ممكن حد يفهمنى .......؟؟؟؟؟هل هذا صحيح وما هى تبعيات هذا الامر

[pocy]

بالامس كنت اتابع برنامج رأى الناس على قناه مصر25 واتصل ايهاب من اولايات المتحده ليعلن عن شئ اول مره اسمعه

ان لديون مصر والتى بلغت اكتر من 2 ترليون وممكن نسدد فيهم 80 سنه ده من غير الفوايد ممكن ان تسقط أذا اعلنت مصر افلسها وغيرت اسمها لاى اسم غير جمهوريه مصر العربيه وهكذا نبدأ من الصفر ويكون امامنا خمس سنوات لنبنى انفسنا مره اخرى كما فعلت تركيا ومش فاكره ايه البلد التانيه اللى ذكر اسمها فهل هذا حقيقي ولو حقيقي ما تبعيات اعلان مصر افلاسها وهل سيتركونا لو اعلنا افلسنا ................

عايزه افهم معلش يعنى اصل اختكم ملهاش قوى فى السياسه .......... ولا الحاجات دى وعايزه تفهم ............

(

[raouf]

الموضوع اكبر بكتير من تغيير الاسم يا مدام بوسى

لى عودة ان شاء الله بس ارجع من المشوار اللى رايحه

[se_ Elsyed]

لأ يا أم عمر الموضوع مش كده والاخ إيهاب ده بيهيس ومش عارف حاجه

- ديون مصر في أول الحكم الاغبر للعسكر بعد ثورة يناير العظيمة كانت تريليون و80 مليار جنيه تقريباً .... وهي تشمل الديون الخارجية اللي هي حوالي 35 مليار دولار

والديون الداخلية وهي الاخطر ....

الديون الخارجية معروفة وهي ديون الدول الاخرى وصندوق النقد على مصر .. وتقريباً في حالة زي حالة مصر بيبقى صعب نسدد أصل الدين ... فبنشتغل تسديد في خدمة الدين يعني الفوائد السنوية يعني

الديون الداخلية بتزيد ليه ؟

لأن كلها ديون على الحكومة ...يعني ديون مصلحة الكهرباء .. والمياة والسكك الحديد مثلاً على الحكومة

أكتر وزارة بتبقى مداينة الحكومة هي وزارة التأمينات الإجتماعية

ديون المقاولين اللي بينفذوا مشاريع للدولة

ديون أذون الخزانة والسندات التي تطرحها الحكومة عشان تستلف وتفك زنقتها من الأفراد داخل مصر أو ساعات بتبيعها للحكومة والشركات المتخصصة أو المهتمة بكده

إلخ

ومش معنى إنها ديون داخلية يبقى الحكومة تبلطج وتقول مش هاسدد أو إحنا اهالي في بعضينا ... إلخ

الان بلا فخر وحسب أرقام شهر فبراير 2012 .. وصلت الديون تريليون وتلتمية مليار ... عشان شربنا العسكري بالهنا والشفا وقولنا إستقرار

ممكن ان تسقط أذا اعلنت مصر افلسها وغيرت اسمها لاى اسم غير جمهوريه مصر العربية

ما كانش حد غلب

يعني على مستوى الأفراد ... لو انا علي ديون للبنوك أو خلافة وغيرت إسمي وخليته الريس محمدين .. يبقى خلصت كده ؟

لأ طبعاً ومهما تغيري إسم الدولة فإن ديونها لا تسقط

ما تبعيات اعلان مصر افلاسها وهل سيتركونا لو اعلنا افلسنا

تبعياتها مرعبة وأبسط اللي ممكن يحصل فينا هو زي موضوع المحضر بتاع المحكمة اللي بييجي يحجز على المنقولات في شقة الواحد ويبيعها في مزاد عشان يسدد منها ديون الناس

لكن في الدول غالباً بيتدخل صندوق النقد الدولي والبنك الدولي وبيحجزوا على بعض مصادر الدخل في الدولة عشان ياخدوا فلوسهم ... وكمان لما الديون بتزيد عن حد معين مع إنخفاض الأحتياطي النقدي الاجنبي اللي بنسدد منه خدمة الدين زي ما بيحصل دلوقت .. بيبقى من حقهم يبعتوا حد يقعد في أرابزنا زي عبد الشكور بتاع صندوق النقد وبيبقى له الحق التدخل في سياستنا الإقتصادية والنقدية من غير ما نقدر نفتح بؤنا

يعني شيل الدعم عن البنزين ... وودي البلد في داهية .. حاضر

شيل الدعم عن العيش وخلي الناس تاكل توست ... حاضر

إعمل عجين الفلاحة ... برضوا حاضر

لكن صدقيني بشكل عام الموضوع ليس مرعباً لهذه الدرجة طالما توفرت النية الصادقة للإصلاح والعلاج

على سبيل المثال

سنة 2001 اعلنت الأرجنتين إفلاسها

طب تخيلي إن روسيا أعلنت إفلاسها رسمياً سنة 89 عندما سقطت الشيوعية والدول الروسية كلها بقت على الحديدة ؟

لكن كمثال الأرجنتين لما اعلنت إفلاسها .. إشتغلوا بعدها بجد ... وفي سنوات قليلة حققوا معدلات نمو هايلة ... وبقت دولة أكتر من محترمة

من حوالي 12 أو 13 سنة .. حالة تركيا الإقتصادية كانت مزرية .... وفي أقل من 10 سنوات بقوا أفضل 100 مرة من كثير من الدول الأوروبية

والمثال اللي بيتدرس إقتصادياً على مستوى العالم في العصر الحديث دلوقت هو البرازيل

ففي خلال فترة التسعينات البرازيل كانت حالتها أبشع من الدول اللي بتعلن إفلاسها

يعني أنا أفهم إن دولة عندها مشاكل إقتصادية وزيادة ديون وزيادة بطالة و و و و ... ماشي ومقبول وربنا كبير .. لكن فوق ده كله تكون في ظروف أمنية لا يمكن تخيلها زي ما كان حاصل في البرازيل اللي في عز الضهر ماحدش كان يقدر يمشي في الشارع إلا أما يتثبت ويتسرق ولو حظه حلو بيتقتل بس هههههههه ... ومدن كاملة من الصفيح والعشش .. ومخدرات للرُكب وناس عايشة في المجهول ....

لكن واحد عادي جداً من عامة الشعب ولم يكن زعيم لحزب او حاكم ولاية أو محافظ .. واعني هنا الرئيس لولا دي سيلفا جه وفي أقل من 8 سنوات عمل معجزة في بلدة

مش بس كده ده واحد كان لا مؤخذه بيمسح أحذية في الشوارع ... إحم إحم .. وخرج من التعليم من 5 إبتدائي عشان أهله مش قادرين يصرفوا عليه وفقراء أكتر من اللازم.. تخيلوا ؟

بعد كده إتمرمط في الشغل

وساب شغل تلميع الجزم وأشتغل في محطة بنزين ...

وبعدين راح إشتغل خراط معادن

وبعدين ميكانيكي سيارات

وبعدين إشتغل بياع خضار سريح في الشوارع

وبعدين راح إشتغل في مصنع قطع غيار سيارات

تخيلوا كل ده ولم يكن اكمل الـ 19 عاماً .. وهنا كانت نقطة فارقة في حياتة .. حيث إن أحدى ماكينات المصنع قطعت أحد أصابعه وهو بيشتغل .... وضاع حقه وماحدش عبره بتعويض وهنا قرر إنه ينضم لنقابات العمال عشان يدافع عن حقه وحق زملاءة العاملين في كل المصانع

ومن هنا بدأ نضالة السياسي الطويل من خلال نقابات العمال

إلى أن وصل إلى حكم البرازيل سنة 2003 لحد 2011 وكان عنده 58 سننة تقريباً

والراجل إستلم دولة أشبة بالخرابة معدومة الامن

ووصل بها إلى أن ازاحت الأمبراطورية البريطانية من ترتيب الدول الأقوى إقتصاداً على مستوى العالم واحتلت البرازيل المركز السابع بدل بريطانيا

بس خلاص

أخوكم الفقير .. لولو دي سين سين

[raouf]

اجبت واوجزت يا احمد باشا

[pocy]

جزاك الله اخى احمد كل الخير بجد حاسه انى كنت جاهله جدا وصدقت للاسف ان هناك حل لديونا .............واللى كل شويه يطلعوا يخوفونا بيها ......

طب ممكن سؤال تانى لو سمحت اخبار التاميم ايه ................؟؟؟؟؟؟

يعنى هل تقدر الحكومه تأمم الشركات وتاخدها من اصحابها زى ما عمل عبد الناصر (انا عارفه ان اللى عمله عبد الناصر ظلم ناس كتير بدأوا من الصفر )

بس فى ناس اقترحت الموضوع ده فهل ممكن اعرف هل يطبق وما هى تبعيات تطبيقه ...............وايه اللى مصر هتستفاده لو عملت تأميم لشركات الناس اللى سرقوها ززى مثلا حديد عز والدخيله وغيرها وغيرها ................؟؟؟؟

[se_ Elsyed]

جزاك الله اخى احمد كل الخير بجد حاسه انى كنت جاهله جدا وصدقت للاسف ان هناك حل لديونا .............واللى كل شويه يطلعوا يخوفونا بيها ......

طب ممكن سؤال تانى لو سمحت اخبار التاميم ايه ................؟؟؟؟؟؟

يعنى هل تقدر الحكومه تأمم الشركات وتاخدها من اصحابها زى ما عمل عبد الناصر (انا عارفه ان اللى عمله عبد الناصر ظلم ناس كتير بدأوا من الصفر )

بس فى ناس اقترحت الموضوع ده فهل ممكن اعرف هل يطبق وما هى تبعيات تطبيقه ...............وايه اللى مصر هتستفاده لو عملت تأميم لشركات الناس اللى سرقوها ززى مثلا حديد عز والدخيله وغيرها وغيرها ................؟؟؟؟

التأميم ليس كله شر

لكن هو موضوع زي المشي على الحبل

يعني أي حركة كده ولا كده ممكن تودي في داهيه

يعني على سبيل المثال

المستثمر اللي جه يشغل فلوسة في مصر .. مش جاي يتعاقد مع حسني مبارك كفرد .. وبالتالي لو إتخلع حسني يبقى كده الراجل ضاع وضاعت فلوسه

لأ

ده المفروض إننا دولة محترمة والراجل المستثمر متعاقد مع دولة مش مع عصابة تلهف فلوسة في أي وقت

وبالتالي أي مستثمر بيحس إن البلد دي مافيهاش إستقرار وإن فلوسه ممكن تروح .. عمره ما هاييجي ولا يعبرهم

لكن الموضوع لما بيبقى متعلق بفساد أثناء التعاقد والإستثمار زي ما حصل أيام اللهي لا يوفقه المخلوع .. ونلاقي مثلاً أراضي بتتباع للمستثمر المتر بنص جنيه .. يعني ما يجيش ثمن ساندوتش فول ... وتاني يوم وهي لسه رمل على الارض يبيعوها المتر بعشرة الاف جنيه والتسليم ربنا يدينا طولة العمر

أو المصانع المنتجة المربحة اللي أتقيمت بأقل من قيمتها وطلعوها خسرانة عشان ياخدها على الجاهز واحد مستثمر مظبط مع الوزرا ورئيسهم مبارك

هنا يبقي في كلام عن إسترداد الممتلكات دي

لكن يظل الموضوع مش سهل ومحتاج ناس محترفة في القانون والإقتصاد

لأن لو الموضوع كان متعلق بمستثمر اجنبي ويا سلام لو أوروبي او امريكي .. وراح رفع علينا قضية امام المحاكم الإقتصادية الدولية ... يبقى بيكسبها من أول جلسه

وبياخد تعويض يقطم الضهر ... زي ما عمل الولا الإيطالي اللي من أصل مصري اللي إسمع سياج ده .. صاحب فندق سياج بيراميدز اللي راح إشترى معظم أراضي مدينة طابا بجنية المتر ههههههههههههههههههههههههههههه وبعدين باعها لليهود ففسخنا العقد معاه لإعتبارات امن قومي راح محكوم علينا بغرامة400 مليون جنية وإتحجز على فروع لبنوك مصرية في اوروبا بالكامل لحد ما نسدد ... وأشرب يا معلم

وهكذا

يعني إحنا سمعتنا زي الطين بره .. ولنا سوابق .. وأي قضية هاتبقى شبة محسومة لأي مستثمر

لكن يظل المستثمر المصري الفاسد اللي أخد حق مش حقه تحت إيدنا وممكن نظبطه ونرجع حقنا منه بدون ضرر ولا ضرار .. لكن الموضوع محتاج حرفية زي ما قولت