عايزة اعمل مشروع في السعودية

[Samar fathi]

السلام عليكم السادة الافاضل

كنت عايزة اخد رايكم في حاجة انا مقيمة في مكة وكنت عايزة اسال هل ممكن اقدر اعمل مشروع فيها مثلا انا فكرت اني افتح محل بيتزا لان معظم محلات الاكل هي من المشاريع الناجحة وايه هي الاجراءات لاني مش عارفة اعمل ايه؟ علما اني معنديش اي سابق تجربة في الموضوع ده ومحتاجة اسال لو فيه حد عنده خبرة في الاتجاه ده

وتكلفته تقريبا في حدود كام وهل فيه مشروع تاني افضل منه ياريت حد يفيدني في الموضوع دة وربنا يجازيه خير

[se_ Elsyed]

محل بيتزا وإنتي واحده ست وفي مكه ؟

طبي تيجي إزاي

عامةً ممكن تفكري في حضانة أطفال Day care

أو مركز دروس تقوية

أو تستشيري طنط عبير المُشرفة وهي تفيدك حيث إنها نائب عمدة محافظة مكه المكرمة ولها نفوذ واسع هناك

[hakeem]

انا بردوا فكرت نجمع شويه شباب معارفى ونعمل مشروع وطبعا لا هعرف اجمع ولا اعمل بس اهى افكار..بس محتاج اعرف للمعرفه بس مش اكتر ويمكن تتوفر السيوله بعد كام سنه لعمل المشروع..محتاج اعرف بئا هل اصلا مسموح بعمل مشروع ولا لازم باسم حد من اهل البلد..وشويه افكار مشاريع ثورية كده..

انا فكرت فى مطعم او مكتبة او مغسله ..بس معنديش دراسات جدوى المشاريع دى..حد عنده افكار بس لحد ما تتدبر وجايز ننفذ..؟

[Mr MAGED]

الاستثمار في السعودية بالنسبة للأجانب من الأمور المعقدة بعض الشيء ويجب عليك مراجعة قوانين الهيئة العامة للاستثمار

بالنسبة للمشاريع الصغسرة التي تنوين التعامل معها كالمطاعم ومحلات البيتزا .. لا أظن انها تدخل في فئات الاسثمار الأجنبي

ومعظم الأجانب الذين يستثمرون في هذي المشاريع الصغيرة يلجأون للعقود العرفية التي للأسف لا تحفظ لهم حقوقهم

ولا أشجعك عليها .. حتي لا يضيع حقك كما ضاعت حقوق الكثيرين

تمنياتي بالتوفيق

[Samar fathi]

الف شكر لكل اللي رد علي بس انا عايزة اوضح نقطة مهمة ان المشروع ده لزوجي

والاستاذ اللي قاللي اسالي طنت عبير انا مش عارفة اتواصل معاها ازاي ؟؟؟؟؟؟؟؟؟؟؟؟؟

[aimen]

الف شكر لكل اللي رد علي بس انا عايزة اوضح نقطة مهمة ان المشروع ده لزوجي

والاستاذ اللي قاللي اسالي طنت عبير انا مش عارفة اتواصل معاها ازاي ؟؟؟؟؟؟؟؟؟؟؟؟؟

موقع مستعمل حتلاقى عليه افكار ومشاريع جاهزة كمان

ومشاريع معروضة للتقبيل

دا رابط الجزء الخاص بمكة المكرمة

http://www.mstaml.com/section/index.php?t=23&l=2&d=1&x=&xt=1&xa=1&u=&o=0

بالتوفيق ان شاء الله

[عبير يونس]

الف شكر لكل اللي رد علي بس انا عايزة اوضح نقطة مهمة ان المشروع ده لزوجي

والاستاذ اللي قاللي اسالي طنت عبير انا مش عارفة اتواصل معاها ازاي ؟؟؟؟؟؟؟؟؟؟؟؟؟

أهلا بحضرتك يا مدام سمر

شوفي يا ست الكل

زي ما الفاضل أستاذ ماجد قال لك

المشاريع الصغيرة في السعودية غير مضمونة

لأنها بتتعمل من الباطن

يعني بتبقى باسم مواطن سعودي

و حضرتك اوزوجك بيشتغل من الباطن

رسمي هو صاحب كل حاجة

في ناس طبعا محترمة و بتعرف ربنا و فعلا بيخدم لوجه الله

وفي محترمين برضه بس بيطلبوا نسبة نظير استخدامك لاسمه

و في طبعا اللي لو لقى مكسب و ازدهار حياخد كل حاجة و احتمال يرميكي في السجن كمان

يعني طبعا هي مغامرة

لأن الغدر البشري بيبقى مفاجأة طبعا

و الأخ بيغدر بأخوه

عايزة تكسبي هنا

مفيش غير الخدمات

دروس

ترجمة

الاشتراك فيما يسمى " بازار "

بيقام في الجامعة و الجمعيات النسائية زي جمعية أم القرى بمنطقة الزاهر

و دور تحفيظ القرآن الكريم

بتقومي بتأجير ترابيزة باليوم تتراوح من 150- 300 ريال

وتعرضي عليها أي شيء

سواء من انتاجك

مثلا

طبخ أكل منزلي

عمل اكسسورارت و طرح صلاة

او أي مشغولات يدوية

او بتجيبي بضايع بالجملة من جدة ( بالدستة بيسموه " الدرزن" بتبقى أرخص بالجملة طبعا)

و بتعرضيها

او بضايع مصرية مطلوبة

زي اكسسورارت خان الخليلي مثلا

أو الكريستال ( ده بيبقى مطلوب لعربية الشبكة للعرايس )

و ده بيبقى في بازارات تقام في فلل الطبقة الراقية

و طبعا كل نشاط و له زباينه

أهل مكة مدبرين جدا

ومش مبذرين

بيحبوا الأفكار الغير مكلفة

و ما ينفعش معاهم الفهلوة و لا بينضحك عليهم

بيحبوا جدا العروض و الخصومات و التنزيلات

[عبير يونس]

الف شكر لكل اللي رد علي بس انا عايزة اوضح نقطة مهمة ان المشروع ده لزوجي

والاستاذ اللي قاللي اسالي طنت عبير انا مش عارفة اتواصل معاها ازاي ؟؟؟؟؟؟؟؟؟؟؟؟؟

موقع مستعمل حتلاقى عليه افكار ومشاريع جاهزة كمان

ومشاريع معروضة للتقبيل

دا رابط الجزء الخاص بمكة المكرمة

http://www.mstaml.co...t=1&xa=1&u=&o=0

بالتوفيق ان شاء الله

ترحيب حار بعودة حضرتك يا فندم

عودٌ حميد

[Mr MAGED]

الف شكر لكل اللي رد علي بس انا عايزة اوضح نقطة مهمة ان المشروع ده لزوجي

والاستاذ اللي قاللي اسالي طنت عبير انا مش عارفة اتواصل معاها ازاي ؟؟؟؟؟؟؟؟؟؟؟؟؟

موقع مستعمل حتلاقى عليه افكار ومشاريع جاهزة كمان

ومشاريع معروضة للتقبيل

دا رابط الجزء الخاص بمكة المكرمة

http://www.mstaml.co...t=1&xa=1&u=&o=0

بالتوفيق ان شاء الله

المشاريع والأفكار كتيرة يا أستاذ أيمن المشكلة في آلية وقانونية التنفيذ

السعودية لا توجد بها أية ضمانات للمستثمر الأجنبي في حال أقام أي مشروع من الباطن بعكس الامارات مثلا

في الامارات عندما تقوم بعمل أي عقد مع أي مواطن، يتم توثيق العقد من المحكمة بشكل يحفظ للأجنبي كافة حقوقه ولا يستطيع المواطن الالتفاف عليها

حتي توجد قوانين المنطقة الحرة التي تمكن المستثمر الأجنبي من تملك 100% من المشروع الخاص به دون الحاجة لشريك محلي

أما في السعودية لا توجد مثل هذه الضمانات إلا في حالة المشاريع الاستثمارية الكبيرة والتي أيضا لا تخلو من التعقيدات

[Samar fathi]

شكرا جزيلا ا/ ايمن وا/ماجد

والاستاذة عبير الشرقاوي كفيت ووفيت شكرا جزيلا على معلوماتك القيمة

انا اللي فهمته من حضراتكم انكم مش بتشجعوا المشروع اللي انا فكرت فيه قوي وانا فعلا بدات اقلق من الموضوع

طيب معلش سامحوني انا كنت النهاردة في معرض جدة للاسكان وكان فيه شقق كتير في مصر بتتعرض في الشروق والتجمع الخامس وغيرهم طبعا

السؤال بقى اشتري دلوقت ولا لا الاسعار تتراوح من1600 الى6000

ايه راي حضراتكم في اسعار الشقق دي وهل متوقع انها تزيد بعد كده ولا لا ؟؟؟

خصوصا ان مصر داخلة في مرحلة مختلفة في كل شيئ ولا اعرف اشتري ولا لا ؟؟ افيدوني افادكم الله

[aimen]

الف شكر لكل اللي رد علي بس انا عايزة اوضح نقطة مهمة ان المشروع ده لزوجي

والاستاذ اللي قاللي اسالي طنت عبير انا مش عارفة اتواصل معاها ازاي ؟؟؟؟؟؟؟؟؟؟؟؟؟

موقع مستعمل حتلاقى عليه افكار ومشاريع جاهزة كمان

ومشاريع معروضة للتقبيل

دا رابط الجزء الخاص بمكة المكرمة

http://www.mstaml.co...t=1&xa=1&u=&o=0

بالتوفيق ان شاء الله

ترحيب حار بعودة حضرتك يا فندم

عودٌ حميد

الله يكرمك يا مدام عبير

شاكر لك كلماتك

مقتنع تماما بكلامك استاذ ماجد بس ايه البديل ؟؟

نعمل مشروع فى مصر وتبقى انت فى بلد وتعبك فى بلد

وللأسف حتبقى النظرة ياعم هو فارق معاه حاجه ما هو عمال بيكوم وبيعبى فلوس من الخليج

ولا تحاول تعمل زى ما البعض بيعمل وتختار من تثق فيه على قدر الامكان ؟