محاورات المصريين - فرع الامارات

[nancy]

اشكرك يا طاير بس انت مش بتقول لسة جديد هناك حتفرجنا على دبى ازاى :blush:

ولا اقولك اتعرف عليها وبعدين قولى

وبعدين انا لما اجى دبى هى كلها 4 ايام وارجع الى قواعدى سالمة

وبعدين انت معاك احلى ناس فى دبى مش يعرفوك دبى بس دول خبراء :P فى الكره الارضية كمان

تم تعديل 8 يونيو 2006 بواسطة nancy

[Hebo]

السلام وعليكم ورحمة الله وبركاته ..

الحقيقه انا عضوة جديده في المنتدى وقعدت كده أتجول وأشوف المواضيع الموجوده بس اول ماشفت المغتربين المصريين قولت ده لازم أدخل أكتب فيه وفرحت جدا لما لقيت فرع الإمارات لاني حاليا عايشه في الامارات .. والحقيقه لما دخلت لقيت ماشاء الله المشاركات كتيره أوي وبصراحه مقدرتش اقراها كلها فقولت يعني اكتب أسلم عليكم بس وأتشرف بمعرفتكم لحد ماعرف ايه الموضوع اللي بتتكلمو فيه :P

[ATHENA]

السلام وعليكم ورحمة الله وبركاته ..

الحقيقه انا عضوة جديده في المنتدى وقعدت كده أتجول وأشوف المواضيع الموجوده بس اول ماشفت المغتربين المصريين قولت ده لازم أدخل أكتب فيه وفرحت جدا لما لقيت فرع الإمارات لاني حاليا عايشه في الامارات .. والحقيقه لما دخلت لقيت ماشاء الله المشاركات كتيره أوي وبصراحه مقدرتش اقراها كلها فقولت يعني اكتب أسلم عليكم بس وأتشرف بمعرفتكم لحد ماعرف ايه الموضوع اللي بتتكلمو فيه :P

أهلا بيكي في الرابطة....

الرابطة معظم اعضائها بين ابو ظبي و دبي بزعامة ابو قلب أبيض ابو حصان...

طبعا هتلاقي في الرابطة مميزات كتير زي معوناات كتير بنتسلمها .. دقيق و رز و عيش و رينو و في اشاعات عن الكابتشينو...بس يعني عشان تحصلي على ثروات الرابطة لازمك اشتراك نص سنوي...

انفدي بجلدك يا هيبو :P

اختك اثينا و لا تغدينا من مقر الرابطة في أبو ظبي..

[Tafshan]

السلام وعليكم ورحمة الله وبركاته ..

الحقيقه انا عضوة جديده في المنتدى وقعدت كده أتجول وأشوف المواضيع الموجوده بس اول ماشفت المغتربين المصريين قولت ده لازم أدخل أكتب فيه وفرحت جدا لما لقيت فرع الإمارات لاني حاليا عايشه في الامارات .. والحقيقه لما دخلت لقيت ماشاء الله المشاركات كتيره أوي وبصراحه مقدرتش اقراها كلها فقولت يعني اكتب أسلم عليكم بس وأتشرف بمعرفتكم لحد ماعرف ايه الموضوع اللي بتتكلمو فيه :P

أهلا بيكي في الرابطة....

الرابطة معظم اعضائها بين ابو ظبي و دبي بزعامة ابو قلب أبيض ابو حصان...

طبعا هتلاقي في الرابطة مميزات كتير زي معوناات كتير بنتسلمها .. دقيق و رز و عيش و رينو و في اشاعات عن الكابتشينو...بس يعني عشان تحصلي على ثروات الرابطة لازمك اشتراك نص سنوي...

انفدي بجلدك يا هيبو :P

اختك اثينا و لا تغدينا من مقر الرابطة في أبو ظبي..

هذا و قد تبين ان المدعوه اثينا قد بدأت حملة غير مشروعة للتشهير بأعضاء الرابطة من الشرفاء دافعوا الاشتراكات و الجدير بالذكر هى نفسها "ايزيس " الشهيرة بملكة البرتقان المتهمه في قضية الاشتراكات و عليه فقد تم الحجز الادارى على عدد واحد بيسكلته - لوحات ابوظبي - لسداد المتأخرات المستحقة

طفشان الحمش

مدير الكنتين

[اسود وتعالب وارنب]

صلوا علي النبي ياجماعه ومتعملوش شبطه اهلا وسهلا بيكي ياهبه انا كمان جديده بس بلوش ادخل مره هنا ومره هنا يعني بعدين هي الرابطه دي بس ابوظبي ودبي والامارات التانيه ايه ولاد الجاريه الحبشيه محناولاد ناس برضه في الغربه سوا

[Hebo]

أثينا ميرسي أوي عالترحاب بتاعك ومتخافيش انا مش حانفد بجلدي دلوقتي وقاعدالكم ... انا الحقيقه مقيمة في مدينة العين يعني لا أبوظبي ولا دبي ولا غيره .. وأسود وتعالب وأرنب ميرسي برده على سلامك وأهلا بيك عضو جديد ده على اعتبار انا بقيت اقدم دلوقتي وبرحب بيك .. وأتمنى ان شاء الله اشارك معاكم في موضوع قريب يكون مطروح

[egy_foxman]

السلام عليكم ورحمه الله وبركاته

اولا اود ان اشكر صاحب هذه الفكره الجميله بجد جميله احنا مش اقل من الهنود الى عملين رابطه ليهم فى شارع الجوازات وعملين بيت زى بيت الفيل الى فى جنينه الحيوانات كبير وعلى طول فيه دوشه وبرده مش اقل من الباكستانيين الى عملين لنفسهم رابطه مقرها الدائم حصيره صفره جنب حبيب بنك شارع المرور ولا الاخوه السودانيين اعتقد جه الوقت مش هقول الى نعمل فيه رابطه بس على الاقل نعرف بعض عشان بجد لفتره طويله جدا من الزمن اتعرف نا المصريين فى الغربه هما اقل الناس ترابط او تعرف على بعضهم البعض ومن هذا المنطلق او من هذه الفكره احب الشكر اخوانى على الموضوع ده وعلى الفكره دى ويا ريت نقدر نتواصل معاكم و نكون على اتصال دائم مع بعضنا البعض وياريت تقبلونى عضو فى هذه المجموعه وان شاء الله تكبر وتبقى اكبر من نقابه البوابين فى فيلم البيه البواب ولو حبيتوا تعملوا مقر دائم للرابطه المصريه انا حاجز مكان عسل جنب بنك ابو ظبى الوطنى شارع المطار فى ابو ظبى ومستعد انى امد الاخوه اهل هذه الرابطه بعدد 5 حصيره من النوع النصف فاخر ومستعد كام وعوضى على الله ان اشترى ومن نفقتى الخاصه خيمه من بتوع كرفور الى هى ب حوالى 23 درهم دى عشان نتقابل فيها فى الايام الشديده الحراره وكمان لابداء النيه الطيبه انا ممكن ابعت اجيب ربع كيلوا هريسه من مصر (احمد حسنين -العصفيرى ......)اى مكان انتوا تختاروه عشان نتسلى احنا واعضاء الرابطه فى اسناء هذه المقابلات والاجتماعات التى اعتقد وادكاد اجزم ان لو دخلنا معتقل الماغول (فيلم امير الانتقام بطوله انور وجدى وعبد الوارث فارس ونعيمه كباس )هيكون بسبب هذه الرابطه المباركه واحب انى ابشر الاخ ياسو انى مع اول قلم من الباشا ظابط امن الدوله او الاخوه المخبرين او حتى اشبالنا الغاللين اطفالنا عساكر الامن المركزى من اول قلم هجيب اسمه وهعترف بكل شىء وهقول ان هو الى عمل الموضوع ده عشان بس نكون عملين حسبنا من الاول وعلى راى الحكمه المصريه القديمه

عيش جبان تموت مستور .....وانتوا عرفين الشعب المصرى كله مفيش عنده الا الستر

ويجعله عامر (على فكره........ عامر ده.... مش هو ابو وفاء عامر ده واحد تانى )

اعتقد اتنى اترفدت من قبل ما اتقبل وعمتا حضرات الساده القضاه والمستشارين وانا وانته ولا اراكم الله فى حسيس حليكم

سلام :unsure:

[واحد تاني]

ويجعله عامر (على فكره........ عامر ده.... مش هو ابو وفاء عامر ده واحد تانى )

شوف سعادتك ...

طول ما انت مش بتجيب سيرة اي واحد تاني ... تدخل وتطلع الرابطة زي ما انت عايز

(بعد اجتياز الاختبارات طبعا)

[egy_foxman]

الف شكر يا واحد تانى وانا ديما هجيب فى سيره واحد تانى بس متخفش هيكون واحد تانى غيرك يعنى مش انته تانى او تقدر تقول هجيب فى سيره واحد تالت او ممكن اجيب فى سيره الحب

وانته عارف طبعا الحب فى الصيف بيكون مشكله كبيره جدا عشان الحر والعرق وكده ودى لو انته استخدمت صون الخنفرى مش هتواجه المشكاه دى نهائى

وطبعا بمناسبه نهائى يبقى لازم نجيب فى سيره نهائى كاس العالم وانته اكيد عارف ان العالم ده هو الراجل الى شعره على طول مكنوش وبيعمل اختراعات كتيره زى الفنكوش وكده وعاوز اوضح شىء مهم جدا ان العالم مش شرط انه يكون جوز العالمه وكلنا عارفين العالمه ومشاريعها الخييره للترفيه عن المواطنين

ويجعله عامر وبرده بأكد ان عامر ده مش ابو وفاء عامر

وكل عام وانتم بخير

[yasovinas]

تحية تقدير وترحيب للغاليين egy_foxman و Hebo وطبعا منورين الامارات والمحاورات وونقول للغالية Hebo ان رابطة الامارات تشتمل على الجميع بكل الامارات الشمالية والجنوبية وكمان لمن يرغب من القبايل

الجمعه القادمة 22يونيو سوف يكون الاجتماه الدوري بابو ظبي وسوف يحضر الاجتماع مبدئياً زعلان وطفشان (بعد اذن المدام طبعاً!!!)وامير كوكيز امير الطحال والغالي هومر ومنتظرين اثبات الحضور من باقي الاعضاء

[اسود وتعالب وارنب]

انت ياعم يابتاع هريسه حسنين سيدي بشر ولا فيكتوريا لم المسائل احسن ومتجبش في سيره حد احسن انت عارف قسم المنتزه منتظر كلمه واحده حيرد بيه علي كل اللي عملته ( من فيلم جعلوني مجرما ) انت عارف انا اول شخص حيأر علي اي حاجه لسعاده الباشا لو حي من اخر الشارع ولا حيهمني اي حد وانا بدعوكم طبعا ياعم انت من الطابقه الهاي انا من سكان عجمان ولا جنب بنك ولا دياولة يعني كبير الرابطه فرشه علي البحر وشوية شاي كرك من اللي بيموت بربع درهم واهلا وسهلا

[atef zromba]

يشرفني إثبات حضور .... لكن فين مكان التجمع في أبوظبي

[egy_foxman]

السلام عليكم ورحمه الله وبركاته

اولا اخاونى الافاضل شكرا على الترحيب الحار جدا ده وارجوا اثبات حضورى بس ياريت نعرف المكان والزمان

والى االاخ تعالب وارانب وبط ووز وحمام وطيور وسوق العصافير كله بتاع محطه مصر يا عم الف شكر على الرد الجميل واحب ابلغك ان خالد باشا اركب والشهير بخالد شلبى بيسلم على كل ابناء دائره المنتزه المتغربيين وبيبلغهم ان هو فى انتظارهم انهم يعودوا الى ارض الوطن سالمين عشان يرحب هو بيهو ويخليهم يفتكروا ايام مصر الغاليه وطبعا اكيد الباشا جمال الهندى برده باعت نفس التحيه ويجعله عامر (عامر ده طبعا مش ابو وفاء عامر )

وطبعا اكيد اى حد من الاخوه الى برده اسكندريه والى مش من دائره المنتزه مش هيفهم احنا بنتكلم عن ايه بس مش مهم الاخ اسود وتعالب وارانب ....ممكن هو يشرح ليكم مين الاشخاص دى طبعا ومع السلامو عليكم (من فيلم الليمبى الجزء الاول )

[اسود وتعالب وارنب]

اولا ياعم غاوي هريسه حسنين انا معرفش منين الناس اللي بتتكلم عنهم مين دول انا معرفش حاجه ومشتفتش حاجه ( من احد الافلام القديمة لما استعانوه به كشاهد) وبعد الناس دول كلهم رقه ولطف وناس ذوق ورقه واحساس بس احنا اللي مش فهمينهم واحنا كمان قللات الادب مش بنسمع الكلام لكن لو نحاول نفهم حتكون الحياه احلي

[egy_foxman]

السلاموا عليكم

صباح الخير يا عم اسود وارانب وبط ووز وحمام وفراخ وكده يعنى

المهم انا طبعا معاك ان احنا الى مش فاهمين الناس دول دول حماه مصر (انته طبعا عارف الحماه الى هى ام الزوج)الابرار(الابرار دى جمع بر وهو فى الزمخشرى ص 15822 معناه القمح )الذين يسهرون على حمايتها (طبعا انتنه عارف هما بيسهوا فين على حمايه ارد (قرد )الوطن افلاطون قبل ما يتهد وكده يعنى ) وكمان دول عين مصر الحمره (هما دول العين الحمره الى مصر بتوريهلنا )والمشكله كلها فينا احنا الى مش عارفين نفهمهم واحنا الى مش متعاونين معاهم فيها ايه لما الباشا ابن مصر ابن الكنانه ابن تاج الشرك(الشرق )ابن الغاليه مصر يطلب منك بمنتهى الذوق والعطف انه يستضيفك فى التخشيبه لمده ليله وايه اتهدت الدنيا لما يطلب منك انك تشيل قضيه سرقه ولا مخدرات صغيره يا اخى السنه خلاص هتنتهى والباشا عاوز يقفل القضايا

احنا فعلا الى غلطنين والغلط راكبنا من محطه مصر لحد العجمى (وعلى فكره مش عاوز يدفع الاجره )

المهم اسيبك انا وروح البى وشعر صدرى غضبان عليك ليوم الخميس الجاى (من فيلم اللمبى الجزىء الاول )

وانامن هنا من هذا المكان بقولها صريحه ومن غير خوف كفايه خوف لازم اقول الكلمه الى جوه فى قلبى من زمان

ياسلام ياسلام يا سلام لف وارجع تانى .................(من فيلم الناظر )

المهم عوزين نعرف امته وفين الناس الحلوه هتتقابل عوزين ناخد المعونه والعلاوه ياريس (من فيلم احتفال عيد العمال فى مصر ....من اخراج السيد راشد اكيد عارفه )

والسلام عليكم ورحمه الله وبركاته

ويجعله عامر .....................................(وعلى فكره عامر ده مش ابو وفاء عامر )

[اسود وتعالب وارنب]

شوفت ايه المشكله ياعم هريسه حسنين مشكله المصريين الاخذ دايما يحبوا يخدوا مافيش عطاء ابداء يعني دلوقتي عاوزر رز وزيت واكل مش معقول همكم علي بطنكم مافيش احساس بالمسئوليه ابدا مش لازم تكلوا ابدا ومش لازم تشربوا ومش لازم تسككنوا وكان الافتري عاوزين تتجوزوا وتخلفوا وتنسوا مصر لازم تفقوا وفقه رجاله ليه انتصرنا في 56 و67 عشان كنا رجاله ووقفنا واقفه رجال ( من فيلم الارض )

[عصفور طاير]

والله يجماعة انا بقالي حوالي شهر هنا في دبي بس حاسس اني اتنص علية هو ده شعور طبيعي لكل العيشين هنا في دبي واو الامارات كلها ولا في الغربة كلها والنبي اليعرف السبب يقولي

والنبي يجماعة الي بيشتم حسني مبارك يخلية في حالة بدل منخبط في بعد

بسي يانانسي انا هنا في الامارات بقالي حوالي شهر لسه مشعارف امشي فيها لو انتي عوزه تيجي بلاش بهدلة بس مرحبا بكي في دبي علي الدوام ولو عوزه اي مساعدة في دبي قوللي وانا في الخدمة

إيه يا عم الطاير الإسم ده؟

إسمع.. ماهو ما ينفعش إتنين بيطيرو في منتدى واحد، لإننا ممكن نطأش في بعض، وتبقى حادثة مروعة، المنتدى ضيق ومش مستحمل.. ممكن تنزل تحت بس خللي بالك من الأسد بتاع أفواه وأرانب.. قصدي فراخ وتعالب :rolleyes: .. مش عارف بس فيه مجموعة مختلفة من الكائنات الحية.

أنا ياسيدي بناء على نصيحتك مش جاي دبي، ولا الإمارات كلها، رغم إني مش بعيد أوي عنك (في السعودية)،، وإحساسك بالنصب عليك ده يبدو إنه إحساس فطري عند الإنسان، بياخد عليه مع الوقت.. المهم استحمل العشر سنين الأولانيين، وبعدين هاتاخد على كده :rolleyes:

المهم أنا قلت بس أرحب بيك عشان تشابه الأسماء، قلت يمكن من العيلة، بس انت تقريبا طلعت طاير بطيارة، لكن أنا طاير لوحدي :angry2:

خللي بالك من الإشارات فوق عشان التصادم..

ماكنت مرتاح لوحدي في السما.. ياللا الأمر لله :rolleyes:

[egy_foxman]

السلام عليكم ورحه الله وبركاته

العم الفاضل اسود وارانب وبط ووز وكلام من ده صباح الجمال يا عم واضح انك انته بس الى بترد على المداخلات وواضح ان المكان والزمان شكله شىء سرى ولا ايه يا جماعه

وكمان عم العصفور الطاير وعم الطاير وكل اصحابنا فى غابه الغربه (اصل احنا عندنا اسود وتعالب وعصافير وفوكس مان والطاير وما خفى كان اعظم ) نحب بس نسلم عليكم

وبالنسبه لعم الطاير تقريبا كده ده الطبيعى اننا نيجى هنا عشان مش عارفين حاجه وعشان محدش نصحنا بنحس اننا اتنصب علينا فعشان كده ده بيتكرر كتير جداويا عم ربا يستر فى الى جاى وبربنا يعوض ان شاء الله

والسلام ختام

ويجعله عامر ......................................(وعلى فكره زى ما اتعودنا عامر ده مش ابو وفاء لاء ده واحد تانى )

[اسود وتعالب وارنب]

الظاهر كده برضه صفصفت علي اهالي الاسكندريه الكرام الصيف جه شوفلنا سنيه هريسه وكرسين علي البحر بس علي بحر زمان وكوبايه شاي بالنعاع واتفضل في البلكونه اتفرج علي العيال وهم بيلعبوا ركت علي البحر

[egy_foxman]

السلام عليكم ورحمه الله وبركاته

ايوووووه يا عم اسود وتعالب وسوق العصافير فكرتنا بالحبايب وباسكندريه وفعلا شكلها كده الناس كلها مشغوله فى الصيف عماله تاكل بطيخ وانته طبعا عارف البطيح ميحلاش الا فى اللغوصه ومنه بيحصل بقع ومشاكل وعشان كده كله مشغول بالغسيل يالله ربنا يعينهم بس انا من مكانى هنا بانصحهم بمسحوق برسيم ده فعلا ملوش حل هو ده بكرات العلف الزرقاء والخضراء بيقضى على البقع وبيقضى على الغسيل من اصله

المهم يا عم اسود هنعملوا ايه فى الهو الى احنا فيه كده هنعملوا زى صدى الصوت نتكلموا ونردوا على بعض ولا حياه لمن تنادى

انا بقترح انزل انا عجمان ونتقابل هناك ونكون رابطه ابناء الاسكندريه فى الغربه والامارات الشماليه اعتقد ينفع مطلع فيلم او ملحمه شعريه (ياحلاوتها مع الرز والشربه من عند الصفتى بتاع محطه مصر ) ومازلنا فى انتظار الموعد والمكان والزمان وافتح يا سمسم

عم تعالب شوفكل حل فى الموضوع ده الناس شكلها كده حر الصيف نيمها

ومازلت بقول

يجعله عامر ......من مسلسل ناس وناس وبرده (عامر ده مش ابو وفاء عامر ...)