إوعى تتجوز مصرية !!

[فتافيت]

أنا شخصيا ً وبدون الدخول في كثير من التفاصيل .. عشت تجربة ناجحة جدا والحمد لله

بدأت بأول خطوة صعدتها علي السلم العملي والأكاديمي .. حصلت علي درجتين للماجستير ... وأسست عملي الخاص

كل ذلك بدعمها ووقوفها جنبي في كل سلمة من سلمات الحياة .. مع العلم بأنها تعمل أيضا وليست ربة منزل

وأعتقد أن هناك الكثيرين غيري عاشوا نفس التجربة ونفس النجاح

لابد أن تنظر لما بين يديك وتحمد الله عليه ... فيكافئك الله ويرزقكك من حيث لا تحتسب

اللهم لك الحمد حتي ترضي ... ولك الحمد بعد الرضي .. ولك الحمد علي كل حال :closedeyes:

قليل هم من يعترفون بحق الزوجة مثلك عزيزي الفاضل لكن اختلف مع من وضع الموضوع تمام

وذلك لانة يوجد من الزوجات من هي تحمل هم عملها وعدم عمل الزوج فتصرف علي البيت والاولاد وايضا تصرف علية هو شخصيا وهو مستمتع جدا بذلك ومنهن من تعمل وتقوم باعطاء الزوج وهو يعمل ايضا بنصف راتبها ولا يعجبة ويطمع في النصف الاخر وبحجة المصاريف وهي تتحمل ذلك ايضا وايضا من يتوفي زوجها ويتركها وتعيش لاولادها تماما ولا تتزوج ................ياتر ي اذا توفيت هي سوف يظل يربي اولادة فقط مثلها

؟ايضا لو الزوجة اجنبية او سورية او مغربية ها تقبل ان الزوج المصري طبعا ياخد من مرتبها ولو القليل عشان المصاريف ولا في الحالة دي سعادت البية ها يدعي هنا الشرف ويقول لادي فلوسها وهي حرة فيها لكن لو الزوجة مصرية لاااااااااااااااايمكن ابدا يقول الكلام دة

تحياتي ا

[فتافيت]

سؤال صغير يا اساتذة كدة (الرجالة طبعااااااااا )اللي ناكرين حق الزوجة المصرية :protest:

انت مصري صح .................يعني بنتك مصرية

يوم ما تفكر ان بنتك ها تتتجوز هااااااااااااا تجوزها مصري ولا اجنبي ؟؟؟؟

وبرضة ها تبق عايز تضمن لها حقوقها ولا ها تسيبها كدةةة

احب اقولكم فكروااااااااااا وردوا علي كدة بمنهي الصراحة

[نوران]

سؤال صغير يا اساتذة كدة (الرجالة طبعااااااااا )اللي ناكرين حق الزوجة المصرية :protest:

انت مصري صح .................يعني بنتك مصرية

يوم ما تفكر ان بنتك ها تتتجوز هااااااااااااا تجوزها مصري ولا اجنبي ؟؟؟؟

وبرضة ها تبق عايز تضمن لها حقوقها ولا ها تسيبها كدةةة

احب اقولكم فكروااااااااااا وردوا علي كدة بمنهي الصراحة

أضم صوتي لصوتك يا فتافيت ، انا كمان عايزة أعرف الإجابة من الزملاء علي أسئلتك

في انتظار الرد

[se_ Elsyed]

إوعى تتجوز مصرية !!

بعد إيه ياخويا ماللي حصل حصل

[Ahmed El Manadili]

مساء الخير عليكم جميعا..

الستات الغاضبات من الموضوع فى إزدياد :) مش فاهم ليه .. الموضوع ده لا يدعو لهجر الزواج من المصريات .. أبدا لم تكن تلك نيتى عندما بدأته .. و لكن هو ينتقد طباع و أفكار بعض فتيات الأجيال الحديثة و التى تجعل الزواج إضافة سيئة فى حياة الرجل بدل من أن تدفعه لمزيد من النجاح. يعنى على سبيل المثال زى ما بعض الرجال ذكروا رفض الزوجة السفر مع زوجها للعمل أو الدراسة. فى الحقيقة (و مع كامل إحترامى) زوجة زى دى تبقى قلتها أحسن.

ما قولناش بقى إن كل المصريات وحشات و زوجات سيئات .. ما حدش قال كدة أبدا. بالعكس (Absolutely :P ) .. لا بجد أنا لما بقابل زوجة مصرية ناجحه و مريحه زوجها و زوجها بيدعيلها بأكون أول واحد يرفع لها القبعة ..دى حاجة تفرح بجد. إنما الحاجة الى تضايق بجد هى ان الواحد يشوف بعض النماذج السيئة زى الى تقولك شغلى اهم حاجة فى حياتى .. سافر انت و انا هافضل هنا جمب شغلى و اهلى. بالذمة دى زوجه ؟!

بالنسبة بقى للأسئلة بتاعت فتافيت و نوران.. أنا عن نفسى لسة ربنا ما رزقنيش ببنت ..بس لما يحصل إن شاء الله أكيد هاتكون غالية أوى عندى .. و لما يتقدملها شخص أول شئ هاتأكد منه هو أخلاقه ثم أخلاقه ثم أخلاقه ..هو ده الشئ الى هايدوم فى حياتها معاه .. لا فلوس ولا مركز و لا حتى جنسية هى الى تهمنى. و كلمة أخلاقه طبعا تشمل طباعه و علاقته بربنا و خلافه .. و هو ده الى أمرنا بيه الرسول عليه الصلاة و السلام. و بأكد تانى ..أيوه ماعنديش مانع يكون غير مصرى. أما بقى حكاية أحفظلها حقوقها.. تفتكرى يا فتافيت الورقة الى مكتوب فيها تفاصيل السفرة و النيش هى الى هاتحفظلها حقوقها ! ياربى إمتى بقى نبطل التفكير السطحى ده ! لا طبعا مش هأحفظلها حقوقها بالشكل ده .. كفاية أن قسيمة زواجها كتوب فيهم مقدم و مؤخر معقولين (مش مبالغ فيهم) و ده كفايه قوى .. على فكرة أنا من أنصار فكرة أن كل ما مبلغ المؤخر زاد كل ما رخص البنت .. عشان ده بيدى إنطباع إن أهلها ما صدقوا جوزوها و خايفيين ترجعلهم ;)

تم تعديل 26 مارس 2012 بواسطة Ahmed El Manadili

[نوران]

مساء الخير عليكم جميعا..

الستات الغاضبات من الموضوع فى إزدياد :) مش فاهم ليه .. الموضوع ده لا يدعو لهجر الزواج من المصريات .. أبدا لم تكن تلك نيتى عندما بدأته .. و لكن هو ينتقد طباع و أفكار بعض فتيات الأجيال الحديثة و التى تجعل الزواج إضافة سيئة فى حياة الرجل بدل من أن تدفعه لمزيد من النجاح. يعنى على سبيل المثال زى ما بعض الرجال ذكروا رفض الزوجة السفر مع زوجها للعمل أو الدراسة. فى الحقيقة (و مع كامل إحترامى) زوجة زى دى تبقى قلتها أحسن.

ما قولناش بقى إن كل المصريات وحشات و زوجات سيئات .. ما حدش قال كدة أبدا. بالعكس (Absolutely :P ) .. لا بجد أنا لما بقابل زوجة مصرية ناجحه و مريحه زوجها و زوجها بيدعيلها بأكون أول واحد يرفع لها القبعة ..دى حاجة تفرح بجد. إنما الحاجة الى تضايق بجد هى ان الواحد يشوف بعض النماذج السيئة زى الى تقولك شغلى اهم حاجة فى حياتى .. سافر انت و انا هافضل هنا جمب شغلى و اهلى. بالذمة دى زوجه ؟!

بالنسبة بقى للأسئلة بتاعت فتافيت و نوران.. أنا عن نفسى لسة ربنا ما رزقنيش ببنت ..بس لما يحصل إن شاء الله أكيد هاتكون غالية أوى عندى .. و لما يتقدملها شخص أول شئ هاتأكد منه هو أخلاقه ثم أخلاقه ثم أخلاقه ..هو ده الشئ الى هايدوم فى حياتها معاه .. لا فلوس ولا مركز و لا حتى جنسية هى الى تهمنى. و كلمة أخلاقه طبعا تشمل طباعه و علاقته بربنا و خلافه .. و هو ده الى أمرنا بيه الرسول عليه الصلاة و السلام. و بأكد تانى ..أيوه ماعنديش مانع يكون غير مصرى. أما بقى حكاية أحفظلها حقوقها.. تفتكرى يا فتافيت الورقة الى مكتوب فيها تفاصيل السفرة و النيش هى الى هاتحفظلها حقوقها ! ياربى إمتى بقى نبطل التفكير السطحى ده ! لا طبعا مش هأحفظلها حقوقها بالشكل ده .. كفاية أن قسيمة زواجها كتوب فيهم مقدم و مؤخر معقولين (مش مبالغ فيهم) و ده كفايه قوى .. على فكرة أنا من أنصار فكرة أن كل ما مبلغ المؤخر زاد كل ما رخص البنت .. عشان ده بيدى إنطباع إن أهلها ما صدقوا جوزوها و خايفيين ترجعلهم ;)

معلش يا أستاذ أحمد

كلام حضرتك غير واقعي وغريب

الزواج يا سيدي الفاضل زي البطيخة المقفولة

طبعا هنسأل عن المتقدم للزواج ونتأكد من أخلاقه ومن أسرته

لكن الأقنعة لا تسقط إلا بعد الزواج

ولو كان المهر ملوش لازمة فلم أقره الشرع للزوجة ؟؟

أما إبنة حضرتك فربنا يرزقك أولا ثم يرزقها هي بالزوج الصالح ثانيا حتي لا يأتي اليوم

الذي تلومك هي فيه علي تفريطك في حقوقها والتنازل عنها

لن أجادل في الموضوع خصوصا إنه المفروض خفيف

هي وجهات نظر لا أفرض رؤيتي عليك ولا العكس

[herohero]

والله العظيم لو سألتوا اي راجل هل المؤخر ولا الشبكة ولا القايمة هتمنعك انك ماطلقش هيقولك لا والف لا

انا اعرف واحد زميلي صاحبه خلع لها فيش الكهرباء واداها ضعف المؤخر

وقالها لو عاوزة زيادة خدي

واي راجل كده لا شبكة ولا قايمة بتفرق لو اي راجل طهق بيسيب المركب بماحمل

ولما نشوف القايمة والشبكة والنيش والسفرة بتضمن السعاده ازاي

غير ان طبعا لو هو راجل صح ممكن بكل بساطة يسيبها معلقة كدة او يروح يتجوز عليها يعني لو الحكاية دخل فيها عند للاسف اخواتي الفضليات هتخسروا

ولازم تعرفوا توازنات القوى فمن يراهن ع القايمة او غيره يبقى رهانه غلط

[Ahmed El Manadili]

معلش يا أستاذ أحمد

كلام حضرتك غير واقعي وغريب

الزواج يا سيدي الفاضل زي البطيخة المقفولة

طبعا هنسأل عن المتقدم للزواج ونتأكد من أخلاقه ومن أسرته

لكن الأقنعة لا تسقط إلا بعد الزواج

ولو كان المهر ملوش لازمة فلم أقره الشرع للزوجة ؟؟

أما إبنة حضرتك فربنا يرزقك أولا ثم يرزقها هي بالزوج الصالح ثانيا حتي لا يأتي اليوم

الذي تلومك هي فيه علي تفريطك في حقوقها والتنازل عنها

لن أجادل في الموضوع خصوصا إنه المفروض خفيف

هي وجهات نظر لا أفرض رؤيتي عليك ولا العكس

أحترم إعتراضك يا سيدتى .. بس هو مين إلى قال المهر مالوش لازمة ؟؟! أنا عن نفسى لم أقل ذلك.

المهر شئ شرعى و أساسى ..أنا كل الى قلته انه مفروض يكون معتدل و مش مبالغ فيه. أما لو كنتى شايفة ان المهر = القايمة تبقى هنا المشكلة الحقيقية. لأن المهر دفعه العريس إما فى صورة نقود أو إشترى به عفش للعروسة (حسب الإتفاق) و لو كان عفش يبقى أكيد تم شراؤه بفواتير بإسم العروسة .. كده يبقى المهر وصل العروسة. القايمة بقى لزمتها ايه ؟؟! تعالى نتكلم بصراحة .. القايمة لازمتها أن العروسة مخونه العريس .. خايفة الراجل يضرب على العفش (عفوا على التعبير) و يقولها باى باى!

و برضة مش مصدق إن لسه فى حد بيفكر كدة .. يعنى لما أجيب لبنتى ورقة موقعة من زوج المستقبل أبقى كدة حفظت حقوقها ؟؟!! طب لو طلع الراجل ده مقلب و أخلاقه وحشة .. هتفرح هى بالورقة ولا إيه بالظبط ؟ مش الأولى التدقيق فى أخلاقه و التأكد (قدر المستطاع) من حسن عشرته. أرجوكى لا تقولى أن ده صعب قبل الزواج و الأقنعة تسقط بعد الزواج ..إحنا مش داخلين معركة. مرحلة الخطوبة لااااازم تاخد وقتها و العروسة و أهل العروسة يتأكدوا زى ما هم عاوزين من أخلاق الراجل .. و لو الأب أهمل إشارة سلبية ولو بسيطة فى أخلاق العريس يبقى هو ده التفريط الحقيقى فى مستقبل بنته.

[Howayda Ismail]

لولا انى ساقطعه عربي كنت كتبتلك فيها شعر .............

من عيوب الزوجة المصرية انها لا تتقن اللغة العربية smk:

من قال لك ياسيدى ان المرأة المصرية لاتجيد العربية

بل العكس اصبح معظم الرجال يفضلون العامية الدارجة ويستثقلون من المرأة حديثها حين يخلو منها

تم تعديل 27 مارس 2012 بواسطة Hend Ali

[Howayda Ismail]

ممكن اركب فى الموضوع

متشكر جدا

طيب انا شايف الحقيقه هجوم على مشاركه الغلبان ده عشان قال الحقيقه

وشايف مدام سلوى اتنرفزت من الرآى الاخر . هنا حته الدفاع عن الجنس الاخر لمجرد الدفاع يعنى احنا قدام اندفاع مش دفاع

وعشان نكون منصفين لازم نعطى الطرفين السالب والموجب

انا هزيد على مشاركه الاخ ال عليها الهجوم دى شىء ارجوا تقبله بروح نسائيه بحته قصدى روح رياضيه

جواز المصريه بيعتبر جريمه من الجرائم التى لاتغتفر فى حق الاتنين . الراجل والمرأة فى ظل قوانين الهانم

قوانين الهانم اضرت المرأة نفسها قبل الاضرار بالرجل .

لان القوانين دى رمتها فى الشارع ونسبه الطلاق وصلت للسماوات فى عهد قوانين الهانم

اترمت اطفال واتشرد مجتمع كامل بسبب قوانين الهانم

المرأة هنا خسرت ازاى .

كسبت قضايا وعلى اثارها صرفت كام جنيه وانصرفوا وقعدت فى الشارع تندب حظها ورمت اولادها وزوجها اتزوج واحده اخرى ويمكن الكارة تعاد هو وحظه

لان قوانين الهانم تخنت دماغ النساء واصرت على ان الراجل يطلع ينفض البطاطين فى الدور الرابع لكده لمحكمه الاسره اهى

فى ال بيطلع من سكات ينفض وفى كتير بينفضها هى وبتلقى المصير المجهول وبتحصل على لقب مطلقه مع سبق الاصرار والترصد

يبقى القوانين هنا اضرت بالمرأة مكتشى لصالحها

الى ان تجرم هذه القوانين وتعدل وترجع المرأة الى صوابها وليس لقوانينها هنا جواز المصريه مشمول بالنجاح

والى ان تعدل هذه الاوضاع . فلك منى النصائح التاليه

فأنصح بالسفارات الصينيه

بتراب الفلوس وعاوزين يعيشوا فعلا مش عاوزين يخلوا الراجل ينفض البطاطين

هتدفع باكوا اول عن اخر ولو دفعت فوق الباكو نص كمان هتاخد اتين ويمكن عليهم واحده هديه

او فى اصعب الاحتمالات هتاخد عليهم يا أما خلاط او مكوى فوق البيعه .

واتصل الان

فى سفاره حاليا ودى ال شغاله فى السوق الايام دى وبنجاح منقطع النظير

السفارة الصوماليه ودى شغال عليها الرجل تمام التمام حاليا

فقط اتصل الان

فانصح صاجب الموضوع بالاتى لوجه الله والارزاق على الله

هتتصل بالمصريه . ابقى قابلنى بقى .

هتتقابل فى الايام الاولى باحتفالات وماما قالت عليك واخى قال واختى قالت وكلهم بيشكروا فيك

وليه جبت هدايه لاء لاء احنا مش بنجب الكلام ده . وسيول من القناعات وسط عزومات مدسوسه بالحوم الحمراء بالوز والبط المتظغط بالركبه فوق رقبته غصبن عنه وده محرم شرعا . وده موضوع تانى مش هنخش فيه وفى الاخر ال كلته بط بط

البرتقال هيتقشر بطريقه ذهرة اللوتس واما تكتب الكتاب هتخده انته تأشره بايدك ده لو لقيته اصلا

دخلت بقى هو شهر واحد وتبدء المؤمرات وعشق السيطرة والريش لازم يتساقط .

هات هات لغايه ما تجيبلك الهتهات وتسقط القناعه ال كانت قبل الدخول . ويستمر الصراع من اجل السيطره يا أما الوعيد ومحكمه الاسرة اهى

يا أما تمشى على العجين متلخبطوش . كل ده فى وسط امثله يا مأمنه للرجال

وحاجه من اتنين ياتسقط فريسه يا أما تواجه مصيرك المحتوم وتحصل انته كمان على لقب مطلق بامتياز مع مرتبه الشرف

وهنا يبقى السؤال مطروح

هتتصل بمين فيهم الان

بالمصريه او بالسفارات اعلاه

ويجعل كلامنا خفيف عليهم

وهل ياترى هيتقبلوا الرآى الاخر ولا هيعترضوا ويخشوا فى مسميات اخرى

اشك الحقيقه

يبقى العيب هنا فى الهانم وفى اللى فصلوا لها القوانين على مزاجها ومقاس الاضيشها

كثير من الزوجات مازال حقهم مهضوم رغم كل تلك القوانين اللى حضرتك قمت بسردها

مش حنحط راسنا فى الرمل ونقول الزوجة المصرية تمام وميت فل وعشرة

لكن من الانصاف ان نقول الخيبة موجودة عند الطرفين لو حبينا نقول على مافيه المرأة المصرية من عيوب

وفشل ومتنفعش غير فى الشوبنج والحلل اللى انتم عمالين تخبطوا فيها من اول مداخلة

والله اللى مش عاجبه المصرية بقى السوق مفتوح على مصراعيه لجميع الفصائل

وبقول فصائل لان اللى بيدور دلوقت مش بيدور على انسانة يعيش معاها

لا بيدور على محفظة او تمثال افروديت يتباهى به قدام صحابه او انه يشترى دماغه بواحدة

تشيل عنه مسئوليات الاسرة ة والعيلة والكلام الفارغ ده اللى ميوكلش عيش معاهم

اصبح السوق متاح لليبيبة والسورية والصينية اللى ملهاش ام تعكنن عليكم

وحتى الروسية زادت السبعين ربيعا لشباب فى اعمار احفادها لمجرد انه تقلانة فلوس

تقدر تصرف عليه وعلى طلباته يوجع قلبه ليه ويصرف على مصرية شقة ومهر وفرح وحرق دم

لا خليه مع الاجنبية اللى تمنحه جنسية بلادها وتاخده على برة معاها تريحه وتريحنا منه ومن افكاره

وهضمه لحقه لبنت بلده

القوانين اللى وضعت ظلمت الاطفال فى المقام الاول والاخير بغض النظر عن احجافها الشديد لحق الزوج

للاسف عشان منظلمش طرف على حساب طرف اصبح الجيل الجديد كثير منهم غير مستعد للتضحية او الاصلاح

بينهم فاصبح اسهل وسيلة الطلاق ومايتبعه من عناد بين الطرفين

ماهو لو بنفذ شرع ربنا صح المودة والرحمة مش الانانية والاستغلال عمر مازوجة حتطلب الطلاق

ولا زوج حيفكر يطلق تخلصا من طمعها هى ايضا واستغلالها له

روقوا كده وخدوا شموا دى

تم تعديل 27 مارس 2012 بواسطة Hend Ali

[ابوهنا]

من غير دخول فى تفاصيل ومميزات وعيوب المصريه ولاجنبيه

الموضوع اسهل بكتير

الزواج نفسه مشروع فاشل بالنسبه للرجل

ولا هتفرق مصريه من بحرينيه من تونسيه من مجريه

كلهن واحد

ولكن الزواج امر لابد منه فنصيحتى لاى شاب.... اخره كلما استطعت بشرط الاتقع فى الرزيله

تم تعديل 27 مارس 2012 بواسطة ابوهنا

[herohero]

استاذ أبو هنا

والله العظيم ده لسان حال كثيرين وخاصة الاطباء والمهندسين

بأمانة كثير جداااااااااااااا بيعتبروا ان الزواج هو نهاية فترة الطموح والانطلاق وبالتالي بيأخروه ع اد ما يقدروا

لكن كما يقال شر لابد منه

[pocy]

انتم لسه بتتكلموا فى الموضوع ده ..............ولم تتراجعوا عن رأيكم فى الزوجه المصريه الجميله الحس .....

طب تعالوا امس سألت زوجى على ايه رايه فى القايمه اللى مضي عليها واللى كان سبب فشل لزيجات كتيره معرفش ليه

فقالى : قايمه ايه وقاعده ايه يابنتى انا لما اتقدمت من البدايه وربنا هدانى انى ارتبط بيكى ساعتها مكنش مهم لا قايمه ولا قاعده ولا كلام فاضي من ده واحلف انى ما قريتها ولا اعرف فيها ومضيت على طول لانى عارف انا دخلت انهى بيت وعارف كويس انى مش هتخلى عنك علشان شويه تفاهات وانتى حقك على كبير (فعلا انا والدى جابله القايمه وحاول مع زوجى انه يقراها حتى او معترض فى اى حاجه فيها ولكنه ربنا يحميه زوجى العزيز مضي على طول) بجد عاجبنى موقفه وكلامه جدا (ربنا يكرمك ويقر عينك بي يا زوجى العزيز )

وانا اكره ان اعمم شئ على المرأه المصريه فما فى المصريه يمكن ان تجده فى زوجه اخرى ............من اى جنسيه ..........

والحمد لله ان الله اكرمنا فى ديننا وفى عادتنا ومجتمعنا باشياء جميله بها نحافظ على انفسنا فلن نكون مثل بعض اللبنانيات واقول البعض منهن (والتى لا اعلم لماذا تعجب الرجال هل لاظهارها مفاتنا لتغري بها زوجها وجيرانها وكل الرجال فى كل مكان تذهب اليه ......هل هذه هى الزوجه التى تعجبك ايها الرجل المصري .....او الزوج المصري )

[pocy]

ابوهنا لست معك فى تاخير الزواج للشباب وخصوصا فى ايامنا تلك .............بالعكس التبكير من الزواج من قال ان التبكير لن يحقق طموحه ..........

كثيرا من الزوجات ساعدت زوجها فى طموحه ويسرت له امور كثيره وهناك اعترافات من الرجال بذلك .....

وان كان هو من قرر انها توقف طموحه فهو من قتله وليست هى ..........

وربنا يوفق الجميع وارجو تعديل كلمه شر لابد منه الى خير لابد منه ...............

فالزواج هو عفه للرجل قبل المرأه ..............والله الموفق

[التونسى]

من الأخر .. الزوجه المصريه زيها زى اى زوجه من جنسيه اخرى لها سلبياتها ولها ايجابيتها .. الاعتراض فى المقام الاول عندى الان شخصيا هو عنوان الموضوع ((اوعى تتجوز مصريه)) بجد ده فيه اساءه كبيره جدا لمصر كلها.. مش للنساء فقط .. اتمنى من ادارة المحاورات ان تعيد النظر فى هذا العنوان وصياغته بشكل اكثر حفظا لكرامتنا كمصريين .. خاصة ان الاخ الفاضل كاتبه قد اظهر من خلال مداخلاته انه لا يقصد التعميم على كل نساء مصر اللى فيهم اختك واختى وبنتك وبنتى

الموضوع ده لا يدعو لهجر الزواج من المصريات .. أبدا لم تكن تلك نيتى عندما بدأته .. و لكن هو ينتقد طباع و أفكار بعض فتيات الأجيال الحديثة و التى تجعل الزواج إضافة سيئة فى حياة الرجل بدل من أن تدفعه لمزيد من النجاح. يعنى على سبيل المثال زى ما بعض الرجال ذكروا رفض الزوجة السفر مع زوجها للعمل أو الدراسة. فى الحقيقة (و مع كامل إحترامى) زوجة زى دى تبقى قلتها أحسن.

ما قولناش بقى إن كل المصريات وحشات و زوجات سيئات .. ما حدش قال كدة أبدا. بالعكس (Absolutely :P ) .. لا

واقترح عنوان (( سلبيات وايجابيات الزواج من مصريه))

[التونسى]

نقطه تانيه احب اضيفها لاخواتى الافاضل اللى بينتقدوا القوانين المصريه اللى فى صالح المرأه .. وشايفينها جائره .. أحب اقولهم انى عايش فى انجلترا بقالى 8 سنين ... واقولهالكم بكل صدق وامانه .. واللى عاش فى انجلترا يعرف ده .. وهو ((ضفر اقل اقل اقل مصريه برقبة ألف ست انجليزيه)) ولا داعى لذكر تفاصيل:blush2: .. ومع ذلك القوانين الانجليزيه هناك بتنصف المرأه بشكل يغيظ جدا جدا جدا .. والحكومه هناك مدلعاهم على الاخر .. عارفين ليه .. لان الناس دى فعلا مدركين ايه هى اهمية دور المرأه فى حياتنا .. وانها فعلا من اهم العناصر فى منظومة حياتنا الاجتماعيه .. وكفايه انها هى ((الوعاء)) الذى يحمل استمرار البشريه .. وكفايه انها بتتحمل اعباء كتير من حمل وولاده ورعايه واهتمام وخلافه ... ومطلوب منها كمان تدلع الراجل وتهننه وتبسطه وتشوف مزاجو .. انا هنا مش بدافع عن المرأه المصريه .. انا بدافع عن المرأه كجنس بشرى بشكل عام .. اللى لو نظرنا لها بانصاف بعيد عن بعض موروثاتنا الثقافيه الشرقيه التى تصنفها احيانا ك عبده او خادمه .. .. حنكتشف ان المرأه تستحق منا نظرة اكثر انصاف وعداله .. ولنا فى واقعة عمر بن الخطاب وزوجته خير مثال لما اقوله

[عبير يونس]

لو لم أكن مصرية

لتمنيت أن أكون انجليزية

:lol:

لا بجد

المسألة لا هي بالجنسية و لا بالعادات و لا بالتقاليد

و لا بالسفرة و النيش :P

والله انها توفيق لا أكثر و لا أقل

[التونسى]

لو لم أكن مصرية

لتمنيت أن أكون انجليزية

:lol:

لا بجد

المسألة لا هي بالجنسية و لا بالعادات و لا بالتقاليد

و لا بالسفرة و النيش :P

والله انها توفيق لا أكثر و لا أقل

ياه يا عبير .. والله واحده فى ظروفك تعيش هنا اجدع من الملكه .. هما بيقدروا جدا الست اللى لديها اطفال .. وكل اما يبقى عندك اطفال اكتر .. كل اما الصرف عليكى يبقى اكتر واكتر .. شقه ببلاش .. علاج ببلاش .. تعليم ببلاشا لاطفال مصاريفهم ببلاش .. كل حاجه ببلاش كده ههههههههههههههههههههه .. وكل ده لحد ما يكملوا 16 سنه .. ولا محتاجه زوج يصرف ولا حد يساعدك .. دا غير القوانين اللى بتحميكى بشكل ممكن يخليكى تتغيرى فعلا وتحسى بنفسك اوى

[عبير يونس]

لا يا عم يفتح الله

طب و زوجي العزيز اوديه فين

طب و القايمة اللي معاه طيب :blink:

ههههههههههههههههه

لا لا

انا مصرية أصيلة

و لازم افضل مع زوجي الحبيب

لحد اما اخلص عليه

وبعدين ابقى اروح انجلترا

:D

[عطر الجنة]

لا يا عم يفتح الله

طب و زوجي العزيز اوديه فين

طب و القايمة اللي معاه طيب :blink:

ههههههههههههههههه

لا لا

انا مصرية أصيلة

و لازم افضل مع زوجي الحبيب

لحد اما اخلص عليه

وبعدين ابقى اروح انجلترا

:D

تخلصى على مين يا ست انتى

حرام

كفاية

المهم خدى بالك من صحتك عشان البيبى لان لو رحتى بلاد الانجليز معناه فلوس اكتر