حسام حسن بطل مصرى من أبطال العالم

[yasser]

هل انت مصرى

هل تحب ان تظل مصر فى المقدمه دائما

اذا هل تعرف ان

هداف العالم من مصر

هدفان فقط

ويصبح

حسام حسن هداف العالم

بكل الارقام منتخب مصر لن يصل الى نهائيات كأس العالم

فهل المصالح الشخصيه

تحرم مصر العزيزه

من هذا الانجاز الغالى

اننا عندما نذكر بليه الجوهرة السوداء

نقول البرازيلى

وبوشكاش المجرى

فمتى يقول العالم

حسام حسن المصرى

تحياتى الى كل احبابى

مصرى عاشق للنيل :angry:

عفوا

تم تعديل العنوان من ... نعم انت ليس مصرى

الى العنوان عاليه ليعبر عن الموضوع

تم تعديل 2 ديسمبر 2004 بواسطة ragab2

[ماجد]

مش فاهم ....

هل تقصد :

نعم انت لست مصرى

بمعنى انت لست مصريا

أو هل تقصد :

نعم انت ليث مصرى

بمعنى انت اسد مصرى

[عصام]

مممممممممممم flrt: (لا مؤاخذة يا محبط يا اخويا) ..

"حسام حسن باقى له هدفين بس ويبقى هداف العالم ..." ..

let me think :angry:

ملحوظة صغننة ..

ولو إنى ما عرفش مين هداف العالم الحالى .. لكن أنا متأكد إنه بقى هداف العالم بعد ما أحرز أهدافه فى فرق تقيييلة من عينة الدورى الانجليزى أو الألمانى أو البرازيلى .... إلخ ..

إنما الباشمهندس حسام لما يبقى هداف العالم فده هايحصل لأنه جاب اهدافه فى فرق زى السكة الحديد والألومنيوم والزمالك وإنبى .... إلخ

يعنى شتاااااااااااااااااااااااان ..

ومع ذلك ... مبروك يا سيدى وربنا يبارك للزملكاوية فيه (بس مش أوى أوى) .. علشان يلحق يعتزل قبل ما تجيله أمراض الشيخوخة من سكر وضغط وقلب ... إلخ ويضطر يسافر المانيا rs:

[disappointed]

بكل الارقام منتخب مصر لن يصل الى نهائيات كأس العالم

فهل المصالح الشخصيه

تحرم مصر العزيزه

من هذا الانجاز الغالى

اللى فهمته من كلامك إنك عايز الجهاز الفنّى لمنتخب مصر يضم حسام حسن لا لشيئ إلاّ ليعطى له الفرصة لتسجيل هذين الهدفين

انا طبعا مش موافقك على هذا الكلام مع إنى زملكاوى و بأحب حسام حسن من أيّام ماكان فى الأهلى لأنه خدم منتخب بلدى و فعل له ما لم يفعله لاعب آخر (على الأقل أحرز هدف وصولنا لكأس العالم و كان هو - مع حازم إمام - العامل الأساسى فى فوزنا بكأس أفريقيا فى بوركينا فاسو)

أما مش موافق ليه فهذه هى الأسباب :

1- منتخب البلد مش صدقة أو هبة حتى يتصرّف فيها الجهاز الفنى لتحقيق مصالح أشخاص

2- معايير الإختيار للمنتخب يجب أن تكون متعلّقة بمصلحة المنتخب مش اللاعب المُختار

3- كون إن المنتخب فرصته ضئيلة للوصول لكأس العالم مش معناها إننا نقول خسرانه خسرانه و نحوّل المنتخب لمركز توزيع نياشين , فلابد من التعلّق بالأمل حتى اللحظة الأخيرة , و الكرة لا تعرف المستحيل , و أنا من الناس اللى ما بيفقدوش الأمل لآخر لحظة , وعندك أقرب مثال لذلك بالأمس لمّا نادى الإتحاد السعودى لعب مباراة العودة فى كوريا الجنوبيّة أمام سيونجنام على نهائى كأس آسيا و كان الإتحاد مغلوب على أرضه 3/1 ... يعنى كان محتاج يكسب 3-0 على أرض الخصم (المكسب 2-0 حتى ماكانش ينفعه) , فماذا حدث؟؟؟ حقق الغير متصوّر وفاز 5-0 على أرض الخصم و حصل على كأس البطولة .. يبقى الأمل دائما موجود لآخر لحظة

ثم إنه حتى لو لم نصل لكأس العالم فنتائج المنتخب فى المباريات المتبقية من التصفيات هى من أهم النتائج التى تحدد ترتيب المنتخب فى قائمة الفيفا الدورية

4- هدّاف العالم الحالى هو الإيرانى "على دائى" الذى أصبح اللاعب الوحيد على مستوى العالم الذى يتخطّى حاجز الـ 100 هدف دولى , ولن يلحق به أحد ... ولا حسام حسن و لا رونالدو و لا فان نستلروى ولا الجن الأزرق..لأن "على دائى" يلعب مع إيران ضد منتخبات جزر المالديف و سلطنة بروناى و أرخبيل مش عارف إيه.... و هذه منتخبات تحرز فيها إيران بالــ12 و الــ17 هدف , ونصيب "على دائى" من هذه الأهداف محفوظ على الدوام.... ثم أن "على دائى" عنصر ثابت و يلعب جميع مباريات المنتخب الإيرانى..ناهيك عن دورات الصداقة الدوليّة الكثيرة التى تنظمها إيران و يسجل فيها "على دائى".... فلا داعى إذن لتشتيت و كركبة أحوال منتخبنا و إضافة لاعب "زائر" له لأن حسام حسن يوم ما يحرز هذين الهدفين حتلاقى "على دائى" بعدها بيومين جايب نص دستة فى مرمى منتخب " جزر الماكاو"

تم تعديل 2 ديسمبر 2004 بواسطة disappointed

[disappointed]

let me think  :angry:

ملحوظة صغننة ..

ولو إنى ما عرفش مين هداف العالم الحالى .. لكن أنا متأكد إنه بقى هداف العالم بعد ما أحرز أهدافه فى فرق تقيييلة من عينة الدورى الانجليزى أو الألمانى أو البرازيلى .... إلخ ..

إنما الباشمهندس حسام لما يبقى هداف العالم فده هايحصل لأنه جاب اهدافه فى فرق زى السكة الحديد والألومنيوم والزمالك وإنبى .... إلخ

يعنى شتاااااااااااااااااااااااان ..

flrt:

لا يا عم "إسو"

ده الكلام عن لقب هدّاف العالم على المستوى الدولى مش على مستوى المسابقات المحلّية

بس على فكره... احب أوّضح لك حاجه خافيه عنك يا "إسو" :

فــــ..على عكس ما إنت معتقد :

الألقاب اللى من عيّنة " هدّاف العالم (سواءاً على المستوى الدولى أو المحلّى) ما بتروحش للاعبين كبار فى دول متقدمة كرويا زى ما إنت معتقد , لأن الهدّاف مثلا فى المنتخب الأرجنتينى أو الفرنسى أو الألمانى بيطلع عينه علشان يجيب جون لأنه بيلعب مع منتخبه ضد منتخبات قويّة فى إطار منافسات عنيفة ضد منتخبات ثقيلة زى البرازيل أو إنجلترا أو أسبانيا... و دى مباريات متوسط التهديف فيها قليل نظراً للتكافؤ و المستوى التكتيكى العالى... و هو نفس ما يحدث على مستوى المسابقات المحلّية من جهة صعوبة إحراز مهاجم نادى قوى كاليوفنتوس مثلا فى أندية قويّة تنافسه فى مسابقة لدورى كالإنتر و لازيو و روما و الميلان

اما الدول التى تلعب دوليّا فى إطار مستويات متدنّية (كتصفيات آسيا مثلا التى نسمع فيها عن أسامى جزر و أرخبيلات ما أنزل الله بها من سلطان , أو تصفيات مجموعة أوشيانيا "الأوقيانوسة" التى تضم فيجى و ساوتومى و خلافه) فإن فرصة تسجيل مهاجم من فرقة نص نص لعدد قياسى من الأهداف تكون كبيرة... عندك مثلاً "خوداداد عزيزى" الإيرانى جاب 9 أهداف فى مبارة لمنتخب إيران ضد منتخب المالديف فاز فيها الإيرانيين 17-0... و عندك مثلا سامى الجابر جاب 6 أهداف فى مباراة بدورى أبطال العرب لنادى الهلال السعودى فى مرمى نادى الدرك الجيبوتى فى المباراة التى إنتهت بفوز الهلال 11-0 (ماكمّلوش الفورة علشان الدنيا ظلّمت)

و نفس الكلام ينطبق بالطبع على المنافسات المحلّية التى تضم مستويات متدنية و تنعدم فيها روح المنافسة

و لهذا فإن هذه الألقاب من الأساس غير واقعيّة و هى أرقام إحصائيّة بحتة ليس لها دلالة حقيقيّة عن قدرات المهاجم الحاصل على اللقب

تم تعديل 2 ديسمبر 2004 بواسطة disappointed

[Cleo]

فهل المصالح الشخصيه

تحرم مصر العزيزه

من هذا الانجاز الغالى

:angry: flrt:

أسفة على الفذلكة... بس بصراحة استوقفتنى بشدة هذه الجملة..

طيب ممكن تعرف مفهومك عن الإنجاز؟؟؟ وما تعنيه بكلمة "غالى"..!!!

هل أصبحت أعز أمانينا و أغلى إنجازاتا أن نشوط كورة تدخل فى شبكة "العدو" و الناس تتفرج علينا زى و هى بتقزقز لب..!!

[عصام]

و لهذا فإن هذه الألقاب من الأساس غير واقعيّة و هى أرقام إحصائيّة بحتة ليس لها دلالة حقيقيّة عن قدرات المهاجم الحاصل على اللقب

طول عمرى شابف كده .. rs:

بس تقول لمين؟ :angry:

كان فيه كام كلمة كده ما عرفتش أقراهم فى المداخلة بتاعتك .. هابقى أكلمك فى التليفون تشرحهم لى .. flrt:

[disappointed]

فماذا حدث؟؟؟  حقق الغير متصوّر وفاز 5-0 على أرض الخصم و حصل على كأس البطولة .. يبقى الأمل دائما موجود لآخر لحظة

و ما هى ببعيدة عن الأذهان مباراة إنبى و الأهلى فى نهاية الدورى و التى طار فيها درع الدورى من بين ضلوع الأهلى ليستقر كالرصاصة فى حضن الزمالك

(لامؤاخذه يا "إسّو" ياخويا :P :P flrt: )

:angry: rs:

تم تعديل 2 ديسمبر 2004 بواسطة disappointed

[egyptforever]

و تأكيدا لكلام العم محبط

على دائي هداف العالم على مدار التاريخ

و من زمان و هو هداف العالم بس اللي ظهر الموضوع انه اصبح اول لاعب في التاريخ يتخطى حاجز المائه دوليا

اما زعامته للعالم فتحس بيها لما تعرف ان الجوهره السوداء بيليه سجل مع منتخب بلاده حوالي 80 هدف

و اللي كان بيتنافس مع على دائي اعتقد ديستفانو و سجل 84 هدف

يعني من حوالي سنه كده و على دائي هداف العالم

اما كيفيه الوصول للرقم ده المفروض على مصر تلاعب فريق تشاد 20 مبارد دوليه وديه علشان واحد يوصل للموضوع ده

من اسبوعين على دائي جاب 4 اهداف في لاوس

و كان في على رأي العم محبط فرق زي الماكاو و بوتان و المالديف و دول فرق حصاله

ده الكويت غلبت ماليزيا 6 و ماليزيا بالنسبه للدول دي حلم لا يمكن الوصول اليه

مبروك يا عم دائي و عقبال ال 200

[عم الطيب]

فهل المصالح الشخصيه

تحرم مصر العزيزه

من هذا الانجاز الغالى

:unsure: :blink:

أسفة على الفذلكة... بس بصراحة استوقفتنى بشدة هذه الجملة..

طيب ممكن تعرف مفهومك عن الإنجاز؟؟؟ وما تعنيه بكلمة "غالى"..!!!

هل أصبحت أعز أمانينا و أغلى إنجازاتا أن نشوط كورة تدخل فى شبكة "العدو" و الناس تتفرج علينا زى و هى بتقزقز لب..!!

يسلم لسانك يااخت كليو .

اديهم كمان وكمان

[afiona]

بكل الارقام منتخب مصر لن يصل الى نهائيات كأس العالم

الفرصة ضعيفة ولكن مازلت قائمة حسابيا وان كانت تعتمد على اقدام الاخرين بمعنى ان تخسر ساحل العاج مباراة بالاضافة لفوزنا عليها فى ابيدجان . طبعا غير الفوز على الكامرون فى ياوندى ... :unsure:

ما هى ببعيدة عن الأذهان مباراة إنبى و الأهلى فى نهاية الدورى و التى طار فيها درع الدورى من بين ضلوع الأهلى ليستقر كالرصاصة فى حضن الزمالك

:blink:

يومها انا توقعت هزيمة الاهلى بس قلت غالبا الزمالك حيتعادل عشان تبقى حرقة دم من العيار التقيل .... بس عملوها الولاد والله و رجع الدورى للفريق الاقوى والاحسن زى الوردة ....

بخصوص جدو حسام حسن ... فهو كلاعب انجازاته عديدة ويتفوق رقميا على فطاحل من امثال الخطيب وجمال و ابوجريشة و الشاذلى فى معظم المجالات وان كانت المقارنة غير عادلة لاختلاف الزمان وطرق اللعب وعدد المباريات و الاصابات ...

لكن حسام اراه عامل مدمر للchemistry لاى فريق و عامل هدم للاعبين الاخرين لغياب مفهوم الفريق كلية عنه ونرجسيته الشديدة بالاضافة لاخلاقه المنفلتة فى الملعب ......

[yasser]

تحيه لافراء المنتدى جميعا

مع شكرى الجزيل على المداخلات الرائعه

شكر خاص على تعديل اسم الموضوع

لكن ن ن

فى اخر مباره لحسام فى المنتخب

احرز هدفين فى اخر خمسه دقائق من المباراة

فهو قادر على الانضمام للمنتخب بمستواه

واحرز هدفين فى اخر مباراة مع المصرى

اما المصالح الشخصيه

فلما>ا لم يضم محسن صالح حسام حسن

وهو فى قمه مستواه وهداف الدورى العام

اما بخصوص انه لا احد يعرف من هو هداف العالم فكيف عرفت

على دائى

وبوشكاش

اما انها انجاز

فان عميد لاعبى العالم يحسب للاكثر لعب لمنتخب بلاده

فبالتقييم هى اقل من الهداف

فرئيس الاتحاد الدولى نفسه وبلاتينى حضروا لتكريم العميد

وقالوا الاعب المصرى

اما بخصوص قيمه اللقب الكبيره

فتكون اننا فى منتدى الرياضه وهو انجاز ريا ضى بلا شك

اما بخصوص ان حسام احرز الاهداف فى انديه ضعيفه

فهى حجة البليد

اين باقى نجوم ولاعبى مصر والدول الاخرى

لما لم يحرزوا اللقب

اما ان كانت الالقاب غير حقيقيه فلما يقرها الاتحاد الدولى

ان اردت ان تعرف من هو حسام حسن

اسأل

نادر السيد

وعبد الواحد السيد

وعصام الحضرى

شكر جزيل لاصدقائى الاعزاء

لفينا العالم لفينا:::::::::زى حسام ما لقينا

[Cleo]

فييييييييييييين التعااااابييييييييييييييين؟؟؟؟؟؟؟ rs:

فين الإنجاااااااااااااز.......!!!!!

حققنا فرص عمل لآلاف العاطلين؟؟

حلينا مشكلة الجواز؟؟

حققنا اكتفاء ذاتى من الغذاء؟؟؟

محينا أمية 100% من المصريين؟؟

أصبحنا نمر اقتصادى؟؟

سلحنا الجيش بما يرضى الله؟؟؟؟

فيييييييييييييييييين الإنجااااااااااااااز....!!!! حد يشاورلى عليه كدة... أيوة... فين بأة؟؟؟ rs:

[yasovinas]

كليو سيبك من الانجازات اللي انت بتطلبيها

خلينا ندق على نفس الوتر اللي بيدقوا عليه الرياضه

فيييييييين الانجااااز هداف العالم من ايران وايران ليس لها موقع على خريطة العالم الرياضيه هل على دائي هداف العالم اضاف شيء لاسم ايران الرياضي

يعني لو افترضنا ان ايران عايزة تنظم بطوله وعلى دائي مندوب عنها وبصفته هداف العالم

ومقابلها فرنسا ومندوبها زين الدين زيدان

يا ترى تتوقع ايران تاخد كام صوت

اما بقى لو مصر مكان ايران ومندوبها حسام وكان هو هداف العالم وعميد العالم ولواء العالم كمان برضه هنفضل في الانجاز الرهيب بتاعنا

وبعدين انتم عاملين بالمثل اللي ما يرضاش بالخوخ يرضى بشرابه

صفر

[egyptforever]

متهيألي المشكله دي بقت عندنا في كل حاجه

بندور على اي انجاز ولو حتى وهمي

و علشان مافيش انجازات فعليه في الحاجات اللي بتهم الناس

لقينا البحث عن الانجازات في التوافهه

فلقينا اهتمام مبالغ فيه لما يوسف شاهين خد جايزه من مهرجان كان مش عارف في ايه

و اهتمام مبالغ فيه اكتر لما سمعنا ان حسام حسن عميد لاعبي العالم

و اهتمامات اكثر تفاهه و اكثر فراغه

بس زي ما قال العم ياسو

الانجاز لازم نقارنه بانجاز تاني علشان نعرف هو يساوي ايه

و للاسف كل انجازاتنا من بعد زويل صفر كبيييييييييييييير على الشمال

[yasovinas]

بمناسبة صفر المونديال قرات امس في الجريده ان اللجنه المشكله للتحقيق في صفر المونديال برءت ساحه على الدين هلال لانه مش مسؤول عن التفاصيل الماليه tot::

ولبس المصيبه كلها رئيس جهاز الرياضه tot:: مش عارف اسمه ايه

شفتم بقى الوزراء عندنا مش مسؤولين بس طراطير يطلعوا في الافرح والمناسبات eey:: eey::

[yasovinas]

الحق يا جدع

حوش يا جدع

تصحيح معلومات

هداف العالم الان هو على دائي الايراني بعد تربع بوشكاش على هذا اللقب مند1965 برصيد 84 هدف

بينما الجوهرة السوداء بيليه توقف عند77هدف

على دائي وصل رصيده الى 102 هدف (دولي)

اي ان دائي اول يليه بوشكاش وبيليه

اما المعلومه اللي عايزين نصححها

تضم قائمة افضل 20هداف دولي خمسة لاعبين عرب

اولهم يحتل المركز السادس على العالم هو

ماجد عبد الله السعودي 67 هدف من 139 مباراة

ثانيهم في المركز السابع دولياً

حسام حسن برصيد 63 هدف من 163 مباراة

وفي نفس المركز اللاعب الكويتي جاسم الهويدي واحرزهم في 74 مباراه

بعدهم بشار عبد الله الكويتي ايضاً المركز 14 دولياً 55هدف قي 78 مباراة

هو 63+2=103 ؟؟؟؟؟؟؟؟؟

تم تعديل 13 ديسمبر 2004 بواسطة yasovinas