هل يفعلها الجنزوري وينقذ ما تبقى من كرامته ويستقيل غداً ؟

[se_ Elsyed]

تدرس حكومة الجنزورى تقديم استقالتها، بعد تعرض 7 من أعضائها لعاصفة من الهجوم والاتهامات تحت قبة مجلس الشعب اليوم، وهو الأمر الذى دفع أعضاء الحكومة إلى عدم حضور الجلسة المسائية، مما حدا بالدكتور محمد سعد الكتاتنى رئيس مجلس الشعب إلى رفع الجلسة بعد دقائق من انعقادها.

وكشفت مصادر من داخل مجلس الوزراء، أن الحكومة ستبحث الأمر برمته فى اجتماعها غدا، وأن كل الخيارات مفتوحة، ومن بينها الاستقالة، خاصة أن معظم أعضاء الحكومة، غير راضين عن الهجوم الذى يتعرضون له من أعضاء مجلس الشعب، والذى صل إلى حد التجريح، وأن هناك حالة من التربص، بجانب ما يتردد من أن المجلس لديه نية سحب الثقة من الحكومة، لذلك يفتعل الأزمات معها لاكتساب شعبية فى الشارع قبل الإطاحة بها.

وأكدت المصادر، أن الحكومة قررت بحث تقديم استقالتها للمجلس العسكرى، لتفويت الفرصة على أعضاء البرلمان من اكتساب شعبية فى الشارع من خلال الهجوم الكاسح على الوزراء.

من جانبه هدد "الكتاتنى" الحكومة فى حالة عدم حضورها غدا لجلسات مجلس الشعب، بأن المجلس سيكون له رأى آخر.

عشان أنا بقيت ضعيف الذاكرة

فكروني كده بشباب الثورة اللي إتقتل منه العشرات كان بيقول إيه لما المجلس اعلن تكليف الجنزوري بتشكيل الحكومة ... وفكروني بموقف الأخوان الداعي للإستقرار وإننا لزام نديله فرصة يجرب فينا ... حد يفكرني لو سمحتم ؟

لكن ده لعب على كبير عشان يبقى الأخوان مسيطرين على السلطتين التشريعية والتنفيذية وإبقوا قابلوني لو حصل إستجواب واحد بعد كده ... لان هما الأغلبية .. ومرحباً بعودة الحزب الوطني الإخواني

"عطية": تطاول أعضاء البرلمان على الحكومة وراء غيابها عن الجلسة المسائية

الأحد، 11 مارس 2012 - 20:04

أكد المستشار محمد عطية، وزير التنمية المحلية، والوزير المختص لشئون مجلسى الشعب والشورى، أن سبب غياب الوزراء السبعة عن الجلسة المسائية لمجلس الشعب، هو تطاول بعض أعضاء البرلمان على الحكومة واتهامها باتهامات باطلة، فضلا عن مقاطعة البعض لبيان الحكومة وعدم الاستماع إليه لحين الانتهاء من إلقائه، مشيرا إلى أن الحكومة فضلت الاحتجاج والغياب عن الجلسة لحين صدور تعليمات جديدة.

وأضاف عطية، فى تصريح لـ"اليوم السابع"، أن كل ما يتداول حول نية الحكومة تقديم استقالتها ليست معلومات أكيدة، وأنهم لم يتلقوا أى تعليمات من الدكتور كمال الجنزورى، رئيس مجلس الوزراء حتى الآن، مشيرا إلى أنه سيتم بحث تلك التداعيات والأحداث التى حدثت بمجلس الشعب غدا فى اجتماع مجلس الوزراء، مؤكدا على أن كافة الخيارات مفتوحة من بينها تقديم الاستقالة.

[se_ Elsyed]

ياريت نتقي ربنا في مصر ونشتغل بقى بمعيار الكفاءة والخبرة .. مش الثقة واليغمه وتوزيع التورتة

[se_ Elsyed]

على فكرة

الراجل اللي جاي بعد كام شهر ده .. اللي هو الرئيس .. ههههههههههههههههههههههههههههههه لو عرف يمشي كلمة على مراته يبقى ميت فُل وتمنتاشر ..

لأن كده

المجلس التشريعي مش تبعه ومالوش حكم عليه

والمجلس التنفيذي اللي هو الحكومة مش هو اللي جايبها

والنقابات مش تبعه

والأحزاب هو مش منتمي لحزب

يبقى كده كل دوره في الحياة إنه يبقى راجل في بيته ههههههههههههههههههههههههههههههههههههههههههههه

[أحمد محمد]

عشان أنا بقيت ضعيف الذاكرة

فكروني كده بشباب الثورة اللي إتقتل منه العشرات كان بيقول إيه لما المجلس اعلن تكليف الجنزوري بتشكيل الحكومة ... وفكروني بموقف الأخوان الداعي للإستقرار وإننا لزام نديله فرصة يجرب فينا ... حد يفكرني لو سمحتم ؟

لكن ده لعب على كبير عشان يبقى الأخوان مسيطرين على السلطتين التشريعية والتنفيذية وإبقوا قابلوني لو حصل إستجواب واحد بعد كده ... لان هما الأغلبية .. ومرحباً بعودة الحزب الوطني الإخواني

لأ و الله أنت كدة يا أستاذي أللي هتخلني أتوة معاكم

في يناير اللي فات كان كل ألاصوات بتقول أن مجلس الشعب هو اللي يستلم السلطة لغاية الفترة ألاستهبالية دي ما تنتهي

دلوقتي لما قربو يشكلو هما الحكومة هنرجع تاني و نقول لأ مينفعش و هنعمل حزب وطني أخواني

أنا عارف أن اللي كان المقصود ساعتها هو تسلم السلطة من المجلس العسكري بس خلاص كدة بخ و عارفيين أن هما مش هيقدرو يشليو المجلس العسكري من الحكم دلوقتي

أهو هما بيعملو اللي يقدرو علية دلوقتي أن هما اللي يشكلو الحكومة لغاية ما يجي رئيس جديد و نعمل دستور

علي الاقل أن أحنا هنخلص من جدو الجنزروي و نشوف لما يستلمو السلطة التنفيذية في الفترة دي هيعملو أية

[مصطفى يونس]

هوا حضر اصلا دا بيقولك اعتذر لاسباب شخصية

دا بيعمل زى ما كان بيعمل نظيف (بينفض ليهم او بيحلقهم)

[se_ Elsyed]

لا أستقال ولا راح المجلس وخلى الكتاتني يضرب راسه في الحيط

وطنطاوي رفع سماعة التليفون وقال للكتاتني : ما تعيش في الدور وتنسى نفسك وكُل عيش

وفعلاً الكتاتني وأعضاء مجلس الشعب بياكلوا عيش

وحسب تسريبات وصلتهم من داخل المجلس العسكري .. قالوا لهم خلوا بالكم .. حل مجلس الشعب مازال في يد طنطاوي

وعشان كده الحمقة بتاعت الأيام اللي فاتت والحركات القرعة .. نزلت على مافيش

ومن النهاردة ما فيش حنفي ههههههههههههههههههههههه

[mamdowh]

على فكره مفيش منوفى بيستقيل من منصب هو حل من تلاته

- إما يموت

- او يسوى معاشه

- أو يتقتل