محاورات المصريين - فرع الامارات

[اسود وتعالب وارنب]

اني قلت من الاول المندي ده مفهوش ايوها حد كل واحد دخل شوقته من الحر احنا نطلعلوا علي الانفوشي نكلو سمك وبعد كده نطلعوا علي الكورنيش نكلو ( كلوكلو) بتاع ززززززززمممممممان ونشربوا منجي نطفوا الحر تفضل نعزموكو علي ازوزه بارده ساعة العصاري

[egy_foxman]

السلام عليكم

عم اسود الموضوع كده شكله فعلا صدى صوت وخلاص يا عم محدش بيرد ومحدش بييتكلم

الواحد شكله نزل هنا غلط يا عم

نقول سلام مؤقت لحد ما نشوف اخرتها ايه يا عم

وممكن يكون سلام نهائى برده وادينا هنشوف اخرتها ايه

سلام يا باشا :angry2:

[القرموطى]

السلام عليكم ورحمه الله وبركاته اخوانى الافاضل اولا الف شكر والف تحيه للناس الجميله الى هنا وياريت اتقبل عضو معاكم هنا

حيث انى جديد فى البلد والواحد بيدور على ناس مصريين زى العسل زيكم كده فياريت اتقبل معاكم فى الرابطه دى وانشاء الله هنعمل احلى رابطه يعنى ان شاء الله هنكون اقوى من الرابطه الايونيه والتساهميه واى رابطه كميائيه

وياريت الحق الموعد الجاى فى ابو ظبى بس انا مستنى المكان والميعاد

وبرده بستغل الفرصه وبحيى كل ابناء اسكندريه الغاليه .....يعنى اولاد الجيهه

عم اسود وتعالب ....ونقوله الى الامام يا روميل

والحج الطيب فوكس مان ...وربنا يكفينا شر لسانه الحامى ....(يا عم انا بهزر )

والحج ياسو ...

وكل اسكندرانى موجود هنا وانا مش عارف اسمه

وفى انتظار الرد

[اسود وتعالب وارنب]

لووووووووولوووووو الف مبروك الناس ظهرت ايه مبروك ياعم فوكس الماغرة اتملت ومبقاش صدي بس اولا ياعم القرموطي منورنا ومشكرين اخويا علي الكلام الابهه ده ونجملوكو في الافراح وايه ياعم العصفيري عا تمشي ليه خليك منورنا وسلام اسكنداري من بتاع المطاوي

[القرموطى]

السلام عليكم

ايوه كده يا عم خلى الكلام يحلوا الصلى على الصلى يارجاله احنا هنا كده فى بحرى ولا فى السياله ايه الكلام الحلو ده يا عم فكرتنا بالذى مضى يا عم اسود وارانب وسوق محطه مصر على رأى عم فوكس

ولو الكلام على رقص اسكندرانى طيب ممكن بس خمسه عشان ابعت اجيب شوال مطاوى واجى عشان نعمل الواجب

وكانم عم فوكس ايه انته ماشى ليه هو اذا حضرت الى بالى بالك مشت الى بالى بالك برده وعلى فكره

بالى ده بتاع جزم فى اسكندريه .....................ههههههههههههههههه

وسلام مربع للجدعان وفى النهايه نقول بيت شعر اسكندرانى اكيد ولاد الجيهه عرفينه

من المنشيه لشارع النصر ......ادينا اهه فى محطه مصر

وسواق القطر بيتكابر فاكر نفسه ابن اكابر ......ادينا اهه فى سيدى جابر

ولا تقولى عفريت ولا جنيه دا احنا شباب ميه الميه ....ادينا اهه فى الظاهريه

شباب جدعان وعداله وذوق........... وادينا اههوا دخلنا السوق سلام كبير لشباب الشاب سوق

شباب عداله وكله جمال ورجاله صح تهد جبال ........ وادينال اهه فى غبريال سلام كبير للغبريال

ولو زعلان حقك على راسى ..... ادينا اهه فى النقراشى

وسلام كبير يا شباب اسكندريه خلوا الكلام يحلوا وخلونا نشموا هوا البحر من تانى

سلام وما زلنا فى انتظار الرد

سلام يا جميل ................زعلى فكره يا عم فوكس ..جميل ده مش جميل ابن راتب ده واحد تانى هههههههه

[اسود وتعالب وارنب]

ايييييييييوه ياغدع ايه ده انت اصلي مش صيني طب سلام للست بدريه ( الله يرحمها ) وسلام طلعت السطوح انده علي طيري وكمان خالص السلام للجده ( والنبي تقوليلي ياجده ايه اعمل ويا الواد ده ) كلك ذوق يا عمنا وبعدين لمؤخذه بحري حاجة بالصلاه علي النبي ومحطة مصر جو تاني خالص لما العالم كلها من بحري وقبلي وبعدين اهالي محرم بيه الكرام اجدع سلام بيقولك (واحد اسكندراني نده علي امه يقولها نزلي طقم المطاوي لاحسن في عركة كبيره اوي علي الامه امه قلتله اطلع خدهم اقلها طب حوشي القطه اللي علي السلم عشان نعرفوا نطلعوا :wub:

[القرموطى]

السلام عليكم

عم ارانب وتعالب وسلعوات ونمور وكل من له ناب وانا وانته وصلى على الى يشفع فيك

اولا انا حاسس كده ان المغاره هنا هو على راى الحج فوكس الى شكله طفش ولن يعد يعنى من الاخر الصوت وصداه

وفين باقى الناس

وفين اللقب الكبير اللى كله طيبه عم ياسو صاحب الليله دى ولا هو عزمنا وخلع عشان ميحسبش على الطلبات

وعلى فكره بيقولك واحد اسكندرانى بيقول لصحبه ولا يا حمو الا هو ابوك من يوم ما مات وهو مش باين ليه كام يوم ياله

وعيب عليك بجد انك تعك على الاسكندرنيه يا عم تعالب وارانب وصلى صلى يا عم

والمفروض ان زيتنا ودقيقنا عشان محدش يضايقنا يعنى عيب ولاد الجيهه يعوو على بعض

والعم فوكس تعالى يا عم ومش هنعمل كده تانى

والف سلام يا عم الحج

وعلى فكره الحج ده مش ابن ضيوف يعنى مش هو الحج ضيوف ده واحد تانى

ويا جدعان المكان والزمان وكلمه السر ياباشا

[اسود وتعالب وارنب]

احنا حبينا سبئوا قبل ماحد يلئح كلام علينا قولنا نبداو بالشر الاول عشان الناس تعملينا الف حساب وعلي قولتك فين صحاب الليه دي مش عاوزين يحاسبوا علي المشاريب ولا ايه وعمك فوكس راخر اختفي تقريا المكان ده والله اعلم ملئ بالعفاريت بسم الله الرحمن الرحيم الكل بيطفش او يمكن كرشوهم( مشوا بالاسكندراني )

نداء عود الي اهلك يافوكس طلباتك كلها مجابه امك تبكي ليل نهار وابوك منهار واخوتك يلفون الشوارع بحثا عنك عود والمشاريب علينا مش مشكله احنا عندفعوا

[القرموطى]

الو الو الو من عم القرموطى الى اسود وتعالب وبطاطس

حول

انا حاسس اننا نزلنا هنا غلط والمكان فاضى وضلمه

حول

اعتقد ان الباشا صاحب الليله طفش وسبنا وتخلى عن مسؤلياته تجاهنا وانا من هنا بقول بابا ياسو ارجع ماما عوزاك وبتقلك هى جابت غساله وخلاص انته مش هتغسل تانى

وخلاص مفيش غسيل مواعين عشان هى كسبت فى السحب الاخير غساله اطباق من النوع الى بالى بالك

وانا من هنا بقول بابا ارجع ماما عوزه جاز ............. واخواتى الصغيرين بيعيطو عوزين جوافه

عم اسود وبطاطس وديابه انا شكلى كده هحصل عم فوكس او شكلى هنزل عجمان مخصوص عشان اتشرف بالناس الحلوه العداله الى لا عوله ولا عواله وانا من هنا بقول كلمه واحده لو لم اكن مصريا لوددت ان اكون موزنبيقيا او حتى كودتفوارينا او حتى اى جنسيه من الحنسيات الصعبه دى عشان كده

المهم يا عم اسود احنا لو الجماعه دول مستجابوش لمطلبنا احنا هنعمل عمليه ارهابيه ونخطف تلاته اعضاءمن اعضاء المنتدى ونهدد اننا هنعمل ليهم بلوك والا يستجيبوا لمطلبنا

او هننشق عن الجماعه او نعمل احنا مع نفسينا رايطه تانيه

وعلى فكره برم على برم ميلفش يا باشا يعنى عيب اوى لما نعوى على بعض عشان ولاد الجيهه الواحده وخصوصا الاسكندريه ميعضوش ببعض

[القرموطى]

لسلام عليكم

يالى هنا

يالى هنا

هو مفيش حد ولا ايه ......يا عم هو انا جيت بدرى ولا حاجه

الوووووووووووو........عم ياسو

عم اسود

حج فوكس

سى السيد عبد الجواد .....

اى حد هنا يا جماعه

اظاهر ان مفيش حد اصلا هنا وتقريبا الموضوع ده من فتره طويله عشان انا شايف عنكبوت هنا فى المنتدى اظاهر محدش قتح من فتره

وعمتا انا على راى الست ام كلثوم ....انا فى انتظارك

[اسود وتعالب وارنب]

لمواخذه ياعم القرموطي انا انشغلت اليومين دول ولم استطع الدخول علي الموقع وحيثن انه لو يظهر اي من اعضاء هذا القسم من المنتدي وبالاصاله ( مش المطربه) عن نفسي بالنيابه ( مش اللي بالي بالك ) عن اهالس الاسكندريه الكرام اعلن من مقي هذا انه اذا لم يظهر احد من اعضاء هذا القسم سوق نقوم بعمليه ارهابيه وسوق اقوم بتفجير بتنا اللي ساكنين فيهومن هنا اعلي مسئوليتي عن هذا العمل الارهابي

نداء الو الو قرموطي انت فين ياض

[القرموطى]

السلام عليكم (مش اغنيه حكيم )

السيد الفاضل اسود (مش بتاع النزهه) وتعالب (مش الى بناخد منه الفرو) وارانب (مش الى بنعملها على ملوخيه )

سمدله على الحلامه يا باشا (باشا دى الفعل الماضى من يبوش اى يذوب وانته طبعا عارف بوش والى عمله فى الدنيا )

اولا اود ان ابلغ الجميع استيائى عن هجران هذا الموضوع وبقول لو احنا مش نويين نهتم بالموضوع يبقى ليه بنكتبه يا جماعه

وثانيا يا عم سوق العصافير الطيب احسن وبلاش موضوع التف جير ده عشان انته عارف ان الجير طبعا بيضر الجلد

وثالثا : انته فين يا عم فوكس هو انته كمان اختفيت يعنى شكلنا كده هننضم الى دكه الاحتياطى وهنحصل الحج فوكس

وياميت خساره يا جدعان

سلام يا صحبى .....(مش فيلم عادل امام ده حاجه تانيه )

[اسود وتعالب وارنب]

ياحوستي يامرسي ( مش ابوالعباس ) الظاهر ( مش بيبرس ) ان الجماعيه سافروا كلهم الاجازه او ان الاسكندرانيه مش عاجبينهم وقال لا لالالا لاتعامل مع اهالي الاسكندرنيه الكرام ونظرا لهذه العداوه الغير مبرره سوف نطر جميع اهالي الاسكندريه الي قطع جميع الطرق والكباري الموصله الي الاسكندريه وورنا حتعيشوا ازاي في الصيف من دون المصيف وشارع خالد ابن الوليد وميامي ( مش اللي في امريكا ) وايس كريم عزه ومشاوي بلبع هجموع ياعيال هجووووووووووووووم وسلام للجميع

[كرم]

السلام عليكم

اخوكم كرم في ابو ظبي و بقالي سنة و نص هنا

[القرموطى]

السلام عليكم ورحمه الله وبركاته

الاخ كرم الف مرحبا بيك والف تحيه لسعادتك واهلا بيك فى الاامارات وان شاء الله نعرف نكون جاليه مترابطه بجد

والف شكر لاخونا اعضاء المنتدى لهجرهم هذا الموضوع ولكن لن نيأس

[yasovinas]

يا خبر ابيض كووول دا حصل وانا مش داري

احمم احمم

السلام عليكم ورحمة الله وبركاته الاخوة الاعضاء الجدد المنتسبين لرابطة المحاورات الاماراتية او محاورات المصريين فرع الامارات

انقل اليكم تحية ترحيب مع باقة ورد وكيس مكسرات لكل عضو مُقدمة من ابو قلب ابيض كبير الرابطه ونائبة طفطف الاصفر ومساعده امير الطحال وقنصل الرابطه في دبي والامارات الشماليه زعلان العيان

ونعتذر عن التأخير لاسباب خارجه عن الاراده (آه ورحمة خالتي نزاكة ) بس الحمد لله انا شايفكم اهو اندمجتم مع بعض وقلبتوها محتته ولا وقفة البياصة

شوفوا يا اسيادنا

اخوكم نازل مصر الاسبوع الي جاي وطبعا لا صوت يعلو على صوت التسوق والهدايا

والغالي طفشان الصفران مصاب بمرض عضال وقانا الله واياكم شر الامراض

واستاذنا وحبيبنا امير الطحال الشهير بكوكيز مختفي في ظروف غامضه وتقريبا سرقوا منه الموبايل او في حد واخده منه تخليص حق وديون

زعلان العيان له اسبوعين مش عارف عنه اي اخبار

اما الغالي قققققوووووويييي هومر فدا بقى حكايته حكاية واظنه مشدود وشغال طوابير ذنب من اسبوع او اكثر ربنا يفك اسرة ادعو له الله يخليكم الراجل محتاج فعلا دعواتكم

نيجي بقى للجنس الناعم في الرابطة

اثينا ولا تغدينا مطحونه في الامتحانات وبرضه في الاستعداد للسفر وكالعادة لا صوت يعلو على صوت التسوق والهدايا

طمطم ؟؟؟ اختفت في ظروف غامضه جدا وهناك اشاعه انهم عصروها وعملوها في تخديعة الباميه

بوجي (روح الشرق ) البنت الظاهر زهقت مننا وروحها طلعت وبقت الشرق من غير روح

ايمي من يوم عيد ميلادها وهي فرحانه انها كبرت ومش بتعبر اهالينا كلنا

الخلاصة مما سبق اننا نستسمحكم ان نؤجل هذا اللقاء الى حين العودة من الاجازات في منتصف شهر اغسطس علشان يبقى لقاء حار وساخن وعالى الرطوبه ايضا

محدثكم من فوق محلات بيتزا هت شتارع خليفة ياسو ابن فيناس

تم تعديل 26 يونيو 2006 بواسطة yasovinas

[اسود وتعالب وارنب]

سلامو عليكم ياجماعه معلش انشغلت شويه عندي شويه اشياء ومش بدخل هنا كتير ايه الاخبار ياقرموطي انت اختفيت انت كمان كمان

[القرموطى]

عم اسود وتعالب كيفك يا عم وفينك وان شاء الله يكون المانع خير وزى ما هو ظاهر فى هذه الاجواء ان الدنيا هنا اصبحت فاضيه وانا الناس هنا كمان مش عاجبهم كلمنا من اصله والناس عماله تنتقدنا فى كل الواضيع فمش عارف هو احنا جينا هنا غلط ولا ايه ؟

[اسود وتعالب وارنب]

هو احنا اتكلمنا في حاجه خالص من اصله ولا اتناقشنا في اي شئ هنا كل الكلام شويه سلامات ومشاغبه وانتهي الموضوع لم نتناقش في اي مواضيع نهائي ولم نرد علي اي حد لان مافيش حد موجود اساسا صحيح فين فوكس اختفي ليه هو كمان

[القرموطى]

السلام عليكم ورحمه الله وبركاته

السيد الفاضل اسود وتعالب

كيف احاولك معلش ليا فتره مش موجود زى ما تقول تهت وانا جاى المنتدى هنا تهت ومعرفتش ارجع الا بعد تعب

المهم انته عامل ايه وايه الاخبار مفيش يعنى ولا در ولا كلام ولا اى حاجه من اى حد هو الموضوع الناس نسيته ولا ايه