قول دي صور إيه .. واكسب 10 ج ؟

[se_ Elsyed]

بس ما حدش يعمل شيرش على جوجل ويحمرق .. عيب كده

[se_ Elsyed]

أنا مش بأحب نظام التحنيس

أنا هاجاوب واوفر البريزة أحسن حد يكسبها وإحنا أساساً أخر الشهر والعملية مزنقة عالاخر

انا شوفت الصور دي بعيني وصورتها على فكرة من سنة .. لكن ما رضيتش أضعها في المنتدى لإعتبارات كثيرة وقولت يمكن الحكومة تاخد بالها

ما علينا

دي حضراتكم صور البلوكات او زي ما بيقولوا المساكن الشعبية - غير اغنيةانا قلبي مساكن شعبية بتاعت محمد منير - اللي تملكها الحكومة وبتأجرها للناس .. من زمان الكلام ده

ودي تحديداً في ميدان المطرية

وفي زيها شوفتها وصورتها في جسر السويس قبل فندق السلام .. والمساكن دي بالذات ملاصقة تماماً الحيط في الحيط في مبنى حي عين شمس اللي رئيسه لواء امن دولة سابق ههههههههههههه

وفي غفلة من الزمن ولأن ما عندناش لا حكومة ولا رئيس بيحكم ... قام البعض ببناء المساكن اللي إنتوا شايفينها دي بالطوب الاحمر في المساحات الفاضية بين البلوكات

إيه المساحات الفاضية دي ؟

دي حضراتكم كانت شوارع وممرات بين البلوكات واصبحت أثر بعد عين

وفي منهم من جه في وسط الشارع - وكتاب الله شوفتها بعيني - وبنى عدة محال تجارية وباعها تمليك

وشوفت برضوا كتير من البلوكات اللي هي أساساً متهالكه والصرف الصحي مبوش المباني بتاعتها وما بيتعملش لها صيانة ودايبة من زمان .. وجه وبنا فوق المباني دي اللي ما تستحملش أساساً قالب طوب فاضي يتحط فوقيها عشان ما تطربقش على دماغ أصحابها

وبرضوا بيع يا عم تمليك

يعني أنا أفهم إن واحد يبني مخالف في ملكه .. عادي وغذا جت على غرامة أو إزالة .. اهو بيته وهو حر فيه

لكن بلوكات مملوكة للدولة ... وبايظة خلقه ... تيجي عصابات وتبني عليها أو فوقيها او جنبها .. وتستولى على الشوارع وبالتالي الناس تطير في الجو بقى لان مش هاتلاقي شوارع تمشي فيها .. كل ده والحكومة شايفه وساكته ونايمة ؟؟؟

[capitshino]

انا شفت الموضوع ده بعد الثورة مباشرة فى مساكن الزاوية الحمراء على ما اتذكر

حتى الاماكن الفاضية اللى مفروض انها حدائق اتعملت محلات لخدمة التمدد السكانى الطبيعى .

[engmido]

دى على ما اعتقد اسمها مساكن اطلس حضرتك وفيه منها فى منطقة ملاصقة للمعادى اسمها البساتين طبق الاصل الفيلم ده بس الفارق الجوهرى هو انهم بانيين

من قبل الثورة سيادتك وبرده على بعد 0.5 كيلو من حى البساتين ودار السلام

اى خدمة..... بصرة

--------

تم تعديل 26 مارس 2012 بواسطة Folana

[Folana]

تم حذف جميع المداخلات الخارجة عن سياق الموضوع

شاكرين تفهمكم

عن فريق الاشراف

[أبو يمنى]

مهزلة كبرى ، وتعكس مدى انتكاس القيم والضمائر لدى هؤلاء المعتدين على حقوق غيرهم .

الله المستعان .

تم تعديل 26 مارس 2012 بواسطة تامر حسن محمد

[عادل أبو عمر]

مهزلة كبرى ، وتعكس مدى انتكاس القيم والضمائر لدى هؤلاء المعتدين على حقوق غيرهم .

الله المستعان .

تحياتي يا باشمهندس تامر

ما يشغلني هو هل هذا الإنتكاس في القيم هو نتيجة مباشرة للثورة أو ناتج عن فشل الحكومة في تنفيذ القانون بعد الثورة أو هو فشل البرلمان في معالجة العشوائيات ؟؟؟

مداخلة المهندس أحمد " engmido جابت م الاخر .. إن مثل هذه الاعتداءات من قبل الثورة ..

ومعظمنا يعلم عن مخالفات البناء كيف كان و لا يزال يتم التعامل معها طوال عقود مضت ..

هذا الاعتداء هو سلوك يحتاجه معاقبته بالقانون .. لكن أما وأن الناس حاليا لا يحكمها قانون لأن القانون وقف مع توقف تنفيذه إلا بإهانة أو بظلم .. توقف القانون لأنه لا يعمل به حتى القضاه .... فما هو الحل ؟؟

هذا الاعتداء على الاقرار به و إدانه فاعليه .. إلا أنه على فجاجته أرحم من الاعتداء على نفس بقتلها أو ترويعها ... و كلها مجرد لقطات في يوميات شعب يدعو الله بأن تنكشف الغمة و أن يهيئ الله لنا جميعا أمر رشد ينصلح به حال البلاد و العباد ...

[se_ Elsyed]

ومعظمنا يعلم عن مخالفات البناء كيف كان و لا يزال يتم التعامل معها طوال عقود مضت

أيوه كان في مخالفات

لكن مش لدرجة إني أبني في قلب الشارع .. والله العظيم شوف شوارع إتقفلت

ووصل الإجرام إلى إن على سور القطار في القاهرة .. وفي الأسكندرية في مجرمين بنوا في جنح الظلام محلات وبقوا يبيعوها تمليك ... هو في كده في الدنيا ؟

الإنسان منذ بدء الخليقة عنده إستعداد يعمل أي حاجه يمكن تصورها أو لا يمكن تصورها في غياب القانون

معليش يعني .. انا لو عندي قطعة أرض 100 متر ... والضمير عندي بعافية شوية ... وعارف إن مافيش حد هايحاسبني .. مش ممكن أروح ملغوص في الشارع وأضرب لي قد 10 متر زيادة أضمهم على البيت وماحدش شايف حاجه ؟

عشان كده تطبيق القانون بمنتهى الشدة على المخالفين بيردع أي حد يفكر يخالف كده ولا كده

زي بالظبط إشارات المرور .. احمر واصفر واخضر وحاجه فُل

طب لو مافيش عقوبات مترتبة على التوقف عند الإشارة الحمرا ... هل الناس من نفسها هاتحترم الإشار ؟ مستحيل طبعاً ده يحصل

[عادل أبو عمر]

عشان كده تطبيق القانون بمنتهى الشدة على المخالفين بيردع أي حد يفكر يخالف كده ولا كده

ما إنت عارف إزاي كان بيتم تطبيق القانون قبل كدة في وقت كانت الدولة تعمل بكافة اجهزتها فيما يسمى دولة القانون ...

و كلنا كنا شاهدين إن الإجرام في تطبيق القانون كان أكبر من الجريمة نفسها و رجال الشرطة كان بيحموا البلطجية ..

ما بالك دلوقتي مفيش دولة أصلا بفعل فاعل و القانون أجازة و اللي مسئوليته ينفذه بيقولك اياكش تولع .. و القضاء عامل نفسه ميت ...

دلوقتي بقى عاوز تقبض على مين و لا مين و لا مين ...

فكرتني ببرنامج سيد زيان في الراديو .. أروح لمين