مهزله ال CTA

[إبن مصر]

بعد ان اضطرتنى الظروف الى استخدام المواصلات العامه مره اخرى لم اصدق نفسى وانا اركب الاتوبيس المكيف قصدى الى كان مكيف .

فلقد ظللت اركب الاتوبيس رقم 795 والذى يأخذ طريق المحور من رمسيس الى6 اكتوبر لمده 3 سنوات .

ولكن فى اليومين الماضيين حدث الاتى:

1- الاتوبيس لم يعد مكيف بل فى حاله مزريه جدا.

2- مواعيده اصبحت هلاميه .

3- دفعت التذكره مره ب 1.5 ج وفى اليوم التالى اصبحت 2.5 ج ثم دفعتها اليوم مره اخرى 1.5 ج؟؟؟؟؟؟؟؟

سألت يا اخوانا ايه البرجله دى ؟؟

اىنفجر السائق وقال ان رئيس مجلس الاداره الجديد بوظ الدنيا فبقى الاتوبيس الى يطلع وفيه كمسرى التذكره بتاعته ب 1.5ج !!!!!!!!!!!!!

والاتوبيس الى يطلع من غير كمسرى التذكره بتاعته ب 2.5 !!!!!!!!!!!!!!!

والله العظيم اكتر من سواق قالوا كده..

وهو نفس الاتوبيس ونفس الخط ...

ما معنى هذا الا انها مهزله وتسيب وتدمير متعمد لهذا المرفق؟

ما معنى هذه المهزله التى تصل يوميا الى اقسام الشرطه فالجميع يظن بالسائقين الظنون وهم لا يفعلوا الا ما يؤمروا به؟؟؟؟؟

لا اعتقد ان مثل هذا الامر لابد من السكوت عليه .

ولا حول ولا قوه الا بالله

[Cleo]

أيام الأجازات أحب أخد أجازة أيضا من السواقة خصوصا لو هانزل وسط البلد... فبوصل بالعربية لأى موقف أوتوبيس مكيف و أستخدمه و أريح أعصابى...

حكاية إن المكيف أصبح مش مكيف، دى أنا لاحظتها من السنة اللى فاتت... وبقيت أقول لنفسى طب إيه المبرر إنى أدفع 2 جنيه؟؟ ما ممكن أخد مينى باص ب 50 قرش (؟؟؟) و أروح نفس المشوار و أهو مش مكيف بمش مكيف...!!!

هذا الحال أ}كد لكم سوف يصبح هو نفس حال تاكسى العاصمة و الأيام بيننا... و ابقوا قولوا كليو قالت. (وش واحد فاهم كل حاجة)

[Masrawy Abroad]

فيه حاجة مش مفهومة في مصر وهي الغياب المطلق لكلمة "صيانة دورية" وهي دي سبب البلاوي

تلاقي مستوى أي حاجة بينحدر للحضيض عشان غياب الصيانة الدورية او تقدر تقول انها بتتعمل فعلا بس على الورق .....نفس الحال للمباني الجديدة والفنادق اللي بتكون بتبرق أول شهر ليها وبعد بفترة بسيطة بتلاقيها بقت سودة هباب من التراب كأنها من أيام الهكسوس...نفس الموضوع بيحصل لعلم الدولة الرسمي "علم مصر" اللي بيصبح بعد فترة خرقة بالية بترفرف شكلها يصعب على الكافر.....ومفيش حد عنده نظر في المبني كله أو مسئول الصيانة حتى يفكر يغيره بعلم جديد نظيف كما هو الحال بدول ربنا اللي بتلاقي علمها بيبرق وبيتغير بصفة دورية

أعتقد الصيانة الدورية في مصر بتتم في شركة مصر للطيران... وده بس خوفاً من منظمة الطيران المدني وعشان ما نتفضحش دولياً في مطارات العالم وتبقى لينا حادثة كل اسبوع في بلد شكل بسبب ضعف الصيانة....غير كده اي حاجة جوه البلد عندنا شغالة بالبركة.....

** مشكلتنا يا سادة أزمة ضمير وأخلاق ليس إلا والغريب أن كوننا شعب متدين ويعرف ربنا لم يحل تلك الأزمة المزمنة بسبب الانفصام والفصل بين التدين والعمل**

[فــيــروز]

الاتوبيس الى يطلع وفيه كمسرى التذكره بتاعته ب 1.5ج !!!!!!!!!!!!!

والاتوبيس الى يطلع من غير كمسرى التذكره بتاعته ب 2.5 !!!!!!!!!!!!!!!

فالجميع يظن بالسائقين الظنون وهم لا يفعلوا الا ما يؤمروا به؟؟؟؟؟

هى التذكره مش بيبقى مكتوب عليها السعر mfb:

وكمان اول مره اعرف ان ال CTA له كمسرى !! :unsure: :blink: هو ده التجديد فعلا

تم تعديل 2 ديسمبر 2004 بواسطة فــيــروز

[وليد صفوت]

و أنا كمان اول مرة أعرف ان النشالين و الحرامية بقوا يطلعوا ال cta ينشلوا موبيلات الناس

فعلاً مسألة تحتاج لوقفة جادة

تحياتى......