إوعى تتجوز مصرية !!

[Ahmed El Manadili]

أصدقائى ..

أحب أن أسجل للمرة الثانية سعادتى بالحوار الراقى فى هذا الموضوع ..

فى الحقيقة عندما طرحت الموضوع للمناقشة لم أكد أقصد أبدا الإساءة للزوجة المصرية بوجه عام .. وإنما قصدت لفت النظر و الإنتباه الى ظاهرة بدأت تنمو فى مجتمعنا منذ سنوات (و ليس منذ أيام أو شهور) و هى إتجاه الشباب المصرى للزواج من أجنبيات. لا يخفى على الجميع أن هذه الظاهرة بدأت منذ عقود فى المناطق السياحية بمصر مثل الأقصر حيث كان يسعى الشباب الى الزواج من اى اجنبية للحصول على تسهيلات السفر و الاقامة و الدعم المادى .. ولكن ما لفت نظرى هو أن الظاهرة أخذت منحنى جديد منذ سنوات و هو زواج الشباب من أجنبيات ليس للحصول على المميزات السابق ذكرها و لكن لعدم رضائهم عن الزواج من مصريات لأسباب سبق و ذكرت بعضها مثل قانون الأحوال الشخصية المجحف للرجل أو طباع و أفكار بعض (و أضع خط تحت كلمة بعض) فئات الأجيال الجديدة من الفتيات. للمرة العاشرة .. انا لا أعمم .. لا أقول أن كل الشباب أصبحوا يفكروا بهذا الشكل و لا كل الفتيات المصريات أصبحن غير صالحات للزواج.. ولكن الظاهرة تستحق الدراسة و الإنتباه. فنحن فى ظروف إجتماعية (عنوسة متفاقمة و مشاكل إقتصادية تفتك بأحلام الشباب و خلافه) تدعونا الى التكاتف لتسهيل زواج الشباب و ليس تجاهل مثل تلك الظاهرة التى بدأت بالفعل تتفاقم و تهدد بتصدع جديد فى المجتمع المصرى.

أحب أن أؤكد مرة أخرى أننى إخترت العنوان الصادم لجذب أنظار الناس الى المشكلة .. و حتى أثبت سلامة نيتى .. فلا مانع عندى من تغيير عنوان الموضوع كما إقترح الأستاذ محمود إذا كان فعلا العنوان يضايق القراء. ولو أنى أرى فى هذا الأمر هروب من واقع خطير نعيشه و لا نريد رؤية عنوانه.

سيدتى الزوجة المصرية .. سبق أن قلت فى تعليقاتى أننى أول من يرفع القبعة تجليلا و إحتراما للزوجة الصالحة التى تحافظ على إستقرار بيتها و رضا زوجها و تربى أطفالها تربية صالحة. و لكنى أيضا بصراحة أول من ينتقد النماذج السيئة المدللة و التى تزداد للأسف مع الوقت و كأنها سمة الحياة العصرية السريعة.

أتفق تماما مع رأى الرجل الذى يقول أن النساء عموما صعب التكيف معهن و أنه لا يوجد إمرأه بلا عيوب .. كلام صحيح كما أنه لا يوجد رجل بلا عيوب. و لكنى أختلف معك عندما تقول أنه يستوى فى ذلك كل نساء الأرض .. فالمصرية مثل البحرينية مثل المغربية ..الخ. لا يا سيدى فالبيئة تلعب دورا كبيرا .. و كل إمرأه نشأت و تربت فى بيئة مختلفة .. ونحن هنا فى مصر نعيش فى بيئة كبيرة إسمها الوطن .. و تساهم الموروثات الثقافية و الظروف الإجتماعية و الإقتصادية فى تكويين شخصية الفرد سواء كان رجل أو إمرأه .. لذلك فأن المرأة المصرية طباعها و أفكارها بشكل عام تختلف عن باقى الجنسيات..و هذا هو المقصود عندما نتكلم عن الزوجة المصرية ..إنها الفتاه التى خلقها الله تعالى على الفطرة و لكن تدخلت كل العوامل حولها فى تشكيل فكرها ..من تلك العوامل والديها و أسرتها و الذين هم ينتمون أيضا للبيئة المصرية. مثال بسيط على هذا الكلام (و أذكره فقط على سبيل المثال) موضوع قائمة المفروشات و الذى تناولناه بشكل هزلى بالأمس.. الفتاه المصرية نشأت فى بيئة تقدس هذه العادة و شاهدت كل أو معظم من سبقوها فى الزواج يفعلن ذلك ..فأصبحت تؤمن بأن هذا هو الصواب و هو الأمر الطبيعى عند أى زواج.. و لم تفكر فى أن هذا الأمر لا يحدث فى المجتمعات الأخرى.. لماذا ؟! الإجابة ببساطة هى تأثير البيئة التى نشأنا فيها على أفكارنا بغض النظر عن صحة تلك الأفكار من عدمه.

سيدتى المصرية ..عندا نلقى الضوء على بعض عيوب الزوجة المصرية فالقصد من ذلك ليس اللوم و التقريع و إنما القصد من ذلك مساعدة السيدات على فهم ما يضايق الرجل المصرى و قد يساعد ذلك بعض السيدات فى المحافظة على إستقرار بيوتهن و تربية بناتهن بشكل مختلف. و الباب مفتوح أيضا للسيدات لذكر عيوب الرجل المصرى .. وربنا يستر :)

أعتذر عن الإطالة و أسجل مرة أخرى إستمتاعى بالحوار.

تحياتى

د.أحمد

تم تعديل 27 مارس 2012 بواسطة Ahmed El Manadili

[herohero]

محدش بيقعد يقرا ف القايمة ولا بتفرق ع فكرة

لكن الي بيضايق احساس اهل البنت ان القايمة هي اهم شئ وانها هتضمن لها السعادة الابدية

وقناعة كثير من الرجال ان ده مش هتفرق خااااااااااالص لان وقت ما الامور بتسوء ولا هتفرق قايمة ولا غيره

وما يوجه من نقد هو موجود وملموس وف نقاط واضحة ومحددة

-رفض الزوجة للسفر مع زوجها عشان مش بتحجب الغربه وتبقى جنب ماما وبابا وصاحباتها طب هو ممكن يكون شغله ف مصر اقل ف حاجات كثير ورغم كدة مش مهم المهم هي تبقى جنب أهلها وصاحباتها

- التمسك ف بعض التفاصيل اللي مش هتفرق ف الحياة الزوجية وف نظر الرجال هي تفاهات مثل النيش والسفرة والسجاد والتفاهات اياها

-موضوع الندية !!! انها بتتعامل ان انا زي زيك

- حب التملك لو بتحبك يبقى انت لها بس انسى صحابك واهلك المهم تبقى لها عشان بتحبك وده شئ خنيق جداااااااااااااااااااا

-------------------------

فالامور ده مع اي جنسية هتجعل الارتباط بهذا النموذج ممل ومتعب

وللاسف انتشر بكثرة جدا ف مصر

وبالتالي لا يوجد تعميم ولكن ذكر للواقع ومازلت اكرر مش الزوجات اللي ف سن ال40 ومافوق لا انا بتكلم ع الاقل هم اللي عندهم شوية مفاهيم غلط محتاجه تتعاد من الاول وجديد

ولا داعي لان ندفن روسنا ف الرمال

[التونسى]

عشان منزعلش برضه اخواتنا الرجاله المعترضين هنا حنراضيهم بكلمتين ههههههههههههههههههههههههه

فعلا ساعات الاجنبيه بتكون اصلح للمصرى .. بس فى حالة ايه بالصلاة علىى النبى .. فيه حالة لو المصرى ده زى حالاتى كده مهاجر بره مصر فى دوله اجنبيه او مقيم اقامه دايمه بنية الاستقرار فى دوله عربيه .. هنا الاحسن طبعا الزواج من واحده تكون من نفس جنسية البلد اللى مهاجر لها او على الاقل تكون مقيمه زيه او مهاجره .. ويستحسن لو يكون اصولها مصريه برضه ههههههههههههههههههههههههههههههههههه .. لكن لو مكنتش مصريه مش مشكله برضه تمشى وتصلح .. لانها حتبقى عارفه ومتوافقه مع ظروف البلد اللى هما مهاجرين او مقيمين فيها .. اما بقى لو الواحد عايش فى مصر بشكل دائم .. فمصريه ثم مصريه ثم مصريه الا فى اضيق الحدود والظروف

[عبير يونس]

لا يا عم يفتح الله

طب و زوجي العزيز اوديه فين

طب و القايمة اللي معاه طيب :blink:

ههههههههههههههههه

لا لا

انا مصرية أصيلة

و لازم افضل مع زوجي الحبيب

لحد اما اخلص عليه

وبعدين ابقى اروح انجلترا

:D

تخلصى على مين يا ست انتى

حرام

كفاية

المهم خدى بالك من صحتك عشان البيبى لان لو رحتى بلاد الانجليز معناه فلوس اكتر

و الله انتي كده bv:-

صح خليه

اهو ينفع برضه

و بالمرة اجيبلي عيلين تلاتة كمان

و البلية تلعب و نعيش بقى

smk:

[متعب]

ايه رأى حضراتكم فى موضوع القايمة .. و المقصود بها طبعا قائمة مفروشات شقة الزوجية.

معظم الرجالة الى سألتهم عن الحكاية دى قالوا انها ما فرقتش معاهم اوى ساعة الجواز و اعتبروها مسألة شكليات .. لكن كلهم ندموا بعد كدة (بعد سنوات من الزواج) انهم وافقوا على الموضوع ده ..

ايه رأى الرجالة ؟

و سؤال والنبى للستات :) هل الحكاية دى فعلا بتفرق معاكم ؟ يعنى بتحسى بالامان بالورقة دى ؟؟

تحياتى

عن نفسي و انا مسافرة لزوجي بعد اما سبقني عشان يعمل لي استقدام

طلبت من ماما القايمة

و لما تخوفت

قلتلها بقى انتي يا ماما مسلماه بنتك

وخايفة على ورقة

و اول ما رحت له اديتها له

ايه قيمة شوية عفش

لو الحياة اتخربت ؟؟؟

ماشاء الله

هو ده الزواج الناجح بجد ومش ممكن يكون هناك مشاكل مساويه للعكس

ال بيتخن دماع الست . القايمه دى وبتعتقد اعتقاد خاطىء انها مسكاها بالحديد والنار ومفيش راجل بيتمسك إلا بالحسنى مش بالقوائم

والدليل انه بيطلق وخدى قايمتك وبالسلامه . يبقى هنا الراجل متمسكشى ولا حاجه

والراجل استحاله يستغنى عن زوجه بالشكل ده لسبب بسيط لانها شرياه

طيب هنا هنقول حاجه

البديل لزوجه من النوع ايه وايه المكاسب ال ممكن يجنيها الراجل من الاستغناء عن زوجه بهذا الشكل . المكاسب ايه يعنى ؟

ولا حاجه . بالعكس تماما هيجيب واحده تانيه هتسود عيشته بالقايمه ده غير انها ممكن تكون زوجه اب لولاده

وطبعا عارفين زوجه الاب بتعمل ايه فى الاولاد

طيب . لما الراجل يترك اولاده فى ايد امهم ولا يتركها فى ايد مرات اب ويروح شغله

اعتقد هنا الخساره للراجل فادحه مفيش كلام

وعلى رآى المثل زوج الاتنين يا قادر يا فاجر

تعرفى ان ال انتى عملتيه يامدام عبير ده هو شرع ربنا .

غير كده بقى . قايمه الزواج دى والمنقولات والذى منه ده بيعتبر شرع أم حنوس ملوش علاقه بالاسلام لا من بعيد ولا من قريب ومش بس كده

دى اهانه للاسلام والشريعه الاسلاميه ذاتها لانها غير شرعيه

الشرعى فقط المهر الذى يدفع لولى الامر . أما القايمه دى وصل امانه لايقرها الشرع . اه كلهم مخالفين للشرع ومشيين على شرع ام حنوس وام ترتر

لكن الاصل فى الاسلام غير كده خالص . اولا قايمه الجهاز المكتوبه حسب ام حنوس مجحفه وظالمه للرجل . بمعنى ان الزوجه بتعيش مع الرجل فترة من الزمن بتكون المنقولات دى هلكت وعند الطلاق الزوجه بتطلب منقولاتها او ما يعادلها بالماده . طيب ماهما الاتنين عايشيين مع بعض واكتر ال استفاد بالقايمه دى الزوجه مش الزوج . والزواج شراكه فى كل شىء . اشمعنه دى مش شراكه

هنا الزوجه بتخدها كلها وتسيب الزبون على الحديده ويمكن كمان تاخد الحديده تعملها شباك

اشمعنه بقى هى بس ال تخدها وليه الزوج عن الطلاق ميخدهاش هو .

والسؤال الان هل النساء المتواجده حاليا افضل من فاطمه بنت محمد هل افضل من اسماء بنت ابى بكر هل هل هل

بالطبع لاء يبقى التمييز هنا ملكوه ليه وبقى خاصيه منفرده ؟ !!!!!!!!

[لونا]

عن نفسي لما جينا نشتري الشبكة .. فوجئنا بزوجي يكتب الفاتورة بإسمي ..

لما اشترينا العفش .. والدي كتب فواتير العفش الذي اشتراه لي بإسمي ..

و كتب زوجي أيضًا فواتير العفش الذي اشتراه بإسمي ..

طبعًا لم يعد هناك حاجة لكتابة قايمة

طيب القايمة مهمة؟

أيوة مهمة ليه ؟

لو واحدة زوجها طلقها .. و أخذ منها الشقة .. و أخذ العفش (على فكرة العفش عندنا في مصر مش بيبوظ بعد سنتين تلاتة .. أعرف واحد إتجوز مرتين على عفش زوجته الأولى )

الواحدة دي تقعد هي و ولادها فين ؟ و على إيه؟

حتدخل في قضايا و محاكم ... لغاية لما تثبت إنها حاضنة .. و بعد 4 أو 5 سنين .. حتاخد الشقة (مؤقتًا) .. و تقعد على البلاط 4 أو 5 سنين لغاية لما يتحكم لها بالعفش ؟

هل كدة هي مادية عشان بتدور على عفش أو قايمة أو مؤخر ؟ .. و المفروض إن مادام زواجها فشل ما تفكرش في ماديات ؟

طيب و ولادها لما يتنقلوا من بيتهم لبيت جدهم .. و يرجعوا تاني لبيت فاضي مافيش فيه عفش ...نفسيتهم تبقى عاملة إزاي؟

على فكرة الحكاية دي من الواقع و ليست خيالية

[لونا]

أما عن موضوع النيش و الصالون

ياريت فعلًا يكون فيه حملة لتغيير المفاهيم اللي مالهاش أي لازمة

أنا مش فاهمة ليه حياة أي زوجين لا تبدا في بيت غرفة وصالة ..

غرفة نوم و صالة فيها أنتريه شيك و ترابيزة للاكل

و المطبخ فيه إحتياجاته فقط .. مش عشر أطقم كاسات و عشرين كوبيات.. و حلل استانلس و ألومنيوم و تيفال و بايركس

و يا ريتها تستعمل لا تتركن عشان الضيوف

اللي يقدر يجيب يجيب .. لكن اللي ما يقدرش و يستلف و تبوظ الجوازة بسبب الحاجات دي حرام و الله

[herohero]

هيستمر النقاش وهيستمر الزواج أهم شئ فيه القايمة والعفش والنيش وكلمة بنشتري راجل بتتحط زينة كدة

عموما هو لسان حال الرجاله ان بيغضوا الطرف وخلاص عشان الامور بتمشي

عموما للمرة المليون اي بنت او اهل بنت يفتكروا ان القايمة وموضوع الطلبات المبالغ فيها عشان يبقى تعب ف البنت ودفع فيها وبالتالي مايتخلاش عنها بسهولة

ده مبدأ غلط وبينفع بس مع العربيات وبرده لو قرفت من العربية بتقرف منها وتسيبها

لكن عمر الراجل ما هيفرق معاه لا قايمة ولا قاعدة

ياريت بجد يحصل ثورة ف أفكارنا ونشوف بجد ايه الصح انما احنا بنركز ع كل حاجه وبننسى اخلاق الطرفين ونشوف مدى الاتفاق بينهم الاتفاق بيكون احنا هنجيب ايه وانتم هتجيبوا ايه

انما جوهر الحياة فين للاسف محدش بيهتم به والنتيجة زيادة معدلات الطلاق وانتشار ظاهرة الخرس الزوجي

[رضوي]

هي جملة واحده هقولها

لو الراجل المصري لقى ست تستحمله وتفهمه وتستحمل ظروفه وتشيله وتصونه وتسمع كلامه وتسعده,,,,,,,,,,, انا ماعنديش مانع في انه يتجوز غير المصرية :)

[Ahmed El Manadili]

هي جملة واحده هقولها

لو الراجل المصري لقى ست تستحمله وتفهمه وتستحمل ظروفه وتشيله وتصونه وتسمع كلامه وتسعده,,,,,,,,,,, انا ماعنديش مانع في انه يتجوز غير المصرية :)

متشكرين أوى يا أستاذه رضوى إنك سمحتيله يتجوز غير المصرية .. بس سؤال و النبى عشان تعليق حضرتك إستفزنى أوى ..

هى المصرية بتعمل كل الى إنت قولتيه فوق ده ؟؟؟؟؟!!

أمال معدلات الطلاق فى إزدياد ليه يا أخوانا ! أكيد عشان إحنا رجالة جاحدة ما بيملاش عنينا غير التراب و ما بيعجبناش العجب!

[رضوي]

هي جملة واحده هقولها

لو الراجل المصري لقى ست تستحمله وتفهمه وتستحمل ظروفه وتشيله وتصونه وتسمع كلامه وتسعده,,,,,,,,,,, انا ماعنديش مانع في انه يتجوز غير المصرية :)

متشكرين أوى يا أستاذه رضوى إنك سمحتيله يتجوز غير المصرية .. بس سؤال و النبى عشان تعليق حضرتك إستفزنى أوى ..

هى المصرية بتعمل كل الى إنت قولتيه فوق ده ؟؟؟؟؟!!

أمال معدلات الطلاق فى إزدياد ليه يا أخوانا ! أكيد عشان إحنا رجالة جاحدة ما بيملاش عنينا غير التراب و ما بيعجبناش العجب!

استاذي الفاضل

اسمحلي اشكر حضرتك على تعليقك على ردي , وكمان اشكرك ان حضرتك وضحتلي ان تعليقي استفز حضرتك

مع اني قبل مااكتب اي كلمه اتأكدت ان الموضوع في باب موضوعات خفيفة ,,,, وعلى الاساس ده كان ردي

ع العموم ياسيدي الفاضل , لكل منا وجهه نظره في الحياة

ولو حضرتك بتعمم ان ارتفاع نسبة الطلاق ( ده بفرض ان مصر تحظى بأعلى نسبة للطلاق في العالم والمصريين بس اللي بيطلقوا المصريات ) سببه الست المصريه فدي وجه نظر حضرتك الشخصية لأن مافيش اي احصائية تؤكد الكلام ده , زي ماهى برده وجهه نظر الكثيرات والكثيرون , إن الراجل المصري مليان عيوب ومشاكل كتير , كلها وجهات نظر تقبل الصواب وتقبل الخطأ

آسفة لو كنت استفزيت حضرتك

خالص احترامي سيدي الفاضل

[Ahmed El Manadili]

لا يا herohero مش مفروض الرجالة يفضلوا يغضوا الطرف و يكبروا دماغهم و يمضوا .. ما هو ده الغلط بعينه ..إن كل راجل يكبر و يمضى عشان المركب تمشى و النتيجة أنها أصبحت عادة متأصلة فى المجتمع .. و الى بيرفضها هو الغلط !

شوف يا صديقى أنا أعرف كذا راجل (منهم أنا شخصيا) عند الزواج إعتذر عن موضوع القايمة ده و قال "معلش يا عمى أنا مابمضيش قايمه" و فى الحقيقة حمايا كان راجل محترم جدا و إحترم رغبتى و لم يجادلنى حتى .. فى حين أنه فى حالات أخرى حدث بعض الجدل و إنتهى الموضوع بإلغاء الفكرة بعد تصميم العريس. فى الحقيقة الراجل هو إلى بيفرط فى حقه و بيصغر نفسه لما بيعمل كده.

شئ يضايق جدا إن الراجل يعيش و يجلس و ينام على عفش إستلمه كعهدة (بالرغم أنه عفش بيته) و يكون مهدد فى أى لحظة بدخول السجن بسبب هذه العهدة ! هل من الطبيعى أن يخونك الناس الذين أعطوك بنتهم فى شوية عفش ! هل هذه هى العلاقة التى يكسوها المودة و الرحمة التى ذكرها الله تعالى فى كتابه ؟

لقد تم إستحداث هذه العادة الكريهه فى مصر (مصر فقط!) فى بعض الأوساط الإجتماعية التى كانت منتشر فيها صفات الخيانة و الغدر ثم للأسف تحولت الى قاعدة فى كل الأوساط تطالب بها كل أسرة عند زواج بنتهم بدعوى حماية البنت ! و كأن قائمة الأثاث هى التى ستمنع الرجل عن الغدر بالبنت و ستجعله يسير على الصراط المستقيم! و المصيبة أن معظم البنات تحول تفكيرها مع الوقت ليتماشى مع هذا الموضوع .. فأصبحت معظم الفتيات يتمسكن بتوقيع الرجل على تلك الورقة .. وشايفين غن توقيعه هو بمثابة إعلان منه أنه (شاريها) و أنه (بيتحمل الصعب علشانها) ! و هن لا يعلمن إن غالبا الرجل بيكبر دماغه عشان الموضوع يمشى.

إسمحوا لى أن أشارككم بعض الخواطر:

- الكثير من الرجال (المحترمين) لم تمنعهم القائمة من طلاق زوجاتهن عندما إستفحلت المشاكل بينهم و أعطوهن حقوقهن كاملة بما فى ذلك عفش بيت الزوجية سواء بالقائمة أو بدونها.

- الكثير من الرجال (الغير محترمين) لم تمنعهم القائمة من التلاعب و الإحتيال على زوجاتهن عند الطلاق.. و أساليب التلاعب باتت معروفة للجميع و يعرفها جميع المحامين مثل تبديل الأثاث أو الرشوة..إلخ

- عند الإتفاق على الزواج يكون الكلام للعريس مطمئن مثل (القايمه دى شئ صورى و الكل بيعمل كده ..الخ) و لكن الشئ الذى لا يعلمه الكثيرين من الرجال أن القائمة هى أقصر طريق للسجن ! حيث يكفى عمل محضر تبديد منقولات و يتم الحكم و السجن سريعا بعد معاينة الشرطة حتى فى عدم وجود الزوج .. و إسأل أى محامى. ويكون هذا للأسف سيف على رقبة الرجل فى حال يرغب أهل الزوجة فى تهديده (فى بعض الأوساط و لا أعمم).

- أكثر شئ مستفز فى الموضوع ما يقوله بعض الناس مثل: لو بتحبها و شاريها إمضى ..الخ. و لا أعلم ما علاقة أن أكون بحبها و شاريها بأن أوقع على إيصال بالعفش ..هذا فى الحقيقة ليس حب و لكن تخوين و عدم ثقه !

- سؤال هام ..هل ترضى الزوجة أن تعامل بالمثل ؟! على سبيل المثال أن تمضى على إيصالات أمانه قبل الزواج تكون ضمان فى يد الزوج ضد أى شئ خطأ تفعله الزوجه !!! مش مفروض إن فيه دلوقتى مساواه ! طب لو بتحبيه و شارياه إمضى يا ستى.

- سؤال للبنت .. لو مش مستأمناه على عفشك .. قبلتى تتجوزيه ليه ؟؟! ولا هو عريس و خلاص !

- سؤال تانى .. لو ربنا فتح عليكوا بعد الجواز بكام سنة و غيرتوا الشقة و العفش .. هتمضيه على قايمة جديدة ولا هاتعملى ايه ؟؟!

فى الحقيقة لا أتصور شكل الرجل أمام أطفاله عندما يكبروا و يفهموا أن بابا ماضى ورق بالكنبة الى قاعدين عليها !! والله حاجة تكسف. الشئ المحير أنه عادة ما تكون الزوجة هى من يشترى العفش أو يشتريه العريس لها كمهر .. و تكون الفواتير بإسمها .. لزمتها إيه بقى القايمه !!! ياريت نبطل الفكر ده و العادات البالية دى بقى و نمشى على نصح الدين فى كل شئ. نصيحة للشباب المقبل على الزواج .. إحفظ كرامتك من البداية و لا تتنازل فى حقوقك حتى لو سيؤدى هذا لعدم إتمام الزواج .. فهذا أفضل كثيرا من مشاكل الطلاق.. و الله الموفق.

تحياتى

[فتافيت]

شوفوا يا جماعة موضوع القايمة دة عادة مصرية صرف في الدول العربية العريس بيدفع مهر للزوجة ومالهاش دعوة باي حاجة بتروح بشنطة هدومها كدة بس وكمان برضة بيتكتب لها مؤخر

تعالي بق حضرتك كدة وقول لاي راجل اكتب العفش او الفاتورة باسم الست يقولك اية هو انا مش راجل ولا اية

الا من رحم ربي

تعالي قولة القايمة يمضي والناس الكويسة ما بتدوش فيها اية

والناس بق اللي بتعد دي حاجة تانية

انا عن نفسي والدي رحمة الله علية لم يوقع اي من ازواجنا انا واخواتي علي قوايم وحتي عند المؤخر برضة كتب ما يملية علية الزمن في هذا الوقت

لكن اللي بقولة ان الوقت غير الوقت والناس غير الناس والزمن غير الزمن

يارب يرزق بناتنا بازواج صالحين يارب العالمين ولكن اتمني ان نحفظ لهم حقوقهم ولا نامن غدر الزمااااان

تحيااااااااااتي

[Ahmed El Manadili]

هي جملة واحده هقولها

لو الراجل المصري لقى ست تستحمله وتفهمه وتستحمل ظروفه وتشيله وتصونه وتسمع كلامه وتسعده,,,,,,,,,,, انا ماعنديش مانع في انه يتجوز غير المصرية :)

متشكرين أوى يا أستاذه رضوى إنك سمحتيله يتجوز غير المصرية .. بس سؤال و النبى عشان تعليق حضرتك إستفزنى أوى ..

هى المصرية بتعمل كل الى إنت قولتيه فوق ده ؟؟؟؟؟!!

أمال معدلات الطلاق فى إزدياد ليه يا أخوانا ! أكيد عشان إحنا رجالة جاحدة ما بيملاش عنينا غير التراب و ما بيعجبناش العجب!

استاذي الفاضل

اسمحلي اشكر حضرتك على تعليقك على ردي , وكمان اشكرك ان حضرتك وضحتلي ان تعليقي استفز حضرتك

مع اني قبل مااكتب اي كلمه اتأكدت ان الموضوع في باب موضوعات خفيفة ,,,, وعلى الاساس ده كان ردي

ع العموم ياسيدي الفاضل , لكل منا وجهه نظره في الحياة

ولو حضرتك بتعمم ان ارتفاع نسبة الطلاق ( ده بفرض ان مصر تحظى بأعلى نسبة للطلاق في العالم والمصريين بس اللي بيطلقوا المصريات ) سببه الست المصريه فدي وجه نظر حضرتك الشخصية لأن مافيش اي احصائية تؤكد الكلام ده , زي ماهى برده وجهه نظر الكثيرات والكثيرون , إن الراجل المصري مليان عيوب ومشاكل كتير , كلها وجهات نظر تقبل الصواب وتقبل الخطأ

آسفة لو كنت استفزيت حضرتك

خالص احترامي سيدي الفاضل

يا ستى أنا الى بعتذرلك لو كان ردى ضايقك ..

أنا لم أذكر أن مصر تحقق أعلى معدل طلاق فى العالم .. بل قلت أن المعدل أصبح عالى بشكل مفزع

و لم أقل أن المصريات فقط هن السبب فى الطلاق .. بالتأكيد الرجال أيضا يتحملون السبب و بالتأكيد الرجال المصريين فيهم عيوب.

لكن إسمحيلى .. أنا كرجل (و بالتأكيد غيرى من الرجال المصريين أيضا) لا نرى أن الزوجة المصرية اليوم تفعل كل ما ذكرتيه فى تعليقك الأول .. و الله لو الزوجة المصرية اليوم بتعمل معظم الى كتبتيه ده كانت البيوت عمرت.

أما عن إعتراضك بخصوص معدلات الطلاق العالية .. فالأمر أصبح لا يحتاج أى إحصائيات .. أنظرى حولك فى محيط معارفك و بالتأكيد ستجدى عدة حالات طلاق أو خلع. أما إذا كانت الإحصائيات مؤشر هام بالنسبة لك .. فببساطة إفتحى google search و إكتبى معدل الطلاق مصر لتجدى الكثير من الإحصائيات الرسمية و غير الرسمية .. مثلا:

- عام 2008 سجلت حالات الطلاق 88 الف حالة بمعدل حوالى 20% من حالات الزواج فى هذا العام

- عام 2011 تقدر الإحصائيات المبدأية حالات الطلاق بـ 45%

- تكشف إحصائيات الجهاز المركزى للتعبئة العامة عن أن النسبة الأكبر من الطلاق تقع بين المتزوجين فى السنة الأولى حيث تبلغ 34%.

تحياتى

[متعب]

عن نفسي لما جينا نشتري الشبكة .. فوجئنا بزوجي يكتب الفاتورة بإسمي ..

لما اشترينا العفش .. والدي كتب فواتير العفش الذي اشتراه لي بإسمي ..

و كتب زوجي أيضًا فواتير العفش الذي اشتراه بإسمي ..

طبعًا لم يعد هناك حاجة لكتابة قايمة

طيب القايمة مهمة؟

أيوة مهمة ليه ؟

لو واحدة زوجها طلقها .. و أخذ منها الشقة .. و أخذ العفش (على فكرة العفش عندنا في مصر مش بيبوظ بعد سنتين تلاتة .. أعرف واحد إتجوز مرتين على عفش زوجته الأولى )

الواحدة دي تقعد هي و ولادها فين ؟ و على إيه؟

حتدخل في قضايا و محاكم ... لغاية لما تثبت إنها حاضنة .. و بعد 4 أو 5 سنين .. حتاخد الشقة (مؤقتًا) .. و تقعد على البلاط 4 أو 5 سنين لغاية لما يتحكم لها بالعفش ؟

هل كدة هي مادية عشان بتدور على عفش أو قايمة أو مؤخر ؟ .. و المفروض إن مادام زواجها فشل ما تفكرش في ماديات ؟

طيب و ولادها لما يتنقلوا من بيتهم لبيت جدهم .. و يرجعوا تاني لبيت فاضي مافيش فيه عفش ...نفسيتهم تبقى عاملة إزاي؟

على فكرة الحكاية دي من الواقع و ليست خيالية

اسمحيلى يا أستاذة اختلف مع حضرتك بس بدون غضب الله يخليكوا

احنا بناقش قضيه بتهدد عرش البنت المصريه والبنت المصريه دى هى فى المقام الاول ام واخت وتيته وعمه

يعنى احنا مش ضدكم . الشباب ضد السلوك المتبع وال بينتهى فى النهايه بالفشل والنمازج كتيره قوى اصبحت بالكوم

اذن احنا قدام ظاهرة تفشت بشكل واضح جدا

هى الست الحاضنه ياستاذه لما بيحصل خلاف بينها وبين جوزها وبتاخد الاولاد . بتروح فين غير عند اهلها .

يعنى رايحه لبيت اصلا موجود فيه عفش . لكن حكايه انها تاخد الشقه دى اتلغت اصلا . لان ده بيعتبر تماشيا مع شرع ام حنوس مش شرع الله نهائى

يعنى ايه يجرد الراجل من كل شىء . يعنى ايه يجرد فى حاله الطلاق من كل العفش ويعد هو على البلاط ؟

طيب لو الزوجه هى ال تركت له الاولاد عشان تتزوج وبرده تاخد البلاطه والحديده وتترك الاولاد يناموا برده على الحديده

هل القانون هنا هيقول ليها تتركى العفش عشان الاولاد تنام عليه ومش من حقك تخديه ولا هتاخد برده العفش وتترك الشقه على البلاطه ؟

القانون هنا بيعطيها ده وده قانون برده تابع لام ترتر مش لا لشرع ولا زعبله

يعنى احنا قدام تقاليد ووثقها القانون ليس إلا

يعنى ايه القوامه للرجال واحنا بنجرد الراجل من حتى التنفس ؟

الحقيقه نسبه الطلاق الموجوده مخيفه جدا ولو لم ننتبه ليها ولو لم نرجع الى شرع الله ليصبح المجتمع فاسد عن بكرة ابيه

اطفال بتترمى فى الشارع نتيجه الطلاق وبيكونوا الضحيه لانه فقد والده او امه وهم على قيد الحياة ومهما ان كانت الام مش هتحل محل الاب فى وجوده لتربيه ابناءه

ولو استمر الحال على ده النساء هى ال هتطلع على السفارات عشان تدور على عريس

يبقى المطلوب اننا نركن شرع ام حنوس شويه ونشوف الاسلام بيقول ايه ونمشى عليه

الاسلام عمل منظومه كامله متكامله لاقامه الحياه الزوجيه . احنا تركنا المنظومه دى ورحنا قعدنا مع ام حنوس

والنتايج . كل يوم بيتم اكتر من 14 حاله طلاق ده اذا مكنشى كل دقيقه حسب الاحصائيات الموجوده والمرعبه

[Ahmed El Manadili]

الأخوة و الأخوات .. مساء الخير عليكم جميعا.

يبدو أنكم قد أكتفيتم من الكلام فى موضوع القايمة .. لذلك إسمحولى أن أطرح موضوع جديدة (فى نفس سياق الموضوع الرئيسى) للدردشة ..

كنت و زوجتى نجلس مع شلة أصدقاء فى النادى نتجاذب أطراف الحديث .. فقال صديق لى .. المرأه فى الماضى عندما كانت تفكر فى الزواج.. كان الإستقرار هو الهدف الرئيسى..و بالطبع كان هناك الكثير من الأهداف الفرعية مثل رغبتها فى الزواج أسوة بصديقاتها و بحثها عن الحب و الأمان و بحثها عن رجل تعيش فى كنفه بجانب رغبتها فى الإنجاب و إشباع أمومتها.. و لكن فوق كل تلك الأهداف كان الهدف الأساسى هو الإستقرار..و بالمناسبة صديقى كان لا يقصد الماضى البعيد .. ولكن يقصد حتى 10 أو 15 عام مضت.

أما فى الزمن الحالى .. الإستقرار كلمة إختفت من مفرداتنا .. و أصبح هدف البنت هو أن تتخلص من لقب عانس .. لا يهم كنف الرجل (و الكلام الفاضى ده) .. فالبنت اليوم لديها دخلها و مالها و سيارتها و ذمتها المالية المستقله .. مش طالبه بقى راجل و تحكمات و وجع دماغ. هذا ليس كلامى و لكن كلام صديقى الذى دعمه (للأسف) بعض السيدات و الفتيات الموجودات فى الجلسة..

هممت بالكلام .. فسبقتنى أنسة من الموجودات قائلة .. أنا عندى لقب مطلقة أحسن بكتير من لقب عانس ! فردت على جملتها والدتها التى كانت حاضرة فى الجلسة .. يارب تتجوزى يا فلانه و تخلفيلك حتة عيل .. إن شالله تطلقى بعد كدة!!

عند هذه اللحظة عقدت الصدمة لسانى و لم أستطع التعقيب على ما سمعت .. و فضلت السكوت لأننى أحسست أننى رجل من زمن اخر.

ما رأى سيداتنا و فتياتنا فى منتدانا الكريم فى هذا الكلام ؟؟؟؟؟؟؟

تحياتى

[herohero]

مش عارف انا هسكت ومش هتكلم وياريت نسمع بجد رأي فضليات الزمن الحالي من عمر 25 سنة لان انا شوفت نماذج تجنن

وعموما تفضيل لقب مطلقة ع عانس ما يفرقش عن مبدا ظل راجل ولا ظل حيطة

[عبير يونس]

مش عارف انا هسكت ومش هتكلم وياريت نسمع بجد رأي فضليات الزمن الحالي من عمر 25 سنة لان انا شوفت نماذج تجنن

وعموما تفضيل لقب مطلقة ع عانس ما يفرقش عن مبدا ظل راجل ولا ظل حيطة

:blink:

حضرتك ما قرأتش ردي على حضرتك

في المداخلة دي

http://www.egyptiantalks.org/invb/index.php?showtopic=134150&view=findpost&p=839544

اهو تاني يافندم

المثل على فكرة معبرجدا

ومش اهانة للرجل نهائيا

بالعكس

ده معناه ان الرجل بيضلل على المرأة

يعني يحميها و يحتويها

كما الجدار (الحيطة) بتحمي الانسان

عندما يكون محتمي بجدران يشعر بالأمان

فالمثل بيقول

أن الأمان الذي يجلبه الرجل للمرأة أجمل و أعذب من الأمان داخل منزل و الاحتماء بجدرانه

فهو حصن بشري تلوذ به لتحصل على الأمان والدفء

[herohero]

انا لم أقصد تفسير ظل رجل ولا ظل حيطة بالمعني الايجابي

لكن هناك من يعنيه فعلا ان حاجه سد فراغ وبالتالي بالنسبة لمن يعتبر هذا الاعتبار والظن فسيكون لديه لقب مطلقة أفضل من لقب عانس

[mezo]

45٪ نسبة الطلاق فى مصر السنة الى فاتت والنسبة بتتزايد بشكل رهيب كل سنة وبردك لو فى عيال الاب مش بيعرف يشوف عياله وبيتحرم منهم اكتر من 15 سنة طبقا لقوانين حرم المخلوع وبالعكس كمان بسبب القايمة الزوج بيبقى مهدد بدخول السجن لان الزوجة المصرية المصونة اول حاجة بتعملها بالقايمة انها تحبس الراجل علشان تبدا ابتزازه بالاضافة لحرمانه من اولاده وطبعا بستثنى من دول بنات الاصول المتربية الى بيعرفوا ربنا بجد مش مظهر بيضحكوا بيه على الراجل فى اول التعارف يعنى بردك الجواز من المصريه مليان بلاوى الا من رحم ربى وخصوصا بسبب قوانين حرم المخلوع الى جردت الراجل من كل شىء