من يدفع الأمور نحو ثورة ثانية مُدمرة ؟

[se_ Elsyed]

للأسف ويارب يخيب ظننا ... كل المعطيات والأحداث الأن تُنذر بقدوم تلك الثورة بقوة

وهي لن تكون ثورة مثقفين يُشعلوا الشرارة الأولى ثم ينضم لهم باقي الشعب في ثورة سلمية محترمة لم يُلقى فيها حجر واحد من قٍبل الثوار مثلما حدث في 25 يناير 2011

للأسف مرة اخرى ... هذه المرة ستكون ثورة جياع

وهو ما كنا نُحذر منه في كل وقت وكل اوان أيام المخلوع

لكن ربنا ستر وقتها

لكن الأن ... ومع قرب الأنسحاب المزعوم للعسكر من الحياة السياسية ... ها هي الامور يتم دفعهاً دفعاً وبمنتهى القوة لحدوث ذلك لكي تدخل البلد في دوامة وفي صراع دموي على لقمة العيش .. وبالتالي لن يكون هناك تفكير لا في ديمقراطية ولا إنتخابات ولا أي شيء سوى النجاة ... وكل واحد هايدور ويبحث ساعتها ينجو بنفسه إزاي

وساعتها لو جالنا كلب ميت .. هانقبل به رئيس عشان يخلصنا مما نحن فيه من بلاء

هذه ليست دعوة للتشاؤم أو اليأس ... لكن هذا إقرار للواقع أيها السادة

لأول مرة في تاريخ مصر تضرب كل تلك الكوارث والأزمات البلد بقوة في وقت واحد

وكما قلت لكم ويمكن اخواتنا الكبار اللي عاصروا حرب 56 ونكبة 67 وحرب 73 يؤيدوا كلامي ..

إن حتى في عز تلك الازمات والحروب اللي المفروض كل الأزمات فيها مقبولة ولها أسبابها القوية وماحدش يقدر يتكلم ولا صوت يعلوا فوق صوت المعركة ... لم تكن هناك كل تلك الازمات مجتمعة

على سبيل المثال

- هل محافظة زي القاهرة الكبرى اللي فيها اكتر من 14 مليون بني ادم غير الملايين اللي بتدخلها كل يوم من المحافظات الأخرى من اجل العمل .. هل تتحمل إضراب لكل العاملين في هيئة النقل العام .. ومافيش اتوبيس طلع من الجراج من أسبوعين ؟

تحديداً 11 يوم ... هل يُعقل ذلك ؟

ألا يوجد في مصر عاقل واحد يستمع إلى مشاكل هؤلاء سواء في تعديل الراتب أو مطالبهم بالإنضمام إلى وزارة النقل أو مطالبهم بوجود أتوبيسات تصلح للإستخدام الأدمي ؟ ام أنها مقصودة ومتخطط لها وكل شيء مدروس ؟

وفين وفين أفتكر المجلس العسكري إنه بيحكم مصر في فترة هي أحلك من فترة حكم المخلوع ... وأتمطع وأتقطع وراح منزل أول إمبارح 50 أتوبيس مكيف من أتوبيسات جهاز القوات المسلحة عشان تخدم محافظة طويلة عريضة زي محافظة القاهرة لأ وعامل يفطات كبيررررررررررررررررررررررررررررررررررررة على كل اتوبيس مكتوب عليها " الجيش والشعب إيد واحده " إنت لسه فاكر يا مان ... هل حل المشكلة يكون في ذلك ؟

50 اتوبيس يعني نقول على كل 5 او 10 خطوط مجتمعة هايكون فيه أتوبيس واحد ... يعني لو انا في جسر السويس وعاوز أروح التحرير .. يبقى ممكن أنتظر 3 أيام على ما ييجي الأتوبيس المخصص لهذا الخط !!!!!

هل ده حل او مُسكن حتى للمشكلة ؟؟؟؟؟؟

- ثم تأتي الطامة الُكبرى وهي إختفاء البنزين والسولار من كل محطات مصر فجأة مرة واحدة

وكأن لا هناك ثورة ولا إنتهاء لعصر الفساد والحرامية ولا حاجه أبداً

ويشهد الله وأنا متأكد إن الجميع فاكر إننا كنا من أوائل المعترضين على إسم الجنزوري الفاشل وقولنا يا ناس حرررررررررررام .. حوش يا عم ... حرام عليكم إنتم هاتخربوا البلد كده .... وكان فاضل نتشتم من الجميع بالأم والأب بحجة إننا مخربين ودعاة للفوضى وعدم الأستقرار .. وبشرنا البعض بالمهدي المنتظر الذي سيخرج من قلب البرلمان ليحل كل مشاكل مصر بضربة عصا واحدة ..

ثم وجدنا المهدي نفسه قليل الحيلة وعاجز عجز الأرملة المُسنة ....

ولان كلمة الحق ثقيلة .... وجدنا الان ألسنة وأصوات في كل الإتجاهات تقول : أ .. أ . أصل يعني .... هو يعني .... معليش أصل الظروف أقوى من البرلمان ... والمشاكل كتيرة ... وربنا كبير .. وماما حلوه

هل يُعقل يا سادة يا كرام لما أجي اعين رئيس وزراء وأنتظر منه يشكل حكومة ثورية ... يقوم كل اللي يعمله إنه يصعد نواب الوزير المخلوع ويخليهم وزراء للي إتشالوا ؟

حدث هذا على سبيل المثال لا الحصر مع ممتاز السعيد وزير المالية الحالي اللي كان نائب حازم الببلاوي ... ومع عبد الله غراب اللي كان نائب ما أعرفش مين وزير البترول اللي فات أهو كان مصيبة هو كمان ...

إيه التعديلات الجميلة دي ؟؟؟

وهل يُعقل إني أسمع بودني أول أمس وزير البترول بعضمة لسان وبمنتهى الفصاحة والبجاحة يقول : لا توجد أزمة في المواد البترولية .. لكنها ازمة موروث ثقافي لدى الشعب المصري الذي لا يثق في الحكومة "

هو انا ممكن اقول كلام يايا يايا ... يعني عيب تعليقاً على هذه الهرتلة ؟؟؟؟؟

.. لأ دي مش هرتلة .. أقسم بالله دي جريمة يُعاقب عليها بالسجن مدى الحياة .. صح ولا لأ ؟

يعني أنا ماشي بعربيتي دلوقت في المهندسين ... ولمبة البنزين نورت ولازم اعبي بنزين .... أقوم باصص في مراية العربية واقول " انا مش قصير قزعة .. أنا طول وأهبل .. وعندي موروث ثقافي .. والتنك مليان بنزين " وأدور العربية وأمشي وسيري يا نورماندي

ولما الاقي طوابير تمتد لعدة كيلو مترات عشان عندها امل تاخد بؤ بنيزن ... يبقى ده موروث ثقافي

ولما هيئة أسعاف القاهرة النهارة حالاً توجه إستغاثة للرئيس طنطاوي وتقوله : يا خلق هوووووووووووووووووو يا ناسسسسسسسسسسسسسسسسسسسس ..يا طنطاوي ... طب يا عنان ... طب يا بتنجان .... مش عارفين نرد على أي حد يتصل بالإسعاف عشان عندنا 60 عربية بيغطوا محافظة القاهرة كلها .. 40 منهم دلوقت علاهم الصدا وواقفين في الجراج عشان مش لاقيين بنزين ... يبقى ده موروث ثقافي

ولما يطلع الأهبل رئيس الوزراء يعمل إجتماع وزاري إمبارح لمناقشة كيفية مكافحة ظاهرة تهريب السولار والبنزين خارج مصر ... على اساس إنه ترامادول ممكن تلف منه الف حباية في منديل وتدفسهم في جيب الجلابية وتهربهم ... يبقى ده موروث ثقافي

ولما وزارة الداخلية تقول إننا إمبارح ... إمبارح بس هاجمت عدة سفن تقف في المياة الإقليمية المصرية وفي مهربين مصريين بيهربوا لها ملايين الأطنان من السولار والبنزين - أنظر الكتاب صفحة جيب الجلابية - ... يبىق المفروض أصدق أنا واقول موروث ثقافي

ولما أفران العيش تقف ومافيش رغيف عيش يتخبز عشان مافيش سولاء ... يبقى ده موروث ثقافي

ولما وزير التموين الأهبل جودة عبد الخالق يتهم علناً مجدي راسخ حما علاء مبارك اللي إتسلك على بلاد بره بمباركة المجلس العسكري وعليه عدة قضايا متلتلة إن هو السبب في الازمة دي ...

أنا أستغربت والله العظيم .. وقولت ليه وإزاي وفين ؟

هههههههههههههههههه

اتاري اللي حصل في 25 يناير كان شاي بلبن من غير سكر كمان مش ثورة

طلع إن البيه يمتلك المستودعات اللي بتستلم من الدولة أنابيب البوتاجاز والسولار والبنزين في محافظة القاهرة الكبرى وبعدين بيوزعها قطاعي على المحطات ...لحد دلوقت .. أه وكتاب الله المجيد .. تخيلوا ؟

ومع ذلك قولت موروث ثقافي .. طب ده في القاهرة الكبرى .. فما بال المحافظات الأخرى يا أخ جوده يابو إمكانيات محدودة ؟؟

تخيلوا طلع برضوا إن اللي بيشارك مجدي راسخ في السبوبة دي أخ من أخوة سوزان المخلوع ... اه وكتاب الله هو كمان .... موروث ثقافي يافندم ... إوعى تتكلم

تفتكروا بقى الموروث الثقافي ده ليه ظهر مره واحده الأيام دي وورا بعض ورا بعض ؟

قصدي يعني طب ما هو موروث من سنة ونص أهو .... ليه السولار والبنزين ما كانش بيتهرب من بعد يناير ... وليه هيئة النقل العام ما كانوش بيعملوا موروث ثقافي ؟

جاوبوا إنتوا لحد ما أدخل في نقطة تاني

إنتظرونا بعد الفاصل

[abaomar]

السلام عليكم

اخويا و حبيبى س س

سؤال واقعى و صريح وواضح ؟؟

ارد عليك باختصار اولا

حزب الممانعه و اصحاب المصالح

ها تقولى اسهب يا ابو عمر يا اخويا

كل من لا يريد انهاء اخر محطه فى نقل السلطه الى المدنيين الذين تم اختيارهم من الشعب

سواء كانوا مجلس شعب او شورى او رئيس جمهوريه و الذين يرون الان اخر مسمار يدق فى نعوشهم

و كل له مصلحه و ليلاه التى يبكى عليها و لكن تجمعهم مصلحه عامه و هى إما رجوع النظام السابق

او على الاقل بقاء الوضع على ما هو عليه و لو بوجوه جديده

..مين دول بقى يا ابو عمر

من داخل مصر

الدائره التى تحيط بنظام مبارك من المستفيدين من الصق واحد به ..اولاده و حتى اصغر موظف محليات

يضمون وزراء و نوابهم و وكلائهم و عسكر فاسدون و شرطه و ليبراليون وو علمانيون مستفيدون و شيوخ و علماء سلطه , , , و غيرهم

بعض من فقدوا نفوذا كبير بنظام مبارك و على رأسهم بعض المستفيدين من رجال الكنيسه

من خارج مصر

اسرائيل و امريكا و كل من كان له مصلحه فى نظام مبارك وصولا لرجال الاعمال و الشركات الاحتكاريه لدوليه .

..

كل هؤلاء يا احمد يضيرهم طبعا اختفاء الدجاجه التى تبيض لهم ذهبا و الانكى و الاسواء بالنسبه لهم كلهم

هو من الذى جاء بعد نظام مبارك ..لو كان نظاما شيوعيا مثلا لربما هان الامر و لكن البعبع و العفريت الذى لن يستطيعوا

صرفه ..من وجهه نظرهم .. الاسلام

هذا هو المرعب و المرفوض قطعا من وجهه نظرهم و هو اساس المشكله و الخلاف معهم

تحكم مصر الذقون ..اصحاب الجباه المتوضئه ..اصحاب لا إله إلا الله محمد رسول الله

اصحاب تطبيق الشريعه و قاطعى الايدى و راجمى الزناه ..كلا و الف كلا و على جثثهم جميعا

و هذا ما نراه يا احمد

هى المعركه الاخيره بالنسبه لهم و رقصه الموت و لكنهم فى غمار كل هذا ينسون اهم ما فى الموضوع

ميزان القوه

مع من و من الذى يحركه و يدعمه .. هذا ما لا يدركوه و لا يعووه

..

الشئ الاغرب فى كل هذا

ام أنها مقصودة ومتخطط لها وكل شيء مدروس ؟

احيي فهمك العميق و ذكائك اللماح

لكن ما لهذا و

ولان كلمة الحق ثقيلة .... وجدنا الان ألسنة وأصوات في كل الإتجاهات تقول

: أ .. أ . أصل يعني .... هو يعني .... معليش أصل الظروف أقوى من البرلمان ... والمشاكل كتيرة ... وربنا كبير .. وماما حلوه

إيه اللى جاب باتعه لأم الخير

ما ذنب البرلمان فى كل ما تقوله و برعت فى شرحه

وو الله ليس دفاعا عن البرلمان فله ما له و عليه ما عليه

هو ليس سلطه تنفيذيه و ليس معه قوه اللهم الا الشعب الذى يدعمه و هو صاحب كلمه الفصل فى النهايه

و هو الذى سيقوم بالثوره الاتيه و التى اجزم انها ليست ثوره جياع كما تتوقع بل هى من ستضه الامور فى نصابها و الله المستعان .

تم تعديل 25 مارس 2012 بواسطة abaomar

[HanaaOsama]

الواحد مش عارف يعمل ايه في كميه الارف و التشائم الي الواحد فيه ,,,,

و لسه الثلاث شهور الي جايين لغايه شهر سته هنشوف العجب وربنا يستر ,,,,,,,,,,

و الاخوان منزليين بيان امبارح ان المجلس ظاغط عليهم عشان يأيدوا الرئيس الي هو عايزه او يرشحولهم عمر سليمان او يطلعوا القرار الي في الدرج بتاع الطعن الدستوري علي انتخابات مجلس الشعب و الشوري !!!!!

بيقولوا في التاريخ ان الشعب المصري بيثور مره واحده و بعد كدا يهدا تدريجيا و بعدين يرضي باي حاجه وخلاص ,,,,,,,,,,,,,,,,

[se_ Elsyed]

بعض من فقدوا نفوذا كبير بنظام مبارك و على رأسهم بعض المستفيدين من رجال الكنيسه

يا راجل إتقي الله

ده ربنا مُطلع على كل كلمة الواحد بيقولها حتى لو كان بيكره الكنيسة والكنسيين عمى

أنا لا لي علاقة بالكنيسة ولا أعرف حد في الكنيسة

لكن لما أرمي تُهم حتى على أعدائي يبقى لازم ألتزم بكلمة الحق

وهي الكنيسة أو البابا شنودة اللي مات هو اللي بيحاكم الثوار وبيطلع المجرمين براءة كل يوم ؟.

وهي الكنيسة اللي فجأة تمنع إمتيازات كان يحصل عليها العمال المطحونين أساساً وبيسفوا تراب بشكل دوري عشان يثوروا ويعملوا إضرابات ؟

وهي الكنيسة اللي مخلية بدو مرسى مطروح محاصرين الأن .. عارف .. دلوقت الأحد بعد الضهر شركات البترول هناك ومانعه حد يدخل أو يخرج إلا أما يعينوا ولادهم بالعافية هناك ؟

وهي الكنيسة اللي مخلية بدو سينا بيبرطعوا هناك ويخطفوا السياح الاجانب ؟

وهي الكنيسة اللي عملت مذبحة بورسعيد والموضوع أندفن ؟

وهي الكنيسة اللي هتكت عرض مصر كلها وهربت الأمريكان المتهمين في قضايا التمويل من باب كبار الزوار في مطار القاهرة .. وهاج وماج البرلمان وبرضوا .. بخخخخخخخخخخخخخخخخخخخخخخخخ.. ولا حاجه .. هوا ناس مليانين هوا

وهي الكنيسة سبب كارثة البنزين والسولار اللي شلت مصر كلها ؟

إذا أتهمت أحداً فاتي بالدليل وإلا يبقى بهتان وظلم حتى لو كنت بتكره من تتهمة هو ده الحق اللي علموه لنا الإسلام

إيه اللى جاب باتعه لأم الخير

ما ذنب البرلمان فى كل ما تقوله و برعت فى شرحه

ذنب البرلمان .. إنت اللي بتسأل ؟

أقول لك انا

أستطاع شباب الثورة من الميدان في يومين إسقاط حكومتين من أفشل ما يكون وهما حكومة أبو بلوفر .. وحكومة عصام شرف ...

أما البرلمان فكل اللي حيلته الوردة اللي ماسكها وكل يوم يقول هاسقطك يا جنزوري .. والتاني يقول له : ما تقدرش وإلا هاخلي بابا طنطاوي يحلك ويرميك في الشارع

البرلمان اللي كل يوم يتلزق على قفاه ويرفض الجنزوري إنه يأتي او يرسل حد من وزراءة للإستجواب وإتكررت مرتين ورا بعض اخر مرة .. ولما الريس حنفي الشهير بالكتاتني قال إنه بيعطي الحكومة فرصة إنها تيجي وإلا .........

ههههههههههههههههههه وعدا بكره .. وبعد بكره ... والقفا نزل يرن طاخخخخخخخخخخخخخخخخخخ

مش ده البرلمان اللي إندبح عشانه شباب الثورة يا ابو عُمر وكل الأصوات المعارضة كانت بتتكلم عن إنتهاء شرعية الميدان وبدأن شرعية البرلمان

مش ده البرلمان اللي إنت بتتريق على أبو خرطوشة لما أثبت إن الشباب اللي هما إخواتك وإخواتي إتقتلوا امام وزارة الداخلية والبرلمان عمل لجنة من جوه لجنه طالع منها لجنة تحقق في المذبحة وأثبتوا إن فعلاً انضرب على الشباب خرطوش ورصاص حي من الشرطة .. وبعدين بخخخخخخخخخخخخخخخخخخخخخخخخخخخخخ ولا حاجه

مش ده البرلمان اللي بعت لجنه من جوه لجنه من داخلها لجنة لبورسعيد عشان المذبحة اللي راح ضحيتها 74 شاب وطفل كل ذنبهم إنهم راحوا يشجعوا ماتش كورة .... وعدا كام دلوقت .. تعرف ؟

53 يوم .. يعني شهرين وإيه اللي حصل ؟

عارف الجنزوري هايعمل إيه النهاردة ؟

هايرجع اللواء احمد عبد الله محافظ بورسعيد اللي إستقال عقب المذبحة

عارف ليه ؟

عشان لوا وما يقدرش يبولأ معاه - يبولأ يعني يفتح بؤه بكلمة - وعشان العسكر يفضلوا زي أيام مبارك مسيطرين على الوضع ميدانياً

وكذلك يفعل البرلمان .. ما يقدرش يفتح بؤه ويقول كلمة الحق ويقول للفاسد إنت طنطاوي في عينه

مش ده البرلمان اللي حول أوراق زياد العليمي إلى فضيلة مفتي الديار المصرية عشان غلط في الحمار اللي كلنا عارفين إنه حمار لكن بندفن راسنا في الطين وبنقول عيب نقول على واحد سفاح فعل ما لم يفعله المخلوع حمار .. عيب ممكن نقول اونكل حمار .. او الإستاذ حمار

اما لو هاتشعب الموضوع وتقول الكنيسة والمستفيدين ورجال الاعمال والحزب الوطني وانا وإنت ورقصني يا جدع .. يبقى هانفضل كده 100 سنة كمان

لأن كل دول يا عزيزي موجودين في دولة

والدولة بيحكمها مين ؟

مجلس عسكري

اللي بيعمل إيه ؟

اللي بيعين الحكومة

واللي سايب الحرامية زي مجدي راسخ وإخوات سوزان وحسين سالم ورشيد وبطرس غالي .. والاف غيرهم تاني مازالوا في مناصبهم .. سايبهم بيعيثوا في الأرض فساداً وبيباركهم ويمنحهم الضوء الأخضر لإذلال كل الشعب المصري ... ولكي ياتي برئيس على هواه هو وهاتشوف لو الجميع لم يتحد مره اخرى

ما سمعتش موضوع زمان كنا كتبانه عن إلغاء المجلس العسكري قرار بإقالة جميع رؤساء الجامعات اللي كان معينهم مبارك ؟ ... وطنطاوي وعنان غضبوا جداً وكانوا هايدبحوا فيها عصام شرف ؟

طب هات لي قيادة واحدة من قيادات البنوك أو البنك المركزي او رؤساء مجالس الهيئات والشركات الحكومية اللي كان معينهم امن الدولة إتشال ... بل بالإرقام تم التصريح بإن أكثر من 800 من دول إتجدد لهم او إتمد لهم بعد سن المعاش

إذن ألوم مين أنا ؟

ألوم الحرامي اللي أنا عارف إنه حرامي ومكتوب على جبينه حرامي .. ولا اللي سايب الحرامي يسرق ويبلطج بعد الثورة .. واخد بالك .. بعد الثورة ؟

تخيل مجلس الشعب النهاردة ... عمل إقتراع دلوقت حالاً على سحب الثقة من الحكومة وقال قُضي الامر مهما حصل ؟

وتشكيل محاكم ثورية سياسية لمحاكمة كل الفاسدين اللي كلنا عارفين دلوقت حالاً ؟

هل المجلس العسكري يقدر يفتح بؤه مع الممثل الشرعي الوحيد للشعب ؟

فاكر فرصة يناير الماضي ده على طول وبعده فبراير لما مصر كلها نزلت وكنا ممكن نرجع العسكر جحورهم في ثواني .. والاخوان هاجوا وماجوا وكانوا هايشيلوا بنادق وينزلوا يقتلوا في شباب الثورة عشان عيب وما يصحش ودلاوب العمل لازم ياخد مجراه .. واهم حاجه إستيفا الأوراق

ودلوقت بعد شهرين بيخبطوا في العسكر وفي الجنزوري بعد فوات الاوان وعاوزين ينقضوا على كيكة الحكومة ويقسموها هما والسلفيين .. بل وبيخططوا دلوقت يرشحوا رئيس من طرفهم عشان تخرب زيادة ..

[abaomar]

وهي الكنيسة أو البابا شنودة اللي مات هو اللي بيحاكم الثوار وبيطلع المجرمين براءة كل يوم ؟.

وهي الكنيسة اللي فجأة تمنع إمتيازات كان يحصل عليها العمال المطحونين أساساً وبيسفوا تراب بشكل دوري عشان يثوروا ويعملوا إضرابات ؟

وهي الكنيسة اللي مخلية بدو مرسى مطروح محاصرين الأن .. عارف .. دلوقت الأحد بعد الضهر شركات البترول هناك ومانعه حد يدخل أو يخرج إلا أما يعينوا ولادهم بالعافية هناك ؟

وهي الكنيسة اللي مخلية بدو سينا بيبرطعوا هناك ويخطفوا السياح الاجانب ؟

وهي الكنيسة اللي عملت مذبحة بورسعيد والموضوع أندفن ؟

وهي الكنيسة اللي هتكت عرض مصر كلها وهربت الأمريكان المتهمين في قضايا التمويل من باب كبار الزوار في مطار القاهرة .. وهاج وماج البرلمان وبرضوا .. بخخخخخخخخخخخخخخخخخخخخخخخخ.. ولا حاجه .. هوا ناس مليانين هوا

وهي الكنيسة سبب كارثة البنزين والسولار اللي شلت مصر كلها ؟

إذا أتهمت أحداً فاتي بالدليل وإلا يبقى بهتان وظلم حتى لو كنت بتكره من تتهمة هو ده الحق اللي علموه لنا الإسلام

السلام عليكم

اخى الحبيب س س الحقانى على فكره

اللى رص عشروميت سطر على الكنيسه رغم ان كلامى واضح

انا اتكلم عن منظومه كبيره تجمع اصحاب المصالح فى عدم اتمام الامر كما بينت اعلاه و منهم بعض رجال الكنيسه

لفت نظرك كلمه الكنيسه و لم يلفت نظرك كلمه شيوخ و علماء منهم من حرم الخروج على الحاكم ووصفه بولى الامر

و لا يمكن الكمبيوتر عندك ما بيظهرش فيه الكلام ده

الاغرب انك لا ترى اى موقف للكنيسه و تحديدا بعض رجالها فى المساعده على زعزه الامن مثلا فى البلد

انت نسيت مجزره ماسبيرو و الا ايه يا احمد

نسيت فلوباتير صاحب شعار ..بيقولوا علينا اقليه و احنا اصحاب الارض ديه ..اللى حرض الشباب ودفعه لمواجهه مع الجيش و لا نسيت اللى هدد بضرب المحافظ بالجزمه

دول من الكنيسه و لا من شبرا يا اخى

اتقى الله انت يا حبيبى و جعلنى الله و اياك من المتقين

..

تم تعديل 25 مارس 2012 بواسطة abaomar

[wahed_masry]

السلام عليكم

مجرد وجهة نظر

الحل الوحيد

هو الإعدام الفوري لمبارك وكل رجاله في ميدان عام

بدون محاكمة هزلية

من وجهة نظر شرعية فيما أعلم أن الإسلام يتيح لولي اللأمر مثل هذا الإجراء درءاً للمفاسد

بدون هذا سنظل في هذا الحال إلى أن يشاء الله

تحياتى

تم تعديل 25 مارس 2012 بواسطة wahed_masry

[م تيمور المراغي]

الحل من وجهة نظري الخاصة هو الدعة لثورة حقيقية وخلع المجلس العسكري و تشكيل مجلس قيادة للثورة له كافة الصلاحيات المطلقة وابقاء مجلس الشعب بوضعه الحالي ,,

[ابو حودة]

اكدت فايزة أبو النجا وزيرة التخطيط المصري أكدت اكتشاف كميات من الوقود مسكوبة في الصحراء والترع وبرك المياه، محذرة من أنه من يثبت تورطه في ذلك سيتم إحالته إلى محكمة عسكرية، مشيرة إلى أن ما يدخل مصر من وقود تكفي إلا أن هذا الفعل تسبب بأزمة.

هذا الكلام تم ابلاغه للسيد وزير البترول في جلسة مجلس الشعب منذ ايام

ماذا حدث ولمصلحة من

دائما ما يقول القانونيون فتش عن المستفيد تجد الجاني

ولكن سنقول مرة اخرى

لا

يوجد

ارادة

خلص الكلام

[se_ Elsyed]

و لا يمكن الكمبيوتر عندك ما بيظهرش فيه الكلام ده

لأ إنت لما مش واخد بالك إنت بتكتب إيه

مش ده كلامك ؟

و على رأسهم بعض المستفيدين من رجال الكنيسه

يبقى أمسك في افراد العصابة ليه لما قدامي رئيس العصابة نفسه ؟؟؟

انت نسيت مجزره ماسبيرو و الا ايه يا احمد

ده كلام ؟

انسى 27 واحد إتهرسوا .. حتى بالأمارة في 4 ظباط جيش إتحكم عليهم في الخباثة

إنت عامل زي نواب بورسعيد اللي بيطالبوا بمعاقبة النادي الأهلي اللي إندبح من جماهيرة 74 واحد في بورسعيد

يعني في حالتك دي ممكن نحول الـ 27 اللي ماتوا في ماسبيرو لمحكمة ججنايات امن الدولة

[متعب]

الموضوع اكبر من شخص اسامه هيكل وزير الاعلام هههههه

انسى ثورة تانيه فى مصر تحت اى موقف وتحت اى زريعه

عشان تقوم ثورة جياع . السياسيين التقال قوى يجى خمسين كيلوا بيقولوا لازم يتوفر ليها شروط

واهم الشروط دى انه ميلقيش اكل الا الطوب والحجارة . هنا هتقوم ثورة الجياع .

طول مانته بتديله لقمه وتحرمه من عشرة زى الفل

هو منتظر اللقمه مش منتظر العشرة . والعسكر مش عسكر ولا الكنيسه كنيسه ولا الشكليات شكليات

ده اسمه نظام كامل متكامل الاركان والاشخاص فيه لاتعنى شىء

والشعب معدوم الاختيار . الاختيار هنا للمحتل . اسرائيل محتله مصر من 60 سنه احتلال كلى وجزئى وهى ال بتختار الاشخاص او بمعنى ادق بتعرف تدخلهم صح فى دماغ الشعب ليختاروهم ومش بس مصر المنطقه العربيه بالكامل تحت الاحتلال الصهيونى وبرده الاختيار للاشخاص ليهم وال بيخرج عن الدايرة دى بيصفوه او بيتم استبعداده عن المنظومه

النفوذ الامريكى والموساد الاسرائيلى هو الحاكم الفعلى للمنطقه العربيه وال على الساحه دول مجرد اراجوزات ليس الا

واتحولت الجيوش العربيه بقدرة الموساد الحاكم الى كتايب بالجيش الاسرائيلى لحمايه امن اسرائيل

والارجوزات شغلها الشاغل هو تطبيق النظريه الصهيونيه من الالف الى الياء والنظريه دى بتقول ايه .

بتقول اسرائيل الكبرى من النيل للفرات ومفيش اختيار تانى غير انها تتم بنجاح منقطع النظير

وهنا هرزع مثال

ماذا لو ان العسكر بالفعل حمى الثورة ومعملشى انقلاب عليها وقال يجماعه نظام مبارك كان ابو الفساد واحنا كنا من ضمن المنظومه دى ومجبر احاك لابطل . سرقنا وقتلنا وسخمنا كنا مأمورين لغايه ما جه الشعب وقام بالثورة وخلص وخلصنا جميعا من الفساد وانا وانته ايد واحده وهنبنى بلادنا من جديد بايدى مصريه مصريه .

هنا الرد الطبيعى للشعب المصر ى ايه . هيشيله فوق راسه طبعا شور يعنى

وهنا هرزع سؤال تانى

ليه معملشى ده

الاجابه هنزلها فى الموضوع ال فى توقيعى يوم التلات باذن الله لان مشغول شويه

ولو عرف السبب بطل العجب والشعب بيقاد وراء منظومه صهيونيه دون ان يعلم او حتى يشك لحين تطبيق النظريه وهتطبق بعد القضاء على الاسلام على ايدى الفرق الاسلاميه . وليس المسلمين واذا قضى على الاسلام يبقى انتقضوا على المسلمين بسهوله ويسر وهتوصل بالتدريج انها تكون مطلب شعبى او على الاقل لايكون عندهم اى اعتراض لده

شوف ياحج احمد

من كمال اتاتورك الى عبد الناصر مرورا بكل رؤساء المنطقه وانتهاءاٌ بمبارك فهم يهود الاصل والفصل وانزرعوا وفى غيرهم مزروع فى حال البدائل ولا يمكن حد يقدر يتخطى البدائل دى . استحاله كاستحاله السقوط للاعلى . والبدائل دى خط احمر متحمر

الموضع كبير جدا وان شاء الله انزله بالوثائق مش كلام وخلاص

انتظرونا يوم التلات ان شاء الله

[أسد]

عدم الوجود لدولة المؤسسات أوقعت مصر في مشكلة كبيرة جداً ...

ففي العادة ... لا يمكن هدم دولة كاملة ... وإعادة هيكلتها مرة أخرى ...

لا أعتقد أن هذا ممكن

لكن القيام بثورة وإسقاط نظام حاكم ديكتاتوري فاسد .. أمر واقعي .. الشعب المصري عندما قام بالثورة لم يكن بإمكانه حمايتها أو الاستمرار فيها

لذلك .. سلمها للمؤسسة الوحيدة التي كانت متماسكة وقادرة على العمل

وهي المؤسسة العسكرية

والمؤسسة الأخرى التي كانت قائمة .. هي تنظيم الإخوان المسلمون

وهناك مؤسسة أخرى ظهرت متماسكة .. وهي المؤسسة المصرفية ... وهي التي كان ينبغي حتى في وجود النظام البائد الفاسد أن تكون موجودة .. وقوية .. فالشئ لزوم الشئ.

لذلك .. هما من تولى دفة القيادة (العسكر والإخوان) .. وبلعبة توازنات بينهما ... أدارا المرحلة بالشكل الذي أدى بالنتيجة الحالية.

باقي مؤسسات الدولة ... كانت غائبة .. وباقي مؤسسات المجتمع ... كانت ميتة ..

أعني هنا بمؤسسات المجتمع .. النقابات ...

ولأن الأحزاب السياسية لم يكن لها وجود على الإطلاق .. وإنما كانت هياكل وخيالات مآتة فقط

فقد كانت النقابات هي مسرح القوى السياسية للعب أدوارهم فيها ..

وبعد أن أصبحت القوى المعارضة (سابقا) أعني الإخوان .. هم قوة قيادية في المجتمع .. إهتمت بشكل كبير بالمقاعد الأوثر والأكبر والأهم .. وأهملت النقابات

فسقطت تلك النقابات وخاصة العمالية منها في أياد لم تراع المصلحة الوطنية ..

فتمت الدعوات لإضرابات واعتصامات (سواء كانت على حق أو على غير حق) ... ولكنها لم تكن في وقتها على أية حال

فبالتالي .. تعطلت مصالح العباد والبلاد .. ودخلت البلاد في أزمات .. تلو الأخرى .. ورأينا ما لم نكن نحلم أن نراه ...

أزمة في بنزين 90 و 92 و حتى 95

أزمة في اللحوم والدواجن والأسماك

أزمة في الغاز والخبز .. أزمة في الرواتب والمواصلات ..

حتى وسيلة المواصلات الوحيدة المتوافرة للناس مع عدم آدميتها .. إلا أنها أصبحت شئ يصعب على المواطن الحصول عليه .. ويتندر ويتمنى وجودها

وأصبح المصريون فريسة لسائقي الميكروباص والتوك توك

الدولة البديلة التي تحدثت عنها سابقاً ....

أو مصر الأخرى ....

للأسف ... أصبحت مصر في يد .. مصر الأخرى ..... التي لم نكن نحبها .. ونحاول أن نخفيها .. أصبحت مصر في قبضتها

[متعب]

اكدت فايزة أبو النجا وزيرة التخطيط المصري أكدت اكتشاف كميات من الوقود مسكوبة في الصحراء والترع وبرك المياه، محذرة من أنه من يثبت تورطه في ذلك سيتم إحالته إلى محكمة عسكرية، مشيرة إلى أن ما يدخل مصر من وقود تكفي إلا أن هذا الفعل تسبب بأزمة.

هذا الكلام تم ابلاغه للسيد وزير البترول في جلسة مجلس الشعب منذ ايام

ماذا حدث ولمصلحة من

دائما ما يقول القانونيون فتش عن المستفيد تجد الجاني

ولكن سنقول مرة اخرى

لا

يوجد

ارادة

خلص الكلام

الكلام ده كلام لا وجود له من الاعراب على الساحه

ازمه السولار والبنزين مفتعله من نفس النظام وال بتقوله الهانم دى زرائع ليس الا

بعد كتابه الدستور واختيار الريس هيضحوا بالحكومه باعتبارها هى المقصرة . يعنى حكومه هتشيل ال هيحصل من اى تسائلات قانونيه من تزوير وخلافه واى جريمه هتم وهيخدوا التمن لده ويشيلوا الشوال بعدها

وساعتها هيكون الشعب لبس رئيس توافقى محترم ودستور محترم برده توافقى

يعنى بالبلدى كده

هنلخمهم فى الجاز والبنزين ولقمه العيش ونقول ليهم اى كلام فى طحينه

زى ما كانوا بيقولوا كده على حادث بورسعيد ان رموز النظام هى ال وراء الحادث ومبار ك لازم وحيثما وكيفما يروح طره

وبعد ما هديت الحكايه لا مبارك راح طره ولا فصلوا رموز النظام عن بعض وال راح طره شعب بور سعيد ال اتقتل

يعنى تتقتل وتروح طره

والازمه المفتعله بين الاخوان وبين حكومه الجنزورى والعسكر حاليا دى اشتغاله

يعنى اقرأ الاشتغالات

[ابا فاطمة]

السلام عليكم ورحمة الله وبركاته

الاخوة الافاضل يبدو ان الزخم الثورى قادم لامحالة الاخوان المسلمين ان شاء الله هيرجعوا للميدان

احداث 1954 تظهر بوادرها فى الافاق

بيان الاخوان المسلمين الاتى بيوضح للشعب المصرى انهم فى نهاية شهر العسل مع العسكرى

تعامل الإخوان المسلمون مع المرحلة الانتقالية بعد الثورة بطريقة حكيمة متئدة تتوخى المصلحة العليا للشعب والوطن وترى أن استكمال المسيرة الديمقراطية وتكوين المؤسسات الدستورية التي تتسلم السلطة من المجلس العسكري هو الطريق الصحيح والآمن والمحقق لأهداف الثورة وتطلعات الشعب.

وقد أثمر هذا النهج انتخاب مجلسي الشعب والشورى اللذين تسلما السلطة التشريعية من المجلس العسكري، ويجري اليوم انتخاب الجمعية التأسيسية لوضع الدستور، وبقيت السلطة التنفيذية في يد المجلس العسكري والحكومة، ورغم حصول حكومة الدكتور الجنزوري على فرصتها في الأداء، إلا أنه للأسف الشديد جاء أداؤها أشد فشلا من الحكومات التي سبقتها ويتمثل هذا الفشل فيما يلي:

- تقديم بيان هزيل لمجلس الشعب رفضته اللجان النوعية التسع عشرة بالإجماع.

- كارثة إستاد بورسعيد، وكانت كفيلة باستقالة الحكومة كاملة فور حدوثها.

- سفر المتهمين الأجانب في قضية التمويل الأجنبي لمنظمات المجتمع المدني بعد تأكيد رئيس الوزراء بأن مصر لن تركع، وتصريحات الوزيرة (أبو النجا) بأن هؤلاء المتهمين يتآمرون على مصر لصالح أمريكا وإسرائيل، ثم ادعاء الحكومة بأنها لم تعلم شيئا عن سفر المتهمين رغم الزعم بأنها تمتلك صلاحيات رئيس الجمهورية.

- السعي لتبديد الأموال الموجودة في الصناديق الخاصة والمقدرة بعشرات المليارات من الجنيهات حتى تتركها خاوية على عروشها.

- التقاعس عن استرداد الأموال المنهوبة والمهربة للخارج لحساب رؤوس الفساد وكبار اللصوص.

- افتعال أزمات يومية في ضرورات الحياة: البوتاجاز والبنزين والسولار ورغيف الخبز.

- الإعلان عن تآكل رصيدنا من العملة الصعبة، وانعدام الشفافية في قضية الحسابات الخاصة بالرئيس المخلوع.

- التباطؤ في حل مشكلة سائقي النقل العام.

وحينما يطلب منها الاستقالة يرفض رئيسها بإصرار ويؤيده في ذلك- للأسف الشديد- المجلس العسكري، مما يثير الشكوك حول سر هذا التمسك بالفشل والفاشلين ؟ وهل هو الرغبة في إجهاض الثورة وتيئيس الناس من قدرتهم على تحقيق أهدافهم ؟ أم رغبة في تزوير انتخابات الرئاسة؟

وللأسف الشديد يتم التهديد بأن هناك طعنا في دستورية مجلس الشعب موجود في درج رئيس المحكمة الدستورية العليا يمكن تحريكه، وهذا الكلام كارثة، فهل المحكمة الدستورية خاضعة للسلطة التنفيذية؟ وهل الذي يحكم العلاقة بين سلطات الدولة هو الدستور والقانون؟ أم التهديد والتلاعب بالدستور؟

إن موضوع الطعن الدستوري إنما ينصب على النسبة المقررة للقوائم والنسبة المقررة للفردي وهذه النسبة كان المجلس العسكري قد ناقشها مع القوى السياسية المختلفة ومع أعضاء من المحكمة الدستورية العليا، وقد أقرت اللجنة التشريعية برئاسة وزير العدل هذا النظام (الأهرام 24 سبتمبر 2011م) فالعودة للتهديد بما سبق إقراره بعد مناقشة أعضاء من المحكمة الدستورية العليا إنما هو ابتزاز لا يليق.

إن الإبقاء على هذه الوزارة لا سيما وأننا مقبلون على انتخابات رئاسية وعلى استفتاء شعبي على الدستور، إنما يثير الشكوك حول نزاهة هذه الانتخابات والاستفتاء، كما أن التدهور المتواصل في أحوال الشعب، أمور لا يمكن السكوت أو الصبر عليها، وإنه إذا كان هناك من يسعى لإعادة إنتاج النظام الفاسد السابق بوجوه جديدة، فإن الشعب قادر ومستعد للحركة لإعادة إنتاج ثورته وحمايتها وإنقاذ سفينتها قبل أن تغرق إلى القاع على أيدي أناس لا يستشعرون المسئولية الشرعية أو الوطنية.

ونحن لا نرجو أن تصل الأمور إلى هذا الحد، ونأمل من الجميع أن يخلص لله أولا ثم لمصلحة الشعب والوطن ويقدمها على جميع المصالح الشخصية والفئوية.

وقي الله مصر من كل سوء وحقق آمال شعبها في الحرية والكرامة والسيادة والنهضة والتقدم.

الإخوان المسلمون

القاهرة في: 1 من جمادى الأولى 1433ه الموافق 24 من مارس 2012م

http://www.ikhwanonline.com/new/Article.aspx?ArtID=104341&SecID=212

تحياتى

[se_ Elsyed]

إن الإبقاء على هذه الوزارة لا سيما وأننا مقبلون على انتخابات رئاسية وعلى استفتاء شعبي على الدستور، إنما يثير الشكوك حول نزاهة هذه الانتخابات والاستفتاء،

كداب يا خيشة كداب قوي

وعشان مش في مصلحتك يا وديع بتقول كده

شوفتوا نفاق وتدليس أكتر من كده ؟

بقى بقاء الحكومة هايثير الشكوك حول نتائج الإنتخابات الرئاسية والأستفتاء على الدستور ؟

إتقوا ربنا وبلاش شغل الهجامين والحرامية ده ... انتوا بتدعوا إنكم بتوع قال الله وقال الرسول

ده على أساس إن حكومة شرف كانت أحلى وأنزه وأشرف وأيمن وهيثم ؟

وعلى أساس إن إستفتاء 19 مارس بتاع غزوة الصناديق وإنتخابات البرلمان ومجلس الشورى تموا في عصر أخر غير عصر العسكر وكانوا بيتسموا بالنزاهة والنضافة والريحة الحلوة ؟

ايها الزملاء الأفاضل في المحاورات

يا كل من تقرا هذه الكلمات

عرفتوا مين الأفاق والإنتهازي ؟

عرفتوا مين اللي كان بيصرخ ويقول إن كل يوم في الحكم العسكري سيؤدي بنا إلى الغرق .. والأفاقين اللي على رأسهم الاخوان كانوا بيقنعونا إننا لازم نحط في بؤنا جزمة ونصبر الـ 6 شهور لحد ما ينكشح العسكر ونستلم الامانة منهم ؟؟؟؟ وياما إتكيلت الإتهامات لشباب الثوار وإتقال عليهم بيسكروا ويعربدوا في شقق مفروشة .. وبياخدوا فلوس من بره عشان يخربوا مصر وعاوزين يوقعوا الجيش ويلغوصوا في الشرعية والشعرية .. ويخربوا أول إنتخابات برلمانية في تاريخ مصر .. والشرعية للبرلمان ويسقط يسقط الميدان ... وينزلوا ميليشياتهم عشان تكهرب أي حد يقرب من المصلحة البرلمانية .... إيه هاننسى ده كله ؟ مين كان بيقول ... علي الطلاق لو ما سلمها نضيفة على اخر 6 لهاننزل كلنا ... والإخوان أولكم ... ؟

طب دلوقت أهو فاضل شهرين ... إيه مش قادرين تصبروا شهرين بحلوهم ومرهم هههههههههههههههههههههه ؟ هل هاتلاقي عندهم رد ؟ مستحيل طبعاً لأنهم أثبتوا إنهم لا يفرقون شيئاً عن الحزب الوطني اللي بيعبد الكرسي وبيعمل أي حاجه عشان يترستق عليه وطظ في الدنيا بحالها

[ابا فاطمة]

السلام عليكم ورحمة الله وبركاته

الاخوة الافاضل

سناريو 1954 كلاكيت تانى مرة

المعلومات التى كشفها الدكتور عمار على حسن، الخبير السياسى، والتى تفيد أن الدكتور محمد سعد الكتاتنى، رئيس مجلس الشعب، تلقى مكالمة هاتفية، من المشير حسين طنطاوى القائد العام، رئيس المجلس الأعلى للقوات المسلحة، تضمنت نبرة حادة، واعتراضا شديدا على مخطط الإخوان بسحب الثقة من الحكومة، إنما يؤكد المعلومات التى تتردد بقوة بين صفوف جماعة الإخوان، وحالة الاستنفار الكبيرة بين صفوف أعضاء المجلس العسكرى، والتلميح بإظهار العين الحمراء، فى هذه المرحلة الدقيقة التى تمر بها البلاد، خاصة أن المشير حسين طنطاوى، ألمح فى مكالمته مع الكتاتنى، إلى أنه فى حالة إصرار حزب الحرية والعدالة على سحب الثقة من الحكومة، فإن المجلس العسكرى لن يقف مكتوف الأيدى، وأنه ربما سيحل البرلمان.

إلى ذلك أكدت مصادر مطلعة بجماعة الإخوان المسلمين أن الجماعة بالفعل تلقت تهديدات بحل البرلمان وأشارت إلى أن مسئولين بارزين ألمحوا للجماعة بإمكانية صدور حكم من المحكمة الدستورية العليا بعدم دستورية العملية الانتخابية فى الطعن الذى تنظره الآن.

وأوضحت المصادر أن التهديدات تضمنت تحريك الطعون القضائية المقدمة فى عدد من أعضاء البرلمان والتى تقدر بأكثر من 100 طعن وفى حالة الفصل فيها فإنها كفيلة بإسقاط البرلمان، وأضافت المصادر أن جهات سيادية أكدت لجماعة الإخوان المسلمين أن المجلس الأعلى للقوات المسلحة يحتفظ بملف كامل يتضمن تسجيلات صوت وصورة عن الانتهاكات التى ارتكبها أعضاء حزب الحرية والعدالة فى الانتخابات، وأن هذا الملف سيتم الدفع به كوثائق فى الدعاوى القضائية المرفوعة ببطلان الانتخابات البرلمانية.

الثوار هما من اعطى للتيار الاسلامى قناعة بعدم المصداقية زهقان متضايق معاك الميدان محدش سمع منك كلمتين فى الاعلام اعمل احداث وسخن المواضيع علشان وعلشان -----هل الاسلامين هما اللى اغلقوا مجمع التحرير هما اللى حرقوا المجمع العلمى هما اللى حاولوا اختراق الاذعة والتلفيزيون هما المسئولون هن ازمة البوتجاز والبنزين وسرقة العربيات هما اللى كانوا عايزين المجلس العسكرى يقعد فى الحكم سنتين ثلاثة علشان الاحزاب الجديدة تستعد طيب اهو احنا بقالنا سنة اهو حد استعد لاه طبعا

المفروض بقى مش كل شوية نفكر بعض بااخطاء كلنا وقعنا فيها

الاسلاميين اخطاوا اه اللبراليين والعلمانيين اه شباب الثورة و6 ابريل اه

محدش ماغلطيش ممكن نلحق كلنا نصحح الاخطاء اللى كلنا وقعنا فيها مش كل فصيل على حده

تحياتى

تم تعديل 25 مارس 2012 بواسطة الباحث عن الحقيقة

[متعب]

إن الإبقاء على هذه الوزارة لا سيما وأننا مقبلون على انتخابات رئاسية وعلى استفتاء شعبي على الدستور، إنما يثير الشكوك حول نزاهة هذه الانتخابات والاستفتاء،

كداب يا خيشة كداب قوي

وعشان مش في مصلحتك يا وديع بتقول كده

شوفتوا نفاق وتدليس أكتر من كده ؟

بقى بقاء الحكومة هايثير الشكوك حول نتائج الإنتخابات الرئاسية والأستفتاء على الدستور ؟

إتقوا ربنا وبلاش شغل الهجامين والحرامية ده ... انتوا بتدعوا إنكم بتوع قال الله وقال الرسول

ده على أساس إن حكومة شرف كانت أحلى وأنزه وأشرف وأيمن وهيثم ؟

وعلى أساس إن إستفتاء 19 مارس بتاع غزوة الصناديق وإنتخابات البرلمان ومجلس الشورى تموا في عصر أخر غير عصر العسكر وكانوا بيتسموا بالنزاهة والنضافة والريحة الحلوة ؟

ايها الزملاء الأفاضل في المحاورات

يا كل من تقرا هذه الكلمات

عرفتوا مين الأفاق والإنتهازي ؟

عرفتوا مين اللي كان بيصرخ ويقول إن كل يوم في الحكم العسكري سيؤدي بنا إلى الغرق .. والأفاقين اللي على رأسهم الاخوان كانوا بيقنعونا إننا لازم نحط في بؤنا جزمة ونصبر الـ 6 شهور لحد ما ينكشح العسكر ونستلم الامانة منهم ؟؟؟؟ وياما إتكيلت الإتهامات لشباب الثوار وإتقال عليهم بيسكروا ويعربدوا في شقق مفروشة .. وبياخدوا فلوس من بره عشان يخربوا مصر وعاوزين يوقعوا الجيش ويلغوصوا في الشرعية والشعرية .. ويخربوا أول إنتخابات برلمانية في تاريخ مصر .. والشرعية للبرلمان ويسقط يسقط الميدان ... وينزلوا ميليشياتهم عشان تكهرب أي حد يقرب من المصلحة البرلمانية .... إيه هاننسى ده كله ؟ مين كان بيقول ... علي الطلاق لو ما سلمها نضيفة على اخر 6 لهاننزل كلنا ... والإخوان أولكم ... ؟

طب دلوقت أهو فاضل شهرين ... إيه مش قادرين تصبروا شهرين بحلوهم ومرهم هههههههههههههههههههههه ؟ هل هاتلاقي عندهم رد ؟ مستحيل طبعاً لأنهم أثبتوا إنهم لا يفرقون شيئاً عن الحزب الوطني اللي بيعبد الكرسي وبيعمل أي حاجه عشان يترستق عليه وطظ في الدنيا بحالها

المشاركه عجبانى قوى الحقيقه

وهذيد عليها اما ينزلوا الميدان يبقى ينزلوا لوحدهم بقى لانهم فصلوا نفسهم بنفسهم عن الشعب

والعسكر ضربهم فى الشارع ومش هيكون ليهم اى تواجد واحنا قلنالهم ده كتير ولو اشترى الشعب كانت الكلمه كلمتهم والشورة شورتهم بروح متقبلها الشعب

لكن لو نزلوا الشارع واذا مكتشى دى اشتغاله وكانت حقيقيه يبقى هنا راهنوا على حصان خصران لانهم فقدوا الاتنين العسكر والشعب

خد دى

تم تعديل 25 مارس 2012 بواسطة متعب

[ابا فاطمة]

السلام عليكم ورحمة الله وبركاته

الاخوة الافاضل

هذا بيان المشير

http://www.youtube.com/watch?v=nSTb95rcggQ&feature=player_embedded

قد قلنا ان العلاقة بين الاخوان والمجلس العسكرى فى اواخر شهر العسل بعد هذا البيان احب اقولكم انهم رايحين للماذون للاطلاق

خلاص ياسادة المواضيع وصلت للتهديدات

عجبنى قووى فى البيان كلمة جامدة قوووووووووى ( بنشكك فى القضاء العريق) هى وصل للقضاء يااخوان حرام عليموا القضاء النزيه وفى رئيسه الراجل الكبرة فاروق سلطان

كلمة كمان فى الخطاب قال للاحزاب التى تنظر من الفكر الضيق اقروا التاريخ اى تاريخ تاريخ المشانق

بس احب اطمن اخوانى الاعزاء ان فى اختلاف بسيط عن 1954 هو ان رحمة الله على عبد القادر عودة قال للمتظاهرين اما قصر عابدين ارحلوا فارحلوا وكانوا هما الفصيل الوحيد الذى له شعبية وكلمة مسموعة من الشعب بعكس حزب الوفد اللى ضاعت شعبيته فى اواخر عهد فاروق

تحياتى

[se_ Elsyed]

الحق إنت وهو خد لك بؤ جاز من اللي مرمي في الشوارع ده

http://www.youtube.com/watch?v=Jj05FgFwA8o&feature=player_embedded

-----------

الشعب المصري عندما قام بالثورة لم يكن بإمكانه حمايتها أو الاستمرار فيها

ليه وهو الشعب التونسي نازل من المريخ فبالتالي مقبول منه أي معجزات ؟

[ابا فاطمة]

السلام عليكم ورحمة الله وبركاته

الاخوة الافاضل

هل ستلغى انتخابات الرئاسة؟

هل سيتم التصعيد من المجلس العسكرى والاخوان ولا الاخوان هيكشوا ويسكتوا وكلمة وعدت ياريس والمواضيع هتنام؟

هل نغسل الاعلام ونشتر ى جديد ونستنى ننزل الميدان ولا ايه ؟؟

انا بيتهيالى المجلس العسكر قعد ساكن علشان يشوف قوة الاخوان ومتابع اللى بيحصل بين القيادات وشباب الا خوان وده ممكن يخليه يصعد معهم طيب هل السلفيين ممكن يدخلوا على الخط ولا كل ده زى مقال الفاضل احمد انور مصرايين البطن بتتخانق؟؟

تحياتى

[se_ Elsyed]

انا بيتهيالى المجلس العسكر قعد ساكن علشان يشوف قوة الاخوان ومتابع اللى بيحصل بين القيادات وشباب الا خوان وده ممكن يخليه يصعد معهم طيب هل السلفيين ممكن يدخلوا على الخط ولا كل ده زى مقال الفاضل احمد انور مصرايين البطن بتتخانق؟؟

ده أنت لاغي الشعب المصري كله من قاموسك يا حج باحث والدنيا كلها بتدور في فلك الاخوان والسلفيين وكأنهم أصحاب البلد ؟؟؟؟

صدقني لو الدنيا كده ... يبقى توقع شهر العسل يرجع تاني .. عارف إزاي ؟

يعني سيب وانا سيب

حتت قرار صغنن يطلع يقول

سقاية الحجيج ... قصدي مجلسي الشعب والشورى ومعاهم رئاسة الوزراء bundle يعني للإخوان والسلفيين وأهو اونكل خيرت موجود ... والسلفيين بيرضوا بقليلهم يعني وزارتين تلاته هاتبقى اتعشت معاهم ...

أما الرئاسة والدستور .. فهم لي - ده المجلس العسكري

عارف تاني يوم هايحصل إيه ؟

هايطلع بيان من حزب الحرية ولا مؤخذه العدالة يقولوا " مجلسنا يا حلو يا أبهة .. إيه يا واد الحلاوة دي كلها "

فاكر البيانات اللي طلعوها رداً على دعوات الفئة الضالة اللي كنت أنامنهم للعصيان المدني في يناير لحد تسليم السلطة من العسكر الأن ؟