هل دي محاولة لإستدراجي ؟! أفيدوني يامغتربين

[EsoWay]

الاسبوع دا بتحصلي مواقف غريبة من ساعة ما إبتديت أدي كورسات في العمل تدربيبة للموظفين الجدد

ملاحظة بس أنا قبل كدا كنت في نفس العمل بس دايرة مفهاش تعامل خالص مع حد كل شغلي كان أجهزة بس حاليًا إنتقلت دايرة جديدة وطبيعة العمل إختلفت

أول موقف .... موظف من الجدد كان بيسئلني عن الثورة ولكن شعرت من أسئلته أنه بيستدرجني فكانت إجاباتي عايمه يعني كان بيقولي أنت مع الثورة ولا ضدها وعايز يعرف موقفي من مبديء الثورة فجاوبته قلتله حصلت ثورة من سنة ولم نشعر بأي تغيير يذكر فقط سقط مصريين شهداء ربنا يرحمهم وبدون ماديه إجابة عن موقفي إيه بس حسسته إن الوضع مش عاجبني ودا حقيقي اللي بشعر بيه

تاني موقف .... من شخص بيجي زي المندوب لشركة مش موظف داخل الشركة من الخارج ... وبيقولي ( طبعًا نتم المصريين مسيطرين على رزقنا وحلالنا ومرتزين ورى المكاتب لا شغلة ولا مشغلة و أكلين خيرنا وحنا مو محصلين وظايف _) قلتله أنا ذنبي إيه ؟ أنا جاي بعقد بلدك اللي طلبتني لما ينتهي وأقعد تعالى قول أكلين خيركم !!

فقالي يعني أنتو في مصر مممكن كان حسني يشغل سعودي والمصري مو لاقي ياكل قلتله دا بيحصل ومكنش ذنب اللي جاي يشتغل من بلده دا ذنب حسني !! قالي اهااااااا يعني الحكومة هي الغلطانة ........ و إبتدى يشتم الحكومة بطريقة حسستني إنه بيستدرجني إنه أقوله دا ذنب حكومتك مش ذنبي

أنا قلتله والله حكومتك بتعمل المستحيل عشان تكون إنتا مكاني ولو معاك شهادتي ( هيفنشوني ) بكرة !

أنهيت الحوار معاه وطبعًا الكلام دا معتاد عليه منهم حتى في المنتديات عشان كدا كنت متفهم كلامه بس جو الشغل عندنا صعب تلاقي حد بيتكلم بالشكل دا حتى لو مندوب من شركة خارجية

السعوديين بيخافوا من بعض

هل ممكن يكون الشخصين دول مباحث ؟! ولا أنا واهم عشان الموقفين جم ورى بعض ؟!

[se_ Elsyed]

حتى لو مش مباحث

فالمواطنين السعوديين أنفسهم يعرفون أن هناك أشخاص يُسمون " العصافير " وظيفتهم الإبلاغ عن أي شخص حتى لو كان سعودي طبعاً بيتكلم في السياسة

وبشكل عام الكلام مع مثل هؤلاء خصوصاً اللي ما تعرفهمش لا بيودي ولا يجيب .. واحسن تخليك في شغلك وعملت اللي بتؤدية .

[شلولخ]

انا من نفس رأي سي السيد

انتبه لإن فيه شعور منتشر زي ما انتا قلت ان احنا بناخد رزقهم !! و عشان كده الي مش عصفورة ممكن يتحول لعصفورة عشان بس يئذيك !!

اما الي عصفورة فعلا فأكيد معاك حيكون غراب كمان!! فالاسلم بالتأكيد تبعد عن الكلام ده بتاتا. اعتبره كلام فاحش و ابعد عنه !!!!!!

;)