موضوع هام جدا الحذر ثم الحذر ثم الحذر الهس هس

[raouf]

طبعا الموضوع ده فى باب الابتسام والغرض منه الضحك علشان محدش يزعل ولا ياخد الكلام على نفسه

بس فى نهاية الموضوع عايز كل واحد يكشف على نفسه ويشوف هل هو مريض ولا لا

من بعد ثورة يناير بدات تنتشر بعض الاعراض الغريبة على بعض المصريين هم مش مصريين قوى بس مصريين تايوانى وممكن مش تايوانى

كمان اعتقد انهم مصريين صينيين يعنى يادوبك 50% مصريين

المهم اعراض المرض غريبة جدا ماكنتش بتظهر قبل كده

فهى ليست اسلاموفوبيا ولا مسيحوفوبيا

ولكن اسمها اسماعيلوفوبيا

طيب حد يسال ايه اعراضها دى يا عم رؤف ارد واقول

هى اعراضها مش بتظهر قوى الا لما تقول كلمة ابو اسماعيل يعنى يكون الواحد واقف قدامك تقوله ابو اسماعيل تظهر اعراض المرض على طول وممكن بردو تقولوا اخوان بتظهر اعراض المرض برضوا بس باعراض اكثر شراسة والنوع ده مش منتشر بكثرة زى النوع الاولانى

من اعراضه بقى ان الواحد يحس ان كل الناس بتتريق عليه وتشتمه تلاقى الواحد مش بيكلمه اصلا لكن حاطط فى دماغه انك بتكلمه هو تقوله يا

عم انا مش باكلمك يقولك لا انت بتكلمنى انا ده العرض الاول

العرض التانى اول ما تجيب الاسم السحرى يلم اصحابه ويحب يتخانق على طول

طيب علاج المرض ده ايه يا عم رؤف؟

والله انا لسه مش لاقى علاج له سايب ناس تانية تدةور ليه على علاج بس مبدئيا قول بسم الله الرحمن الرحينم ممكن ينصرف وربنا يشفيك من عنده

طيب واحد زكى يقول لى طيب انا مش باقتنع فى الكلام ده يا عم اقولعه اشرب اللبن قبل ما تنام واستغطى كويس بس اهم حاجة تقلع الشراب

وانت نايم

نيجى بقى للجزء الهام طرق الوقاية

اول طريقة البس كمامة اول ماتقابل حد شاكك ان عند المرض

ثانيا ابعد تماما عن اى مكان فيه مصريين تايوانى لان ناس كتير منهم مصابين بالمرض ده

ثالث حاجة بقى كل ما تقابل حد قول ابو اسماعيل او اخوان لو ظهرت عليه المرض ابعد عنه فورا واوعى تكلمه لو ماحصلش حاجة يبقى راجل

سليم وماجالوش المرض

طيب بعد ده كله مفيش حد سالنى ايه الاسم العلمى للمرض يا حج

اقوله ده مرض العصر اللى منتشر واسمه الهس هس

ايه ايه ايه

الهس هس

الهس هس

الهس هس

على فكرة حاجة نسيت اكتبها من الطرق الفعالة للوقاية من المرض تقعد تقول هس هس كل يوم 100 مرة وقبل ماتنام تقولها 30 مرة

يالله نبدأ مع بعض

هس هس هس

هس هس هس

هس هس هس

هس هس هس

ملحوظة هذه القصة من وحى كاتبها ولا تمت الى الواقع باى صلة واى حد يجد ان اعراض المرض تنطبق عليه فهو من حكم الصدفة البحته

تم تعديل 15 مارس 2012 بواسطة raouf

[se_ Elsyed]

موضوع لا هو مضحك ولا مبكي ولا له معنى يا رؤوف بصراحة

وبعدين إذا كان ولاد أبو إسماعيل بيعملوا كده وهو لسه على البر ...اعتقد إنه لو بقى رئيس صالح رشيد .. فولاد أبو إسماعيل هايمشوا بكبمرسورات في الشارع عشان ينفخوا اللي يجيب سيرته بالخير او بالشر ....

إحنا لسه في شهر مارس .. يعني فاضل حوالي شهرين على الإنتخابات .. لكن أنا متأكد زي ما أنا متأكد من إسمي إن أبو إسماعيل سيجني عليه ولاد أبو إسماعيل ... والأيام بيننا ...

إحنا لسه بدري علينا ... ييجي 20 او 30 سنة عشان نبطل عبادة العباد من دون رب العباد

[raouf]

الحمد لله اول ناقد فنى دخل الموضوع

اولا نوت الموضوع يا ريس

انا كنت هانتخب ابو اسماعيل سابقا لكن حاليا مرشحى عبدالمنعم ابو الفتوح لاعتبارات شخصية مش مكانها هنا

لكن نقدك هاحطه فى عينى عند البدء فى القصة الجديدة بعنوان الهس هس نمبر 2

وانت عارف انا باحبك قد ايه علشان كده اعمل الاجراءات الاحترازية للوقاية من الهس هس

تم تعديل 15 مارس 2012 بواسطة raouf

[Salwa]

موضوع لا هو مضحك ولا مبكي ولا له معنى يا رؤوف بصراحة

إحنا لسه بدري علينا ... ييجي 20 او 30 سنة عشان نبطل عبادة العباد من دون رب العباد

كلمة حلوة قوى وصادقة فعلا .

امتى حانبطل عبادة العباد من دون رب العباد؟؟

ده حتى حرااااام......نعبد رسولنا ( عليه افضل الصلاة والسلام )

حانكون كفرة لو عملنا كدة ..

وأى انسان ........أى مخلوق ......مش حرام ولا عيب أن ننتقده .

أى انسان يريد منصب مسئول ......يتعرض للنقد والمسائلة .

و...

انا ايضا ان شاء الله...سوف انتخب الدكتور عبد المنعم ابو الفتوح .

لكن؟؟

ليس لاعتبارات شخصية ولكن لاعتبارات اخرى تتعلق بمصلحة بلدى .....مصر.

المصلحة العامة تتغلب على اى مصالح او اعتبارات شخصية ..

و..

لاانتمى للأخوان ..

دمتم بخير...

[Mr MAGED]

ماظنش ان ابو اسماعيل طلب من حد انه يمجده أو يكون من مريديه

الراجل بيتكلم وبيقول اللي عنده والناس بتحبه ... مريدين واتباع بقي او مش مريدين هو مش السبب في كده

السبب في كده الناس نفسهم ... ممكن يكون فيه ناس منهم بيحبوه فعلا ... وممكن يكونوا منتفعين

وممكن يكونوا ناس فاضية مش لاقيين حاجة يعملوها

اللي اقصده ان هو مالوش دعوة ... ومش لازم نهاجمه عشان فيه ناس بتحبه

ده مش معناه اني هارشحه او هادعمه انا بس باقول وجهة نظري

الموضوع ده فكرني مع الفارق طبعا .. بشعبان عبد الرحيم اول ما طلع يغني وبقي له شعبيه وجمهور

استضافوه في برنامج ولمحوله يعني انه صوته مش ولابد الناس بتسمعك ليه

رد عليهم وقالهم .. انا ماقلتش لحد اني مطرب ولا قلت اني فنان ... انا غنيت والناس جت سمعتني

تصبحوا علي خير

[أبو محمد]

يعنى ينفع كده ؟

واحد يكتب الحذر ثم الحذر الهس هس

يقوم واحد يرد عليه بموضوع

الرحمة ثم الرحمة بالدراويش ؟

ينفع كده ؟

الموضوع فعلا لا هو مضحك ولا يدعو للابتسام

ولكن يدعو للأسى

[أبو محمد]

الموضوع الآن قيد النقاش بين أعضاء فريق الإشراف

لاتخاذ قرار بشأنه

عن الإدارة

أبو محمد