اذهب إلى المحتوى
محاورات المصريين

سين سؤال

MuslimaEgyptian

بواسطة MuslimaEgyptian
في باب الإجتماعيات

 مشاركة

Recommended Posts

MuslimaEgyptian عضو جديد

MuslimaEgyptian

بتاريخ:
بتاريخ:

الأخوه الأفاضل..السلام عليكم،

الموضوع ده بصراحه على بالى من فتره وترددت صراحه لفتحه الآن والمنتدى يمر بمنعطف من حيث وفود أعضاء جدد قد لا يستهويهم هذا الموضوع لدرايه غير كافيه بالأعضاء القديمه...ولكن قررت أن أتقدم به على أى حال :P

ببساطه، هل أنتم مثلى حيث تقرأون مداخلات كثيره وساعات بيبقى نفسك تسأل عضو حاجه معينه للإستفاده وتخشى أن تتطفل، أو ينتهى الحوار خشيه من الخروج عن الموضوع الأصلى؟ هل بيحصل معاكم كل ده :D

بصراحه، وجدت هذا الموضوع الشيق فى إحدى المنتديات الشقيقه وإسمه كرسى الاعتراف ..حيث يرشح عضو ما وينهال عليه الآخرون بكل سؤال يخطر ببالهم تحت الشمس :D ..لدرجه أسئله مثل "لون عينك الشمال إيه" :lol:

طبعا مش عاوزين نحرج حد أو نعذبه، ولذلك نجعل الساحه مفتوحه للجميع وعلى المتسائل أن:

1. يتحرى حدود اللياقه والإحترام عند السؤال ،

2. وللشخص المذكور كافه الحريه فى *الإمتناع* وببساطه أن يقول:

Pass :) من غير اى تفنيد لموقفه ،

3. وعلى الجميع إحترام ذلك إن شاء الله..

إيه رأيكم؟ :)

التوقيع مغلق للتحسينات :) .
رابط هذا التعليق
شارك
  • الردود 48
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

MuslimaEgyptian عضو جديد

MuslimaEgyptian

بتاريخ:
  • كاتب الموضوع
بتاريخ:

نبتدى ب...

الأخ محبط :lol:

سين سؤال:

ماشاءالله، بإقرار الأغلبيه، حضرتك تحظى بثقافه غزيره فى كافه المواضيع..من سياسيه لإجتماعيه الخ

ما هى العوامل التى شكلت خلفيتك الثقافيه؟

التوقيع مغلق للتحسينات :) .
رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
نبتدى ب...

الأخ محبط :D

سين سؤال:

ماشاءالله، بإقرار الأغلبيه، حضرتك تحظى بثقافه غزيره فى كافه المواضيع..من سياسيه لإجتماعيه الخ

ما هى العوامل التى شكلت خلفيتك الثقافيه؟

هايل يا مسلمه

نفس الموضوع من فتره فكرت فى فتحه لكن خشيت من ان يضايق البعض .. وكمان نفس السؤال اللى كان نفسى اساله :P انتى هايله كالمعتاد :lol:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
disappointed عضو جديد

disappointed

بتاريخ:
بتاريخ: (معدل)
نبتدى ب...

الأخ محبط :)

سين سؤال:

ما هى العوامل التى شكلت خلفيتك الثقافيه؟

القراءة و الإطّلاع بالطبع (فأنا أؤمن بأن أى شيئ مطبوع فهو قابل للقراءة و قادر على التثقيف و زيادة المخزون المعرفى.. ولهذا فقد كان عندى و أنا صغير عادة قراءة المكتوب على قراطيس اللب و السودانى و على الورق الذى يتم لف البطاطا المشويّة فيه)

مصادر القراءة و الإطّلاع توفرت بالأساس لى فى فترة طفولتى و شبابى عن طريق :

1- والدتى :

تعلّمت منها أشياء كثيرة أهمّها النهم المستمر و الدائم للمعرفة بجميع أشكالها وفى أى الفروع , و تعلّمت منها طريقة التفكير المنطقيّة و كيفيّة تجميع الأفكار و تركيزها , و تعلّمت منها قيمة العلم لذاته , وتعلّمت منها عادة تدوين ملحوظات مستمرّة من قراءاتى للرجوع إليها لاحقاً

مكتبة والدتى الشخصيّة هى مكتبة ضخمة للغاية لدرجة أنه لايمكن الوصول لكتاب أو مرجع بها بسرعة دون الرجوع إلى القائمة المبوّبة و المُرقّمة و التى تقوم بتحديثها كل 3 شهور

والدتى بدأت معى تنفيذ برنامج مدروس بعناية فائقة للإطّلاع منذ أن كنت بالصف الأوّل الإبتدائى.... بدأت معى بروايات الأدب العالمى (أتذكّر أن أول ما قرأت و أنا بالصف الأول الإبتدائى كان "هاكلبرى فين" لـ"مارك توين" و " أوليفر تويست" لتشارلز ديكنز... وكنت أقرأ هذه الروايات بجانب قصص الأطفال المصوّرة)...ثم بدأت تتوسّع فى مجالات الكتب التى توجّهنى لمطالعتها بالتدريج (حتى لا تقوم بحرق مخّى مبكّراً) حتى وصلت إلى المرحلة التى كنت أقرأ فيها فى العلوم الطبيعيّة و السياسة و الفكر و الفلسفة فى سن مبكّرة (يمكن فى الأجازة الصيفيّة قبل دخولى للمدرسة الإعدادية .... و أتذكّر إنى قلت فى إذاعة المدرسة و انا فى أولى إعدادى موضوع عن أطفال الأنابيب - وكانت لسّه أوّل طفلة أنابيب مولودة- .. و طبعاً اكلت تريقة من العيال فى المدرسة لمّا إتهريت و فضلوا مسمّيينى طفل الأنابيب لغاية ما خلّصت إعداديّة - فى أواخر ثالثه إعدادى إبتدوا يرحمونى من إسم طفل الأنابيب بس سمّونى "مدام كورى" - آآآآه والله...حاجة تكسف...و كان ده طبعا بعد ما قلت فى إذاعة المدرسة موضوع عن الراديوم المشع)

والدتى كانت تقوم بتبسيط ما لا يستطيع ذهنى إدراكه , وكانت دائمة النقاش معى حول ما أقرأه للتأكّد من عدم تسرّب آثار سلبيّة لعقلى بفعل الإطّلاع المبكّر على فروع كهذه.. و أتذكّر لوالدتى أيضاً أنها أصدرت قراراً بأن أى كتب تعجبنى و أريد أن أشتريها فإنها خارج مصروفى الخاص (يعنى المصروف مشفّى و "ريدنج فرى" :lol: )

2- المكتبات العامّة :

فقد كنت ملازماً للمكتبات العامّة فى العديد من المراكز الثقافية التى كانت والدتى تصطحبنى إليها , و فى النوادى التى أتمتع بعضويّتها , و فى المدرسة ثم فى الجامعة , و كنت مدمناً على مكتبة مصر الجديدة العامّة منذ أن تم إفتتاحها و أنا فى الإعداديّة على ما أتذكّر

هناك أيضاً عدد من القنوات التى أسهمت بشكل فعّال فى تكوين مخزون معرفى و تثقيفى.... مثل حضورى لجلسات نقاش والدى السياسيّة و الفكريّة المستمرّة مع أصدقاء له (حيث كان يصطحبنى معه منذ طفولتى حتى وجدّتنى أشاركهم الحديث و أنا فى المرحلة الإعداديّة)

وهناك أيضا عادة هامّة للغاية...وهى : سؤال أى شخص أحتك به عن تفاصيل و دقائق نشاطه المهنى.... و بذلك أصبح عندى بنك معرفى دائم فى العديد من المجالات من أوّل صناعة الحلويّات لغاية ميكانيكا السيّارات ( أتذكّر أن والدى دخل المنزل مرّه و أوّل ما قابلنى قال لى : صاحب صالون الحلاقة بيقول لى الواد إبنك كل ما ييجى يحلق يسأل أسئلة مريبة عن داخليّات شغلتنا... إيه الموضوع؟؟) :P

على نفس المنوال ....أتذكّر أيضا أننى فى المرحلة الإعدادية و الثانوية (عندما كان وقتى و جلوسى بالمنزل لفترات طويلة يسمحان لى بمشاهدة التليفزيون) أننى كنت أشاهد البرامج التعليميّة للثانوى الصناعى و الزراعى , كما كنت مغرم بمتابعة البرامج الموجّهة للمهنيين و الحرفيين كتلك التى تبثها القناة الثالثة و القنوات الفرعيّة... (يعنى مثلا أصبح عندى دراية بكل ما يتعلّق بالرغيف الفينو من اوّل وزنه لغاية طريقة عمله و المراحل التى يمر بها إعداده عن طريق أحد هذه البرامج.. وهو ما إعتبرته نوع من أنواع الثقافة العامّة و المعرفة)

بالنسبة للتثقيف و الإطّلاع الدينى فكانت مكتبة والدتى تضم كتب دينيّة نادرة لم أر مثلها فى المكتبات العامّة , بينما كان لوالدى و جدّى دور كبير فى تثقيفى دينيّا , حيث كان والدى متابعاً دائما لى فيما يخص مسابقات حفظ و تلاوة القرآن الكريم , بينما كان جدّى يمدّنى بكتب دينيّة قيّمة للغاية كلّما حضر لزيارتنا

الحقيقة الجيل الحالى جيل محظوظ جدّا....... فعن طريق الإنترنت و القنوات الفضائيّة التثقيفيّة ( زى الهستورى تشانّيل و الناشيونال جيوجرافيك و الأنيمال بلانيت و ساينس مونيتورز..إلخ إلخ) يمكن لهذا الجيل بناء مخزون معرفى و ثقافى يفوق المخزون الذى كان متاحاً لجيلى ( وبسهولة و كمّية و نوعيّة أكبر و أضخم و أفضل)

أنا بس عايز أشكر مسلمة إيجيبشيان على إختيارى ( وفيروز بمداخلتها أيضاً) كأول شخص تبادر لذهنها , ففى هذا تقدير لشخصى سعدت به على قدر ما أتمنى أن أكون مستحقاً بالفعل للإنطباع الذى تركته عندهما

دورى بقى :D

مممممم...

ممممممم...

المهندس

كلّمنى عن نفسك شويّة

(شخصيّة مثيرة للإهتمام.....و الإحترام..... حقيقى يعنى)

تم تعديل بواسطة disappointed

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
عصام عضو جديد

عصام

بتاريخ:
بتاريخ:

طيب دلوقت إحنا المفروض نستنى لما المهندس يرد؟ :lol:

وللا عادى ممكن نكمل؟ :P

أصلنا لو هانستنى المهندس .. يبقى هانستنى كتير ..

[وسط]!Question everything

[/وسط]

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
طيب دلوقت إحنا المفروض نستنى لما المهندس يرد؟  :lol:

وللا عادى ممكن نكمل؟  :D

أصلنا لو هانستنى المهندس .. يبقى هانستنى كتير ..

طيب حد يبعت ينده له :P

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
وليد صفوت عضو جديد

وليد صفوت

بتاريخ:
بتاريخ:

انا رأيى أننا نحط تعديل فى قواعد المناقشة دى...... أن لو العضو الموجه له السؤال لم يرد فى خلال 6 - 10 ساعات ........ يبدأ سؤال آخر لعضو آخر .......و هكذا ......

أيه رأيكم ؟

44489_10151097856561205_1288880534_n.jpg

رابط هذا التعليق
شارك
Cleo عضو جديد

Cleo

بتاريخ:
بتاريخ:

إيه ده؟؟

هو كدة محبط خلاص؟؟؟

مش لسة ممكن يكون فيه ناس تانية عاوزة تسأله حاجات تانية ؟؟؟

أنا رأيى كل عضو بعد ما يتقطع نفسه أسئلة ننقل على اللى بعده...

يعنى محبط لسة معانا شوية... ماشى؟؟

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

الأسئلى التالية للدكتور محبط:

- ماهو أكثر مكان تحب زيارته؟؟

- ما هو حيوانك المفضل؟؟

- أكثر شىء فى الدنيا يبسطك...

- أكثر شىء فى الدنيا ينرفزك

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Asat عضو جديد

Asat

بتاريخ:
بتاريخ: (معدل)

سؤال للأستاذ محبط,

إيه أفضل عشر كتب (الغير روائية) عندك؟

(ياريت بإسم الكتاب, و إسم الكاتب, و دور النشر)

تم تعديل بواسطة Asat

"I have never in my life learned anything from any man who agreed with me" Dudley Field Malone

"I have never let my schooling interfere with my education" Mark Twain

“Peace is not simply the absence of conflict, but the existence of justice for all people" Anonymous

"We are drowning in information but starved for knowledge" John Naisbitt

"انا لم أتعلم أي شئ من أي شخص إتفق معي في الأراء" دادلي فيلد مالون

"أنا لم أسمح لدراستي بأن تُعيق تعليمي" مارك توين

"السلام ليس معناه غياب العنف، و لكن تطبيق العدل بين الناس" مجهول

"نحن نغرق فى المعلومات و لكن نفتقر الى المعرفة" جون ناسبيت

رابط هذا التعليق
شارك
disappointed عضو جديد

disappointed

بتاريخ:
بتاريخ: (معدل)
- ماهو أكثر مكان تحب زيارته؟؟

المسجد النبوى و قبر الرسول عليه الصلاة و السلام.... و أحب زيارة المدينة المنوّرة فى المجمل , فراحتى النفسيّة و إحساسى بالإنشراح هناك لا يمكننى وصفه و لا يمكننى مقارنته بمكان آخر

- ما هو حيوانك المفضل؟؟

الحصان ( أحب الخيول بصفة عامّة و أعشق مشاهدتها و مداعبتها رغم أننى لا أجيد ركوب الخيول - بأركبها بس على قدّى , ولو الحصان عفى شويّة حينطرنى من على ظهره فوراً-)

- أكثر شىء فى الدنيا يبسطك...

السعادة على وجه بنتى و إبنى و صوت ضحكاتهما البريئة

- أكثر شىء فى الدنيا ينرفزك

الخيانة

و

الجحود

تم تعديل بواسطة disappointed

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
disappointed عضو جديد

disappointed

بتاريخ:
بتاريخ: (معدل)
إيه أفضل عشر كتب (الغير روائية) عندك؟

الإختيار صعب...بس أعتقد أن هذه هى الكتب العشرة التى إستمتعت بها و أثّرت فى حياتى :

1- مقدّمة إبن خلدون ( الطبعة التى معى من إصدار دار الحكمة ببيروت)

2- التفكير العلمى (د.فؤاد زكريّا - دار المعارف)

3- كلاّ من "إحياء علوم الدين" و "تهافت الفلاسفة" ( للإمام الغزالى - دار الحكمة - بيروت)

4- الحتميّة و اللا حتميّة (إرنست كاسيرر - صادر عن قسم الدراسات الإنسانيّة بجامعة جويتبرج بالسويد , و من ترجمة د. محمّد شامخ - إصدار دار المعرفة ببيروت)

5- مفهوم السخرية ( سورين كيركجارد - صادر عن جامعة كوبنهاجن و ترجمة د. عبد الفضيل طايع بكلّية آداب جامعة القاهرة "قسم الفلسفة")

6- مستقبل العلم (إرنست رينان - ترجمة على أدهم - صادر عن هيئة الكتاب المصريّة)

7- حياة العقل ( جورج سانتيانا - ليس تحت يدى حالياً لإخبارك بدار النشر)

8- فى الدفاع عن العلم و العقلانيّة (كارل بوبّر - ترجمة د. يمنى طريف الخولى - صادر عن عالم المعرفة

9- روائع برجسون ( وهو مجلّد يضم الثلاثيّة الخالدة لــ"هنرى برجسون" : "الزمن و الإرادة الحرّة" , "المادّة و الذكرى" , و "التطوّر الخلاّق" - صادر عن الكوليج دو فرانس و ترجمة د.فؤاد زكريّا - دار المعرفة)

10 - الظاهرة الإنسانيّة (بيير تايارد دو شاردان - ترجمة د. محمود عودة - دار المعارف)

و بمناسبة الكتب و العلم و الثقافة ..... فهناك كلمة أشعر بالحاجة لقولها رغم أنّها قد تكون ثقيلة نوعاً ما ولكننى أراها تلخّص سبب ما وصلنا إليه:

من المؤسف أن تُستبدَل ثقافة أجيال كانت مهتمّة بإبراز "مقدّمة إبن خلدون" بثقافة أجيال أصبحت مهتمّة بإبراز "مؤخّرة روبى"

تم تعديل بواسطة disappointed

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

هِد يا جدع الموضوع بلاش كلام فاضي .. إحنا مش قاعدين في قسم عابدين هنا . وسين سؤال وس س !!!!!

- انا شايف إن الموضوع ممكن يتلخبط وتتوه الإجابات مع الأسئلة مع الشخصيات واللي هايرد واللي مش هايرد وهاندخل في دوامة تفقد الموضوع متعته ....

- ولإنني متوقع إقبال جماهيري وشعبي على هذه الفكرة لصاحبتها ومديرتها الحاجة مسلمة إيجيبسيان ..فبأقترح على الإدارة متمثلة في أ / عادل أبو زيد والأستاذ هشام عبد الوهاب إنهم ينشئوا لنا باب جديد في المناقشات وليكن إسمه " كرسي الإعتراف " او أي إسم تاني يُعبر عن المضمون .. وتبقى الأسئلة الموجهه لكل شخصية لها موضوع مستقل بحيث تبقى الأسئلة والإجابات متسلسلة وما تتوهش ...

وخلصونا بسرعه لأن عندي أسئلة كثيرة وأول موضوع هابدأ به وهايكون مفاجأة ومش هاقولكم عليها دلوقت عشان ما أحرقهاش ... هي مجموعة أسئلة موجهة للأستاذ عادل أبو زيد .. بس ماحدش يقول له عشان ماتحرقوش المفاجأة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
disappointed عضو جديد

disappointed

بتاريخ:
بتاريخ:
هذه الفكرة لصاحبتها ومديرتها الحاجة مسلمة إيجيبسيان

معلش يا معلّم

سؤال :

هيّه كانت غلطة مطبعيّة والاّ إنت اللى كنت بتنطق إسم مسلمه إيجيبشيان بالفرنساوى ؟؟!!!

stnd:: :lol: :lol:

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
المهندس عضو جديد

المهندس

بتاريخ:
بتاريخ:

الإخت مسلمة مصرية

- حلوة وملعوبة ..... وإختيار الموضوع ده ...إحم ...نقول إيه؟....نسميه إيه؟ ....."إختيار ماكر" ...لكن على العموم هو موضوع شيق .....ووووووووماشى (أحييكى تحية خاصة على إلتزامك وثقافتك ).

إسو ....والله معاك حق ....فعلا ...أنا بيبقى عندى ألف مشاركة ومداخلة ورد وإضافة وتعليق بس للأسف الوقت لا يساعد أبدا ويادوبك باقدر آخد فكرة عن المواضيع اللى فى الفلاش من وقت للتانى.

الهانم فيروز....مافيش داعى للتعب ...أنا جيت لوحدى!

صاحبة الجلالة كليو ....أنا هاستنى لما "تخلصى" على محبط وباقى الأعضاء....(أنا عارف إن أسألتك لسه إفتتاحية لجر الرجل ) وبعدين هأكتب وصيتى الأخيرة وأودع ليالى الهنا وآجى لجلالتك إنتى والهانم فيروز(اللى لسه بتسخن) ولايت هاوس (هى فين ؟) وشعنونة (موجودة ولا مطروح؟)وباقى بنات وسيدات ورجال المنتدى الشرس !

محبط

إنت بتفكر تغير التخصص ولا إيه ؟ إيه حكاية كلمنى عن نفسك دى ...؟

إنت عايزنى أتكلم "بالتداعى الحر للأفكار" ؟...لأ يا باشا إلعب غيرها "على رأى المليجى" .....عملناها كتير قبلك وقبل حتى مدرسة فيينا ! .....خليك محدد ......ايها الثعلب.

يا جماعة الموضوع مثير للإهتمام جدا لكن لى ملحوظة....

أنا يوهيئ لى أن كل واحد منا مرسوم له صورة أو حتى إنطباع فى خيال كل واحد فى المنتدى......موضوع مسلمة ده تفتكروا هايكون ليه تأثير على الحكاية دى...وإيه نوعه؟؟؟؟

على العموم ....أنا النهاردة طول النهار....بالصدفة ....قاعد فى مكتبى وهاتابع الموضوع ده بإهتمام .....

وأقترح أخذ الأصوات بحرية....وترشيح الشخصية التالية الاكثر إثارة لإهتمام الأغلبية وخلونى أنا للآخر خالص (عشان الواحد يتفرج من "القصب" بحرية ويتابع نوعية الأسئلة ويجهز) ....إيه رأيكم ...دام فضلكم؟؟؟ وأنا شخصيا باقترح بدون ترتيب الشخصيات التالية المثيرة للخيال والجدل ...أنا حرة (لو لسه موجودة ومطفشتش) ...وطه ....وأمير....وعقل حر وناصر الملكية والملكيين وعوف وغريب فى الظلمات (ولا إدارة المنتدى إدته إستمارة سته للابد) ....والباقى حايجى لوحده!.

"شوفت ياسى إسو أنا متابع إزاى؟"

يالا يا شباب إعتمدوا وعالبركة.....أنا حاستنى فى القصب!

أتيت لا ربيع بعدكم ولا شتاء

أتيت كالامطار

كل ما أحمله نقاء

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
هذه الفكرة لصاحبتها ومديرتها الحاجة مسلمة إيجيبسيان

معلش يا معلّم

سؤال :

هيّه كانت غلطة مطبعيّة والاّ إنت اللى كنت بتنطق إسم مسلمه إيجيبشيان بالفرنساوى ؟؟!!!

stnd:: :lol: :lol:

إيه يا محبط يا أخي .. إنت فاكرني بصمجي ؟

يا عم انا كنت الأول على المدرسة في المرحلة الثانوية وكنت أتحدث اللغة الفرنسية زي شيراك كده ومعايا شهادة تقدير كمان ... بس دلوقت كل راحه .. كله اتدمر ... وما بقاش حيلتي غير فيرب إتغ ....

فقولنا نطنطط شويه ونعرف مسلمة إيجيبشان إن إحنا جامدين ونتحدث اللغة الأفرنجية .. f((:

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
المهندس عضو جديد

المهندس

بتاريخ:
بتاريخ:

تعالى ياسى إسو .......ومصمص العود ده على بال ما الجماعة يهلوا .......

الظاهر إن كله لبد فى القصب........

أتيت لا ربيع بعدكم ولا شتاء

أتيت كالامطار

كل ما أحمله نقاء

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
الهانم فيروز....مافيش داعى للتعب ...أنا جيت لوحدى!

لا انا مصره اتعبك :P يا ريت بلاش موضوع "الهانم" ده من فضلك :P فيروز من غير القاب اظن انسب ashamed05.gif

وبعدين هأكتب وصيتى الأخيرة وأودع ليالى الهنا وآجى لجلالتك إنتى والهانم فيروز(اللى لسه بتسخن) ولايت هاوس (هى فين ؟) وشعنونة (موجودة ولا مطروح؟)وباقى  بنات وسيدات ورجال المنتدى الشرس !

لا تقلق على الاطلاق .. انا سؤالاتى سهله و بسيطه خالص جدا tiptoe.gif يعنى مثلا مثلا دراستك ايه؟ فلسفه ولا علم نفس ولا هندسه "عشان الاسم" ولا ايه بالظبط؟ طبعا دى اسئله افتتاحيه بسيطه hypr: مش كل الاسئله هتبقى فى مستوى الطالب اللى مش مذاكر clp::

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

حاليا لا اعرف الميكروفون مع مين؟ rockband.gifمحبط ام المهندس؟ hypr:

وهذا السؤال لمحبط : يا ترى هل لازلت متفائل؟ dckix.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...