من يدفع الأمور نحو ثورة ثانية مُدمرة ؟

[ابا فاطمة]

انا بيتهيالى المجلس العسكر قعد ساكن علشان يشوف قوة الاخوان ومتابع اللى بيحصل بين القيادات وشباب الا خوان وده ممكن يخليه يصعد معهم طيب هل السلفيين ممكن يدخلوا على الخط ولا كل ده زى مقال الفاضل احمد انور مصرايين البطن بتتخانق؟؟

ده أنت لاغي الشعب المصري كله من قاموسك يا حج باحث والدنيا كلها بتدور في فلك الاخوان والسلفيين وكأنهم أصحاب البلد ؟؟؟؟

صدقني لو الدنيا كده ... يبقى توقع شهر العسل يرجع تاني .. عارف إزاي ؟

يعني سيب وانا سيب

حتت قرار صغنن يطلع يقول

سقاية الحجيج ... قصدي مجلسي الشعب والشورى ومعاهم رئاسة الوزراء bundle يعني للإخوان والسلفيين وأهو اونكل خيرت موجود ... والسلفيين بيرضوا بقليلهم يعني وزارتين تلاته هاتبقى اتعشت معاهم ...

أما الرئاسة والدستور .. فهم لي - ده المجلس العسكري

عارف تاني يوم هايحصل إيه ؟

هايطلع بيان من حزب الحرية ولا مؤخذه العدالة يقولوا " مجلسنا يا حلو يا أبهة .. إيه يا واد الحلاوة دي كلها "

فاكر البيانات اللي طلعوها رداً على دعوات الفئة الضالة اللي كنت أنامنهم للعصيان المدني في يناير لحد تسليم السلطة من العسكر الأن ؟

السلام عليكم ورحمة الله وبركاته

استاذى الفاضل سى السيد

مفيش حاجة رسمية بينت شعبية التيار الاسلامى الا انتخابات البرلمان واستفتاء مارس

الشعب المصرى اغلبيته اسلامى 90% و70 % من الاغلبية بيايدوا الاخوان او السلفيين ومع ذلك هم ثقل سياسى لايمكن ان تغفله

بس فى حاجة جاية من بعيد ظاهرة قوووووى وبالذات فى الايام الى فاتت منصب رئيس الجمهورية الحشد جامد قووووى انه ان شاء الله يبقى مرشح اسلامى (حازم او العوا او ابو الفتوح )مع ان الاخير نسبه قليلة لان فى اتجاه داخل الجماعة بعد رفض ترشيح الشاطر انهم هيرشحوا العواء وده ممكن يرضى شوية من شباب الاخوان الموضوع مش بلونة المرة دى لا بجدطب ليه علشان مايخسروش اللى باقى ليهم مع الشعب

وعلى مااظن اللى بيحصل دلوقتى هيخليهم واتمنى من الله انهم يويدوا حازم صلاح ابواسماعيل للم كلمتهم مع اخوانهم هما محتاجين حد قوووى ليه شعبية علشان يرفعوا شوية من رصيدهم بعد مامعظم المشايخ ايدوه( ودول ليهم تاثير كبير على الشعب المصرى )

رئيس الجمهورية عامل رعب لكل اللى فى المشهد السياسى وخصوصا انه هيطلع ومحدش مربط معاه ( التوافيقى باظ)

العسكرى والاخوان والسلفيين بس انا حاسس ان السلفيين تقريبا اتفقوا خلاص بقى ان يعلن حزب النور

سيدى الفاضل ان الثورة القادمة ثورة دامية فنرجوا من الله ان يرفع غضبه ومقته علينا ويرزق الجميع سبل الفهم والرشاد

ويقينى جمعيا شر الفتن وشر الدماء

اللهم احفظ دماء واعراض اهل مصر جمعيا :egyflag:

تحياتى

[engmido]

المجلس العسكرى فى جعبته لسه كارت اخير لسه مارمهوش وربنا يستر منه ..الكارت ده مش بالضرورة شخص ولكنه تصرف ما

الاخوان فى تقديرى الشخصى على ما يبدو متخبطين ومش عارفين يركبوا موجة العسكرى ولا يصدروا قصاده لان مشكلتهم او ربما تكون ميزتهم انهم بيحبوا يمسكوا

العصاية من النص يعنى يكسبوا المجلس وما يزعلوش الشعب

اذا اتطبخت يبقى عمرو موسى او شفيق ...واذا تمت عادى وبنزاهة زى ما بيقولوا هايبقى برده بالاتفاق مع الاخوان

او نجد اخيرا نجاح واحد زى ابو اسماعيل وده المفروض انه ملوش مصلحة مع حد وهايصطدم بالمجلس العسكرى وش كده

ونجد المجلس العسكرى يطلب الخروج الآمن زى على عبد الله صالح وقاعد فى اليمن ومية مية وجه حضر تنصيب الريس الجديد اللى هو على فكرة النائب بتاعه

معرفش مشيت ازاى دى

عموما .. اسأل الله العظيم رب العرش العظيم ان يوفق البلاد والعباد ال ما يحب ويرضى وان يجنب مصر ويلات الحروب والمجاعات والانقسامات والفتن

انه ولى ذلك والقادر عليه

[ssmaly]

الواضح ان الاخوان لايلتزموا بالاتفاقيات الى من تحت الترابيزة معتمدين على ان محدش شايفها

فى انتخابات 2005 تم الاتفاق بين الحزب الواطى وبين جماعة الاخوان المحظورة ايام ما كانت محظورة على ان الحزب الواطى يسمح لهم بعدد من الكراسى علشان الشكل الديمقاطى قدام الاجانب فانتهز الاخوان الفرصة وكسبوا اكثر من المتفق عليه فى المرحلتين الاولى والتانية فتم التصدى بكل قوة فى المرحلة الثالثة

اعتقد ان المجلس العسكرى اتفق مع الاخوان على وقف الثورة (الكلام ده من اخوانجى مستقيل)مقابل شرعية الجماعة وحزب لهم وبرضه نسبة كبيرة من مجلس الشعب ولكن الواضح ان الدستور وترشيح رئيس من قبل الاخوان او تايدهم لمرشح اخر غير مرشح المجلس كان برة الاتفاق

و الله انا قلت الكلام ده زمان لما قلت للاخوان يوم تخلوا عن اليمدان وعن الوقوف بجانب شباب الثورة ايام محمد محمود والاهتمام بمجلس الشعب المنزوع صلاحياته

انا قلت انتم حيجيى يوم تنزلوا الشارع وتدعوا الثوار الى النزول معكم ضد المجلس العسكرى

الاخوان فقدوا تايد حتى شباب الاخوان والدليل الاستقالات

اعتقد ان المجلس العسكرى ترك الحبل للأخوان حتى يشنقوا انفسهم به ويفقدوا التأيد الشعبى الذى كان موجود بعد 28 يناير

الاخوان فى كل برامج التلفزيون بيفكرونى بأعضاء الحزب الواطى فى كل كلمة و نظرة او ابتسامة ثقة واستهتار بالأخرين

انا كنت بقول يسقط يسقط العسكر الان بقول يسقط يسقط عسكر اخوان

[متعب]

انتوا بعتوا الجلابيه والسواك والقضيه

ولبستوا جرفته وعشتوا عيشه هنيه

واحنا ما بنبعشى مصر

ــــــــــــ

ده حركات كده . هو مش كده بالظبط الشعار ال كان مرفوع فى احداث مجلس الوزراء

بس كان قريب لده من الشباب ال زى الورد ال كان معتصم امام مجلس الوزراء لمنع الجنزورى او الاعتراض على حكومته

ووصفوها الشباب دول انها نكسه على الثورة المصريه . وكان رد الحريه والعداله ان دى قله قدب والجنزورى راجل له تاريخه المناضل فى السكسونيه والالمونيه .

الشباب دول اتعرضوا لاقزر انواع القزارة نفسها وصلت ان كان هناك مباركه تامه من الحريه والعداله والاحزاب الدينيه بانهم يتبولوا عليهم ده غير وصفهم بابشع الجرايم والعماله والتسويق ضددهم من اجل استمرار حكومه الجنزورى

ومش بس كده

دول ترمخوا كمان على قتل منهم اطهر ناس فى مصر .

منهم فضيله الشيخ المحترم المناضل عماد عفت والدكتور الشاب علاء عبد الهادى

ومش بس كده

ده باركوا كمان سحل البنت الطبيبه وايه ال نزلها اصلا من بيتها دى قله قدب اصلا واهلها مربهاش

وحللوا سحلها وضربها وهتك عرضها وكمان اتهكموا على كل ال دافع عنها . ياواد يا مؤمن

دلوقتى الاحزاب دى ال بتطالب بعزل الحكومه نفسها وتنحيها عن الحكم عشان مرشحينهم

يعنى الحكومه مكتشى الحكومه الرشيده يعنى ومكتشى الحكومه الراهبه وكنتوا دفنينوه سوى

بس لما جت عليكوا وحسيتوا انها هتلعب معاكوا . اصبحت من اهل النار

اقرءوا الفاتحه معايا على اطهر شباب فيكى يامصر راحت ضحيه الاحداث دى

اللهم لا تنير للساحر طريقا الا اظلمتة ولا ضرر الا ردتة علية.

اللهم ما أهلك الظالمين بالظالمين واخرجنا من بين أيديهم سالمين

[متعب]

http://www.almogaz.com/politics/news/2012/03/25/232460

[أسد]

طول ما مؤسسات البلد (النقابية) ... بتشتغل سياسة بس

مفيش فايدة في أي حاجة تحصل

حنخرج من مشكلة إلى كارثة أكبر منها

الأحوال تتعقد بشكل عنيف في مصر ... وأحد المخارج من تلك الأزمة ... هو أن يتم إيقاف عمل لجنة مهزلة صياغة الدستور .. وإعادة تشكيلها بشكل يرضي مصر ...

أحد الحلول الأخرى ... هو أن يتم الإتفاق على أن هذا الدستور هو مؤقت .. لفترة محددة .. 5 - 10 سنوات .. ثم بعدها يعاد كتابته مرة أخرى بعد أن تكون الأوضاع قد هدأت

إشتعال الوضع في مصر .. ليس في مصلحة جموع المصريين ...

الصراع على السلطة في مصر اليوم يتزعمها الإخوان والمجلس العسكري ...

وللأسف .. أنهم يستهينوا بباقي المجتمع .. ولا يضعوه في قدره ويحسبوا له الحساب الصحيح

فقد إعتقدوا أن أوراق اللعبة كاملة في أيديهم

الأزمات الإقتصادية والإجتماعية الطاحنة .. تساعدهم في تنفيذ ذلك

لكنهم نسوا .. أنه عندما يصل الناس لنقطة اللاعودة .. أو لمرحلة ما بعد الضغط ..

فقد ينفجرون في وجوههم جميعاً ... لن يمكن إيقاف التالي .. والخسائر ستكون عظيمة وهائلة

الوضع في مصر .. أكبر بكثير من وصفه بأنه وضع خطير جداً ... جداً ...

[se_ Elsyed]

من سيدفع الأمور إلى ثورة مدمرة هو هذا النفاق

بديع: نرفض الدعوة لثورة ثانية.. والعسكري حمى الثورة وليس عدو - بوابة الشروق

www.shorouknews.com

أعلن الدكتور محمد بديع، المرشد العام لجماعة الإخوان المسلمين رفضه للدعوة إلى ثورة ثانية ضد المجلس العسكري في ذكرى مرور عام على 25 يناير، مؤكدا أن مؤسسات مصر هي ملك لأبنائها، وأن ميزانية الجيش ستخضع لرقابة لجنة محدودة من مجلس الشعب لأنه مؤسسة وطنية مثل كل المؤسسات...

ولما هو حامي الحمى ... بتحشدوا الحشود ليه دلوقت ؟

عارف الشعب الجعان دلوقت واللي بيعاني .. هايقول لكم : مع نفسك يا معلم

وليس مستبعداً إنه ينقلب عليكم إنتوا الإتنين أصلكوا شبه بعض .. عبيد كراسي وسُلطة

البلتاجى: علينا الاعتراف بأخطائنا ولابد من وضع دستور لدولة مدنية

الإثنين، 26 مارس 2012 - 02:28

أكد الدكتور محمد البلتاجى، عضو الهيئة العليا لحزب الحرية والعدالة، أن الثورة قامت حين صار النظام فى مواجهة شعب، وليس فصيلاً أو جماعة، مضيفا: "علينا كإخوان أن نعترف بأخطائنا التى ساهمت فى تباعد القوى الوطنية الثورية عنا، وعلينا أن ننجح فى لم الشمل الوطنى الثورى، ومعالجة ما ألم به من جراح".

وقال البلتاجى على حسابه الشخصى على موقع التواصل الاجتماعى فيس بوك اليوم الاثنين: "إذا سمحنا بعودة المعادلة السياسية المصرية القديمة، واختزالها فى صورة معركة بين النظام والإخوان نكون قد عدنا إلى ما قبل 25 يناير

وأضاف: "لست مع تقديم الإخوان مرشحا منهم للرئاسة، وأرى أنه من الظلم للإخوان وللوطن أن يتحمل فصيل واحد مسئولية الوطن كاملة فى مثل تلك الظروف (برلمان-حكومة-رئاسة)، والمشروع الإسلامى الذى صبر ثمانين عاما ينبت شجرته مؤمنا بالتدرج يجب ألا يتورط فى حرق كل هذه المراحل فى عدة أشهر".

إضرب ... ولاقي

ويا ترى وديع بيقول إيه في نفس الصفحة ما فيش بعدها بسطرين ؟

هههههههههههههههههههههههههههههههه

بالفيديو..مرشد الإخوان: دفعنا بمرشح من الجماعة لأن الظروف تغيرت وعلينا التفكير لحماية مصر.. أداء الجنزورى سيىء جداً ويجب أن يرحل.. منعت عاكف من النزول للتحرير أيام الثورة حتى لا يقال إنها ثورة للإخوان

الإثنين، 26 مارس 2012 - 03:26

جانب من المؤتمر

كفر الشيخ- محمد سليمان

قال الدكتور محمد بديع المرشد العام للإخوان المسلمين نحن ملاك دولتنا واستطعنا إقامة تروس نهضتها، ومنها ترس البرلمان والنقابات والجامعات وسنقيم الدستور وبعده رئيس الجمهورية الذى سيكون خادما للأمة وقلت للسفراء أنتم تقولون عن الرئيس إن راتبه من ضرائبكم وتأمرونه لكن الإسلام يؤكد أن الرئيس خادم للأمة كلها ومنهم فقراؤها الذين لا يدفعون بل يدفع لهم.

وأضاف أن الجماعة قررت الدخول فى سباق الرئاسة وسوف يعقد مجلس شورى الجماعة لنقرر مرشحنا وهذا ليس تغييراً لكلامنا لكن الظروف الحالية والتغيرات الحادثة أرغمتنا فى التفكير فى ذلك حماية مصر.

هو المسلم بيبقى كذاب يا جماعة ؟

جاوبوا إنتم من القرآن والسُنة لو سمحتم

لأ ويحلفوا بالطلاق إن جماعة الإخوان هي جماعة دعوية بحته .. وإنها منفصلة تماماً عن حزب الحرية والعدالة ....

قول والله العظيم ؟

يعني لما الإخوان هايدفعوا بمرشح رئاسي ومرشح رئاسة وزرا بدل الجنزوري اللي بقى كخه .... هايبقى تبع حزب الوفد ولا حزب الغد ؟

هل هناك من بقي يدافع عن مثل هؤلاء ومُقتنع بصدق نيتهم لله وللوطن ؟

[se_ Elsyed]

وإذا كان الشعب ثار على الحزب الفاشي لأنه أفتكس واخترع حاجه إسمها

حكومة الحزب .. وحزب الحكومة

وبعكوكة إسمها لجنة السياسات اللي ما كانش لها أي صفة ومع ذلك كانت هي اللي بتخطط لسياسات مصر القذرة المدمرة وعلى الحكومة والحزب والبرلمان أن يُنفذوا ...

فما الفرق الأن بين جماعة الحزب وحزب الجماعة

وبرلمان الجماعة وبرلمان الحزب ؟

ولو حد كان تجرا وقام سأل المرشد إمبارح : هو حضرتك بتتكلم بصفتك إيه ؟

هل حضرتك عضو في حزب الحرية والعدالة او عضو في البرلمان ولا أنت مين بالظبط ؟

[ام سلمي]

إن الإبقاء على هذه الوزارة لا سيما وأننا مقبلون على انتخابات رئاسية وعلى استفتاء شعبي على الدستور، إنما يثير الشكوك حول نزاهة هذه الانتخابات والاستفتاء،

كداب يا خيشة كداب قوي

انا والله احتارت هو الاخوان او البرلمان ايه اللي المفروض يعملوه علشان يبقوا كويسين

يعني لو سكتوا علي اخطاء الحكومة اللي لجان البرلمان اقرت بيها يبقوا زي الحزب الوطني

ولو قالوا عايزين يقيلوها يبقوا بيعملوا شو اعلامي وكلام علي الفاضي

و لو بدؤا في اجراءات سحب الثقة ووقفوا في وش المجلس العسكري يبقوا كدابين لان لازم يصبروا الشهرين لحد الانتخابات ماتخلص

طيب ايه الحل الصح دلوقتي اللي المفروض يتعمل؟

كان بيتقال في صفقة بين الاخوان والعسكر واهه اتضح ان لا في صفقة ولا حاجة والمجلس العسكري بدا يبعت لهم تهديدات لما اصروا علي سحب الثقة من الحكومة

يا جماعة الاولي نقف مع بعض دلوقتي وننحي الخلافات لحد ما نخلص من المجلس العسكري الاول لان كلنا في مركب واحد

تم تعديل 26 مارس 2012 بواسطة ام سلمي

[عادل أبو عمر]

هل هناك من بقي يدافع عن مثل هؤلاء ومُقتنع بصدق نيتهم لله وللوطن ؟

في دي ... ممكن تسجل إسمي معاك

تم تعديل 26 مارس 2012 بواسطة عادل أبو عمر

[se_ Elsyed]

يا جماعة الاولي نقف مع بعض دلوقتي وننحي الخلافات لحد ما نخلص من المجلس العسكري الاول لان كلنا في مركب واحد

بالله عليكي إنتي مقتنعة بالكلام ده يا أم سلمى ؟

مش دي نفس المركب اللي كنا بنحاول ننقذة من 3 شهور وإتقال على الثوار خونه ومش بتوع إستقرار وإدوا الراجل فرصة يشتغل أصل الجنزوري ده عسل ومتمكن ... مش الأخوان كانوا بيقولوا كده ؟

اما إذا أقتص دور المجلس يا أم سلمى على الكلام فقط .. يبقى إيه الفرق بينه وبين المنتديات الحوارية أو صفحات الفيس بوك ؟

وهل سألتي نفسك لماذا يُصرون على سحب الثقة الأن ولمصلحة من حضرتك ؟

قصدي بيطبخوها لمين ؟

انا والله احتارت هو الاخوان او البرلمان ايه اللي المفروض يعملوه علشان يبقوا كويسين

الإجابة بمنتهى البساطة ... يعملوا لوجه الله مش لوجه خيرت الشاطر .. واخده بال حضرتك

هل تتصورين .. او إحنا جميعاً يجمح بنا الخيال الواهم إنهم يقبلوا مثلاً يجيبوا شخص مثلاً يعني زي المعتز بالله عبد الفتاح ... أو فاورق الباز

انا بأقول أمثلة من دماغي ولا اقصد شخصيات بعينها لكن أركز على الكفاءة ...

هل تتصوري إنهم والعياذ بالله يعملوا حاجه خلاف ما كان يفعله الحزب الوطني ويبحثون عن الكفاءة لا الثقة ؟

[capitshino]

إن الإبقاء على هذه الوزارة لا سيما وأننا مقبلون على انتخابات رئاسية وعلى استفتاء شعبي على الدستور، إنما يثير الشكوك حول نزاهة هذه الانتخابات والاستفتاء،

كداب يا خيشة كداب قوي

انا والله احتارت هو الاخوان او البرلمان ايه اللي المفروض يعملوه علشان يبقوا كويسين

مشكلة الاخوان انهم اترشحو لمجلس الشعب ... والناس انتخبتهم

[محمد عبدالعزيز]

إن الإبقاء على هذه الوزارة لا سيما وأننا مقبلون على انتخابات رئاسية وعلى استفتاء شعبي على الدستور، إنما يثير الشكوك حول نزاهة هذه الانتخابات والاستفتاء،

كداب يا خيشة كداب قوي

انا والله احتارت هو الاخوان او البرلمان ايه اللي المفروض يعملوه علشان يبقوا كويسين

يعني لو سكتوا علي اخطاء الحكومة اللي لجان البرلمان اقرت بيها يبقوا زي الحزب الوطني

ولو قالوا عايزين يقيلوها يبقوا بيعملوا شو اعلامي وكلام علي الفاضي

و لو بدؤا في اجراءات سحب الثقة ووقفوا في وش المجلس العسكري يبقوا كدابين لان لازم يصبروا الشهرين لحد الانتخابات ماتخلص

طيب ايه الحل الصح دلوقتي اللي المفروض يتعمل؟

كان بيتقال في صفقة بين الاخوان والعسكر واهه اتضح ان لا في صفقة ولا حاجة والمجلس العسكري بدا يبعت لهم تهديدات لما اصروا علي سحب الثقة من الحكومة

يا جماعة الاولي نقف مع بعض دلوقتي وننحي الخلافات لحد ما نخلص من المجلس العسكري الاول لان كلنا في مركب واحد

ماهو احنا -اللى رافضين خارطة الطريق بتاعة الانتخابات أولاً- كان رأينا فى البرلمان إنه حيبقى منزوع السلطات وإن المجلس العسكرى باق معانا لحد بعد الدستور, والإخوان والسلفيين ومؤيدينهم فى خارطة الطريق دى كانوا بينكروا ويقولوا إن البرلمان هو اللى حيستلم السلطة وهو اللى حيشيل المجلس العسكرى, ومشاركات حضراتكم موجودة لسه ودعاية الإخوان اللى كانت بتقول كده لسه موجودة والموضوع مش تاريخ أصلاً ده لسه أول امبارح!

يعنى باختصار البرلمان كان بيسوق للشعب المصرى على إنه المنقذ وإنه هو اللى حيتمم تسليم السلطة وهو اللى حيشكل الحكومة, والشعب دلوقتى بيطالب أصحاب الرأى ده بتنفيذ وعودهم بعيداً بقى عن المليونيات والمظاهرات اللى بتوقف عجلة الإنتاج دى وبتوقع مؤسسات الدولة وبتضيع الاستقرار, يعنى زى ما قال سى السيد فى مداخلته: مع نفسكم

مش معنى إنهم مختلفين دلوقتى -وأنا أشك بصراحة إنها تمثيلية لعدم تسليط الضوء على مشكلة تشكيل لجنة الدستور- يبقى مفيش صفقة, والصفقة لو أعلنت ماتبقاش صفقة, دى حاجة تتفهم من المواقف وردود الأفعال.

أنا نفسى نرجع إيد واحدة فعلاً, بس زى ما قلت قبل كده يجب الاعتذار عن الأخطاء وتصفية الأجواء قبل الدعوة للم الشمل والرجوع إيد واحدة, وادى الدكتور البلتاجى متفق معايا فى الرأى أهو, وأتمنى الشاطر وبديع وغزلان يسمعوا كلامه وينفذوه.

[ابا فاطمة]

هل هناك من بقي يدافع عن مثل هؤلاء ومُقتنع بصدق نيتهم لله وللوطن ؟

في دي ... ممكن تسجل إسمي معاك

السلام عليكم ورحمة الله وبركاته

بارك الله فيك يااخى وانا معاك مع انى سلفى ولكن اليوم ليس يوم التحزب

تحياتى

[ابا فاطمة]

السلام عليكم ورحمة الله وبركاته

الاخوة الافاضل

مع اختلافى فى فكر وسياسات الاخون فى المرحلة الانتقالية

لنفرض ان المجلس العسكرى قام بيهم علقهم على المشانق مثلا لاسمح الله هل هذا فى مصلحة بقية الوطن ؟؟؟؟؟

دكتور محمد على يوسف:

لا يمكن لأى شريف و صاحب مبدأ أن يتخلى عن الاخوان فى تلك اللحظة الحاسمة

فى حال صدام الإخوان المسلمين بالعسكر بعد ظهور التهديدات التى يضغط بها المجلس العسكرى على البرلمان و رد الإخوان الصارم اليوم

هل من المرؤة و الشرف أن يصفى البعض حساباتهم مع الإخوان و يتركهم وحدهم فى مواجهة المجلس ؟؟

أرى - رغم اختلافى الواضح مع كثير من اختيارات الإخوان و تصريحاتهم الأخيرة - أنه لا يمكن لأى شريف و صاحب مبدأ أن يتخلى عنهم فى تلك اللحظة الحاسمة من عمر الوطن التى ينبغى أن تمر أولا ثم بعد ذلك يمكننا أن نحل خلافاتنا فكريا و سياسيا

إن الإخوان مهما اختلفنا معهم فهم إخواننا لا ينبغى أن نسلمهم أبدا و لا أن نخذلهم فى تلك المرحلة الحساسة التى نسعى فيها لتسلم بلادنا ممن كلفهم مبارك بإدارة شئون البلاد .....

و الله الموفق و المستعان

على فكرة لو حصل حاجة للاخوان شعبيتهم هتزيد قووووووووى على اساس انهم الفصيل اللى وقف امام المجلس العسكرى هكذا سيعلنون وسيصدقهم الناس ولو عدوا من محنة قطع الرقبة سيكونوا هم لوحدهم على المشهد السياسى بجد

تحياتى

تم تعديل 26 مارس 2012 بواسطة الباحث عن الحقيقة

[ابا فاطمة]

السلام عليكم ورحمة الله وبركاته

الاخ الفاضل سى السيد

quote name='se_ Elsyed' timestamp='1332743218' post='839470']

من سيدفع الأمور إلى ثورة مدمرة هو هذا النفاق

بديع: نرفض الدعوة لثورة ثانية.. والعسكري حمى الثورة وليس عدو - بوابة الشروق

www.shorouknews.com

أعلن الدكتور محمد بديع، المرشد العام لجماعة الإخوان المسلمين رفضه للدعوة إلى ثورة ثانية ضد المجلس العسكري في ذكرى مرور عام على 25 يناير، مؤكدا أن مؤسسات مصر هي ملك لأبنائها، وأن ميزانية الجيش ستخضع لرقابة لجنة محدودة من مجلس الشعب لأنه مؤسسة وطنية مثل كل المؤسسات...

انت عايز المرشد يديهم حيثيات حكم العسكر عليهم بلاعدام انهم بيحاولوا قلب نظام الحكم وانه بيحاول يقضى على استقرار وامن الوطن وانه مدفعلوا من الخارج علشان يخرب مصر

عايز يقول ان فى ثورة تانية بالفم المليان علشان ما يبقاش منافق من وجهة نظر حضرتك انت شايف ان ده من الحنكة انا شايفه انه لو عمل كده يبقى لاموخذة ***ط

تحياتى

تم تعديل 26 مارس 2012 بواسطة الباحث عن الحقيقة

[عادل أبو عمر]

مشكلة الاخوان انهم اترشحو لمجلس الشعب ... والناس انتخبتهم

ممكن نطلع الإخوان و الناس اللي انتخبتهم من الصورة ... نفتكر مين ممكن يكون فاضل في الصورة تاني

السلفيين ...

ممكن نطلع السلفيين و الناس اللي انتخبتهم من الصورة ... نفتكر مين ممكن يكون فاضل في الصورة تاني

مييييين بقى ......

النخبة السياسية و تلاتين حزب .. أثبتوا أنهم ليس لهم وجود في الشارع .. بسبب كلامهم النظري و عدم القدرة على توظيف طاقات شباب الثورة لبناء حياة سياسية تضم الجميع ..

لا أقصد أحد بعينه حتى لا ندخل في جدال لا مجال له .. و لكن الانشقاق حادث ووصل لأقصى درجاته نراه كل يوم في ما يحدث في مصر و نراه على صفحات منتدانا ...

احنا بنتعلم سياسة للأسف تعليم إجباري و من التجربة وليس من النظرية .. تجربة صعبة خصوصا مع وجود جذور عميقة لفساد اختفت رؤوسه و لكن ما خفي هو الأعظم من فساد أنفس ...

احنا بنعاني ... و مصر بتعاني ... لكن إيه الحلول ... ثورة تانية ... مش شايفها الحل في ظل هذا الانشقاق و التربص من جميع الأطراف ...

اللي شايفه و قلته قبل كدة ... المجلس العسكري مش هيسيبها إلا و هو واخد كل الضمانات إن محدش يلاحقه بالمحاكمات ... غير كدة .... هيجرفها و يسيبها خرابة كلها ديابة تنهش في بعضها ... او الحل الأخير انقلاب عسكري و احكام عرفية و حل برلمان ...

رأيي يتفق مع راي الفاضلة أم سلمى ...

يا جماعة الاولي نقف مع بعض دلوقتي وننحي الخلافات لحد ما نخلص من المجلس العسكري الاول لان كلنا في مركب واحد

أنا مش بتكلم سياسة .. انا بأقول أفكاري أو مخاوفي من اتجاهنا للأمام نحو غد قد اقترب ولكن المؤشرات تتجه بنا للخلف ..

تم تعديل 26 مارس 2012 بواسطة عادل أبو عمر

[se_ Elsyed]

لنفرض ان المجلس العسكرى قام بيهم علقهم على المشانق مثلا لاسمح الله هل هذا فى مصلحة بقية الوطن

ما يقدرش وأنا عارف بأقول إيه

لانه نفس الكلام اللي إتقال زمان .. فاكره ؟

- ما هو الجيش كان ممكن ينزل ميدان التحرير ويخلص الثورة في 5 دقايق والطيارات تدب في الناس

- الجيش هو اللي حمى الثورة

كل ده عفواً كلام فارغ وعدم قراءة للأحداث .. وإلا يا أعزائي كان الجيش قدر يخلصها في اليمن وفي ليبيا وفي تونس وفي سوريا

هناك فرق كبير بين أعداد أو فئات صغيرة تقوم بثورة ...

وبين شعب كله يقوم بثورة

لا أحد يستطيع أن يُبيد الشعوب ... فالشعوب لا تُفنى

لكن اللي خلع نفسه من الشعب عشان مصلحة وعشان كرسي وكان بيحذر من الناس اللي نازلة يوم 25 يناير 2012 تؤكد على إستمرار الثورة اللي لم تحقق اي مطلب او هدف وكان بيكتب كده في الجرايد بتاعته التي لم تختلف عن جرايد الحزب الوطني

الأن هو من يتحدث عن جبروت المجلس العسكري

الان هو من يتحدث عن فشل جدو الجنزوري

الأن هو من يدعو إلى ثورة شعبية تانية ....

لأ روح إلبس إنت ( وأخرج ) إحنا مش فاضيين وورينا نفسك كده من الأخر

[se_ Elsyed]

دي مش شماتة ولا تصيُد أخطاء

لكنه وضع الامور في نصابها الصحيح

لما البلتاجي يطلع يقول لازم نعترف إننا اخطئنا بإبتعادنا عن باقي القوى السياسية

واللي وصل الأمر للتشكيك فيها وإدعاء إنها بتضرب ترامادول وبتاخد تمويل من بره ....

يبقى لازم ده يُعلن رسمياً .. وتبقى في دعوة رسمية للمصالحة بين كل القوى ... وإعتذار رسمي من الاخون .. وتخليهم عن فكرة التكويش على كل المناصب والمصالح ...

بعدها هايلاقوا كل الشعب معاهم

مش قاعدين على قهوة ولما تحتاجني تلاقيني أنزل أعمل ثورة مع حضرتك

[AAyman]

الكل سيخسر

السلام عليكم ورحمه الله الله وبركاته،،

في خضم هذه الدائرة المتسارعة من مواقف سياسية متباينه وشخصيات أيضا سياسية متناقضة ومتناحرة فيما بينها ناهيك عن التنافر بين الأحزاب السياسية فأصبح الكثير من الناس يتداخل عليهم أين الحقيقة ومع من الحق ومن الصادق ومن الكاذب ومن المنصف ومن الظالم من الأمين ومن السارق من العميل ومن الخائن، وفي وسط هذا الانهيار الاجتماعي والأخلاقي بظهور جرائم رأيناها وسمعنا بها من قبل ولكن ليست بهذه النسب الخيالية، وفي الوقت الذي نرى فيه رجالا يرتكبون جريمة جماعية ويقتلون آخرين بسبب كره القدم ولا حول ولا قوة إلا بالله العلي العظيم بسبب احقاد واغلال شيطانية، وفي المشهد الذي رأيناه جميعاً مرات عديده من تظاهرات ومشاحنات طائفية تاره وانفصاليه غوغائيه تاره أخرى، وفي أعقاب الأزمات التي تحيط بالبلاد والعباد من حرائق هنا بما حدث في سيوه وبما حدث في مصانع وشركات بنسب كبيرة جدا في الأيام الاخيرة وسرقات السطو المسلح التي حدثت ايضا مؤخراً وأمراض تنال من ثروة مصر الحيوانية ناهيك عن ازمه البنزين والسولار ثم أزمه أنابيب البوتجاز.

بعد كل هذا الوبال على البلاد ظهر علينا أزمة اللجنة التأسيسية الدستورية، وها هم نواب مجلس الشعب يقدمون استقالتهم من اللجنة التأسيسية تباعا فبدأت بالدكتور هاني سري الدين ومن ثم الدكتور حمزاوي .. ومن يليهم ؟ .. لا ندري

وهذه الأزمة لها بعدين.

الاول وهو أن اللجنة التأسيسية ستُستكمل ولا اعتقد أن البرلمان المصري أو اللجنة التأسيسية ستقف على اثنين أو ثلاثة أو حتى عشره لأن هناك الكثير والكثير من مفكري مصر وعلمائها الاجلاء من يمكن الاستعانه بهم.

ثانياً هل هذا الدستور نهائي ؟ ! لماذا الخوف ؟ !

الشعب سيقول كلمته في النهايه بالموافقة أو بالرفض على هذا الدستور فلماذا الخوف ؟

فلئن كان الديمقراطيون يتشدقون ليل نهار بالديمقراطية وحكم الشعب بالشعب والاختيار والاقتراع والانتخاب فلماذا انقلبوا عليها وكفروا بها طالما أن هذا الدستور سيفصل فيه الشعب وسيقول كلمته في النهايه ؟ !!

ارجو أن اجد اجابه وافيه مقنعه

ايضا لي استفسار اخير وهو أن هناك بعض القوى السياسية يدعون إلى مظاهرات او وقفات احتجاجيه أو ثورة مضاده كما تفضلتم فهل الاخوان والتيار السلفي ليس بقادر على أن يأتي بجحافل من البشر اكبر بأضعاف مضاعفة وعمل ايضا مظاهرات أو وقفات احتجاجيه او اعتصامات ايضا ؟ !

وعليه سؤال مترتب على الإجابه ... من الخاسر ؟

في الانتظار

تم تعديل 26 مارس 2012 بواسطة AAyman