فى الرياض وعاوز اشترى سيارة

[انسان مخنوق]

انا فى الرياض

بدور على سيارة مستعملة ولقيت سيارة مرسيدس شبح حتى نسيت موديلها

المهم ناس كتير بتقولى احذر المرسيدس او السيارات الامريكانى لانها بتبدهل فى المصاريف بعد كده

سيارته شكلها كويسة وبشوفه بيروح بيها الشغل كل يوم

وناس تانية تقولى اشترى احسن حاجة جديدة وسجلها باسمك وتبقى تنزلها مصر ومش هاتصرف عليها وخاصة انى مش بسوق كتير يعنى يدوب هاتبقى سيارة خروجه كل يومين تلاتة مرة او اروح الشغل بيها رايح جاى وخلاص

ايه رأيكم ؟

[se_ Elsyed]

الصيف داخل ولو أشتريت عربية تعبانة هاتتروق وتقول يا ريت اللي جرا مكان

شراء سيارة يتوقف على عوامل كتيرة اولها ميزانيتك يا معلم

وثانياً إستخدامك ... يعني مندوب المبيعات مش ممكن يشتري عربية زي واحد من البيت للشغل ومن الشغل للجامع

عامةً في معارض كتيرة ومنها عبد اللطيف جميل بيبيعوا سيارات مستعملة نضيفة جداً بضمان وبالتقسيط .. ومعارض تانية بتعمل كده

لازم تاخد لك لفه كويسة .. ونصيحة لو كنت جديد في الكار ما تنزلش حراج او سوق العربيات يعني لوحدك لأن هاينضحك عليك مليون في الميه

[م تيمور المراغي]

خليك في الجديد احسن وانضف ,,

[capitshino]

واحد اعرفه اشترى عربية مستعملة "كرسيدا" ب 8 الاف ريال صرف عليها 11 الف ريال وباعها ب 4 الاف :blush2:

اشترى جديد احسن لو فى مقدرة .

بالتوفيق

[انسان مخنوق]

والله يا جماعة مش عارف اشكركم ازاى

انا عامة من النوع اللى هو مش بيخرج كتير لانى ساكن جنب الشغل مباشرة ... يعنى شغلى فى العمارة اللى جنبى ومش بحتاج سيارة خالص بس انا ممكن احب اخرج كل يومين تلاتة او اسبوع كده لانى معايا زوجتى ومش هانستغنى عن الخروج .

وانا دلوقتى بفكر بجدية فى شراء جديد واسجلها باسمى وابقى انزلها مصر

بس عاوز اعرف رأيكم ايه افضل حاجة اشتريها

تويوتا كورولا ولا هيوانداى الانترا ولا نوع تانى ؟؟

وميزة كل نوع

تم تعديل 14 مارس 2012 بواسطة انسان مخنوق

[capitshino]

عليك وعالاستاذ روؤف

علشان يفيدك بردهو بخصوص الجمارك فى المستقبل

[mohamadeen]

أتصور أني لن أضيف جديدا اذا قلت لك ان حكيما قال من قبل "لست غنيا حتى أشتري سيارة مستعملة". وثانيا -أخي الفاضل- أظن انك لو اشتريت تويوتا كورولا فسيكون أفضل لأنها تحتفظ بقيمتها سواء أنزلت بها مصر أم بعتها عندك قبل النزول وان نزلت بها طبعا سيكون أفضل لأن سعرها في مصر أعلى بكثير من الخليج. والله يوفقك لما فيه الخير...وتقبل خالص تحياتي

[انسان مخنوق]

أتصور أني لن أضيف جديدا اذا قلت لك ان حكيما قال من قبل "لست غنيا حتى أشتري سيارة مستعملة". وثانيا -أخي الفاضل- أظن انك لو اشتريت تويوتا كورولا فسيكون أفضل لأنها تحتفظ بقيمتها سواء أنزلت بها مصر أم بعتها عندك قبل النزول وان نزلت بها طبعا سيكون أفضل لأن سعرها في مصر أعلى بكثير من الخليج. والله يوفقك لما فيه الخير...وتقبل خالص تحياتي

الاخ محمدين

شكرا لاهتمام حضرتك بالرد

لو من ناحية التكاليف اظن انها هاتبقى اغلى من مصر لانى لو اشترتها هاضيف عليها تمن الجمارك وتنزلها مصر بعد سنتين تلاتة هاتبقى بردو التكلفة الاجمالية اعلى

[بحار الغربة]

لقيت سيارة تويتا كورولا 2000

اخدتها وكشفت عليها عن صديق لى فى معارض الحراج قالى كل شيىء فيها كويس

وقالى تساوى 12000 او 12500 بحد اقصى 13000

المهم صاحبها ماسك على 13500

ايه رأيكم

؟؟؟؟؟؟؟؟؟؟؟؟؟؟؟؟؟؟؟