(خلاص ... تنزل المرة دى) الكلمة الأخيرة كلمة مين؟

[عصام]

بينما أنا فى الطريق إلى العمل .. شد انتباهى موضوع طرح للمناقشة فى إذاعة الشرق الأوسط ..

الموضوع ببساطة .. "الكلمة كلمة مين فى بيت الزوجية" الرجل ام المرأة ؟

وتوصلوا إلى استنتاج أن الكلمة الأخيرة للمرأة ولكن ينطقها الرجل .. والحقيقة عجبنى الاستنتاج ده جدا!! flrt:

لكن أنا أريد أن أناقش الموضوع من زوايا متعددة ومن منظور كل منا .. ليشمل الزوجة المستبدة .. أو الزوج الضعيف .. سبب استبدادها وسبب ضعفه ..

لأنى أعتقد أن هناك نقاط كثيرة جدا ومتشعبة تدفع الأمور بالمنزل للسير فى اتجاه معين .. كما تدفع طرفا للانصياع للطرف الآخر ..

مثلا .. ولتقريب المعنى ..

كون الزوجة تعمل وتساهم فى مصروفات المنزل ..

كون الزوجة تربت ونشأت فى مستوى اجتماعى وعائلى أعلى من مستوى الزوج ..

كون أحد الأطراف (بلاش الزوجة :angry: ) يتمتع بمستوى ثقافى أعلى بكثير من الطرف الآخر ..

كون الزوج يعيش فى شقة تملكها الزوجة أو أحد أبويها ..

كون الزوج يعيش فى منزل أسرة الزوجة ...

كون الزوج "عاطل" مؤقتا بينما الزوجة تعمل ..

إلخ ....

كل النقاط التى سبق ذكرها تؤثر قطعا بشكل أو بآخر فى "الكلمة كلمة مين" .. :P

ما حدش يفهمنى غلط rs: أنا مستقر جوازيا وزى الفل .. والكلمة كلمتى والشورة شورتى .. (وشورتى أحمر ف أبيض :P )

[Katamando]

والكلمة كلمتى والشورة شورتى .. (وشورتى أحمر ف أبيض  :angry: )

وآدي حال كل الزمالكاوية

لازم نواجه نفسنا ونقر بأن الحكاية كده هما يقرروا واحنا الناطق الرسمي ..... والموضوع نسبي حسب القرار.... يعني لو متعلق بقرارات مصيرية لازم يكون الراجل هو صاحب القرار أما المواضيع الثانوية فهي صاحبة القرار

وللتفسير

الموضوعات المصيرية من أمثلتها :

الصراع العربي الاسرائيلي

اتفاقية الجات

انتخابات الرئاسة الأمريكية

اسعار العملات

أما غير ذلك فهي موضوعات ثانوية

[se_ Elsyed]

أما أنا بقى فباين من إسمي طبعاً ومش محتاج كلام fsh:: me0: s-:

بس انا ماشي على المبدأ الشهير بتاع إعلان شيبسي ...

جوه البيت بره البيت خد الشيبسي معاك ...

يعني جوه البيت هي سي السيد وأنا راجل ضيف ... وأنا مالي انا تطبخ فاصوليا تطبخ سبانخ .. ولا تغسل النهاردة ولا بكره ... الحاجات خاصة بالعيال .... يعني معظم القرارات التنظيمية داخل البيت لا أتدخل فيها مطلقاً إلا في بعض الأحيان لأثبت لنفسي بين الحين والأخر إني لسه حِمش ومن قبيل الغلاسة يعني ..

الحاجات البرانية بقى .. فأنا الكل في الكل ... قرارات مصيرية .. أمور مالية ... بيع شرا عمولات سمسرة سفريات ... كل ده رأي الزوجة بيبقى إستشاري واوقات كتيرة طبعاً لما يكون عقلين بيفكروا أحسن من واحد فقط ولا خاب من إستشار ...

العملية ليست بتلك البساطة التي نتحدث عنها ولكن مع الوقت خلاص المواضيع بتبقى واضحه وكله بيبقى عارف دوره ....

أما بقى موضوع حاضر يا ست إحسان والشورة شورتك والرأي رأيك .. أو انا لأ أنا لأ أنا جوز إلهام اللي ساكنه في التالت ...

فالحاجات دي بتبقى في الأفلام العبيطة بس .. وطبعاً موجود بعضها في الحياة الواقعية ، بس الجميع يتفق على إن البيت ده بيبقي في حاجة غلط طالما الست هي اللي بتسوق والراجل بيبقى مجرد إسمه إيه ده .. خيال مآته .

[إبن مصر]

rs:

rs:

:D

لا حول ولا قوه الا بالله....لا حول ولا قوه الا بالله....

لا حول ولا قوه الا بالله....

لا حول ولا قوه الا بالله....

[Cleo]

زمااااااااااااااااااااااااان....

كان الراجل يعمل فترة واحدة، و يقضى وقت أطول مع أسرته، ويباشر أمورهم ويكون قريبا منهم وبالتالى يتعاظم دور مسئوليته ناحيتهم... و من هذا المنطلق.... منطلق المسئولية، وبما أن هو المسئول، كان هو اللى بياخد القرارات...

دلوقتى معظم الرجالة بتقضى معظم حياتها فى العمل، و بييجوا البيت زائرين... أكل و نوم و شوية تليفزيون.

مفيش وقت يقعد مع الأسرة، العلاقة تبعد شوية شوية... ينشغل بأمور عمله الذى يستغرق حياته كلتها عن أمور البيت و الأسرة...

بل إنه فى كثير من الأحيان يجهل عن حياة أولاده أو زوجته... عنئذ يبقى صعب جدا إن ولى الأمر يتولى الأمر و هو مش فاهم حاجة و لا عارف حاجة عن "رعيته".. و الزوجة هى التى تدير الدفة... فتصبح هى صاحبة القرار ويختزل دور الزوج فى الأسرة بأنه بنك وواجهة اجتماعية المدام تاخده معاها فى المناسبات العامة

[إبن مصر]

ويختزل دور الزوج فى الأسرة بأنه بنك وواجهة اجتماعية المدام تاخده معاها فى المناسبات العامة 

عاجباك كده ...

عاجبك كده مش قلتلك بقيت فترينه يا سيدى فتررررررينه....

لا حول ولا قوه الا بالله

ادى اخره الى يشغل الراديو وهو راكب عربيته ورايح الشغل ....

فين ايامك يا امتثال كان كبيرك اذاعه القران الكريم .. وبس ..

الطف يا رب

الطف يا رب

[عصام]

الطف يا رب

الطف يا رب

مش هاتبطل بقى يا ابن مصر تاخد كل الكلام على نفسك ؟ rs:

يعنى حطيت مداخلة "لا حول ولا قوة إلا بالله" وكنت هاحذفها لك علشان قولت مالهاش علاقة بالموضوع لكن اتضح إنها فى صلب الموضوع .. ظلمتك والله rs:

[إبن مصر]

ما فيش فايده اسو لسه سخن من امبارح .....

والكحه اثرت عليه جامد جدا...

ربنا يشفى

ربنا يشفى

[Sharkiah]

كون الزوجة تعمل وتساهم فى مصروفات المنزل ..

كون الزوجة تربت ونشأت فى مستوى اجتماعى وعائلى أعلى من مستوى الزوج ..

كون أحد الأطراف (بلاش الزوجة  ) يتمتع بمستوى ثقافى أعلى بكثير من الطرف الآخر ..

كون الزوج يعيش فى شقة تملكها الزوجة أو أحد أبويها ..

كون الزوج يعيش فى منزل أسرة الزوجة ...

كون الزوج "عاطل" مؤقتا بينما الزوجة تعمل ..

إلخ ....

rs: )

طب وده بيعمل فى نفسه أصلا كده ليه ؟ وإيه إللى خلاه يتجوز بالطريقه دى ؟ وإزاى يقبل على رجولته وكرامته وكبريائه حاج ات زى دى ؟

أوعى حد يقول إللى رماك على المر والكلام الخايب

إللى يعمل كده ويقبل يكون فى الوضع ده يبقى زى إللى بيشقلب الدنيا فى ناحيه وعايز يعدلها من ناحيه تانيه

[عصام]

يا شرقية يا اخويا

صوابعك مش زى بعضها ..

ولله فى ذلك شأن طبعا ..

فقد ما تعتبره أنت خطأ قد يعتبره غيرك صح ..

ولكن ليس هذا هو السؤال ..

أقرب المعنى شوية ..

أنا أعتقد أن الأمر شورى ..

وهناك مسائل كثيرة جدا تستطيع الزوجة أن تدلى بالرأى الأصوب فيها ..

وهناك مسائل أخرى كثيرة أيضا لا تستطيع أن تدلى فيها بالرأى السليم وذلك نتيجة طبيعية لتغلب العاطفة على العقل عند النساء ..

ولكن فى النهاية يجب ان يكون هناك شورى .. والأهم أن يكون هناك "راجل" و"ست"

[Sharkiah]

ماهو كده ياملك البترول مش مختلفين ، طبعا فى شورى ، ومش بس كده ممكن زوجتى تبقى بقدراتها إللى وهبها لها الله تفهم فى حاجات معينه أحسن منى ومن الجنون ألا ألجأ لها وألا أستغل قدراتها

بس أنا إللى كان قصدى عليه فى مداخلتى الأولى هو إن صحيح صوابعى مش زى بعضها إنما فى النهايه كلها لازم تفضل صوابع ، صوابع بنى آدمين مش صوابع زينب ، يعنى الراجل راجل ، هو إللى يجيب البيت وهو إللى يتحمل مسؤليته وهو إللى يتكفل بكل مستلزمات مراته من مسكن وملبس ومأكل ، مش يبقى زى ضرفه الباب طول بعرض ويقبل يسكن فى بيت مراته أو بيت أهلها أو هى أو أهلها يصرفوا عليه كوضع مستديم

[yasovinas]

لازم نواجه نفسنا ونقر بأن الحكاية كده هما يقرروا واحنا الناطق الرسمي .....

أما غير ذلك فهي موضوعات ثانوية

كتموندو روعه في الجووووووووون

جون

جون

جون rs: rs:

[yasovinas]

لا لا نتكلم جد شوية

شوف يا سيدي الفاضل طبعا اذا في اي مؤثر خارجي من اللي ذكرتهم في اول الموضوع الشقة العمل الصرف اي من هذه الاسباب سوف تكون الكلمه كلمة الزوجه مباشرة لاننا هنا اغفلنا شرط القوامه (الرجال قوامون على النساء بما انفقوا وبما فضل الله بعضهم على بعض)

لكن وبرضه من غير وجود هذه الحالات البشاذه تعالوا نتفاهم من الاول خالص

انت راجل شاب حديث التخرج او لنقل متخرج من مده او حتى طالب وبتدور على عروسه

وهي فتاه لها اكيد مزايا قد تكون جمال الشكل او الروح او الشياكة اي شيء واللي ذكرتهم على سبيل المثال لا الحصر انا عارف كليو واقفالي على الواحد وهتلاقيها بتقولي بتبص للمراءة بسطحيه

المهم انت عجبتك واحده من بنات حوا لكن انت معجبتهاش مش هتقدر لا تقرب منها ولا تتجوزها صح يعني القرار هنا قرار الهانم

العكس صحيح انت عجبت واحده تانيه هي هتتخذ الاجراءات اللازمه والكفيله بان تخليك في الاخر تقرر تتقدم لها وبالتالي يكون القرار قرارها والمبادرة منك

في البيت اي حاجه هي عايزاها هتلاقيها بتخلق اسباب لها وبرضه انت اللي تاخد القرار اما لو انت اقترحت اقتراح ومش على هواها او مش عن طريق ايحائها لك هتطلع فيه القطط الفاطسه

لكن وللامانة كل هذه الاشياء ما عدا موضوع الجواز بتكون حاجات ثانوية يعني نشتري ايه نصيف فين الاجازة امتى

اما بالنسبة للقرارات المهمه فاظن ان افضل طريقة فيها بتكون النقاش ويجب الاتفاق من الاول على مبدا اقنعني او اقنعك ولكن في حالة عدم اقتناع اي من الطرفين براي الآخر ،،،،،،،،عفواً راي الراجل هو اللي يمشي

ولو على رقبتى

تحياتي لام العيال rs: