لو سمحتم انا معرض لعملية نصب و عاوز حد يفيدنى على وحه السرعه

[احمد محاسب جديد]

السلام عليكم و رحمته الله وبركاته

انا عندى سؤال ضرورى ومحتاج الرد بسرعه .... فى سمسار جابلى عقد عمل للامارات " دبى " فى معرض سيارات

و قالى هياخد 11000 مقابل عقد العمل .. ودفعت نص المبلغ مقدما .. وفعلا بعد حوالى شهر جابلى صورة من

العقد و التأشيرة و قالى انه عاوز بقية المبلغ .. قلتله يومين و هدفعهولك .. بس فى واحد شاف التأشيرة و العقد

وقالى ان الفيزا موزورة ... انا عاوز حد يفيدنى اتأكد ازاى ان التأشيرة مزورة و لا لا ... الرجاء الرد عليا سريعا .

[أبو العز]

عقد العمل يحب أن يكون مختوما من الملحق العمالي المصرى بالامارات ختم اصلى

كذلك يمكن مراجعة سفارة دولة الامارات للتأكد من التأشيرة أو يمكنك الاتصال بمعرض السيارات مباشرة

ادخل على موقع الصفحات الصفراء للامارات

www.yellowpages.ae

اكتب اسم معرض السيارات اللى فى العقد وطلع أرقام تليفوناتهم واسألهم عن العقد

بالتوفيق

[احمد محاسب جديد]

عقد العمل يحب أن يكون مختوما من الملحق العمالي المصرى بالامارات ختم اصلى

كذلك يمكن مراجعة سفارة دولة الامارات للتأكد من التأشيرة أو يمكنك الاتصال بمعرض السيارات مباشرة

ادخل على موقع الصفحات الصفراء للامارات

www.yellowpages.ae

اكتب اسم معرض السيارات اللى فى العقد وطلع أرقام تليفوناتهم واسألهم عن العقد

بالتوفيق

شكرااستاذ ابو العز على ردك على و اهتمامك بالموضوع ... انا بحثت عن اسم المعرض الى فى العقد و مش موجود فى الصفحات الصفراء

واسمه "معارض السويدى للسيارات " ... مفيش اى طريقة تانية اتأكد منها من التأشيرة و انا ممكن ارفعهالك علشان تتأكدلى منها لو

او اى حل اخر للتأكد وياريت الرد بسرعه وشكرا جزيلا

[أبو العز]

راجع سفارة دولة الامارات

[AbkaReno]

حضرتك روح بنفسك السفارة واستفسر على التأشيرة ومتستناش حد يساعدك وانت قاعد مكانك..

[احمد محاسب جديد]

حضرتك روح بنفسك السفارة واستفسر على التأشيرة ومتستناش حد يساعدك وانت قاعد مكانك..

انا حاولت كام مرة الاتصال بالسفارة ... ولما كلمتهم قالولى مش هينفع نتأكدلك من صحة التأشيرة هنا فى مصر

بيقولولى لازم تبعتها الى اى شخص فى الامارات تكون تعرفه و هو يتأكدلك من صحتها

[hakeem]

هو ايه موضوع ال11000 دول حصلى تقريبا نفس الموقف من سنتين تقريبا ودفعت عربون بردوا بس مجبليش فيزا ورجعلى الفلوس بعد اكتر من 8 شهور..

انت احسن حاجه خد عنوان المكان وحد يروح يسالك هناك انا عملت كده..

ومين المندوب ده,,؟اوعى يكون مرزوق..!!

[احمد محاسب جديد]

هو ايه موضوع ال11000 دول حصلى تقريبا نفس الموقف من سنتين تقريبا ودفعت عربون بردوا بس مجبليش فيزا ورجعلى الفلوس بعد اكتر من 8 شهور..

انت احسن حاجه خد عنوان المكان وحد يروح يسالك هناك انا عملت كده..

ومين المندوب ده,,؟اوعى يكون مرزوق..!!

هههههههههه لا مش مرزوق ... المشكله انه جابلى صورة من التأشيرة و صورة من العقد المبدائى .. وبيقلى انه طلعلى التذكره بس بيقلى انه هخليها معاه كام يوم لحد ميوثقها!! "ومش عارف ياعنى ايه هيوثق التذكره" ... وقالى انى هسافر يوم 20 فى الشهر الجاى و بيقلى انه هياخد المبلغ الباقى فى بداية الشهر و بعد 20 يوم هسافر .... الكلام لحد دلوقتى كله تمام و مقنع الى حدا ما .. بس انا زيادة تأكيد ارسلت صورة من التأشيرة لواحد اعرفه من الامارات شغال فى مكتب عمل هناك .. قالى ان التأشيرة مزوره و انها مكتوبة على ملف ورد وانا لما دققت فى التأشيرة حسيت برده انها ملعوب فيها جامد .. وقالى ان رقم اذن الدخول غلط علشان المفروض يبقى بدل 2011 -- 201 .. ودى صورة من التأشيرة ياريت حد يفيدنى فى الموضوع ده علشان الصراحه الواحد مش عارف يعمل ايه ::

[احمد محاسب جديد]

محدش رد عليا ياعنى يارجاله ... انا عاوز حد يلقى نظرة على التأشيرة دى و يقلى هو شايف ان فيها لعب و لا لا ... انتظر ردودكم

[hakeem]

والله انا مشفتش تاشيرة الامارات قبل كده عشان افيدك سليمة ولا مضروبة..

بس فى موقف حصل لوحد اعرفه زيك كده بس كان رايح قطر امن..حد شاف بردوا تأشيرته وكان فيها رقم مش فاكر بتاع ايه

مفروض انه يبقى 10 ارقام وكانت فى التأشيرة 9 بس..وطلع ان المكتب هو اللى عامل التأشيرات دى عنده..بس اللى اكد الموضوع السفارة..انت خدها واطلع ع السفارة احتياطى بردوا..وابعت منها صورة لحد يروح العنوان اللى فيها ده ويسالهم..

وبصراحه مسمعتش عن توثيق تذكرة سفر!!!

بس انت متأكد انه مش مرزوق..؟

[Mr MAGED]

أخي الفاضل .. محدش هيقدر يفيدك هنا ... دي صورة ومحدش يعرف يتأكد من صحة الأختام من صورة

حضرتك لازم تروح السفارة بنفسك وهما يشوفوها .. متتصلش بالتليفون روح علي طول عشان تريح نفسك

[احمد محاسب جديد]

أخي الفاضل .. محدش هيقدر يفيدك هنا ... دي صورة ومحدش يعرف يتأكد من صحة الأختام من صورة

حضرتك لازم تروح السفارة بنفسك وهما يشوفوها .. متتصلش بالتليفون روح علي طول عشان تريح نفسك

شكرا لردك عليا اخى الحبيب ... بس انا ان شاء الله هروح السفاره برده بس كمان يومين .. بس انا كنت عاوزك تقلى ايه رائيك فى الصورة التأشيرة انت مش شاكك انها مزورة ... علشان انا الى قالى انها مزورة قالى انها مكتوبة على ملف ورد و متركبها جزء من تأشيرة تانية فى اسفلها فده الى مشككنى خالص ... ودقق انت كده فى الجزء الاسفل فى التأشيرة وقلى رائيك ايه ... وانا برده ان شاء الله هروح السفاره اسأل برده .. وشكرا جزيلا لكل الاخوه الى ردوا عليا و استجابوا لسؤالى .

[محمد مطاوع]

السلام عليكم ورحمة الله وبركاته

الخ الفاضل انا حاسس وشايف ان الموضوع ده كله شكله نصب

الا اذا كنت واثق من الراجل ده

انا اتنصب عليه برده فى سفر للسعوديه فى 8000 ريال

بس الحمد لله جبتهم من النصاب بتاعى ودفعته كل المصاريف اللى انا صرفتها هنا كمان

فاحسنلك لو مش واثق فى الراجل ده كنسل الحوار كله واتقل لحد مايجيلك نصيبك فى حتجه مضمونه

بالمناسبه اوع يكون اسمه عرفه عبد العظيم اللى من بنوب صاحب مكتب نسر الجزيره اللى محطه الاتوبيس الجديد اللى فى المنصوره

دا نص____________________________________________________اب كبي__________________ر

تم تعديل 30 مارس 2012 بواسطة محمد مطاوع

[هشام]

ادخل على اللينك دة

http://ednrd.ae/

واختار من القائمة اللي على الشمال

Query DNRD App

واملى البيانات المطلوبة وشوف

اختر الخدمة المطلوب استعلام عنها *

صلاحية إذن الدخول ENTRY PERMIT VALIDITY

وشوف واي استفسار انا موجود

[احمد محاسب جديد]

ادخل على اللينك دة

http://ednrd.ae/

واختار من القائمة اللي على الشمال

Query DNRD App

واملى البيانات المطلوبة وشوف

اختر الخدمة المطلوب استعلام عنها *

صلاحية إذن الدخول ENTRY PERMIT VALIDITY

وشوف واي استفسار انا موجود

شكرا لكل الناس الافاضل الى ردوا عليا و افادونى ... وللاسف انا اتضحلى ان التأشيرة دى مزورة و انا حالبا بحاول ارجع المبلغ من السمسار النصاب .. و الحمد لله على كل شئ و الخيرة فيما اختارها الله .. ومرة تانية بشكركم جميعا و جزاكم الله كل خير

[Guest Ahmed elnagar]

هات رقم اذن الدخول وانا اشوفهالك 
لو التاشيره طالعا دبى هتبان معايا ولو غير دبى مش هتبان معايا 
 

[Scorpion]

الفاضل  Ahmed elnagar

مبادرة تشكر عليها..
و لكن أعتقد سيدي الفاضل انك انتبهت لطلب الزميل متأخرآ بعض الشيء فلقد مر علي طلبه أكثر من ٥ سنوات ... كما أنه تبين له انها كانت عملية نصب ...

[Guest mahmoud baized]

6 ساعات مضت, Guest Ahmed elnagar said:

هات رقم اذن الدخول وانا اشوفهالك 
لو التاشيره طالعا دبى هتبان معايا ولو غير دبى مش هتبان معايا 
 

السلام عليكم اخي الكريم انا ببحث عن ازاي اقدر اعرف الـتأشيرة وعقد العمل صالحين ام مزورين لان نسيبي جايله عقد عمل بنفس طريقة الاخ الفاضل صاحب البوست والمفروض اني هستلم منه التأشيرة غدا فعايز اعرف طريقة التأكد منها بس هي امارة الشارقة ولو عند حضرتك خلفية مبلغ 2000 دينار كويس ولا لاء