محاورات المصريين - فرع الامارات

[nancy]

استاذ قرموطى

انا لاحظت انك كتير سالت الناس فين ورغم انى مش من الامارات بس حاجاوبك

فية ياسو كاتب ان كل الناس اتشغلت اما فى السفر او فى التجهيز للسفر

ومعلومة لما الناس بتنزل اجازة مصر بتقل مشاركتهم

ففية حوالى شهر او شهرين الى جايين مش حتلاقى الموضوع دة مليان ردود

ومعلموه تانية انا ملاحظة ان حضرتك مش واخد بالك ان اسود وتعالب دى واحدة مش واحد وانت عمال تكلمها على انها راجل

بس انا حبيت اوضحلك النقطتين دول لانى صعب عليا حيرتك دى

وشكرا :)

[القرموطى]

:D :D :angry: :huh:

السلام عليكم الاخت الفاضله نانسى اولا الف شكر على التوضيح المهم جدا الى بيوضح انى تقريبا من بلاد نيام ستان او يمكن مش من هنا من اصله بعد كل الكلام ده يتضح ان الاخ الفاضل وزميل الكفاح اسود وتعالب اخت مش اخ

ينهار زى بعضه وانا نازل مشاغبه وكلام وهو / هى بيرد والواحد قال اخيرا هنلاقى واحد نشاغب معاه وفى النهايه يتضح ان الواحد من جزر القمر او يمكن من القمر من غير جزر من اصله

وشكرا جدا على التوضيح التانى ان الناس فى اجازه بس على فكره انا برده ناس كتير قالت لى ان الناس بتنزل فى اجازه فى شهر 7 و8 بس انا مكنتش مصدق :) بس انا كده صدقت خلاص

وفى النهايه الف شكر الى الاخ الفاضل زميل الكفاح سابقا اسود وتعالب ومش عارف مين عشان الى هو عمله فيا والاشتغاله الكبيره دى وسلام مربع للجدعان

[اسود وتعالب وارنب]

ولا يهمك ياعم القرموطي اهلا وسهلا مش مهم راجله ستات المهم اسكندرنيه الفتره دي صعب جدا الكل مسافر وطبعا التواجد هنا بيكون صعب بس لكيد فيه ناس كتير مش نازلين وانا منهم

[العناني0000]

الاخوة الاعزاء اعضاء المحاورات

هذه دعوة صادقه لنلتقي هنا في الامارات

طفشان اللي له 3 سنين ما نزلش مصر

عمنا امير والجميع

لو موافقين على المبدا نتفق على التفاصيل المكان والزمان انا شخصيا ارحب بالجميع في ابو ظبي بس لو حابين نخليها بدبي ما فيش مشاكل

[طه المصرى]

انا ممكن احضر كلها 9ساعات طيران بس اشوف ناس تنيه وبس

انا هنه خلاص هقلب صينى

وعجبى

[اسود وتعالب وارنب]

طب ليه دي الجو هنا في اسوء حالاته الشمس هنا بتحب المنطقة اوي وطالعه بكل قوتها وبما انك في ماليزيا يقولو انها جميله جدا احكي لنا عنها وياريت بالصور وسلام ماليزي

[القرموطى]

السلام عليكم ورحمه الله وبركاته اخاوىن الافاضل فينكم من زمان انا عارف ان الناس كلها فى اجازات بس اعتقد ممكن نتواصل مع بعض من اى مكان مش شرط الامارات وعمتا ياريت الناس تبداء تكتب من تانى والى موجود ياريت نحاول نتقابل ونحى الموضوع الى اعتقد انه اوشك على الانتهاء

ومن هنا ببعت سلام مخصوص للعم ياسو باشا والخاله اسود وبطاطس وكرنب وباقى انس تمه

المهم سلام انا دلوقتى وياريت المضوع يعيش تانى

[القرموطى]

السلام عليمن ورحمه الله وبركاته

مش عارف ليه محدش بيرد ومحدش بيكتب بس انا برده مش هزهق ومش هسيب المضوع يتنسى او يرجع فى الترتيب زى ماكان الاول

وبرده فى انتظار رد الاعضار ورد الناس القديمه الى لسه فى اجازه ولسه جايه من اجازه

[القرموطى]

السلام عليكم ورحمه الله وبركاته ......وبرده للمره التالته مازلت اقول لن امل ولن ايأس يا جماعه الخير انتوا رحتوا فيين ؟

[القرموطى]

ومازلت بقول انتوا فين يا اعضاء المنتدى فرع الامارات

[القرموطى]

السلام عليكم اخاونا الغاليين انتوا رحتوا فين مشتاقين لكم

[القرموطى]

الوووو

الوووو

الووووو

مازلت انادى انته فين يا عم ياسو سو سوسوسوسو (معلش ده صدى الصوت عشان محدش هنا خالص من اصله )

ومازلت انادى واقول هل الناس رفضت الفكره من الاصل ام هل الناس مشغولين ام هل الناس هنا مش بتوع ترابط وتألف .....

[القرموطى]

k

[أبو زياد]

معاك يا أبو القراميط ايه أخبار الإمارات

أنا فى الرياض

[السيد مرسي مخيمر]

السلام عليكم

سوال الي الاخوة العاملين في الامارات عن فرصة عمل مساح حديث التخرج ويجيد العمل علي الاجهزة المساحية(ميزان -توديوليت -تواتال استيشن) ومتوسط الاجر وششششششششششششكرا

[القرموطى]

mfb: -_- :P :angry2:

بصراحه الواحد مكن حقه يبقى كده عشان مفيش حد خالص هنا لا بيرد ولا بيقول اى شىء