يا عم أمشى بقه بلاش مسخرة أكتر من كده .

[متعب]

http://www.youtube.com/watch?v=3FcphMRUmnM

[se_ Elsyed]

الغريبة إن في ناس لسه مصدقة وعايشه في الوهم وبتقول

حرام عليكم خربتوا البلد .. إيه ما بقاش في إحترام للرموز ؟

على فكرة .. كانوا بيعتبروا مبارك رمز

ومتاكد مليون المية إنه كانوا هايعتبره إبنه رمز من بعده

الغريب إن هما هما نفسهم عُمر عينهم ما جت على المئات اللي إتقتلوا وفسروا لنا وقالوا هما ليه إتقتلوا ومين اللي قتلهم .... وهل اللي بيقتل شعبه وولاد بلده يبقى رمز ؟

[متعب]

الثورة كشفت كل الوجوه بطريقه غير عاديه

اعتقد الكل كان متصور ان هناك فاسدين وحرميه ولصوص ووو

واستحاله حد يتخيل للحظه انهم مافيا دوليه واسرة واطيه مع بعضيها بالشكل ده

والادهى ان الشعب كان فاهم انها حكومه وانه شعب تابع للحكومه دى

وبعد الثورة اكتشفنا انها عصابه محنكه بشكل مدروس بدقه متناهيه وكله مناسب بعضه وعملين شبكه قزرة قوى من الترابط المادى والاسرى بشكل غير مسبوق فى كل حكومات العالم

فى كل بلدان العالم التى قامت بها الثورات العربيه رأينا فى كل وزارة انشقاق وفى كل جهاز امنى

ماعدا مصر . مع الاسف الى الان لم يحصل اى انشقاق من اى نوع من كل اجهزة الدوله دونا عن العالم العربى

اكتشفنا ان القضاء النزيه مش نزيه والازهر والمؤسسات الدينيه كباريه فى شارع الهرم عنده مبادىء ومثل عنهم

اكتشفنا شرطه همهم وشغلهم الشاغل سرقه المواطن مش امنه من اول العسكرى الى وزير الداخليه

اكتشفنا ان جيشنا ال تلاتين سنه بنقول عليه باسل ومغوار مش جيش لحمايه مصر او لحمايه وطن . ده لحمايه نظام حاكم

اكتشفنا ال ما يصدقه عقل ولا اى منطق ايا ان كان

معقوله دى مصر ال كنا عايشيين فيها وفكرينها دوله ليها سياده

هى دى الثورة ال كشفت الوجه القبيح

او نقدر نقول عليها على كده انها بروفه ثورة فى ظل نفس العصابه الحاكمه

يبقى الثورة الحقيقه قادمه لامحاله بعد ما اكتشفنا انهم سارقين ناهبين قاتلين مع بعض

[محمد عبدالعزيز]

شوفوا فاروق الباز كان بيقول إيه فى المظاهرات أيام الملك

آه لو كان قال كده على رئيس حى من بتوع دلوقتى... كان زمانه متعلق من ودانه فى مجلس الشعب

من أول الدقيقة 6...

http://www.youtube.com/watch?v=6tofae-PGZQ

[متعب]

المظاهرات بالفعل كانت بتوصل ايام الملك لقصر عابدين ال بيقيم فيه الملك نفسه .

ده حقيقى والدنيا كلها بتقول كده

بس لمااتقلبت جمهوريه ممنوع تعدى بس من جمب القصر الرياسى

ولو رحت بمسيره سلميه لوزراة الدفاع تنضرب بالنار