إلا أخبار نقل المخلوع لسجن طره إيه ؟

[se_ Elsyed]

شوفتوا إن إحنا لسه شعب طيب ومهاود

او نقدر نقول شعب ثائر من بره . .. بس طري ومقرمش من جوه ههههههههههههههههههههه

لأ وتلاقي أعضاء مجلس الشعب من شهرين .. ععععععععععععععع هههههههههههههههههههه هوووووووووووووووووووووو ههههههههههههههههههي ... وألهتنا العوالي لنقلن مبارك لسجن طره مكبلاً بإغلاله ... دعونا نأخذ من كل مجلس قبيلة وننقلة غصب عن اللي خلفوه إلى العمبوكة

وكالمعتاد تتكون لجنة من جواها لجنة من داخلها لجنة ... ويروحوا ويتصوروا في السجن ويعاينوا المستشفى ويلاقوها زي الفل

والنائم العام في حد زغده وراح عامل تقرير بيؤيد فيه صلاحية المستشفى وإنه يجب نقل السجين للمستشفى ....

ويتعرض ده كله موزه مقشرة على رجل العدال الأول في مصر المستشار احمد لا مؤخذه رفعت .. وخخخخخخخخخخخخخخخخخخخخخخخخخخخخخخخخخخخخخ الموضوع يذهب إلى حيث مثواه الطبيعي في سلة الزبالة اللي على يمين احمد رفعت وإنت قاعد في مقصورة الدرجة الأولى

وإبقوا قابلوني لو شوفنا خير طول ما الغني الحرامي بيتدلع وبنغني له ماما زمانها جاية

[se_ Elsyed]

لأ وبعدها بإسبوع بعد ما نقلوا معظم عصابة مبارك - الهفأ على فكرة - إلى سجون أخرى

تثبيت كالمعتاد

لأن جمال وعلاء واللاشريف وسرور وزكريا عزمي ... يعني العتاولة لسه موجودين في سجن المزرعة حثي أشجار المانجو ونخيل الزيزفون وملاعب التنس اللي ولا في رولان جاروس ... والحجه ( أصل سنهم كبير ما يصحش يا أخوانا )

المهم برضوا المجلس كون لجنة وراحوا عشان يتأكدوا إنهم مسجونين ومذلولين ... وخرج علينا واحد من الأخون السلفيين أعزهم الله وقال إنه عيط لما شاف علاء مبارك وتذكر حديث بغية بني إسرائيل اللي دخلت الجنة عشان أكرمت كلب أزعكم الله .. وعيط وهو بيحضن علاء مبارك

شوفتوا مرض ستكهولم وصل للنخاع إزاي ؟

مع إن نفس الأخ ده ما راحش زار إخواته اللي لسه معتقلين في سجن العقرب تخيلوا ؟

ويا عيني نقل لنا شكوة علاء مبارك من إن الفيلا الدوبلكس ضيقة شوية ... وإنه عاوز يزودوا حصة الرياضة اليومية عشان يقدر يلعب تنس ويلعب في مناخيره براحته

أنا مش بأهزر .. دي مطالب حقيقية قدمها لهم علاء مبارك ونقلوها لنا السادة الأعضاء وهما بيعيطوا

[hOuSsAm]

خلاص بقى ياعم احمد هى مش كانت شاى بلبن

طيب اخبار ماسبيرو ومحمد محمود واحدث بورسعيد ومجلس الوزرا وقضية الامريكان وخط الغاز والضبعة وقتل المتظاهرين فى 25 يناير وكشف العذرية كل ده ومجلس الشعب فين !!!!!

مستنيين ايه؟؟؟

خليهم يتسلوا شوية

[أسد]

إنسى ...

إنت لسه فاكر ... ولا تكونش واخد الموضوع بجد ... !!!

[ام سلمي]

اللي اعرفه ان المحكمة رفضت توصيات مجلس الشعب ان المستشفي جاهزة

فيديو.الشاعر:رفض نقل مبارك لطرة قرار سياسى

و الداخلية قالت بعدها ان المستشفي حتيبقي جاهزة قبل اخر مارس

الداخلية: مبارك بمستشفى طرة قبل 31 مارس

[se_ Elsyed]

طب وهو رفض المحكمة ده تم سُكيتي من غير قرار او حكم رسمي منطوق أو مكتوب ؟ طب وإيه حيثيات الحكم ؟ يعني أحمد رفعت راح بنفسه عاين المستشفى او بعت إبنه هيثم مثلاً وفعلاً لقى اللجنة الصحية كدابين ولقى النائب العام كداب هو كمان وان المستشفى بايظة وما تليقش بسجين محترم زي المخلوع ؟

[wahed_masry]

السلام عليكم

بإختصار شديد جداً

عاوزين ريس دكر

وليس فى هذه فقط وإنما فى أمووور كثييييييررررة

وفى النهلية

يا خوفى

يا شفيق

يا راجل

يا عمرو

استرنا يارب

اللهم ملى علينا خبارنا ولا تولى علينا شرارنا

قولوا أمييين

عندما أجد وقت سوف أفتح موضوعا أخر بإذن الله أتطرق فيه إلى أمور واضحة للجميع ولكن لا يراعا الكثيرون

تحياتى

تم تعديل 10 مارس 2012 بواسطة wahed_masry

[ام سلمي]

طب وهو رفض المحكمة ده تم سُكيتي من غير قرار او حكم رسمي منطوق أو مكتوب ؟ طب وإيه حيثيات الحكم ؟ يعني أحمد رفعت راح بنفسه عاين المستشفى او بعت إبنه هيثم مثلاً وفعلاً لقى اللجنة الصحية كدابين ولقى النائب العام كداب هو كمان وان المستشفى بايظة وما تليقش بسجين محترم زي المخلوع ؟

طب ايه الحل يا استاذ سي السيد

القضاء مش مظبوط ، وانا حاسة بنسبة 99 في المية ان مبارك حيطلع براءة هو كمان

و حتي النائب العام لما مجلس الشعب طلب عزله القضاة زعلوا وبعتوا رسالة ان مجلس الشعب مش اختصاصه القضاء

وده تدخل في شئونهم و تعدي علي فصل السلطات و ان مجلس الشعب مش من حقه فصل النائب العام،

وحتي قرار السماح بسفر الامريكان برضه القضاء هو السبب فيه ، و بعض القضاة دلوقتي بيدافعوا عنه

و بيقولوا ان منع سفرهم كان غير قانوني اصلا ، وكأن القوانين دي بالراي و كل واحد ممكن يبقي ليه وجهة نظر مختلفة

ايه الحل دلوقتي ، القضاء بقي زي العقلة في الزور كل قرار كويس بيقف عنده و ينتهي

[se_ Elsyed]

الحل ببمنتهى البساطة

طظ فيهم كلهم

وتكوين محكام ثورية .. تخلص الموضوع في 5 دقايق

هو مش إحنا الشعب برضوا وإحنا اللي نقرر ؟

[se_ Elsyed]

#رصد | الأهرام | مساعد وزير الداخلية : مستشفى طرة جاهز .. وفي انتظار قرار القضاء بشأن نقل مبارك.

عاوز حد خبير قانوني أو حتى في سنة أولى حقوق يفسر لي كيف أن قاضي ما يقعد يدرس في موضوع زي ده شهرين مثلاً ... ليه هي قضية جنائية ؟