سين سؤال

[المهندس]

كلم يا محبط .....فيه ناس عايزاك وبتسأل عليك !

wst::

[Cleo]

سؤال أخر لمحبط..

(معلش يا باش مهندس)

محبط..

- بعد يوم عصيب ومشحون بالمشاكل فى العمل، ثم اختناق مرورى فى جو حار وأنت فى الطريق إلى المنزل.. هل تحتفظ بهدوءك؟؟ أم تثور لتفرغ شحنة الضغط العصبى؟؟

- بعد هذا اليوم العصيب... إذا أردت أن الاسترخاء، هل تسمع موسيقى هادئة؟؟ أم تجلس فى البلكون ليلا تسرح فى اللاشىء؟؟ ولا تعمل ايه؟؟

[Ahmed Mohsen]

أنا كمان عايز أسأل عمنا الكبير محبط .....

كيف تتعامل مع أولادك؟؟؟؟

أنا أصلي بصراحة متخيلك راجل رزين هادي بتتحرك بحساب وبتتكلم بحساب ...

والكلام ده ماينفعشي مع العفاريت الصغننين .....

ياتري بتقوم تجري معاهم وتضحك وتهرج معاهم ... وتشيلهم وتهشكهم وحاجات من دي كده ؟؟؟؟؟؟

طبعا مش هاسألك إن كنت بتربيهم علي حب الإطلاع والقراءة لأن أكيد دي مفروغ منها.

[se_ Elsyed]

- أم تجلس فى البلكون ليلا تسرح فى اللاشىء؟؟

بعد إذنك يابو المحابط ..

السؤال ده إستفزني وقلب عليه المواجع ...

تصدقي بالله يا كليو يابنتي .. البلكونة دي من الحاجت اللي الواحد مفتقدها في السعودية ... فتكاد تكون البيوت لا تعرف شيء إسمه بلكونة ... وحتى لو فيه بلكونة - انا عندي واحده كبييييييييييييييرة ... لا تُستغل على الإطلاق - وصعب جداً جداً تلاقي حد واقف في البكونة بيبص على لاشيء أو جايب كوباية شاي وقاعد بيقرأ الجرنان فيها وده لسببين :

1- تقاليد البلد نفسها .. فمافيش حاجة إسمها واحده ست تطلع تنشر الغسيل في البلكون ، او تكلم جارتها من البلكونة .. او تدلدل السبت عشان تجيب ربع كيلو طماطم من بتاع الخضار اللي معدي .... فبدون مبالغة لو صادف ولقيتي بلكونات في البيوت بتبقى أشبه بالثكنة العسكرية ... متاريس ... وستاير حاجبة للهواء العليل ... او واحد مقفلها بخشب كلها ومش مخلي ولا منفذ ... حتى أبواب البيوت وخصوصاً الفلل جمع villa بدون مبالغة بتلاقي معظمها أشبة بباب سجن القناطر ومصيري أصور لكم شوية ابواب فلل عشان تحكموا بنفسكم .. والله العظيم نفس تصميم وديكورات باب السجن .. ناقص بس يبقى قدام البيت حنطور وفرقة موسيقى تستقبل المُفرج عنهم ... وتقول للي خارج كفارة يا معلم .

2- الجو هنا ما يشجعش على الإطلاق .. فإما صيف كالجحيم والواحد لو قعدة 5 دقايق في البكونة ممكن يبقى شاورما .. او شتاء غلس يجيب هشاشة في العظام .

على فكرة من خلال المكالمات التليفونية المستمرة مع محبط إكتشفت إنه شخص دمه خفيف وإبن نكته بس عيبه إنه زملكاوي .. اما بقيت الصفات فزيينا يعني wst::

[Asat]

شكرا جزيلا يا أستاذ محبط على مشاركتك لنا بهذه المعلومات و على الوقت اللى قضيته للرد عليها wst::

من المؤسف أن تُستبدَل ثقافة أجيال كانت مهتمّة بإبراز "مقدّمة إبن خلدون" بثقافة أجيال أصبحت مهتمّة بإبراز "مؤخّرة روبى"

عن نفسي, انا بدأت أحب القراءة (للمعرفة) منذ عدة سنوات قليلة.

الدافع هو إني وجدت إنه من الحتمي ان أعرف ايه اللي بيحصل في العالم لإني إكتشفت إني معرفش حاجة عنه.

في رائي المتواضع, أحد أهم الدوافع اللي حتخلي حد يبتدئ يقرأ, هو إنه يحس إنه جاهل مع إنه متخرج من أحسن جامعة و من أحسن كلية.

[Farida]

موضوع جميل كعاده مسلمه لما بتفتح مواضيع السهل الممتنع يعنى الموضوع يبقى بيخطر على بالنا كلنا بس هى اللى بتضعه و تفتحه و تنوره ....المهم احنا لسه ما خلصناش على محبط قصدى ما خلصناش اسئله يعنى ....

عايزة اسأل الزميل العزيز ازاى بتتأقلم مع اجواء العمل فى المجتمعات المنغلقه الا تتصادم احيانا مع مديرينك مثلا فى مسائل مثل نظام الكفيل و غيرها من معامله المرأه مما هو يتبع العادات و التقاليد اكثر مما يتبع الدين ام ان الثقافه تنحصر فى الكتب و كفى المؤمنين شر القتال؟

[وليد صفوت]

سؤال فى منتهى الرخامة لدكتور محبط ........

يا ترى أنت ليه زملكاوى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ماجد]

عمنا الكبير disappointed

1) محبط من ايه بالظبط ..... ولا ايه ......ولا ايه

2) ايه هى اكتر حاجه خلتك تبقى مندهش فى هذه الدنيا

و اخيرا ......

3) من هى بطلة مسلسل واضحا و بن عجلان rs:

[MuslimaEgyptian]

أنا جيت بس فى السريع أستسمح الأخ محبط من الورطه اللى إتسببتهاله rs:

مع إن تساؤلات الأخوه تعكس إحترام وتقدير لشخصك الكريم، ونحسبك كذلك ولا نزكى على الله أحدا، وندعو الله أن يكون علمك وثقافتك ذخرا لكل خير ومرضاه الله سبحانه وتعالى...

وللحيث بقيه إن شاءالله، خاصا لنناقش كيف ننظم الموضوع بشكل جيد، (أنا شخصيا أفضل أن نسأل أعضاء مختلفه حسب ما يروق لنا بدل أسئله متواصله ممكن تؤدى لتطفيش الأعضاء بدل توطيد صلتهم كالمراد من هذا الموضوع) rs:

وجزاكم الله خيرا أحبائى لرد فعلكم الإيجابى rs:

يتبع إن شاءالله،

تم تعديل 7 ديسمبر 2004 بواسطة MuslimaEgyptian

[MuslimaEgyptian]

توضيح:

أقصد يعنى إللى يحب يسأل أسئله متواصله ممكن كما حدث مع د. محبطولكن "مش شرط" لكى لا نختلق اى أسئله والسلام بمجرد ان شخص يتسائل من قبل آخرون.....فهمتم حاجه؟ rs:

المهم صدق وجوده الأسئله وليس الكم لكى لا يتحول الموضوع الى تتطفل يضايق البعض...وأجزى أنا عليه سوءا.. rs:

على أى حال كارت ال"pass" فى يد جميع المسؤولون rs:

[yasovinas]

وضوع جميل جدا ومش ضروري انك تشارك فيه بالسؤال فقط مجرد متابعه الاجابات هنتعرف كلنا على الاصدقاء واكيد هنستفيد من الافكار الجميله والاجابات يعني معرفة واستفاده (تو ان ون) حلوة

[bibo]

ومش ضروري انك تشارك فيه بالسؤال فقط مجرد متابعه الاجابات

فى الحقيقه احنا مش ملاحقين على متابعة الأسئله

:D lck:: lck::

[MuslimaEgyptian]

نفس الموضوع من فتره فكرت فى فتحه لكن خشيت من ان يضايق البعض .. وكمان نفس السؤال اللى كان نفسى اساله

عزيزتى فيروز،

توارد الأفكار بيننا..كلاكيت للمره العاشره ;) إن شاء الله دايما فى الحق وما يرضى الله سبحانه وتعالى...

~*~*~*~

- حلوة وملعوبة ..... وإختيار الموضوع ده ...إحم ...نقول إيه؟....نسميه إيه؟ ....."إختيار ماكر" ...لكن على العموم هو موضوع شيق .....ووووووووماشى (أحييكى تحية خاصة على إلتزامك وثقافتك ).

الأخ المهندس ,

أولا جزاك الله خيرا كثيرا على إنطباعك هذا، أسأل الله أن يعيننى لأكون حقا آهله له، بس ثقافه إيه بقى، بعد اللى أخ محبط شارك به، اللى عندى هسميه بطيخ :)

ثم بعد، لماذا تظنه إختيار ماكر :D

lck::

~*~*~*~*~

و إليكم هؤلاء الأسئله علشان الاخ بيبو ميزعلش :D

سين سؤال:

*الأخ سى السيد والاخ حشيش، بشهاده الجميع أنتم تدخلون السرور علينا جميعا بقفشاتكم المرحه وخفه ظلكم...هل أنتم كذلك فى الحياه أم على النقيض تماما؟ (ال111 على وجوهكم وقليلا ما تضحكون إلا فى المناسبات) ;) هل المقربين منكم مثلا يعلمون عن أرنوب حسين والحاجه صباح والعته المنجولى ومنخوريا البحر المتوسط؟ lck::

*الد. رجب

طول عمرنا بنقول الد. رجب الد. رجب بس لا أعلم لماذا :) ، هل بها تثاقل أن علمنا مجال تخصصك ؟

*فيروز

الأيكون اللى فى التوقيع بتاعك هيجننى----> :D

، ما هو مغزاه وبيحاول يعمل إيه بالضبط :)

وأخيرا، بارك الله فيك يا أخ محبط لإلقاء الضوء على دور الوالد والوالده فى تأسيس خلفيتك الثقافيه...وأشد على يد كل أب وأم أن يهتموا بهذا الجانب وخاصا القراءه...فمن لم يشب على ذلك فعلا مفتقد الكثير وبها تضيف الكثير الى هويه وتكوين الفرد مقارنه بمن لا يقرأون ولا يستلذونها

[فــيــروز]

*فيروز

الأيكون اللى فى التوقيع بتاعك هيجننى---->  lck::

، ما هو مغزاه وبيحاول يعمل إيه بالضبط lck::

لا لا لا يا مسلمه

ده ايكون مستورد ;) يعنى هو قريب شويه فى الشبه من اللى انتى حطيتيه بس مختلف خالص فى المعنى

هو مفترض انه ايكون لواحد بيرقص .. اظن كان مره جون ترافولتا بيرقص الرقصه دى اللى طبعا ماعرفش اسمها فحسيت انه معبر كتير عن الكلمه اللى فى التوقيع "احلى الاوقات لم نعشها بعد" بس كده

بس على فكره فيه ناس كتير بعتوا شكروا فيه :D وده مصعّب علىّ حاليا انى اغير توقيعى :D

[disappointed]

سؤال أخر لمحبط..

- بعد يوم عصيب ومشحون بالمشاكل فى العمل، ثم اختناق مرورى فى جو حار وأنت فى الطريق إلى المنزل.. هل تحتفظ بهدوءك؟؟ أم تثور لتفرغ شحنة الضغط العصبى؟؟

أوّل ما بأدخل البيت بأحط شنطتى و أقعد على كرسى كده و أستسلم لبنتى وهيّه عمّاله تسرد على مسامعى "حصاد اليوم" و عرض شامل لأحداثه و مواقفه و شكاويها من مامتها (زى مثلاّ لمّا مامتها تكون أجرمت فى حقّها و رفضت تدّيها حلويّات إلاّ لمّا تكمّل أكلها ).....وكل ده طبعاً بمفرداتها الطفوليّه اللولبيّة و بتجميعات الجمل اللى من الشرق و الغرب.... فبأغمّض عيونى فى إسترخاء لذيذ و أقعد أسمعها و فى كل يوم بأشعر بنفس الإحساس ...... كأن كلامها عامل زى الدش الساقع اللذيييييييذ اللى بيبرّد نار الحرّ و العصبيّة و شدة الأعصاب و عناء اليوم.... وبعد فترة بأحس إنى بقيت فى منتهى الهدوء و "ريلاااااااكس" على الآخر ولا يكون هناك أى حاجه لتفريغ أى شحنات غضب أو عصبيّة

- بعد هذا اليوم العصيب... إذا أردت أن الاسترخاء، هل تسمع موسيقى هادئة؟؟ أم تجلس فى البلكون ليلا تسرح فى اللاشىء؟؟ ولا تعمل ايه؟؟

والله أنا محظوظ (مش عايز أحسد نفسى يعنى) إنى مقيم فى كومباوند , و الوحدة بتاعتى اللى أنا واخدها لها حديقتين خاصّتين بها , واحدة صغيّرة خلفيّة و واحدة كبيرة أماميّة , غير بقى حديقتين دائريّتين صغيّرين فى ممر طويل تابع لمنزلى تحفّه الأشجار من على الجانبين و يُستخدم كجراج خاص لسيّارتى

عندى فى الكومباوند جناينى هندى بأعطى ليه مبلغ شهرى نظير تنظيف السيّارة و العناية بحدائق المنزل , و كل شهرين أو ثلاثه أنزل على سوبر ماركت معيّن بيبيع بذور جافة لأنواع زهور ما أنزل الله بها من سلطان ( ألوان الزهور لمّا بتطلع بتبقى تجنّن... موف ....فوشيا.... تركواز..... أصفر... أحمر.... أرجوانى....)... وبأدّى هذه البذور ليه و يزرعها و يراعيها , وكل 3 شهور نجدّد و نغيّر كنوع من أنواع كسر الملل

فأحسن حاجه بأعملها للإسترخاء و بأستمتع بها هى : لو كان الجو كويّس ( الطقس رائع فى جدّة من أواخر شهر أكتوبر لغاية أواخر أبريل) بأطلع أقعد فى الحديقة الأماميّة (عامل فيها قعدة ظريفة بترابيزة و شويّة كراسى)..... أشرب حاجه و أقعد أسرح فى جمال الطبيعة اللى قدّامى.... و ساعات فى رمضان بنفطر في الجنينة أو على حمّام السباحة (لو رمضان جاى فى الشتاء زى السنين الأخيرة دى).... و فى الشهر الماضى قمت بشراء بعض "سبوتّات "الأنوار الملوّنة وقمت بتنسيقها فى الحديقتين الخلفية و الأمامية كنوع من أنواع الإضائة التى تضفى جو أكثر بهجة

اما بقى لو فى الصيف و الحر و مع الرطوبة الخرافيّة فبأكتفى بالجلوس فى الصالة مع فتح الستارة الخاصّة بالزجاج المواجه للحديقة الأماميّة (وهو بعرض الصالة) و أعيش بقى و انا قاعد فى التكييف

و بالمناسبة....كلام سى السيّد عن البلكونات فى السعوديّة صحيح وهى من أكثر ما إسترعى إنتباهى عند قدومى....

فاكرين النكتة بتاعة اللى بيقول لصاحبه تيجى نلعب "يبهعلايهلاي" فى البلكونه , فراح صاحبه قايل له : يعنى إيه بلكونه؟؟ :rolleyes:

آهو أنا بقى بيتهيّألى إنها هنا فى السعوديّة ما تبقاش نكته , لأن ماحدّش هنا يعرف فعلا يعنى إيه بلكونه :unsure:

[disappointed]

كيف تتعامل مع أولادك؟؟؟؟

زى ما حسن مصطفى قال فى مدرسة المشاغبين :

باللييييييين و الررررررفق و الهوااااادة و المحببببببه

:lol: smk:

أنا أصلي بصراحة متخيلك راجل رزين هادي بتتحرك بحساب وبتتكلم بحساب ...

حسب الموقف

بل بالعكس.... فى أوقات كثيرة بأعمل حاجات طاقّة ..... يعنى مثلا من حوالى سنتين كده كان فيه شركة تأمين طبّى امريكيّة عندى إجتماع ختامى مع مدرائها (بعد ورشة عمل و مفاوضات على مدار 10 أيام سابقة) لعمل "بريزنتيشن" لعرض خدمات مجموعة المراكز الطبّية التى أشرف عليها توطئة للتعاقد معها... و بالفعل عملت "بريزنتيشن" بالــ"باور بوينت" و حطّيتها على "سى دى" , وذهب معى للإجتماع مالك المؤسسة بنفسه (وهو إستشارى جرّاح والده سعودى و والدته مصريّه و إتعلّم فى مصر ثم فى إنجلترا و أمريكا)...... و كانت المفاجئة الكبرى إنى عملت "بريزنتيشن" very very helarious و تحتوى على كوميديا صارخة و على محاولة إيصال مميّزات مراكزنا الطبّية بإستخدام كاريكاتيرات و صور طريفة ساخرة تشير إلى عكس الميزة تماماً (يعنى مثلاً لمّا بأقول إننا بنعيّن أفضل الإستشاريين و الإخصائيين و إننا فى غاية الإنتقائيّة بهذا الخصوص رحت منزّل صورة تم إلتقاطها فى أثيوبيا لسيّارة نصف نقل يتزاحم فيها أكثر من 100 شخص من ضحايا المجاعات... ولمّا كنت بأقول إننا عندنا أفضل تمريض حطّيت كاريكاتير لممرّضة فى غاية الدمامة و هى تقوم بإعطاء حقنة بطريقة متوحّشة لمريض يرتجف منها خوفاً ويترجّاها ألاّ تعطيه الحقنة.... و لمّا كنت بأقول إننا عندنا أخصائييى و إستشاريى نساء وولادة على أعلى مستوى رحت حاطط كاريكاتير لدكتور نساء ماسك فى إيده نتائج تحاليل و بيقول لراجل و مراته شكلهم وحش قوى:

All tests are normal , I think you can not have a baby just because God knows it is not a good idea for the poor baby

.......و هكذا يعنى)

فـــ... مش عايز أقول لك رد فعل الجماعة الأمريكان كان إيه.... يعنى الــ"ميتنج" كان مسخرة و كلّه ضحك هستيرى من أول البريزنتيشن لآخرها لدرجة واحد منهم عيونه دمّعت و مسكته كريزة كحّه (الراجل طلب منى نسخة خاصّة ليه من البريزنتيشن) , بينما مالك المؤسسة كل ما عينى تيجى فى عيونه و انا بأعمل البريزنتيشن كان بيحاول يتصنّع الغضب من مفاجئتى له بهذه البريزنتيشن بينما هو يجاهد بعنف لكتم ضحكاته

ما أطوّلش عليك....... إحنا مضينا عقد محترم و بنسب الخصم التى ترضينا بعد البريزنتيشن بنصف ساعة و الناس كانوا متكيفين على الآخر (طبعاً راجعوا قوائم الأسعار و الخدمات و بروشورات الدعاية و الصور الفوتوغرافيا للتجهيزات - حبّه جد يعنى - بعد البريزنتيشن قبل ما نعمل العقد)

مالك المؤسسة لمّا مشينا و إحنا نازلين فى الأسانسير قال لى : أنا مع أول "سلايد" حسّيت إنّى كان لازم اجيب مسدّسى معايا علشان أفرّغه فى راسك.... بس لمّا شفت رد فعل الناس كان كل همّى إن الميتنج يخلص علشان أسألك : إيه اللى خلاّك تعمل كده , و إيه اللى خلاّك تعتقد إن هذا الأسلوب فى العرض حيكون ناجح؟؟

فقلت له : أنا عملت معاهم جلستين مبدئيّتين الأسبوع الماضى , و الجماعة أمريكان معروف عنهم الــ"سنس أوف هيومر" و حب التجديد و الأفكار الطليعيّة , و أغلبهم صغيّرين فى السن و فى أواخر الثلاثينيات أو أوائل الأربعينيّات , ولقيت أسلوبهم "روش" و طول الوقت قفشات . فقلت دول ما ينفعش معاهم البريزنتيشنز الناشفة المنشّية اللى غيرهم بيحبّوها و متعوّدين عليها

على فكره...... لو عايز تشوف البريزنتيشن دى إبقى قول لى و أنا ادوّر ليك عليها على جهازى و أرسلها لك "أتاتشمنت" على الإيميل بتاعك (هيّه "باور بوينت دوكيومنت")... بس على الله حجمها ما يكونش أكبر من الحجم اللى ممكن يتبعث على الإيميل

ياتري بتقوم تجري معاهم

لا... الحقيقة أنا بأقوم أجرى وراهم لأنهم بيعملوا مصائب بمعدّل مصيتين فى كل خطوة... البنت 4 سنين و نصف و كل حاجه فى الدنيا عندها قابلة للتلوين بألوانها اللى ما بتفارقهاش (حتى التليفزيون و الحيطان و المفروشات).. بينما عمر أفندى من ساعات ما إبتدى يحبى وهوّه بيعيث فى البيت فساداً و لايفوته مصدر خطر إلاّ و تلاقيه رايح ليه زى الفرّيره

وتضحك وتهرج معاهم

و بأرقص "ماكارينا" مع البرنسيسه الصغيّره

و بأغيظها و أغلّس عليها و أستعيل معاها و أعمل فيها حركات نذاله و أستخبّى ليها و أخضّها vmp:

ده أنا..... مسخره :D

... وتشيلهم وتهشكهم وحاجات من دي كده ؟؟؟؟؟؟

البنت بتتعلّم ركوب الخيل يوميّا من دلوقتى على ظهرى , و الولد ليه نصف ساعة" زغزغه" و "تطبيق " و فرد و ثنى كل ليله

طبعا مش هاسألك إن كنت بتربيهم علي حب الإطلاع والقراءة لأن أكيد دي مفروغ منها

الولد لسّه بدرى عليه طبعاً....

البنت ملاحقها بكتب مصوّرة لطيفة أوّل بأوّل... بس هيّه طالعة ميولها فنّيه لمامتها...... كل أسبوع أشترى ليها شويّة زهريّات خزف أبيض و تقعد تلوّنها بألوانها المائيّة..... و مؤخّراً إكتشفت إنها بترسم حلو جدّا لدرجة إنها بتيجى تورّينى رسمه رسمتها على السبورة المغناطيسيّة بأفضل شاكك لفترة إن مامتها هيّه اللى رسمتها ليها (لسّه من يومين لقيتها راسمه "مارميد" جميله جدّا بعد 10 دقائق من فرجتها على فيلم "مارميد" الكارتون)

أنا عموما ناوى أخلّى موضوع الهوايات ده ييجى طبيعى و من غير ضغوط أو توجيه منى تجاه هواية معيّنة....لأنى مقتنع إن ربّنا سبحانه و تعالى لمّا بيوهب إنسان موهبة معيّنة بيوجّهه ناحية الهواية التى تعتمد على هذه الموهبة بصورة فطريّة و تلقائيّة , فتلاقى الطفل اللى ربّنا أعطاه موهبة الرسم شبط فى الألوان , و الطفل اللى ربّنا أعطاه موهبة الحس الموسيقى عمّال يصدر أصوات متناغمة بأى ادوات متاحة له (معالق.. شوك... كوبايات..إلخ إلخ)... و هكذا

تم تعديل 7 ديسمبر 2004 بواسطة disappointed

[disappointed]

ازاى بتتأقلم مع اجواء العمل فى المجتمعات المنغلقه

أنا قبل ما أسيب مصر جالى عروض كثير فى الرياض و الخبر و الطائف و رفضتها كلّها , وقلت إنى لو سافرت السعودية مش حأروح غير جدّه لأن جدّه مجتمع منفتح ( لأن الأجانب بها يمثلون نسبة كبيرة جدا) , و لذلك بأعتبرها حالة شاذة فى السعودية

الا تتصادم احيانا مع مديرينك مثلا فى مسائل مثل نظام الكفيل

زى ما صاحب العمل بيعمل كشف هيئة لمن يريد توظيفه أنا عملت كشف هيئة لمالك المؤسسة ( اللى هوّه كفيلى) , فقد جاء عرضه لى عن طريق أحد أساتذتى بصورة شخصيّة و إشترطت مقابلة الرجل بذاته , و عرفت إنه نصف مصرى و متعلّم فى مصر و إنجلترا و أمريكا , و إنه عضو معايا فى نادى هليوبوليس , فرتبت موعد معاه و رحت قابلته هناك.. الحقيقة إضطريت إنى أستناه فى ملاعب التنس لغاية ما خلّص لعب , وبعدين إتعرّف عليّا و سألنى إن كنت عايز أتغلب "جيم" فقلت له شكرا , أخذ دش و قعد معايا على حمام السباحة عزمنى على حاجه , و وصلت لقناعة تامّة إن الرجل ليس "كفيل" بل رب عمل بالمفهوم المعاصر المحترم , و إتفقنا على كل شيئ وعلى تفاصيل العقد و وقعنا العقد ثانى يوم فى النادى, ولولا إقتناعى بأننى لن أكون لعبة فى يد كفيل لما وافقت على السفر

مممم...

نسيت أقول إنى و انا خارج مع الراجل من النادى و إحنا بنتجاذب أطراف الحديث عند الباركينج , لقيته بيركب عربيّة "فيرارى" حمراء من بتوع السباق :lol: فلمّا شاف النظرة اللى على وش الإيموشن ده راح قايل لى بمنتهى البساطه : خذ المفاتيح آهى و خذ لك بيها لفّه حوالين النادى smk: (طبعا رفضت...... خفت بصراحه أسوقها)... بس قد إيه عرفت إنى مش حأتعامل مع....... كفيل

و غيرها من معامله المرأه مما هو  يتبع العادات و التقاليد اكثر مما يتبع الدين

زى ما قلت.... جده مجتمع منفتح للغاية , و بالمناسبة.... فأكثر من 50% من العاملين فى مؤسستى من النساء

(على فكره...... عدد السعوديّات العاملات فى مجالات السكرتارية و التمريض و التدريس...إلخ إلخ كبير جدا فى جده)

تم تعديل 7 ديسمبر 2004 بواسطة disappointed

[disappointed]

سؤال فى منتهى الرخامة لدكتور محبط ........

يا ترى أنت ليه زملكاوى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عيب خلقى

:lol: smk: :D

[disappointed]

1) محبط من ايه بالظبط ..... ولا ايه ......ولا ايه

محبط من أحوال أمّة بإمكانها- ويجب- أن تكون أفضل من ذلك .... بكثير... جدا

(ماتقلّبش عليّا المواجع الله يخلّيك)

2) ايه هى اكتر حاجه خلتك تبقى مندهش فى هذه الدنيا

إنى قرأت فى كتاب صادر عن "ناسا" أن أبحاثهم عن الحياة فى الفضاء تشمل دراسات عن إمكانيّة إنشاء حلبات سباق سيّارات فى الكواكب التى يأملون فى إمكانية أن يعيش البشر عليها

(إندهشت من تدفّق و خصوبة الخيال و الطموح الذى لا يوجد ما يعيقه على الإطلاق)

وعلى فكره :

على نفس المنوال

فيه فيلم أطفال شاهدته مع إبنتى أصابنى بذهول من خصوبة الخيال و كمّ الإبداع العقلى لصانعيه... وهو فيلم إسمه "شركة المرعبين المتحدة"... و قصته تدور حول شركة من المسوخ لدبها مصنع به عاملين من المسوخ لإرعاب الأطفال و تعبئة صراخهم فى أنابيب تستخدم لتوليد الطاقة لاحقاً

حقيقى..... أصبت بذهول من فكرة الفيلم

و اخيرا ......

3) من هى بطلة مسلسل واضحا و بن عجلان  :D

مممم...

إنت متأكّد إنها مش عفاف شعيب؟؟؟

:lol: smk: ;)

تم تعديل 7 ديسمبر 2004 بواسطة disappointed

[disappointed]

وهذا السؤال لمحبط : يا ترى هل لازلت متفائل؟

ساعات..... بييجى لى نوبات من التفاؤل.... بس بأفكّر أشوف دكتور يعالجنى من هذه النوبات بإعتبارها هلاوس و ضلالات لا تتفق مع المنطق أو المعطيات التى نعايشها