تعرف إيه عن شقق جنوب الرياض

[شلولخ]

السلام عليكم و رحمة الله و بركاته

إستفسار عن جنوب الرياض للسكن بوجه عام، كويس و لا مش تمام . و أسعاره عاملة ابه. مع العلم اني ما عشتش في الرياض خالص قبل كده و معرفش عنها حاجة.

أنا دورت شوية كده في خريطة الرياض لقيت إن فيه حي العزيزية قريب من المناطق الصناعية (مكان شغلي الجديد) و فيه برضه حي منفوحة بيقولوا فيه مصريين كتير بس الحي شعبي زيادة.

يا ريت الي عنده معلومات يلحقني بيها لحسن انا هانقل خلاص.

ملاحظة: انا دورت في المواضيع و ما لقيتش حاجة ليها علاقة بالموضوع ده قبل كده

[se_ Elsyed]

جنوب الرياض من أرخض مناطق السكن هناك

وممكن في حيي الشفا أو العزيزية تلاقي شقة محترمة قوي في حدود 15 الف

نفس الشقة في وسط الرياض لن تقل عن 30 الف

المنفوحة حي شعبي للغاية ومزدحم لكنه مليء بالخدمات والمحال التجارية ومش أي حد يقدر يتأقلم مع الجو هناك

[hakeem]

انا لسه جديد فى الرياض ولا اعرف شمالها من جنوبها ولا حتى اعرف موقعنا فين منها بس بناء على افادة سى السيد ان جنوب الرياض حى العزيزيه والشفا..فافيدك ان معانا 2 محاسبين ناقلين قريب للسكن فى حى الشفا واخدين فيلا دور تانى بس مقسوم شقتين بمدخل خاص غير مدخل الفيلا الرئيسى..واخدينه السنه ب 11 الف..

لو ع المنفوحه فانا رحتها كام مرة ومع انى مش من سكان المدن الكبرى فى مصر الا انى مرتحتش فيها زحمه وشوارع اشبه بالحوارى وكمان سعرها غالى حد بردوا واخد هناك شقه فى شارع اشبه بحارة كده ب 10500 فى السنة..

[شلولخ]

أنا متشكر اوي لسي السيد و حكيم

الف شكر

[aboueyad alex]

الاخ حكيم لو تقدر تكتبلنا بيانات المكتب العقارى اللى زمايلك إتعاملوا معاه يبقى جزاك الله خير

وإستفسار الدور ككل ب 11 ألف ولا الشقة الواحدة ؟؟؟

[aboueyad alex]

منتظرين أرقام مكتب العقارات اللى زمايلك تعاملوا معاه

[hakeem]

والله قلتله النهارده يا ابو اياد وقالى هجيبلك الرقم بكرة ان شاء الله..لو مجابوش ونسى بئا هجيبلك رقمه هو شخصيا وتكلمه وتفكرة بيه..وتحت امرك

[aboueyad alex]

والله قلتله النهارده يا ابو اياد وقالى هجيبلك الرقم بكرة ان شاء الله..لو مجابوش ونسى بئا هجيبلك رقمه هو شخصيا وتكلمه وتفكرة بيه..وتحت امرك

ياريت ويبقى جزاك الله خير وشاكرين تعبك عشان أعرف منه كمان وضع الحى فى المعيشة والمدارس وخلافه

تم تعديل 25 مارس 2012 بواسطة aboueyad alex

[hakeem]

ده رقم المكتب يا ابو اياد..0559631718..اسمه الحاج عبدالخالق..مصرى..ومعلشى نسيت اسال عن اسم المكتب عموما اتصل بيه واعرف منه ايه الموجود عنده يمكن تلاقى اللى يناسبك..

[aboueyad alex]

ده رقم المكتب يا ابو اياد..0559631718..اسمه الحاج عبدالخالق..مصرى..ومعلشى نسيت اسال عن اسم المكتب عموما اتصل بيه واعرف منه ايه الموجود عنده يمكن تلاقى اللى يناسبك..

تسلم يا حكيم باشا على تعاونك تمت الاتصال بالحاج عبدالخالق وجارى التنسيق بيننا جزاك الله خير

[hakeem]

لا شكر على واجب يا ابو اياد..وياريت اكون افدتك حتى لو بمعلومة..وربنا ييسرلك الحال..