تورتة ايس كريم

[أنـفـــال]

طبعاً انا ماليش في المطبخ اوي..

بس دي طريقة تورتة أيس كريم حلوة و سهلة جداً..انا اللي مألفاها :blink: بجد و الله

خدوا عندكو يا بنات..

المقادير..

2 كيس كريم شانتيه

2 علبة بودرة آيس كريم فانيللا

4ملاعق كاكاو كبيرة

2و 3/2كوب حليب مثلج

2 باكو بسكويت سادة او اكتر زي ماتحب

اكوب متوسط حليب محلى بالسكر و الكاكاو و يكون ساخن

شوكولاتة سادة مبشورة و مكسرات للزينة

الطريقة..

يرص البسكويت السادة في صينية مقاس 24

ممكن طبقة او اتنين و بلاش تلاتة عشان ماتنشفش

بعد كدة نسقي البسكويت بالحليب اللي بالكاكاو الساخن..

و نستنى شوية و بعدين نحط الصينية في الفريزر..

و بعد ساعة

نضرب الايس كريم البودرة مع كوب و 3/2 حليب مثلج

نضربهم مع بعض لحد مايحصل تماسك.. اصبر و ماتستعجلش هياخد وقت شوية ..

و بعدين نحط الايس كريم على البسكويت اللي في الصينية

سيبهم في الفريزير 3 ساعات

و بعد كدة..

نجيب كوب لبن مثلج و نضرب الكريم شانتيه و ال4 ملاعق كاكاو معاه..

و نضربهم كويس لحد مايحصل تماسك برضه..

و بعدين نطلع الصينية و ندهن الايس كريم المتماسك بالكريم شانتيه..

و نرش الشيكولاتة المبشورة على وجه الصينية و المكسرات لو حابين..

و بعد كدة تترك في الفريزر لمدة ساعة

ثم تقطع عادي جداً بالسكين..

و هتلاقوا شكلها جميل و طعمها أجمل..

ملحوظة :

يمكن تبديل الشوكولاتة بالفانيليا او الفواكه..

بس دي فكرة مبدئية ..

لو ينفع كنت عملت لكل عضو واحدة و بعتهاله على بينهم

بس الدنيا برد بقى.. mfb: و عارفة انه مش وقتها.. بس بتبقى جميلة:unsure:

بالهنــــــــــــا..

أنفـــــــال

[aynad]

لذيذة اوي يا انفال و سهلة ( انا بشبه عليكي انتي انفال اللي في بالي ؟؟؟ :rolleyes: )

[أنـفـــال]

أيناد أيوة يا أيناد :wub:

أنا هي هي :)

[bodda]

:wub: