مساحاتى

أمد ايدى بخيرى لوقت يوم هاتى

صرفت عمرى عليك مابخلت بساعاتى

يابن نيلى وبحرى بكتب لك ابياتى

اوصفلك حبى ليك بلفظى وعباراتى

حزنك يابن ارضى هو بس مأساتى0

تعبتووووووووووووونى00000

[هشام الجنيدى]

امى واخويا وناسى انا خايف

الطريق قدام عنيا لكنى مش شايف

انا اتعميت ولا الدنيا فيها ضباب

حد يجاوبنى يا ناس اصلى مش عارف

ايه اللى جد عشان يصبنى هذا العمى

ايه اللى خلا الحمام يخاف يطير فى السما

ايه اللى خلا اخويا ينفجر ويموت

وايه خلاه يقول العيشه متحرمه

ازاى تجيلو الشجاعه يفجر القنبله

ويقتل الابريا ويقول مهيش مشكله

يضحى ليه بالحياه وهوه مستسلم

وبعينىاشوف جثته عالارض متهلهله

انا قلت يوم القيامه قام وانا نايم

ولا البشر زهقو خلاص ولا عادش شىء هامم

قوليلى ايه الحكايه قبل ماتجنن

والطم وشق الهدوم واموت وانا هايم

انا برحب بالاخ SOOOOO وبقولو مصر هتفضل غاليه علينا

تم تعديل 5 مايو 2005 بواسطة هشام الجنيدى

[فارسة القلم]

الحقد انزرع لامك فى كل اراضيها

ولو زعلت فى يوم مين غيرك يراضيها

ياخسارة على ابن ضل وراسه اتلعب بيها

يبع عزة امه يتاجربخيرها يدنس اراضيها

لكن لو واحد خان غيره الوف بتحميهاا

0000000000000000

لما يهون وطنك كل شىء بيهون

وأعز ماعندك بأسهل مافيه بيخون

انسى اللى باع نفسه اصله اكيد مجنون

يضحى بعرض بلاده ويقبض العربون

0000000000000

وتانى انخدع بانه بيضحى بنفسه عشانى

مش عارف انه موهوم وبوهمه خلانى

قال انى مهزومة وخيبته وجعانى

ياريت يفهم انه بيقطع فى شريانى

ويبعتر فى اشلائى يفرح فيّه عدوانى

00000000000000

اياك تتوه يابنى ولاتضل فى يوم

ولا تلطم خدودك وتقطع فى الهدوم

شمسى اكيد حتشرق وتقتل الغيوم

الخير ساكنى لحد مالقيامة تقوم

انا مايهنى بالى لو احس بيك مظلوم

اياك تتوه يابنى ولاتتضل فى يوم

[هشام الجنيدى]

خلاص يا ام الرجال انا عمرىيوم ما حتوه

ولا حهيم فى الشوارع بين البشر معتوه

واللى يخون عهد امى خلاص مهوش اخويا

ولا انتى امه يا امى ولا النيل يبقى ابوه

يكون كلب خاين يكون اى شىء

وعايز يشدك لبحره الغريق

يكون ابن غيرك لكنه مش ابنك

ولا ضمه حضنك وطبعه البريء

اخويا اللى يبنى عشانك حصون

اخويا يصونك ولا يوم يخون

ويدفع فداكى حياته برضى

ولا عمره تلعب براسه الظنون

انا جنب اخويا وايدى فى اديه

نصون مجد ارضك بكل اللى فيه

ننضف طريقك من اى شوك

وندمى ولا انتى تدوسى عليه

[فارسة القلم]

لا يابن قلبى عمرى ماحنسى اخوك وقلبى حيسامحه

عمرى ماحنسى تاريخى المزروع فى ملامحه

حتى لوطعنى من غير وعى بسهامه او رمحه

بكرة حيرجع نادم وغفرانى له هو يوم فرحه

00000000000000

اياك تعيب فيه و تتمنى له الموت

يالا بهمة معايا نهد جدران السكوت

يتربى من جديد ونبنى للوطنية بيوت

غلبان اخوك جاهل يضحك عليه هلفوت

00000000000

طبعا ايديك فى ايديهم و تضحوا علشانى

خوفكم وحبكم ليه هو اللى خلانى

اكون ام الدنيا ولاحاجة وجعانى

يتعملى الف حساب والدنيا سمعانى

00000000000000000

[هشام الجنيدى]

اكيد انتى امى وامه بجد

وحبك لابنك يفوق كل حد

ورغم اللى عمله خلقتيلو عذر

عشان فيكى ابدا ميشمتش حد

ياااااااه عالحنان طيبتك غريبه

صدق من فى يوم سماكى طيبه

ابنك يخونك يحاول يضرك

يموت جوه حضنك تضميه بطيبه

حاسس يا امى ان انتى شايفه

طريقك وماشياه ولا حتى خايفه

اكيد انتى صح اكيد الف صح

رسمتى طريقك نهايته انتى عارفه

تم تعديل 16 مايو 2005 بواسطة هشام الجنيدى

[soooo]

انا برحب بالاخ SOOOOO وبقولو مصر هتفضل غاليه علينا

أكيد طبعا غاليه قوي

دي امي واختي .. ومراتي وبنتي

خلونا نكمل المشوار .. :wub:

واخاف ازاي .. ومن مين , وليه

وانت معايا حاميني من ابن الايه

واللي يقول عني كلمه تصده ..

وبايدك الطاهره .. تبهدل كيان لياليه

اخاف ازاي .. وانت معاك الناي

بتعزف غنوة عنني وعن بكره الجاي

بكره ده يوم شايفاه انا عيد ..

ماهو انا عيدك .. وعيدك ده وياي

اخاف ازاي .. وانت اللي ضاممني

لفة ايديك حوالين رقبتي تتطمني

بتشيل من قلبي كل السواد ..

من الظلم والحِزن .. اللي كان صايبني

يارب تكون سامعني يا ابن بطني

وتقوم واقف محسسني انك مني

ويكون خوفك علي ده حقيقي ..

مش كلام وبس .. عشان انت فـ حضني

[shahd]

يارب تكون سامعني يا ابن بطني

وتقوم واقف محسسني انك مني

ويكون خوفك علي ده حقيقي ..

مش كلام وبس .. عشان انت فـ حضني

تسلم الأيادي بجد جميييييلة ربنا يبارك فيكم كلكم

[ebnelganoup]

عزيزى هشام

كل الاحترام والتقدير لشخصكم الكريم

باالنيابه عن اعضاء المنتدى والزوار

لما تقدمه لنا من ابداع يعيد الينا الثقه

بان مصر والا ده

فدمت لنا فارسا نبيلا قويا

فى طريق الحريه

ابن الجنوب

[هشام الجنيدى]

شكرا لكم جميعا على هذه الثقه التى اعتز بها ولقد شرفنى جدا الانضمام الى هذا المنتدى الرائع الذى حسسنى فعلا بقيمه ما اكتب ...........

انا واقف بقالى كتير ومستنى

تقولى يا ابنى تعالالى دافع عنى

اروح واعود بايدى النصر

يا امّا اخويا شايلنى

اللى معايا ده يا امى لا مش ناى

ده سلاحى اللى حامينى مستنى العدو الجاى

وانا سهران على حدودك منيش نايم

والراجل يورينى هيجى ازاى

عنيا صاحيه وايدى ثابته عالزناد

وحبك ده مقوينى وليه الزاد

ومش خايف على نفسى وانتى امى

واخويا وابويا والاجداد................

[soooo]

صح لسانك مليون مره .. يا وليدي

صح لسانك يا هشام يا مصري يابن الجنيدي

فارس دايما شايفاك انا .. مش اي كلام

بتشيل من عيني دموع جايه من الأيام

ايام نسيوني فيها ولادي .. وراحو لغيري

وكأنهم من بلاد تانيه ونسيو قوام خِيري

لكن أكيد عايدين تاني .. مهما طال الزمان

وهاكون اول من يشوفهم وياخدهم بالأحضان

انا واقف بقالى كتير ومستنى

تقولى يا ابنى تعالالى دافع عنى

اروح واعود بايدى النصر

يا امّا اخويا شايلنى

بعد الشر عليك يا باشا .. انشالله انا ولا انت

حاكم انا في زيي كتير .. انما مافيش غير (هشام الجنيدي) واحد .. بس

- فين الوش اللي بينحني وهو بيرفع القبعه باحترام ؟؟؟؟؟؟ -

[هشام الجنيدى]

بتحرجنى بكلامك يا اخ سووووو

انتا وانا وغيرنا كتييييييييييير ومصر كلها متستحقش غير كل خير لان الاشعب المصرى شعب طيب بالفطره :wub:

وبعدين انا مجيش حاجه جنب اللى ضحى بنفسه بجد ومن غير كلام ...............علشانى وعلشانك وعلشان كل مصرى

هومّااللى ضحو بجد مش بهزار

جدى وجدك يوم خدو بالتار

هما اللى لازم يترفع ليهم رايات

رايات بتحكى العزه والانتصار

هما اللى لازم نفتكرهم كل يوم

هما اللى جابو الشمس من خلف الغيوم

هما اللى ضحو بكل حاجه عشان نعيش

انا وانتا بيهم نفتخر رغم الهموم

[soooo]

نكمل بقى شوية عشان انا جاي سخن عالآآآآآآآآخر

هما دول وانتم برضك ولادي

هما دول اللي يقولو بلادي

واللي مهما غلطو في حقي ..

لسّاهم بيمدو لبعض الأيادي

هما دول اللي انا عارفاهم

واللي في نن عيني انا شايلاهم

بافرح لما الاقيهم في وقت الجد ..

ايد واحده , ولو كان الحزن جواهم

معلش يا اخواننا ..

اصل انا لسه متبنج شوية ومش فاهم انا باقول ايه !