من فضلك اى من هؤلاء افضل للدراسه؟

[لؤلؤة الدرب]

السلام عليكم الاخوه الاعزاء فى المنتدي

اريد ان استشيركم:

ابنى ولله الحمد علي وشك دخول الجامعه ان شاء الله

احنا مقيمين فى الكويت ويمكن سمعتوا عن صعوبه دخول ابنائنا الجامعات الحكوميه المصريه

لان لازم الطالب المغترب يكون مجموعه تقريبا 98 % عشان يدخل هندسه حكوميه مثلا

وعشان كدة بستشيركم ندخل الولد اى جامعه خاصه افضل؟هو يريد هندسه

واحنا بنفكر فى المعهد العالى للهندسه ب اكاديميه الشروق

لان مصروفاته معقوله ممكن نقدر عليها لان كمان اخوه فى تانيه ثانوى وعلى وشك نفس الموضوع والمصروفات

وكما قرأت على النت ان الاكاديميه سمعتها كويسه

ولكن هل تنصحوا افضل بكليه خاصه وليس معهد اقصد من حيث الطلب فى سوق العمل فى الدول العربيه

وايضا كمكانه اجتماعيه؟

لان احنا كده كده هنصرف هنصرف فهل الكليه افضل من المعهد؟ طيب اى جامعه خاصه افضل فى السمعه وسوق العمل؟

جزاكم الله خيرا وارجو ان تحتسبوا كل كلمه تنصحونا بها في ميزان اعمالكم لاننا فى اشد الحاجه للنصيحه

[hOuSsAm]

السلام عليكم الاخوه الاعزاء فى المنتدي

اريد ان استشيركم:

ابنى ولله الحمد علي وشك دخول الجامعه ان شاء الله

احنا مقيمين فى الكويت ويمكن سمعتوا عن صعوبه دخول ابنائنا الجامعات الحكوميه المصريه

لان لازم الطالب المغترب يكون مجموعه تقريبا 98 % عشان يدخل هندسه حكوميه مثلا

وعشان كدة بستشيركم ندخل الولد اى جامعه خاصه افضل؟هو يريد هندسه

واحنا بنفكر فى المعهد العالى للهندسه ب اكاديميه الشروق

لان مصروفاته معقوله ممكن نقدر عليها لان كمان اخوه فى تانيه ثانوى وعلى وشك نفس الموضوع والمصروفات

وكما قرأت على النت ان الاكاديميه سمعتها كويسه

ولكن هل تنصحوا افضل بكليه خاصه وليس معهد اقصد من حيث الطلب فى سوق العمل فى الدول العربيه

وايضا كمكانه اجتماعيه؟

لان احنا كده كده هنصرف هنصرف فهل الكليه افضل من المعهد؟ طيب اى جامعه خاصه افضل فى السمعه وسوق العمل؟

جزاكم الله خيرا وارجو ان تحتسبوا كل كلمه تنصحونا بها في ميزان اعمالكم لاننا فى اشد الحاجه للنصيحه

انا معرفش تكاليف الجامعات الخاصة كام في مصر

بس نصيحة اخوية لا جامعة خاصة ولا جامعة حكومية كلهم بطييييخ شبه بعض

لو تعرفى تسفرى ابنك كندا او امريكا (والافضل من وجهة نظرى امريكا) يدرس هناك Accounting وبالمرة بعد ميخلص هيكون قادر انه ياخد شهادة ال CPA وبعد كدة هتبقى فعلا عملتوله احسن خدمة فى حياته

نصيحة لو كانت المصاريف الضعف فلا تترددي

كدة فعلا بتستثمرى فى ابنك - غير كدة تضييع للوقت وللمجهود وهيتعب كتير بعد كدة

[magna]

المعهد العالى للهندسه ب اكاديميه الشروق

http://www.elshoroukacademy.edu.eg/Academy/Questions.aspx

- المعهد العالى للهندسه باكاديميه الشروق:-

مصاريف المعهد :- 11920

يوجد مدينه جامعيه اسعارها فى متناول الجميع

يوجد كفتيريا للوجبات مدعمه من المعهد

اقسام المعهد:- الهندسه المدنيه و الهندسه المعماريه و الهندسه الكيميائيه وهندسه القوى الكهربيه وهندسه الاتصالات وهندسه الاجهزه الطبيه والمنظومات

تابعه للتنسيق من اكبر المعاهد الخاصه ان لم تكن اكبرهم نسبه العمل بعد التخرج بها 100%

تعليم على درجه كبيره جداوشهادة معتمده

[abdulmuttaleb]

الأخت الفاضلة لؤلؤة الدرب،

وعليكم السلام ورحمة الله

ربنا يبارك في ابنك ويحميهولك..

أنا كان لي موضوع عن الأكاديمية العربية حيث إني متخرج منها هنا، وللأكاديمية فرعان في الإسكندرية (حيث مقرها الرئيسي) وفرع بالقاهرة.

http://www.egyptiantalks.org/invb/index.php?showtopic=22383

وهنا موضوع عن جامعة فاروس بالإسكندرية:

http://www.egyptiantalks.org/invb/index.php?showtopic=23747

ودي تدوينة عن اختيار الكلية أو المعهد المناسب (التخصص):

http://jobs-hr-cv-career.newegyptconsulting.com/2010/01/blog-post_4562.html

ودي معلومة عن فرص التوظيف وعلاقتها بالتخصص الدراسي:

http://jobs-hr-cv-career.newegyptconsulting.com/2010/01/blog-post.html

أنا جايز مختلف مع أخويا وزميلنا الفاضل حسام في موضوع السفر ده..

شوفي حضرتك خلليني أكلمك بشكل صريح، المشكلة عمرها ما ح تكون معهد أو كلية خاصة أو جامعة حكومية..

ممكن يكون في جامعة حكومية وياخد دروس بسبب الزحام مثلا وكثرة الأعداد فتلاقي في الآخر إن الجامعة الخاصة في الواقع أرخص + أكثر توفيرا لوقته

النقطة الأهم إن هو نفسه يكون حابب التخصص، ودايما يقرأ في مجال تخصصه سواء كتب الجامعة أو كتب خارجية من المكتبة مثلا دي حاجة ح تساعده في التوظيف

ويا سلام بقى لو في الصيف ياخد تدريب في مجاله، صدقيني من قبل ما يتخرج ح يتخطف في الشغل

في مصر دلوقتي الناس بتدور على الشاب اللي عايز يشتغل، ومعندهمش مانع ياخد راتب ومزايا طالما راجل بتاع شغل يعتمد عليه

أهم حاجة وصوه يختار الصحبة الصالحة و يحافظ على علاقته بربنا كويسة، وانتو تساعدوه على التأقلم نفسيا مع المجتمع الجديد (عبر اتصال يومي أو رسائل وايميلات يومية)، و إن شاء الله ح تشوفوه باشمهندس قد الدنيا أو أيا كان التخصص اللي عايزه

احنا في مجال نظم المعلومات ساعات كتير بنشتغل مع مبرمجين خريجين معاهد خدمة اجتماعية وبيكونوا ما شاء الله قمة في الأخلاق والاحتراف والتفوق وواخدين كورسات جامدة

وبعدين دلوقتي العلم بقى متاح، يعني ممكن يكون متخرج من معهد وياخد كورسات تخصصية ويشتغل بيها خمس ست سنين، وبعد كده ممكن يدرس ماجستير إدارة أعمال

ويترقى في وظيفته بشكل كويس، طالما ح يكون حابب شغله ومتفوق في وظيفته

وناس كتير ساعات بتخلي اولادها يدخلوا جامعات حكومية (مثلا كلية العلوم فيها قسم رياضيات وبرمجة مشابه لحاسبات ومعلومات ولكلية هندسة)، وبيوفروا مصروفات الجامعات الخاصة في مزيج بقى من كورسات وتدريب و جواز ، أو حتى مشروع صغير بعد ما الولد يتخرج وياخد له خبرة كام سنة

لو حضرتك عندك سؤال اتفضلي، وخدي بال حضرتك إنك لو سألتي (يا ريت تسألوا ع النقطة دي) ح تلاقوا مثلا المعهد العالي في هندسة الشروق ح تلاقوا هيئة التدريس الدكاترة هم نفسهم دكاترة جامعة القاهرة أو بنها أو عين شمس مثلا. بالتوفيق.