رصد | صحافة | مشروع قانون بالبرلمان لإغلاق أي محطة تعرض مشاهد إباحية.. و5 سنوات سجنًا لرئيسها

[se_ Elsyed]

قال الشيخ السيد عسكر، رئيس اللجنة الدينية بمجلس الشعب،إن اللجنة أوشكت، على الانتهاء من مشروع قانون بتجريم عرض المشاهد الإباحية فى جميع وسائل الإعلام، ووضع عقوبات رادعة على القناة التى تعرض مشاهد تخدش الحياء.

أكد عسكر أن مشروع القانون المعروض حاليا أمام المجلس، يتضمن معاقبة رئيس القناة الذى يسمح بعرض فيلم به مشاهد خارجة بالسجن لمدة ٥ سنوات بالإضافة إلى إغلاق القناة

كده غلط على فكرة وهايؤدي إلى خلق فكر تصادمي ورافض في المجتمع ولن يُفيد في شيء إلا تطبيق مبدأ " الممنوع مرغوب "

وبغض النظر عن أي رأي هايطلع ويقول : اه قولوا كده بقى إنتوا مع الإباحية ....... إلخ

فعندما نريد أن نُصلح أمراً ما فإننا نبدأ من القاعدة وليس من القمة أو من الجوهر وليس القشور

أنا لو عندي بيت محتاج ترميم .. مش بأرمم المحارة والدهان الأول ... لأ انا لازم أرمم الأساسات

بالمختصر المفيد أنا شايف وسامع عدة مشاريع لقوانين لا تُسمن ولا تُغني من جوع

وخلوني لو سمحتوا اتكلم بإستفاضة عن أمثلة أمام اعيننا

على سبيل المثال

تركيا لحد 2003 كانت في الدمار الشامل من كله .. سياسياً وإقتصادياً و و و و

لحد ما وصل للحكم حزب ذو توجه إسلامي وهو العدالة والتنمية

تخيلوا إن الحزب ده اول حاجه عملها إنه عقد إتفاقيات عسكرية وإقتصادية مع إسرائيل

والله العظيم انا فاكر كويس ساعتها ... وهنا في الرياض أنا باحلق عند حلاق تركي وبيتكلم عربي زي اللبلب .. فبأقول له : كده يا فاضل ... يعني يوم ما تيجوا تعملوا نهضة أو تطوير تقوموا تبدأوها بإتفاقيات مع إسرائيل ؟

فقال لي : يعني كنت عاوزنا نعمل إتفاقيات مع العرب اللي ما بنشوفهمش ولا بيعرفونا وبيكرهونا اساساً وسايبننا نحارب في أوروبا لوحدنا وماحدش وقف جنبنا لما هما تخلوا عنا ومش راضيين يضمونا للإتحاد الأوربي وشايفين حالتنا عاملة إزاي ؟

بعدها بفترة وحتى قريب عرفت ليه هما عملوا كده

- مش عيب إني مؤقتاً أمن شر عدوي الداخلي والخارجة وأستميل كمان أصدقاء عدويي ... وبعدين أقف على رجلي وساعتها أدخل بصدري في وش التخين

ده بالبلدي كده اللي عملته تركيا لحد ما بقت حاجه محترمة وماحدش دلوقت يعرف ياخد معاها حق ولا باطل

وطبعاً تركيا معروفة حتى الان ... في قنواتها الإباحية الخالصة .. مش هانقول مشاهد فقط لانهم تخطوا المرحلة دي من زمان ... كمان الوضع الداخلي وتقنين الحاجات اللي مش كويسة ومنتشرة و و و و و

ومع ذلك دلوقت في منتهى التقدم والحاجات دي مش عامله لهم أي مشكلة في الوقت الراهن على الأقل ومركزين في العمل والعلم حالياً لحد ما تيجي مرحلة القضاء على الحاجات دي واللي المجتمع ساعتها هايتقبلها بصدر رحب

كذلك كان نفسي نبقى كده

الأسبوع اللي فات شوفت حلقة كاملة في التليفزيون بشكل متقطع قعدت ييجي 3 ساعات عن مشروع قانون لتخفيض سن زواج الفتيات من 18 إلى 16 وخناق وزعيق و و و و وكأن يا عيني الجواز عندنا للرُكب والعيال الصغيرة وصلت من الترف إن أهاليهم بيجوزوهم وهما في تلاتة أعدادي

وفي مشروع تاني متقدم بالفعل دلوقت عشان نخبط في إسرائيل وبيطالب فيه بعض الأعضاء في حقنا في مدينة أم الرشراش المصرية ( إيلات حالياً )

وأدي مشاريع القنوات اللي هاتعرض مشاهد إباحية

وكل ده دغدغة او زغزغة لمشاعر البسطاء وهاتطلع اصوات تقول دلوقت : الله وأكبر .. ايوه كده إديها ما ترحمهاش ..

وده غلط وإجهاد وإجهاض لأي عمل جاد

أيها السادة ... حتى الان التعليم التونسي أفضل تعليم في الوطن العربي

وقطر والإمارات فاتحين على الرابع وقطر بالذات من حيث جودة التعليم تخطت بعض الدول الأوروبية العريقة من حيث جودة تعليمها وتخريج طلبة بتفهم بجد

وتخيلوا إن لحد ضرب العراق وغزوها كان التعليم العراقي أفضل نوعية تعليم في الوطن العربي

وتركيا أفضل مثال عالمي الان .... ففي أول برلمان إتعمل بعد 2003 ... الحكومة طلبت من لجنة التعليم في البرلمان إنهم يقفلوا على نفسهم الباب .. وما يحضروش جلسات ولا يعملوا إي حاجه في الدنيا إلا إنهم يطلعوا نظام تعليمي محترم يبني جيل محترم يشيل الدولة دي ويوقفها على رجلها

وفي خلال شهور قليلة تحقق المراد

ما أسهل المنع ..

إمنع يا عم مشاهد إباحية .. وخلي المصطلح مطاطي .. يعني لو واحد قال لواحده في فيلم مساء الخير يا نينه .. يبقى ده كلام إباحي ومنظر إباحي ولازم نسجن صاحب القناة والممثل والممثلة اللي أرتكبوا الفعل الفاضح ده .. وكمان لا مانع من سجن المُشاهد نفسه عشان يحرم يشوف الحاجات دي .. ونخزق له عنيه كمان

وهات فاير وول وفلاتر بمليارات وحطها في القرية الذكية عشان تمنع المواقع الإباحية على النت

وزي ما كان بيحصل في السعودية حتى وقت قريب ... أي حد داخل من المطار .. قلبه وشوف معاه سي ديها او هارد ديسكات وصادرها لعدة أيام لحد ما تتفرج عليها وتشوف عليها حاجات إباحية ولا لأ ... وكانوا ناسيين إن حتة بتاعه قد كده إسمها فلاش ميموري بتوضع في المحفظة أو في عروة الجاكتة ممكن تشيل 100 فيلم إباحي ... او بلاش دي ... موقع هوستنج ظريف خفيف في الفضاء الخارجي للنت سميه أي إسم .. وأتصل بأي حد تعرفه بره وقول له ظبطني يابو أشرف ونزل مليون فيلم إباحي ... بلاش كده ..... المواقع اللي بتكسر المنع ده وهي بالالاف وبيغير عنوان الموقع الإباحي ويخليه حاجه تانية خالص ومقبولة بحيث الفلتر او الفاير وول يشوفه حاجه محترمة وبنت ناس .. وغيره وغيره من القنوات الفضائية اللي إنت مالكش سيطرة عليها وبترفع التليفون تشترك بتلاتة تعريفة وتعيش 24 ساعة معاها ...

يعني اللي أقصدة ..

تعالوا بنبي بلدنا الأول

- نظام تعليم محترم

- نظام تربوي ماشي جنباً إلى جنب مع التعليم

طظ في مليون مادة بيدرسها الطالب من غير تربية

طظ في أي مواد لا تنفع ولا تضر وبنحشي بها دماغ العيل اللي بيبقى عامل زي شوال الرز اللي بنعبي فيه حاجات غريبة

طظ في نظام بيخلي الدين ماده مافيهش سقوط ونجاح وحاجه كده ديكور ... إعتماداً على مقولة إن الدين مكانه المساجد والكنائس ودور العبادة

وهي مقولة غبية .. لان الدين هو التربية الأساسية وهو الأساس اللي لازم أبني عليه العلم

- وفوق ده كله اعمل نظام إقتصادي يضمن للبسطاء اللي هما الأغلبية حياة كريمة

مش أجي اتكلم عن قنوات بتعرض مشاهد إباحية والاقي ناس مش لاقية رغيف العيش وتبص لي من فوق لتحت وتقول : الراجل ده باينه عبيط ولا إيه ؟

- اعمل قنوات جادة سواء قنوات دينية معتدلة ووسطية ... قنوات ثقافية زي القناة اللي مكسرة الدنيا دلوقت وهي ناشونال جيوجرافيك ابو ظبي اللي كل اللي بتعمله إنها بتنتقي مواد علمية من القناة الام الأصلية ناشونال جيوجرافيك وبتترجمها وبتعرضها وبتلقى نسبة مشاهدة عالية .. قنوات المجد الفضائية ولو إنها بإشتراك لكن بتقدم باقة متنوعة من اول قنوات الأطفال اللي بتقدم كارتون هادف مش هايف وكله ضرب وطحن وقلة أدب زي اللي موجودة دلوقت ... وقنوات اخرى دينية ... قنوات بتقدم دراما هادفة ولو إشتغلنا بس على اعمال درامية قديمة هانملى وقت فراغ الناس ..... و و و و و وهناك الاف الأمثلة اللي بتقدم إختيارات للناس وتسيبهم هما اللي يختاروا ويروحوا برجلهم إما للهادف أو للهايف

أيها السادة

لا احد بيننا من هو مهما كان توجهه يرضى أن تقتحم مثل تلك المشاهد حياته وحياة اولادة

لا أحد بيننا دينياً او عقائدياً يرضى بهذا

لكن .... برضوا ما فيش حد بيننا يرضى إن تكون حال البلد زي الزفت والدنيا مولعة ولا بنزين ولا سولار ولا غيره ... وبعدين أجي اتكلم في مثل تلك الأمور اللي اعتقد يعني مش عاملة مشكلة .... وحوش يا عم قنوات البورنو اللي مغرقة الدنيا ومخليه الناس راكنة عجلة الإنتاج وقاعدة امام القنوات دي ليل نهار

أيها السادة .. خلونا نعمل حاجة جيدة ملموسة للناس ونقول لهم إحنا معاكم وبنشتغل لكم وعدا شهرين أهو على مجلس الشعب وشوفتوا إنجازتنا على الأرض عاملة إزاي وشوفتوا الفرق ؟

وبعد كده إمنع يا عم التليفزيون نفسه ورجعنا لعصر اللمبة الجاز أو الأراجوز اللي بيقدم فقراته في الشارع وبيحكي لنا سيرة الزير سالم والزناتي خليفة وأبو زيت الهلالي سلامه حجازي ...

صدقوني ساعتها الناس هاتتقبل أي شيء طالما سبقه إنجازات تتكلم

مش نبقى في طين ووحل للرُكب وناس تانية بتتكلم في حاجات مش عامله اي مشكلة في المجتمع

ياريت تكون الفكرة وصلت ...

وياريت بقى نشيل من دماغنا أسلوب المنع والسجن والشطب والإعتقال الفكري ... قبل ان نبني مجتمع واعي يفرق بين الغث والسمين .....مجتمع يحب العمل وماعندوش وقت يهرش

الغريبة إن تلاقي الدول اللي عندها الـ source بتاع الحاجات دي .. ومش مشاهد لأ .. ده قنوات ومواد وأفلام وبلاوي زرقا زي هولندا وألمانيا وهما مصيبتين أوروبيتين ولو واحد قرأ عن حجم التجارة دي عندهم يحس إن كل فرد هولندي او ألماني يا بيمثل في البلاوي دي يا بيتاجر فيها يا دي حياته كلها 24 ساعة

والموضوع غير ذلك تماماً ... فهم شعب يُقدس العمل .. ويعمل لبلده ولنفسه ... وبمنتهى البساطة يعلم إن تطوير ورُقي بلده هايؤدي حتماً إلى تطوره هو شخصياً

لكن في نفس الوقت القائمون على الحاجات دي بيبصوا لها على إنها عملية تجارية بحته .. ولها زبائنها .. زبائنها القليلون على فكرة اللي ممكن فين وفين يتفرج علىها في الويك إند

ونخلي بالنا إن كل قنواتهم بتبقى بالكيبل .. يعني بإشتراك ..

عاوز إشترك .. مش عاوز إنت حُر

طب ولو إشتركت والحاجات دي بتتذاع بعد منتصف الليل وسهرت للصبح ... هاتروح شغلك كل يوم إن شاء الله بعد العصر ؟

طب إعملها كده يوم أو يومين .. هاتلاقي أحلى شلوت نزل عليك وطردك بره منظومة المجتمع المحترم اللي بيقدس العمل ... الاغرب بقى إن ربنا يوعد أي حد ما راحش أوروبا ويروح كده ويتفرج .. هايحس إنه فلاح وما يعرفش أي حاجه في الدنيا

فمن أول نزول الطائرة هايبقى معتقد إن الناس كلها ماشيه سالبوته في الشارع والدنيا عجن هناك وليلهم نهار ونهارهم ليل ومش هايبقى ملاحق على البوس ....

فيُصدم ويفاجأ إن الناس دي والبلد كلها عاملين زي الفلاحين عندنا زمممممممان لما كانوا فلاحين بحق وحقيق .. والناس دي بتنام من بعد العشا عشان عندها معارك في العمل كل يوم ولازم يصحى بدري من الفجر

ولو جدع إنزل بعد العشا عشان تتعشى او تلاقي مطعم او بقالة فاتحه تشتري منها حاجه .. إلا قليل طبعاً من المرافق اللي مُصرح لها إنها تسهر والعملية مش سبهلله

وإلا الملاهي الليلية المعدودة والمحدودة واللي إنت لك مطلق الحرية تروح تسهر هناك وتعربد

لكن بشكل عام حتى الغلط هناك بيعملوه صح

مش الهبل اللي عندنا وتلاقي بتاع عصير القصب عنده خدمة 24 ساعة ... وفرن العيش بيشطب الساعة إتنين الضهر وبيفتح يعني حوالي 6 ساعات عمل أو أقل ... وقطاع كبير بينام طول النهار ويسهر طول الليل يستهلك في كهربا .. يعني حياة متشقلبة ويدخل الصيف تلاقي البلد رجعت 100 سنة لورا وكل شوية الكهربا تقطع عشان الحمل الزائد لأن ببساطة ليل يعني إستهلاك كهربا على الفاضي طالما اللي له لازمه واللي مالوش سهران في محله او شغله او بقالته .. إلخ

أسف للإطالة

[abaomar]

السلام عليكم

الله اكبر يا س س ما شاء الله كل دى مداخله ..ربنا يديك الصحه يا ابنى

..

يا عم انت هو نظام . :P .اوول اور نان

بالانجلش ما لا يدرك كله لا يترك جله

ما ينفعش كل المسارات جنب بعض

يعنى بالتاكيد هناك توجيه لتحسين جوده التعليم ليرجع كما كان وزاره التربيه و التعليم و ده للاجيال الناشئه

فى نفس الوقت دعم المساجد و المرافق الدينيه و ده للاجيال الناشئه و الاكبر منها طبعا

فى نفس الوقت القضاء على مظاهر الانحلال الموجوده بالفعل مثل موضوعنا اعلاه للناشئه و الاكبر منها و الاكبر اكبر

كله سوا سوا و كل حته ليها ناسها و كل شريحه ليها طريقه التعامل معاها

اما السكوت على خطأ ما او ممارسه ممنوعه بحجه إعاده بناء او ..ترميم .. زى ما قلت فلن يؤدى الى نتيجه

و على ما تكون ابتديت تأسس يكون الكبير الفاسد بوظ اللى طالع و كأنك يا ابو زيد ما غزيت

..

و بعدين يا ابو الاسيان الامر مش مطاطى زى ما انت متخيل

هناك ضوابط و قانون و شروط تحكم الكل و لن يترك الامر للفهم الشخصى و الاهواء

..

انت تضع النظام و الضوابط و تجتهد فى تطبيقها و اللى هاوز ينحرف بعد كده ينحرف

بس تكون انت كولى امر عملت اللى عليك و برأت نفسك امام الله

الشئ الاكيد ان ذلك لو حصل لن يكون له نتيجه إلا الصلاح لأن من ينصر الله ...ينصره الله .

..

الا قولى يا س س يا اخويا

إيه موضوع الهوسهوس ..عفوا الهوستنج ده ..حلو يعنى ؟ ;) ؟!!

[se_ Elsyed]

اما السكوت على خطأ ما او ممارسه ممنوعه بحجه إعاده بناء او ..ترميم .. زى ما قلت فلن يؤدى الى نتيجه

و على ما تكون ابتديت تأسس يكون الكبير الفاسد بوظ اللى طالع و كأنك يا ابو زيد ما غزيت

لأ مش صحيح يا أبو عُمر

ولنا في رسول الله قدوة حسنة

فطوال فترة إقامتة في مكه قبل الهجرة

كان هناك الأصنام

وكان هناك الخمر اللي بيشربوه مثل الماء ويتنفسوه مثل الهواء ... وكان المسلم من دول يضرب التُمناية التمام ومع ذلك يروح يصلي عادي

وكان سوري هناك أصحاب الخيام ذات الرايات السوداء والحمراء .. حاجه كده افظع من شارع كلوت بك زمان

وهاجر الرسول إلى المدينة المنورة ومثال صغير على فقه الأولويات نزلت أيات تحريم الخمر بالتدريج من تحريمة قبل الصلاة مباشرة عشان الناس تعرف هي بتقول إيه وهي بتصلي مش تهلفط هلفطة السكارى ... ثم بعدها نزلت أيات التحريم التام والقطعي

مع إن الله قادر على كل شيء

والرسول كان امره مطاعاً لأنه لا ينطق عن الهوى

وكان ممكن في أول يوم في الرسالة والبعثة كان حرم ذلك كله .. وكان المؤمنين هاينصاعوا ويقولوا سمعنا وأطعنا

لكن الله ورسولة عاوزين يعملونا درس مهم وهو

فقه الأولويات

وكيف تبني المجتمع أولاً ... ثم تحرم وتحلل .حينها المجتمع سيتقبل ذلك بصدر رحب

ده في عصور الجاهلية الاولى اللي كان لسه عليها حتى المؤمنين الأوائل وورثوا كثير من عادتها القبيحة

ما بالك في مجتمع الحمد لله مسلم وموحد بالله

وكلنا لا نقبل مثل تلك الأمور العلنية

لكن المجتمع يحتاج بعض الإصلاحات والترميم

لكن ما تكلمنيش عن إصلاحات والبطون خاوية

والعقول مغيبة ومشغولة في البلاوي اللي بتحصل كل يوم

لأن لن تجد أي صدى لذلك مهما حاولت إن تصلح

والاهم من ذلك تعديل بل ونسف الفكر اللي عند ناس كتيرة والحمد لله أديك سمعته من بوء الاخ أبو ميكرفون الشهير بأبو الإشبال اللي قال إن المجتمع بشكله الحالي أفظع من مجتمع الجاهلية

الناس مش عبيطة ولو إتعاملنا معاهم من هذا المنطلق ... يبقى وانا سايب إيدي ... هما اللي هايعلمونا يعني إيه دين ويعني إيه إصلاح .... وهايكون هناك رد فعلي مجتمعي عنيف على تلك الدعوات المتجهمة المُكفرة للجميع والمحرمة لكل شيء حتى الفتة ام خل وتوم

[آل مصريم]

فيه ناس الغباء عندها مُتأصل.... إزاى

يعنى مثلا.... تقول له لو نطيت من عشر أدوار حتقع تنكسر رقبتك و تموت... يقول لك... لازم أتأكد بنفسى

تقول له لو ولعت نار فى هدومك... حتتحرق بجاز مش نظيف و تروح فى ستين داهيه... غير مأسوف عليك ... يقولك لازم أتأكد

==============================

و أقول تانى فيه ناس الغباء عندها أصولى... إزاى

أقول لك... تقول له فيه تكنولوجى للإتصالات مثلا... يقول لا... أكتب جواب و أبعته بالحمام الزاجل

تقول له فيه طيارة... يقول لك الناقة و البعير

=============================

و أقول تالت.... فيه ناس الغباء عندهم أصل من أصول ال (حياه)ء تقول إزاى أقولك

تجربة إيران و السعودية فى منع ما وُصف بالإعلام الفضائى و الورقى ال (إباحى)ء على وصفهم

كانت النتيجة... هجرة القنوات إلى خارجهم و الإرسال من بره... و أصبح الورق اللى عليه صورة من أياهم تجارة لها تمن و مكسب

و تجربتهم العبيطة فى فلترة النت... و ما نتج عنها من شغل السطو على البروكسيهات المفتوحة و بعدها النت اللأسلكى من دول مجاورة و بعدين على الأقمار الصناعية

=============================

يعنى عندنا غباء أصل... أصولى .... مُتأصل

ناس بتتكلم فى الوهم... و أولى مظاهر الغباء عدم القدرة على التعلم من تجارب الأخرين و التجارب الذاتية السابقة

و بعدين عم الشيخ عسكر ده مش اللى ثار فى وقت قريب موضوع واسطة تعين إبنه بشكل عاجل فى إحدى شركات البترول التى تعمل فى مجال توصيل النواتج البتروليه لإ سرائيل.... و كان قبل ما يقعد تحت قبة البرلمان بيتكلم عن حرمانية التعامل و التصدير للأعداء

تم تعديل 24 مارس 2012 بواسطة آل مصريم

[أبو يمنى]

السلام عليكم وتحيّة للأستاذ س س ، وللزملاء المشاركين .

لكن ما تكلمنيش عن إصلاحات والبطون خاوية

والعقول مغيبة ومشغولة في البلاوي اللي بتحصل كل يوم

لأن لن تجد أي صدى لذلك مهما حاولت إن تصلح

بالقواعد العقلية :

رجل بطنه خاويّة ولا يجد قوت يومه ، فما الذي سوف يسيئه من منع هذه المشاهد الإباحيّة ؟!

هل سوف يستعيض عن طعامه وطعام أولاده بمتابعة بعض هذه المشاهد ؟!

رجل عقله مغيّب ومشغول في "البلاوي" التي تحدث كل يوم ، فما الذي يسيئه من منع هذه المشاهد الإباحيّة ؟!

هل سوف يحاول أن يتناسى همومه ومشاغله بمشاهدة أحد هذه الأفلام ؟!

وبالقواعد الشرعية :

يقول الله تعالى : (﴿وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنْ السَّمَاءِ وَالْأَرْضِ )) .

لاحظ أن البركات تشمل خيرات الأرض والسماء وغيرها من نعم الأمن والأمان.

إذن فالسعي إلى الحد من هذه المشاهد المحرّمة سوف يصب في صالح البلاد والعباد .

وكما قال أبوعمر فليس هناك ما يمنع من السعي في الإصلاح على جميع الجبهات في الوقت ذاته .

تحياتي ،

[أبو يمنى]

و بعدين عم الشيخ عسكر ده مش اللى ثار فى وقت قريب موضوع واسطة تعين إبنه بشكل عاجل فى إحدى شركات البترول التى تعمل فى مجال توصيل النواتج البتروليه لإ سرائيل.... و كان قبل ما يقعد تحت قبة البرلمان بيتكلم عن حرمانية التعامل و التصدير للأعداء

وبعد أن "ثار" الموضوع ما الذي حدث ؟!

الرباط الخاص بي

[se_ Elsyed]

من3 أيام بالظبط بأسم إحد البرامج التليفزيونية .. إلا وأسمع إحصائية لسه طازة عن أكثر الدول إستخداماً للألفاظ البذية في حياتهم اليومية

طبعاً الدولة الأولى هي إيطاليا بلا منازع

اللي لم أتخيلة بقى إن رقم 2 إتطلع إيران اللي بيحكمها الملالي وأيات الله وممنوع كذا ومش ممنوع كذا والحاجات دي

!!!!!!!!!!!!!!!

[se_ Elsyed]

بالقواعد العقلية :

رجل بطنه خاويّة ولا يجد قوت يومه ، فما الذي سوف يسيئه من منع هذه المشاهد الإباحيّة ؟!

هل سوف يستعيض عن طعامه وطعام أولاده بمتابعة بعض هذه المشاهد ؟!

رجل عقله مغيّب ومشغول في "البلاوي" التي تحدث كل يوم ، فما الذي يسيئه من منع هذه المشاهد الإباحيّة ؟!

هل سوف يحاول أن يتناسى همومه ومشاغله بمشاهدة أحد هذه الأفلام ؟!

لأ يا ريس

نفس الراجل ده سيشعر بمدى هيافة من اعطاهم صوته

الناس اللي سايبينه بيموت من الجوع وعمال يتكلم في حاجات غريبة مش وقتها خالص

[أبو محمد]

بالقواعد العقلية :

رجل بطنه خاويّة ولا يجد قوت يومه ، فما الذي سوف يسيئه من منع هذه المشاهد الإباحيّة ؟!

هل سوف يستعيض عن طعامه وطعام أولاده بمتابعة بعض هذه المشاهد ؟!

رجل عقله مغيّب ومشغول في "البلاوي" التي تحدث كل يوم ، فما الذي يسيئه من منع هذه المشاهد الإباحيّة ؟!

هل سوف يحاول أن يتناسى همومه ومشاغله بمشاهدة أحد هذه الأفلام ؟!

بالقواعد العقلية .. الراجل اللى عقله مغيب ومشغول بالبلاوى اللى بتحصل كل يوم ما بيبقاش فاضى يشوف مناظر ولا حتى يشوف برامج من أساسه

بيبقى مهدود حيله من طلعة الشمس فى الجرى ورا لقمة عيشه علشان يرجع لولاده بنص كيلو لحمة ونص كيلو فاكهة يفرجهم عليها .. وبعد ما ياكلوا بعض يتخمدوا يناموا

يبقى لما ييجى "الحكام" يشغلوا نفسهم ويضيعوا وقتهم - اللى هو وقت الراجل ده - بسن قوانين البرامج والمناظر ومش واخدين بالهم من وسائل الاتصال المتاحة لمن يسعى وراء البرامج والمناظر .. يبقى الحكام دول عاملين زى دون كيشوت اللى دماغه ضربت من كتر قراية الكتب القديمة اللى عنده (وما قراش غيرها) وراح لابس هدوم فرسان القرون الوسطى ومسك سيفه المصدى وقعد يحارب طواحين الهواء علشان يفرض عليها "أخلاق فرسان العصور الوسطى" اللى مش موجودة غير فى الكتب اللى ورثها أبا عن جد

وبلاش نتكلم عن القواعد الشرعية علشان ما نرجعش ندق المية فى الهون .. نخلى الكلام عنها فى موضوع تانى .. إما من المواضيع المفتوحة .. أو حتى نفتح لها موضوع جديد

تحياتى

[ابا فاطمة]

السلام عليكم ورحمة الله وبركاته

الاخوة الافاضل

هل المشاهد الساخنة تفيد العمل يعنى بتاثر على الحبكة الدرامية اه ممكن فعلا يعنى حادث اغتصاب او فرح اوزفاف اوى اى شى يعبر عن المشاهد الساخنة طيب ماهو انا ممكن اعمل افلام ومسلسلات وفيها حبكة درامية وكذلك احاث شيقة بحيث ما تقدرش تغمض عينك

من غير هذه المشاهد الساخنة (سينما نظيفة)

زمان ايام الابيض واسود كان فى افلام ومسلسلات لغاية دلوقتى اما بتيجى ونتفرج عليهاوممتعة صح ولا لاه

كان فى اسقاطات للمشاهد الساخنة البراد بيفور - جايبين منظر طبيعى - صورة الشخص المحبوب -النور بيطفى وهكذا

بنفهم ايه اللى بيحصل وخلاص وعيالك وزوجتك مبيشوفوا اى حاجة ومابيعرفوش ايه اللى بيحصل

فى اوائل 2000 طلع الفاننين الشبان بمصطلح سينما نظيفة من القبل ونجحوا نجاح جامد

والموضوع وقف وطلع علينا ناس منهم لله زى غادة عبد الرازق واخواتها

ليه مانرجعش زى زمان

مع العلم اننى مع عدم الفرجة اصلا بس مش هنحجور على حد

تحياتى

[أبو يمنى]

الناس اللي سايبينه بيموت من الجوع وعمال يتكلم في حاجات غريبة مش وقتها خالص

ومن قال أنهم "سايبينه" يموت من الجوع ؟! المجلس بالفعل ناقش قضية القمح وأزمة رغيف الخبز بما في ذلك استجواب وزير التموين :

http://www.youtube.com/watch?v=FW1HHK5z5h8

http://www.youtube.com/watch?v=mRblpiB5JnU

[أبو يمنى]

http://www.youtube.com/watch?v=KC2WA9mZtao

[se_ Elsyed]

إحنا هانضحك على بعض يا تامر ؟؟

بقى لنا شهرين مقضيينها كلام وما شوفناش مشكلة واحدة إتحلت والناس لمستها

بالعكس ده الامر بيتطور وبيتدهور وعلى عينك يا تاجر يعني مش محتاجه نسأل مين قال ومين عاد

هل تعلم ان مثل تلك الازمات لم تكن موجودة في عز نكسة 67 ؟

هل تعلم إن النهاردة كثير من المخابز اغلقت أبوابها عشان مافيش سولار ؟

يبقى إيه فايدة مناقشة مثل تلك القضايا في مجلس الشعب .. لأ والمضحك غن الاخت فايزة لا مؤخذه أبو النجا النهاردة تصرح بإن الحكومة بصدد طرح قانون لتغليظ العقوبة على التلاعب بالسلع الرئيسية قد تصل إلى الإعلام ...

ده على أساس إن مجلس الشعب في بعثة وراجع كمان 4 سنين

[أبو يمنى]

بالقواعد العقلية :

رجل بطنه خاويّة ولا يجد قوت يومه ، فما الذي سوف يسيئه من منع هذه المشاهد الإباحيّة ؟!

هل سوف يستعيض عن طعامه وطعام أولاده بمتابعة بعض هذه المشاهد ؟!

رجل عقله مغيّب ومشغول في "البلاوي" التي تحدث كل يوم ، فما الذي يسيئه من منع هذه المشاهد الإباحيّة ؟!

هل سوف يحاول أن يتناسى همومه ومشاغله بمشاهدة أحد هذه الأفلام ؟!

بالقواعد العقلية .. الراجل اللى عقله مغيب ومشغول بالبلاوى اللى بتحصل كل يوم ما بيبقاش فاضى يشوف مناظر ولا حتى يشوف برامج من أساسه

بيبقى مهدود حيله من طلعة الشمس فى الجرى ورا لقمة عيشه علشان يرجع لولاده بنص كيلو لحمة ونص كيلو فاكهة يفرجهم عليها .. وبعد ما ياكلوا بعض يتخمدوا يناموا

يبقى لما ييجى "الحكام" يشغلوا نفسهم ويضيعوا وقتهم - اللى هو وقت الراجل ده - بسن قوانين البرامج والمناظر ومش واخدين بالهم من وسائل الاتصال المتاحة لمن يسعى وراء البرامج والمناظر .. يبقى الحكام دول عاملين زى دون كيشوت اللى دماغه ضربت من كتر قراية الكتب القديمة اللى عنده (وما قراش غيرها) وراح لابس هدوم فرسان القرون الوسطى ومسك سيفه المصدى وقعد يحارب طواحين الهواء علشان يفرض عليها "أخلاق فرسان العصور الوسطى" اللى مش موجودة غير فى الكتب اللى ورثها أبا عن جد

وبلاش نتكلم عن القواعد الشرعية علشان ما نرجعش ندق المية فى الهون .. نخلى الكلام عنها فى موضوع تانى .. إما من المواضيع المفتوحة .. أو حتى نفتح لها موضوع جديد

تحياتى

كما ذكرت للفاضل سي السيد ، مجلس الشعب ناقش العديد من القضايا الهامة ، ولكن البعض لا يرى مجلس الشعب إلا من هذه الزاوية .

[أبو يمنى]

إحنا هانضحك على بعض يا تامر ؟؟

بقى لنا شهرين مقضيينها كلام وما شوفناش مشكلة واحدة إتحلت والناس لمستها

بالعكس ده الامر بيتطور وبيتدهور وعلى عينك يا تاجر يعني مش محتاجه نسأل مين قال ومين عاد

هل تعلم ان مثل تلك الازمات لم تكن موجودة في عز نكسة 67 ؟

هل تعلم إن النهاردة كثير من المخابز اغلقت أبوابها عشان مافيش سولار ؟

يبقى إيه فايدة مناقشة مثل تلك القضايا في مجلس الشعب .. لأ والمضحك غن الاخت فايزة لا مؤخذه أبو النجا النهاردة تصرح بإن الحكومة بصدد طرح قانون لتغليظ العقوبة على التلاعب بالسلع الرئيسية قد تصل إلى الإعلام ...

ده على أساس إن مجلس الشعب في بعثة وراجع كمان 4 سنين

وأنا مثلك لست براضٍ عن أداء المجلس ، ولكن الواقع هو أن صلاحياته محدودة وولد في ظروف شائكة.

ولكنّي لا أبخسهم حقهم في أنهم -على الأقل- طرحوا هذه القضايا في المجلس ، وقاموا بما في وسعهم .

وأتمنى في المرحلة القادمة أن تستقر ظروف مصر وتتحسن الأوضاع السياسية بما فيها مجلس الشعب .

[ابا فاطمة]

السلام عليكم ورحمة الله وبركاته

الاخوة الافاضل

هل اصبح مجلس الشعب سلطة تشريعية وسلطة تنفذية فى يناير 2012

مجلس الشعب مش قادر يسحب الثقة من الحكومة علشان المجلس العكسرى عايزها تبقى خرابة

مجلس الشعب متكتف ومحطوط على قضبان القطار مستنى التوربينى يعدى عليه

مجلس بلا صلاحيات والسبب المجلس العسكرى

هنسيب ***** وهنمسك فى البردعة زى مقال زياد العليمى

كونه انه بيحاول يحس انه موجد ده شى طيب منه وانه لسه فيه النفس يطلع قوانين ماشى واحدة واحدة الموضوع مش بمزاجه

فى كلمة غلط فوق بدل اعدام مكتوبه اعلام

تحياتى

تم تعديل 24 مارس 2012 بواسطة الباحث عن الحقيقة

[Ahmed Anwer]

و ده مقصود ،،،

البرلمان مطعون في شرعيته و الحكم في الدرج جاهز يطلع في اي لحظة

و عملولهم قناة عشان الناس تضحك عليهم

عمر سليمان مش بيلعب يا سادة

مش عملتوا ثورة و عايزين حرية و ديمقراطية ،،، أتفضلوا آدي الديمقراطية

أخويا إمبارح بيكلمني من دبي بيحكيلي عن صديقه السوداني ، بيقوله أنتم عملتم ثورة و شيلتم مبارك و كنتم زي الفل عشان تجيب الإسلاميين ؟؟؟

متبصوا لينا و أنتم تعرفوا عملوا فينا آيه الإسلاميين

ده مقصود عشان آخر مرحلة من نهاية الثورة محدهش يعترض ،،

هتعترض عشان آيه ؟؟؟ عشان التحف دي ،،، لا يا عم خليك في الفلول أحسن

و طالب بتحسين شروط السرقة و الفساد

[Mr MAGED]

بالرجوع لأاصل الموضوع وهو منع القنوات واللقطات الاباحية

انا شخصيا ضد مبدأ المنع والحجر والتحكم

يعني لما يكون ليا ابن ... المفروض اني أعلمه الصح من الغلط ... ولا اني مجبش تليفزيون في البيت!

أعتقد اني النفروض أربيه صح وأعلمه صح ... ومن خلال التربية الصحيحة بيتكون عنده الوازع الشخصي

الوازع الديني والأخلاقي ... بحيث يوصل لمرحلة انه من نفسه ميدورش علي حاجة زي دي

ولو ظهرت قدامه هو اللي يقوم من عندها وما يتفرجش عليها

لاني لو شلت التليفزيون من البيت هيلاقي مليون تليفزيون في مليون حتة تانية

لو قفلت النت ... هيلاقي مليون طريقة يفتحه بيه ... يبقي ايه اللي انا استفدته

لو اولي الامر شايفين ان القانون ده شيء مهم مافيش مانع ... بس المفروض الاول يوفروا وسائل التربية والتعليم الصحيحة قبل ما يمنعوا

لينا في تجارب الدول التانية خير مثال ... السعودية اول بلد منعت .. فيها أكبر عدد هاكر علي مستوي الشرق الاوسط

وأظن ان السعودية هيا اكبر مستخدم للهوت سبوت ... يعني المنع لوحده مش كفاية ... وايد لوحدها ماتسقفش

[أبو محمد]

بالقواعد العقلية :

رجل بطنه خاويّة ولا يجد قوت يومه ، فما الذي سوف يسيئه من منع هذه المشاهد الإباحيّة ؟!

هل سوف يستعيض عن طعامه وطعام أولاده بمتابعة بعض هذه المشاهد ؟!

رجل عقله مغيّب ومشغول في "البلاوي" التي تحدث كل يوم ، فما الذي يسيئه من منع هذه المشاهد الإباحيّة ؟!

هل سوف يحاول أن يتناسى همومه ومشاغله بمشاهدة أحد هذه الأفلام ؟!

بالقواعد العقلية .. الراجل اللى عقله مغيب ومشغول بالبلاوى اللى بتحصل كل يوم ما بيبقاش فاضى يشوف مناظر ولا حتى يشوف برامج من أساسه

بيبقى مهدود حيله من طلعة الشمس فى الجرى ورا لقمة عيشه علشان يرجع لولاده بنص كيلو لحمة ونص كيلو فاكهة يفرجهم عليها .. وبعد ما ياكلوا بعض يتخمدوا يناموا

يبقى لما ييجى "الحكام" يشغلوا نفسهم ويضيعوا وقتهم - اللى هو وقت الراجل ده - بسن قوانين البرامج والمناظر ومش واخدين بالهم من وسائل الاتصال المتاحة لمن يسعى وراء البرامج والمناظر .. يبقى الحكام دول عاملين زى دون كيشوت اللى دماغه ضربت من كتر قراية الكتب القديمة اللى عنده (وما قراش غيرها) وراح لابس هدوم فرسان القرون الوسطى ومسك سيفه المصدى وقعد يحارب طواحين الهواء علشان يفرض عليها "أخلاق فرسان العصور الوسطى" اللى مش موجودة غير فى الكتب اللى ورثها أبا عن جد

وبلاش نتكلم عن القواعد الشرعية علشان ما نرجعش ندق المية فى الهون .. نخلى الكلام عنها فى موضوع تانى .. إما من المواضيع المفتوحة .. أو حتى نفتح لها موضوع جديد

تحياتى

كما ذكرت للفاضل سي السيد ، مجلس الشعب ناقش العديد من القضايا الهامة ، ولكن البعض لا يرى مجلس الشعب إلا من هذه الزاوية .

حوافقك - جدلا - يا أستاذ تامر

ولكن

يبقى إهدار الوقت والجهد فى قضية

موجودة ولكن فى قاع سلم الأولويات

مش كده برضه

مش ده إسمه إهدار الوقت العام زى إهدار المال العام

ليه بقى ؟ لأن الفرنجة بيقولوا

Time Is Money

واحنا بنى يعرب ترجمناها

الوقت من ذهب

و

الوقت كالسيف إن لم تقطعه قطعك

[ابا فاطمة]

بالرجوع لأاصل الموضوع وهو منع القنوات واللقطات الاباحية

انا شخصيا ضد مبدأ المنع والحجر والتحكم

يعني لما يكون ليا ابن ... المفروض اني أعلمه الصح من الغلط ... ولا اني مجبش تليفزيون في البيت!

أعتقد اني النفروض أربيه صح وأعلمه صح ... ومن خلال التربية الصحيحة بيتكون عنده الوازع الشخصي

الوازع الديني والأخلاقي ... بحيث يوصل لمرحلة انه من نفسه ميدورش علي حاجة زي دي

ولو ظهرت قدامه هو اللي يقوم من عندها وما يتفرجش عليها

لاني لو شلت التليفزيون من البيت هيلاقي مليون تليفزيون في مليون حتة تانية

لو قفلت النت ... هيلاقي مليون طريقة يفتحه بيه ... يبقي ايه اللي انا استفدته

لو اولي الامر شايفين ان القانون ده شيء مهم مافيش مانع ... بس المفروض الاول يوفروا وسائل التربية والتعليم الصحيحة قبل ما يمنعوا

لينا في تجارب الدول التانية خير مثال ... السعودية اول بلد منعت .. فيها أكبر عدد هاكر علي مستوي الشرق الاوسط

وأظن ان السعودية هيا اكبر مستخدم للهوت سبوت ... يعني المنع لوحده مش كفاية ... وايد لوحدها ماتسقفش

السلام عليكم ورحمة الله وبركاته

اخى الفاضل'Mr MAGED'

الشيطان مش هيسيب ابن ادم مهما تربى وتعلم وتفهم الصح من الغلط فى اعداء تانية معاك نفسك والهوى ولشيطان مش هيسبوك فى حالك

يبقى ماانعينوش على كده ونسيبه يلعب بيه الشيطان ونقوله احنا مرابينك ( راهب بنى اسرائيل اللى الشيطان فتنه )

( المال السايب بيعلم السرقة )

تحياتى [/b]