حقيقة موضوع سيارة الدكتور الكتاتنى

[raouf]

نبدأ بافيديو ونناقشه نقطة نقطة

اولا اللى بيفهم يعرف ان دى بى ام الفئة السابعة الشكل القديم اللى اتغير فى سنة 2008 ونزل ليه فيس ليفت

ثانيا واضح جدا من بوية العربية ومن ترميل الفوانيس انها مستعملة وكتير كمان

ثالثا الناس بتقول ان الشارع اترصف والواضح فعلا انه مرصوف بس من يجى سنتين ثلاثة وواضح جدا جدا من لون الرصف

رابعا شايفين العربيات الصغيرة والقديمة راكنة جنب البيت ازاى بامان طبعا اللى كان ساكن جنب اى وزير يعرف انه كان بيركن عربيته بعيد عن بيته بكيلو وزيادة

ومعلومة كمان العربية دى بتتجمع فى مصر من سنة 2007

رابعا رئيس مجلس الشعب وساكن فى شقة فى عمارة فى شارع 10 متر يعن لمؤخذة نص اللى فى المنتدى عايشين فى شقق ومناطق افخم بكثير

مع العلم انه دكتور يعنى متعلم ومعاه شهادات اعلى من معظمنا واتوقع اللى زيه عندهم فلل وبالحلال كمان

المهم بقى ان الناس مستنياه وبتسلم عليه وواضح ان ده كان اول يوم ليه فى رئاسة المجلس والناس مبسوطة بيه

فعلا احسن كلمة عجبتنى فى الموضوعا ت اللى فاتت كلمت ابو عمر على قدر الالم يكون الصراخ

تم تعديل 12 مارس 2012 بواسطة raouf

[magna]

يا اخ رؤوف ارحمنا وارحم عقولنا شوية هى كميا ولا معدلة رياضية جاى ساعتك تشرحها ولا تفسرها الناس كلها عرفت ان مفيش شىء اتغير هو هو نفس السيناريو بتاع نواب مجلس الشعب ورئيس المجلس بس المرة دى تحت شعار الدين فبلاش تدافع عنهم وتحسسنا انهم ملايكة اقسم بالله العظيم من قبل الانتخابات وانا متاءكد ان مصر مش هاتشوف خير على ايد اللى بيسموا نفسهم اسلاميين واهم مسكوا مجلس الشعب ايه اتغير وصلنا لفين حلينا مشكلة واحدة من المشاكل الموجودة فى مصر مشاكل ايه ياراجل مفيش مشاكل والحياة ماشة المهم نقفل المواقع الاباحية

[عبير يونس]

تم حذف مداخلات تحتوى على شخصنة واضحة

برجاء الالتزام بمناقشة الرأي وعدم الانزلاق للشخصنة لصاحب الرأي

نشكر حسن تفهم حضراتكم

الادارة

[التونسى]

رب ضارة نافعه ... وكلنا كنا تقريبا متوقعين ..بل ومتأكدين .. إن الطريق لحكم مصر بعد الثوره مش مفروش بالورود ابدا .. عشان كده .. ورغم الزوبعه اللى حصلت دى ,, واللى بعتبرها شخصيا زوبعه فى فنجان ..رغم ذلك .. على الاخوان ومن يوالوهم ومن يتبعوهم ومن يتعاطفوا معهم .. أن يكونوا اكثر سعة صدر وتحمل للنقد ..سواء كان نقد فى العمق .. او نقد ضحل .. حتى يثبتوا للجميع انهم ان شاء الله جديرين بما ألوا إليه

نسيت اضيف ان الدور لسه جاى على الرئيس خصوصا لو حيكون من الاخوان او السلفيين .. واللى عايز الرئاسه .. يا يفهم فى السياسه .. واصول الكياسه .. يا يكفى نفسه شر الزوابع والاعاصير .. ويسيبها لمن يستطيع تحمل مسئوليتها

وكل زوبعه وانتو طيبيبين ههههههههههههههه

تم تعديل 13 مارس 2012 بواسطة محمود البصيلى

[التونسى]

اعتذر يا رؤوف باشا... نسيت احييك على تحليلك الرائع .. تقولش شرلوك هولمز او كولمبو .. الواحد يخاف منك بعد كده هههههههههههههههههههه

كفيت واوفيت بارك الله فيك

[ابو محمود]

احسن حاجه بالفيديو هى الله أكبر

والله يعز من يشاء ويذل من يشاء

وهنا نقف برهه من الوقت نفكر فى التغيير الذى حدث فمهما كانت الاحلام التى حلمها التعساء من الشعب والضعفاء منه لم يصل الحلم الى هذا التغيير الجزرى فالله هو المغير والحمد لله على اننا نشاهد بأم اعيننا آيه من آيات الله فى الارض واعتقد ان هناك من يرفض هذة الآيه اما لحسد او لنقمه او لكره ما فى القلوب عافانا الله من كل تلك المبيقات ... نشكرك اخانا العزيز رؤوف على هذا المقطع

تم تعديل 13 مارس 2012 بواسطة ابو محمود

[الغريب]

بصراحة أنا معجبنيش الموكب اللي فيه الدكتور الكتاتني

وعربية جيب قدام وورا ، ليه كل ده ؟؟

أنا مش عاوز أفتي في حاجة مفهمش فيها ، وربما يكون هناك داعي لهذا الأمر

ولكن بصراحة الموكب لم يعجبني إطلاقا ، وحسيت إن فيه تكلف

ولو أقدر أوصل للدكتور الكتاتني في موقف زي ده ويقبل مني نصيحة ، لهمست في إذنه "أتقي الله"

وأكرر مرة أخرى ، لعلي لم أستوعب الداعي لهذا الموكب

تحياتي...

[abaomar]

السلام عليكم

الاخوه الافاضل جزاكم الله خيرا

..

بصراحه انا مكسوف لكم سلف

www.youtube.com/watch?feature=player_embedded&v=CANyI-mwX8k

[samehmagdy]

اخى رؤوف

تسلم ايدك على الفيديو والتحليل بس يارب تكون فى قلوب بتشوف وتسمع مش عيون متغطيه

اخى الغريب

الموكب دى بيكون للتامين والحمايه لاى شخصيه مسئوله ومهمه فى البلد

والمفروض يبقى اكتر من كده فى ظل الظروف اللى احنا فيها اليومين دول

اخى مجنا

BMW لما طلعت اشاعه العربيه ال

لقينا الناس طلعت تشتم وتسب وتتريق فى الكتاتنى وفى الاخوان وكانهم مسكو حرامى

ولما طلع ان الناس دى اديهم لسه نظيفه فبدل ما الناس يكون عندها جزء بسيط من الحياديه والصراحه مع النفس وتعتذر عن اللى قالته فى حق الناس دى

حسيت ان الحزن والهم اصابهم لما ظهرت الحقيقه

اخى او ريم

متزعلش يا باشا امال انت شايف المحاورات مبقتش زى زمان ليه

[capitshino]

يا اخ رؤوف ارحمنا وارحم عقولنا شوية هى كميا ولا معدلة رياضية جاى ساعتك تشرحها ولا تفسرها الناس كلها عرفت ان مفيش شىء اتغير هو هو نفس السيناريو بتاع نواب مجلس الشعب ورئيس المجلس بس المرة دى تحت شعار الدين

هو الموضوع عن سيارة الكتاتنى ولا عن نواب مجلس الشعب وان مافيش حاجة اتغيرت

وعلشان برده الزملاء يكونو عارفيين موقفى . انا مش راضى اطلاقا عن اداء المجلس ولا معظم نوابه

بس لما ننتقد يكون النقد بناء ... علشان مصر لو كانت مهمة لكم.

تحياتى للجميع وهذه اخر مشاركة لى في مواضيع ال BMW .

[se_ Elsyed]

يا ريت توصل لنا فكرة يعني إيه نقد لواحد يشغل منصب سياسي ..

ويعني إيه نقد شخصي وتجريح لشخص عادي في المجتمع

النقد السياسي مطلوب وموجود ومعروف منذ أن خلق الله الأرض ومن عليها ... وأظن أول واحد علمنا هذه القواعد هو الرسول الكريم اللي أُوتي جوامع الكلم ... اللي لما الصحابة لقوه واقف مع واحده ست في الطريق ... عشان ما يحرجهوش يعني راحوا ماشيين بعيد عنهم ...

موقف صامت من غير ولا كلمه وممكن يعدي ومستحيل الصحابة كانوا يشكوا في الرسول

ومع ذلك هو اللي بادر بالتوضيح وقال " إنها صفيه " .. زوجته يعني وجت المسجد ندت عليه وخرج لها عشان يكلمها عشان يقطع الشك باليقين وما يسيبش كل واحد يتكلم ويألف على مزاجه ...

يبقى أيها السادة الكرام لازم تعرفوا إن صاحب المنصب دايماً بيبقى موجود في مرمى النيران .. ودايماً عليه أن يفسر كل همسه وكل كلمة وكل حركه للناس .... ولا ينتظر أن يتم إتهامه او لومه أو نقده ثم يفسر ويوضح ... واظن كلنا شوفنا بعض النواب اللي من غير ما يُطلب منهم راحوا مقدمين للمجلس إقرار ذمة مالية خاص بهم ؟؟

ومش كل حاجه تحصل بقى نسمع جُملة " بطلوا إفترا ... إبقوا إتأكدوا من المعلومة الأول ... إلخ

عفواً إحنا ما فيش بيننا وبينهم نسب او علاقة شخصية عشان الموضوع يأخذ منحنى اخر

لكن ما بيننا وبينهم هو المنصب اللي قبلوه وعليهم أن يتحملوا تبعاته واللي حساس زيادة عن اللزوم أو مشاعرة ما تتحملش يتفضل يقعد في بيتهم وسط عياله بعيد عن الأضواء

أما المدافعون عمال على بطال من قبل حتى ما تضح الحقائق ... فهم أنفسهم صُناع الألهة الفرعونية الديكتاتورية ... وهم انفسهم من نريد ان وضح لهم الفرق بين النقد السياسي حتى لو الشخص ده دخل مطعم ياكل فول وطعمية ... وبين النقد الشخصي لإنسان غلبان ماشي جنب الحيط ومالناش دعوه به لأنه ما يخصناش

وأظن معظمنا عرفنا الرئيس الألماني إستقال ليه من إسبوعين وكتبت انا عن ذلك ...

إستقال لمجرد شائعات

شائعات فقط قالت إنه أخد قرض شخصي بفائدة مميزة أقل من الفائدة الطبيعية

ولسه ما فيش إتهام رسمي

[samehmagdy]

كلامك مظبوط يا سين سين

لازم فعلا تبقى عنينا مفتحه ومتابعين ومراقبين كل اللى بيحصل ومنسكتش عن اى غلط نشوفه

بس لما نبقى فى زمن مفيش فيه اسهل من الكدب والافتراء والاشاعات

يبقى لازم نبعد نفسنا عن اننا نكون جزء من منظومه الكدب والاشاعات

ولما نلاقى خبر زى دى نتحقق وندور ونسال بنفسنا عن صحه الخبر

يعنى مثلا خبر زى دى كان مشوار صغير لحد مجلس الشعب وكانت الحقيقه هتبان سوا اللى يعمل المشوار دى صحفى صغير او حتى مواطن عادى او واحد مننا هنا فى المنتدى

انما للاسف مفيش اسهل من السخريه والشماته والكذب بالذات لو كانت على حد بنختلف معاهم فى وجهات النظر

[Alshiekh]

موضوع الكتاتني وسيارته كان متداولا على النت من قبل أن أنقله لأكثر من خمسة أيام ولم أنقله وأفتح به موضوع إلا بعد أن تم نشره على التليفزيون مع التجاهل التام من الدكتور سعد الكتاتني وإدارته ، ومثل هذه الأمور تحدث بشكل عادي جدا وربما بشكل شبه يومي، لولا ( للأسف ) أن مؤيدي الإخوان يأخذون تلك الأمور بشكل شخصي، وليس الكتاتني بأعلى من الجنزوري أو طنطاوي، ولكنه أنتم يامن لاتعرفون الفرق بين أن يكون الكتاتني رب أسرة وبين كونه رئيس مجلس الشعب.

لست أنا الذي إتهم الكتاتني، أنا لا أتهم أحدا بتهمة زور، ولكن مثلي مثل كل من تسائلوا عن صحة الاتهامات الموجهة اليه، وأعتقد أن الكثيرين من الساسة تم تقديمهم للمحاكمة بتهم نسبت اليهم وثبت برائتهم بعد ذلك، وهذه هي ضريبة العمل العام، ولتجنب ذلك يجب على المسئول ومساعديه أن يكونوا سريعي الإستجابة لأي إتهامات يواجهونها سواء من الشعب او من النيابة،

واعتقد انه منذ عدة أيام كانت هناك شائعات عن تقاضي سمير رضوان مبالغ شهرية من بنك مصر حسب ما اعتقد تصل لـ 78 الف جنيه شهريا ثم ثبت ان ماتقاضاه خلال عام كان 62 الف جنيه أو شيئا من هذا القبيل.

عندما نتناول شخصية عامة ( إخوان أو سلفيين ) فنحن لانتحدث عن زوجاتكم أو بناتكم أو واحد من العيلة، فياريت تبطلوا شغل المراهقة السياسية وعلى من يستطيع أن يأتي بالحقيقة فليأت بها بدون شوشرة وبدون اتهامات وبدون بروبجندا أو إتهامات بالعداوة واستهداف ( الإسلاميين ) ، أو فليتنحي ( الإسلاميين ) ولنستدع ناس من إسرائيل تتولى الأمور حتى يمكننا أن ننتقدهم وأن نجد شوية إنصاف منكم معشر ( مؤيدي الإسلاميين عمال على بطال ).

اللي بتعملوه ده عيب ولو انه كان متوقع ، وقد عبرت عن ذلك منذ خمسة أشهر عندما قلت " أتمنى ألا يفوز الاخوان والسلفيين لأنني أتوقع أنهم سيدافعون عنهم لمجرد الإنتماء " وهو ماحدث بالفعل بدءا من الوقوف في وجه شباب الثورة عندما توجهوا اليهم في مجلس الشعب ليقدموا لهم طلباتهم، إنتهاء بالدفاع الغير منطقي على أي موضوع يخص " إسلاميين " وآخرهم الكتاتني والبلكيمي الذي تم وصفه بأن أخلاقه هي أخلاق الصحابة.

[بندق أفندى]

موضوع الكتاتني وسيارته كان متداولا على النت من قبل أن أنقله لأكثر من خمسة أيام ولم أنقله وأفتح به موضوع إلا بعد أن تم نشره على التليفزيون مع التجاهل التام من الدكتور سعد الكتاتني وإدارته ، ومثل هذه الأمور تحدث بشكل عادي جدا وربما بشكل شبه يومي، لولا ( للأسف ) أن مؤيدي الإخوان يأخذون تلك الأمور بشكل شخصي، وليس الكتاتني بأعلى من الجنزوري أو طنطاوي، ولكنه أنتم يامن لاتعرفون الفرق بين أن يكون الكتاتني رب أسرة وبين كونه رئيس مجلس الشعب.

لست أنا الذي إتهم الكتاتني، أنا لا أتهم أحدا بتهمة زور، ولكن مثلي مثل كل من تسائلوا عن صحة الاتهامات الموجهة اليه، وأعتقد أن الكثيرين من الساسة تم تقديمهم للمحاكمة بتهم نسبت اليهم وثبت برائتهم بعد ذلك، وهذه هي ضريبة العمل العام، ولتجنب ذلك يجب على المسئول ومساعديه أن يكونوا سريعي الإستجابة لأي إتهامات يواجهونها سواء من الشعب او من النيابة،

واعتقد انه منذ عدة أيام كانت هناك شائعات عن تقاضي سمير رضوان مبالغ شهرية من بنك مصر حسب ما اعتقد تصل لـ 78 الف جنيه شهريا ثم ثبت ان ماتقاضاه خلال عام كان 62 الف جنيه أو شيئا من هذا القبيل.

عندما نتناول شخصية عامة ( إخوان أو سلفيين ) فنحن لانتحدث عن زوجاتكم أو بناتكم أو واحد من العيلة، فياريت تبطلوا شغل المراهقة السياسية وعلى من يستطيع أن يأتي بالحقيقة فليأت بها بدون شوشرة وبدون اتهامات وبدون بروبجندا أو إتهامات بالعداوة واستهداف ( الإسلاميين ) ، أو فليتنحي ( الإسلاميين ) ولنستدع ناس من إسرائيل تتولى الأمور حتى يمكننا أن ننتقدهم وأن نجد شوية إنصاف منكم معشر ( مؤيدي الإسلاميين عمال على بطال ).

اللي بتعملوه ده عيب ولو انه كان متوقع ، وقد عبرت عن ذلك منذ خمسة أشهر عندما قلت " أتمنى ألا يفوز الاخوان والسلفيين لأنني أتوقع أنهم سيدافعون عنهم لمجرد الإنتماء " وهو ماحدث بالفعل بدءا من الوقوف في وجه شباب الثورة عندما توجهوا اليهم في مجلس الشعب ليقدموا لهم طلباتهم، إنتهاء بالدفاع الغير منطقي على أي موضوع يخص " إسلاميين " وآخرهم الكتاتني والبلكيمي الذي تم وصفه بأن أخلاقه هي أخلاق الصحابة.

كويس عشان يفضلوا ماشيين على العجين ما يلخبطوه .. هو لعبة ولا لعبة .. لازم الناس دى تاكل تراب زى الشعب وكل واحد يتبرع بما زاد عن السراج والخبز اليابس

ونعود الى عصور الظلام عشان نلعن أبو خاشهم من تانى ونقول متخلفين .. هههههههههههههههههه

[عبير يونس]

الفاضل أبو ريم

قمت بحذف مداخلة حضرتك

التي تعترض فيها على مداخلة ادارية على العام

وهذا ضد قواعد المشاركة

حذف المشاركة يعني حجبها عن الأعضاء فقط

بينما تظل ظاهرة لباقي المشرفين و السيد الأدفايزور

بإمكان حضرتك الاعتراض في رسالة خاصة لباقي الفريق او الادفايزور

نشكر حسن تفهم حضرتك

الادارة

[عبير يونس]

يا اخ رؤوف ارحمنا وارحم عقولنا شوية هى كميا ولا معدلة رياضية جاى ساعتك تشرحها ولا تفسرها الناس كلها عرفت ان مفيش شىء اتغير هو هو نفس السيناريو بتاع نواب مجلس الشعب ورئيس المجلس بس المرة دى تحت شعار الدين فبلاش تدافع عنهم وتحسسنا انهم ملايكة اقسم بالله العظيم من قبل الانتخابات وانا متاءكد ان مصر مش هاتشوف خير على ايد اللى بيسموا نفسهم اسلاميين واهم مسكوا مجلس الشعب ايه اتغير وصلنا لفين حلينا مشكلة واحدة من المشاكل الموجودة فى مصر مشاكل ايه ياراجل مفيش مشاكل والحياة ماشة المهم نقفل المواقع الاباحية

أهلا بحضرتك معنا

أعطيت حضرتك تقييم ايجابي كعضوة و ليس كمشرفة

لأن رأي حضرتك في نواب مجلس الشعب هو نفس رأيي

وكعضوة أقول

لكل المهاجمين

لن تنجحوا في ارهابنا فكريا

و سنظل ندافع عن آراءنا

و سنظل نعارض كل ما نراه غير لائق من أي شخصية عامة

مهما كان تكاتفكم معا ودفاعكم عنهم و اتهاماتكم لنا

تحياتي

[samehmagdy]

يا استاذ محمد احنا بنقول عنينالازم تفضل مفتحه ومتابعين ومراقبين كل اللى بيحصل ومنسكتش عن اى غلط نشوفه

انما مش مجرد ما نشوف اشاعه نمسك فيها وكانها تهمه مؤكدة ونسلخ الناس

وننزل فيهم تريقه السنين

وبعد كده لما تظهر برائتهم نقول وفيها ايه ما هى دى ضريبه انه راجل مسئول

بلاش نروج اشاعات ونزود عليها اتهامات وشتائم من عندنا قبل ما نتاكد من صحتها او على الاقل تكون من مصدر موثوق فيه علشان ميبقاش شكلنا احنا وحش فى الاخر

[samehmagdy]

يا اخ رؤوف ارحمنا وارحم عقولنا شوية هى كميا ولا معدلة رياضية جاى ساعتك تشرحها ولا تفسرها الناس كلها عرفت ان مفيش شىء اتغير هو هو نفس السيناريو بتاع نواب مجلس الشعب ورئيس المجلس بس المرة دى تحت شعار الدين فبلاش تدافع عنهم وتحسسنا انهم ملايكة اقسم بالله العظيم من قبل الانتخابات وانا متاءكد ان مصر مش هاتشوف خير على ايد اللى بيسموا نفسهم اسلاميين واهم مسكوا مجلس الشعب ايه اتغير وصلنا لفين حلينا مشكلة واحدة من المشاكل الموجودة فى مصر مشاكل ايه ياراجل مفيش مشاكل والحياة ماشة المهم نقفل المواقع الاباحية

أهلا بحضرتك معنا

أعطيت حضرتك تقييم ايجابي كعضوة و ليس كمشرفة

لأن رأي حضرتك في نواب مجلس الشعب هو نفس رأيي

وكعضوة أقول

لكل المهاجمين

لن تنجحوا في ارهابنا فكريا

و سنظل ندافع عن آراءنا

و سنظل نعارض كل ما نراه غير لائق من أي شخصية عامة

مهما كان تكاتفكم معا ودفاعكم عنهم و اتهاماتكم لنا

تحياتي

الاخت عبير

ليه حضرتك بتعتبرى الاختلاف فى الراى ارهاب فكرى

احنا ضد التشهير بالناس ونشر الاشاعات بدون تاكد او نقلها على الاقل من مصدر موثوق فيه

سوا كانت الاشاعه عن حد من الاسلاميين او عن البرلمان او عن البرادعى او ابو حامد او اى انسان

وشوفى حضرتك رد بلال فضل على كتير من الاشاعات اللى طلعت بنفس الشكل دى ضد الاخوان والبرلمان واد ايه كان راجل منصف ومحترم فى رده عليها رغم انه مختلف معاهم فى الفكر والتوجه

[عبير يونس]

أستاذ سامح

أشكر حضرتك على التعقيب

أرى أن كل ما يصادر حرية الرأي يُعد ارهابا فكريا

لقد وصل الأمر للهجوم على من يعجبه رأيا و يعطيه تقييم ايجابي!!!! :blink:

عفوا أرى ذلك منتهى الارهاب الفكري

و ربما بعد ذلك

يُقال لي : لقد كان في نيتك أن تقولي كذا وكذا !!!

احترامي لشخص حضرتك الكريم

[التونسى]

6078']

وانا متاءكد ان مصر مش هاتشوف خير على ايد اللى بيسموا نفسهم اسلاميين واهم مسكوا مجلس الشعب ايه اتغير وصلنا لفين حلينا مشكلة واحدة من المشاكل الموجودة فى مصر مشاكل ايه ياراجل مفيش مشاكل والحياة ماشة المهم نقفل المواقع الاباحية

تفائل خيرا يا مان .. يعنى كان فيه حد على الساحه السياسيه احسن من الاخوان والشعب مختاروش .. على الاقل ارحم من الفلول ((دا لو ليك راى تانى)) ..هى دى ظروف بلدنا الحاليه .. ولازم نتحملها جميعا .. ومنقفش لبعض على الواحده .. وكتر خيرهم على أى حال انهم كان عندهم شجاعة تحمل العبء والمسئوليه والتركه الثقيله اللى سابها اللى ميتسماش ((المخلوع )) مهما كان أدائهم البرلمانى الحالى واللى انا شخصيا مش راضى عن بعض ما وصلنى منه خصوصا فى موضوع مباراة بورسعيد الداميه

تفائلوا خيرا .. عشان خاطر الشعب .. عشان خاطر مصر .. عشان خاطر ربنا .. وأن الاوان نخلع عن عيوننا نظارة الانتماء الاعمى .. حتى نتناول الامور بحياديه وانصاف .. كلامى موجه لنفسى ثم للجميع بكافة انتماءتهم .. لا يوجد حاليا فى مصر سياسيين فى الامكان ابدع من الاخوان .. فوجب علينا الالتفاف حولهم .. ننتقدهم وبكل حماسه .. ولكن بغرض التقويم..والاصلاح .. والتهذيب .. لا بغرض التشويه .. والتسفيه .. او انتصارا لانتماء ما

عشان خاطر الشعب .. عشان خاطر مصر .. عشان خاطر ربنا

تم تعديل 13 مارس 2012 بواسطة محمود البصيلى