الإساءة إلى مناخير البلكيمي .. إساءة إلى الإسلام

[se_ Elsyed]

ده احنا دخلنا فعلاً في الأيام السودا والمربربة بطين

انا عاوز أروح أركب ودن بلاستيك وعقل كاوتش عشان ما أصدقش ولا أفهم اللي أنا شايفه وسامعه ده

البلكيمي أبو مناخير غلط وخلاص وعفا الله عما سلف وهو حر ... ما قولناش حاجه كلنا بشر

طلعت واحده راقصة ولا بلا أزرق ترمي بلاها عليه وتقول إنها كانت ضاربة عقدين عرفي مع بلبل ومقضيننها ... عادي والمفروض الموضوع ما كانش كبر لإن البينة على من إدعى ولو عندها ورقة تروح بها النيابة ولو كذابة يبقى تتنفخ لإنها سُمعة ناس وهدم عائلة وكيان ...

عادي لحد هنا ؟

لكن في الفيديو الكامل مش المقطوع ده يقول إن الإساءة ليه هي إساءة للإسلام ... يبقى لأ يا حبيبي أقف مكانك والله يخرب بيوتكم خربتوا البلد وهاتخربوا الدين وزمان العالم كله بيضحك علينا

فلما إتهامها الباطل حتى الان لك إساءة للإسلام العظيم ... اومال النصباية بتاعتك اللي أُثبتت عليك جنائياً وأترفع عنك الحصانة .... كانت إساءة للبوذية ولا البتاعة المكلكعة دي اللي مش بأعرف أقولها دي " الكونفوشيوسية " ؟

http://www.youtube.com/watch?v=u6X-hb3pmE8&feature=player_embedded#!

الحمد لله .. لسه ما كناش كملنا كلامنا عن عبادة العباد .. وأقسم بالله ما كنت شوفت موضوع البلكيمي ده

الاصح فى رائى ان تكتب "إذن الشيخ حازم أبو إسماعيل = الإسلام ( في نظر بعض من مؤيديه )

حتى دول .. إذا ما كناش هاننبههم .. فبكده يبقى إحنا شايفينهم بعنينا رايحين طريق جهنم وسايبنهم من غير تحذير

أظن إن بعد نجاة سيدنا نوح ومن معه من المؤمنين ما كانش حد يتصور إن هناك من سيشطط ويتجنن ويعبد عباد من دول الله ... بالرغم من إنهم كانوا مؤمنين وشافوا المعجزات بأعينهم وربنا أصطفاهم من دون الخلق وكانوا المفروض يعملوا مجتمع مؤمن 100 %

وكان من هؤلاء المؤمنون

ود, سواع,يغوث ,يعوق , نسرى

ناس بركة وما عليهمش كلام

فلما احاط الناس بهم قدسية معينه بعد حتى ان ماتوا .... واحده واحده تحولوا إلى ألهة تُعبد من دون الله

طب خلي حد كان إتكلم كده أيام سيدنا نوح وقال : يا ناس حرام عليكم إنتم هاتعبدوا عبيد .. بشر من دون الله ؟

كانوا أقاموا عليه الحد وقالوا عليه بيخرف ... نعبد بشر ؟ إنت مجنون ... نحن نعبد الله ونؤمن برسوله نوح

لكن شوفنا إيه اللي حصل

لما الإحترام والتقدير تحول إلى قدسية زائفة ... ثم تحول إلى عبادة

لما الدين يُختزل في شخص يشرب وياكل ويمرض ويموت ...

لما أجي أنتقد شخص مهما كان ... وأقول له لو وجدنا فيك إعوجاجاً لقومناه بالسيف .. فيطلع ناس على وجههم غضب ربنا ويقولوا : بالسيف ؟؟؟ يا كافر ... بقى عاوز تخرج عن الحاكم ؟ الحكام اللي هو الدين والدين هو الحاكم ؟

[capitshino]

انا ماعنديش شك ان فى ناس واخدة الدين سبوبة تطلع منها بقرشين

الناس دول اساءو للاسلام قبل ان يسيئو لانفسهم.

[أبو يمنى]

تحية لك .

هل هذا الموضوع بخصوص انتقاد البلكيمي ؟ أم بخصوص انتقاد تيّار معيّن ؟

إذا كان بخصوص انتقاد البلكيمي ، فأنا أول من أنتقده لأنه كذب في واقعته المشهورة تلك وأساء للحزب وأساء للتيار الذي يمثله .

وإذا كان بخصوص انتقاد تيّار معيّن ، فإن التيّار الذي ينتمي اليه البلكيمي "حزب النور" فصله مباشرة من الحزب ، الأمر الذي اعتبره بعض المراقبين قسوة زائدة .

فالحزب إذاً لم يعتبره مقدّساً أو يعتبره فوق المحاسبة والمسائلة .

ولا أعتقد أن أحداً من السلفيين يمكن أن يدافع عن البلكيمي ويبرر كذبه بعد أن ظهرت ملابسات الحادثة بشكل كامل .

ولم يقل أحد قط أن "الإساءة إلى مناخير البلكيمي .. إساءة إلى الإسلام" إلا الفاضل سي السيد .

:)

تحياتي .

تم تعديل 27 مارس 2012 بواسطة تامر حسن محمد

[se_ Elsyed]

ولم يقل أحد قط أن "الإساءة إلى مناخير البلكيمي .. إساءة إلى الإسلام" إلا الفاضل سي السيد

لم يقل أحد قط إلا الفاضل سين سين ؟؟؟؟؟؟؟؟

ده على اساس إني صاحب الفيديو وانا مقلد صوت الراجل ؟

خليك من موضوع الرقاصة ... سمعت أصحابة في الحزب والمحامي بتاعه اللي برضوا من حزب في أول موضوع مناخيرة ؟

انا سمعتهم يا تامر .... تخيل نفس الكلام ده إتقال إن أي لغوصة في مناخير البلكيمي وأي غتهام له إنه كذاب .... دي تعتبر إساءة إلى الإسلام والحزب والدنيا كلها ؟

احلى حاجه في مداخلتك يا تامر إنك نسيتنا الموضوع .... هو الموضوع كان عن إيه وفين تعليقك عليه لو سمحت ؟

[Mr MAGED]

لا أظن أن البلكيمي سوي نفسيا ً .. فتلك التصرفات والمواقف والتصريحات لا تخرج من انسان سوي أبدا ً

فبعد الكذب في موضوع عملية التجميل، مع أنه لم يكن مطلوبا منه ذلك، فلم يسأله أحد أساسا ً عن هذا الأمر

حتي وان سأله أحد بالتأكيد هذه مسألة شخصية لا دخل لنا بها

بعد ذلك يتحدث أنه ما زال عضوا ً بمجلس الشعب - وتكتب القناة ذلك للتعريف به أثناء الاتصال

مع أنه حسب معلوماتي تم رفع الحصانة عنه ... وادعائه أن من يهاجمه يكون قد هاجم الاسلام !!!

أظن أن الاسلام أولا ً بريء من مثل تلك التصرفات ... ثانيا ً البلكيمي نفسه هو من أساء للاسلام

بكذبه ... مع علمه حسب قوله بأنه داعية إسلامي ... فكيف يكون داعية إسلاني ويكذب

كل تلك الأمور مؤشر واضح علي اختلال نفسي ... شافانا الله جميعا ً

[se_ Elsyed]

توضيح بس يا كابتن ماجد

رفع الحصانة معناه موافقة المجلس على مثول أي عضو أمام النيابة أو الجهات القضائية للتحقيق ...

إسقاط الحصانة .... يعني قوم إطلع بره إنت مش مننا دلوقت

وبالتالي لو طلع براءة من تهمة موجهة إليه ... عادي يرجع تاني عضو ويمسك الميكروفون

يعني في حالة بلبل .. هو مازال عضواً في مجلس الشعب ولم تُسقط عنه العضوية

والله الموفق

----------

إلا بحق لو طلع متجوز سوسو الرقاصة وكان بيلم النقطة من وراها ... وكتاب الله دي تتعمل فيلم ونسميه " إمسك أنفي من فضلك " أو " الراقصة والبلكيمي "

وطبعاً هانكتشف إن سوسو هي اللي إقترحت عليه يقص مناخيره شويه عشان يعمل نيو لوك ويبقى جان وشكله حلو

[أبو يمنى]

ولم يقل أحد قط أن "الإساءة إلى مناخير البلكيمي .. إساءة إلى الإسلام" إلا الفاضل سي السيد

لم يقل أحد قط إلا الفاضل سين سين ؟؟؟؟؟؟؟؟

ده على اساس إني صاحب الفيديو وانا مقلد صوت الراجل ؟

خليك من موضوع الرقاصة ... سمعت أصحابة في الحزب والمحامي بتاعه اللي برضوا من حزب في أول موضوع مناخيرة ؟

انا سمعتهم يا تامر .... تخيل نفس الكلام ده إتقال إن أي لغوصة في مناخير البلكيمي وأي غتهام له إنه كذاب .... دي تعتبر إساءة إلى الإسلام والحزب والدنيا كلها ؟

احلى حاجه في مداخلتك يا تامر إنك نسيتنا الموضوع .... هو الموضوع كان عن إيه وفين تعليقك عليه لو سمحت ؟

أما عن ما قاله البلكيمي :

من يسئ لأنور فهو يسئ للدين

فهذه من المصائب والطوام الكبرى ، ولا أعلم حقيقة كيف تصدر هذه الكلمات من شيخ سلفي.

وحقيقة أنا أتمنى من كل قلبي أن يستقيل من مجلس الشعب ويترك مقعده لمن هو أكثر اتزاناً وديناً .

[se_ Elsyed]

ربنا غفور رحيم ...

ده شيء قطعي ولا جدال فيه

لكن بالله عليك يا تامر . فسر لي كيف سيتقبل الناس شخص كهذا بعد ذلك يحاول أن يعتلي المنبر ويخطب فيهم ويعظهم وينصحهم ويدعي إنتماءة للجماعة السلفية ؟

صعب جداً نفسياً واحسن له يدور له على شغلانة تانية ويعيش عادي كده والناس هاتنسى لوحدها

[تقى الله]

كان لازم ادخل واقولك العنوان تحفه بجد ههههههههههههههههه

[أبو يمنى]

ربنا غفور رحيم ...

ده شيء قطعي ولا جدال فيه

لكن بالله عليك يا تامر . فسر لي كيف سيتقبل الناس شخص كهذا بعد ذلك يحاول أن يعتلي المنبر ويخطب فيهم ويعظهم وينصحهم ويدعي إنتماءة للجماعة السلفية ؟

الرجل اعتذر عن كذبته وأقرّ بخطأه ، ولكن الصورة السلبية التي خلفّها موقفه هذا يتحمل هو تبعاتها .

قد يكون لديه اضطراب نفسي أو شئ من هذا القبيل كما ذكر الأخ ماجد ، لأن تصريحه الأخير شاذ جداً .

يبقى أن أمر توبته بينه وبين الله تعالى ، ونحن نسأل الله أن يغفر لنا وله ، وأن يستر علينا وعليه .

[abaomar]

ربنا غفور رحيم ...

ده شيء قطعي ولا جدال فيه

لكن بالله عليك يا تامر . فسر لي كيف سيتقبل الناس شخص كهذا بعد ذلك يحاول أن يعتلي المنبر ويخطب فيهم ويعظهم وينصحهم ويدعي إنتماءة للجماعة السلفية ؟

صعب جداً نفسياً واحسن له يدور له على شغلانة تانية ويعيش عادي كده والناس هاتنسى لوحدها

السلام عليكم

يا ابو الاسيان عادى جدا و لا هايفرق مع الناس إطلاقا

لأن من فضائل المنهج السلفى الارتباط بالمنهج لا بالاشخاص و ان كل يؤخذ منه و يرد الا المعصوم صلى الله عليه و سلم

و هو كشخص اذنب و اعترف و الناس شاهدت ذلك و لقد حكم على نفسه بالاقصاء و الحزب فصله و موضوعه انتهى

و نسأل الله ان يتوب عليه و علينا و على جميع العصاه

لكن هناك شئ مهم اخر يا احمد لا يحملنا هذا على تخطيه كشخص الى ما وراءه و هذا ما فعله جزء من الاعلام الخبيث

الذى مسك فى تلك الحادثه و كأنها اول مره و كأن مثلا الحزب الوطنى او الليبراليين و العلمانيين مثلا هم الاشراف الاطهار

فلقد رأينا و سمعنا نواب على كل لون يا باتيستا من قبل ..سميحه و الكيف و المخدرات و..و

لاك الاعلام حادثه البلكيمى من زاويه ..شفتم السلفيين اللى اخترتوهم اهم

شفتوا بتوع قال الله و قال الرسول طلعوا بتوع عمليات التجميل و الكذب

و سبحان الله عندما اتخذ الحزب و الرجل نفسه موقف غير مسبوق بهذا الاجراء الحاسم مر الامر

مرور الكرام رغم انه سابقه مشرفه ترسخ لما بعدها بالاخذ بيد من حديد على المخطئين و انه لا حصانه لأحد .

[hanzalah]

الحقيقة فيه موضوع شاغلني من كام يوم والتأمل فيه يسبب المزيد من القلق

كام واحد مجنون وسطينا واحنا مش واخدين بالنا منه

تخيل حضرتك ان جارتك ممكن تكون مجنونه ومش باين عليها .. زي حكاية الخلايا النائمة لتنظيم القاعدة كده - وفجأة يظهر عليها الجنان وتقتل طفلتك الصغيرة

لمجرد انها تسرق حلق دهب ف ودنها وتبيعه مثلا بحوالي 200 جنيه لا أكثر .. وجارتك دي ربة منزل طيبه وعادية جدا وتسكن بجواركم منذ سنوات طوال

تخيل حضرتك ان سفاح تولوز هو فرنسي من اصل جزائري وفتح النار على اطفال المدرسة اليهودية وهو يكبر ومن يعرفه قالوا عنه شخص عادي وطبيعي واخلاقه محترمه

تخيل حضرتك ان البلكيمي يحفظ اولادك القرآن في الكتاب و فجأة يمسك قرشين فيروح يدخل الدنيا ف بعض عشان يحقق حلم دفين

كام مجنون موجود بيننا وعايش وسطينا ياجماعه والفيروس عنده غير نشط ومنتظر لحظة لينفجر فينا جميعا

تخيل ان الحادثة الاخيرة لتبادل الزوجات والجنس الجماعي يقف ورائها مهندس متزوج من مدرسة حضانة ..كيف نأتمن أطفالنا على مجانين

أنا عارف ومدرك إن مصيبتنا أكبر وأعمق عندما يتم استغفالنا باسم الدين .. لكن المجنون لايختار وسيلة جنانه ..هو اتولد بيها

طيب .. احنا نعمل ايه عشان نكتشفه مبكراً قبل ما تقع الفاس ف الراس

فعلا مش عارف

[se_ Elsyed]

أقعد لك في حته بمناخيرك يا بلكيمي إحنا ورانا بلاوي

المعلمة سمساسم وإعتذرت لك أههي وممكن تشحططها في المحاكم وتطالبها برد شرف

#رصد | صحافة - الأهرام | سما المصرى تنفى زواجها من البلكيمى ,, والنائب يرد: العفو من شيم الكرام

نفت الممثلة سما المصري أنها متزوجة من نائب مجلس الشعب عن حزب النور السلفي، أنور البلكيمي، وأشار إلى أنه سيراجع المستشار القانونى الخاص به لمراجعة موقفه من البلاغ الذى قدمه ضد الفنانة سما المصرى، قائلا: "إن العفو من شيم الكرام".

وأكدت فى مداخلة هاتفية بأحد البرامج ، أنها لم تر النائب البلكيمى قبل ذلك،... وأن السبب فى هذه الشائعات هى وسائل الإعلام.

من جانبه اعتذر النائب أنور البلكيمى فى مداخلة تليفونية بنفس البرنامج عما صدر منه خلال عملية التجميل مؤكدًا أنه ابتلاء من الله عز وجل. وأعرب عن ثقته بأن عودته ستكون قوية لمجلس الشعب، حيث إنه لم يسع إليه وأنه يحب خدمة الناس فى دائرته السادات ومنوف، بمحافظة المنوفية، مشيرًا إلى أن المقصود بالهجوم عليه هو الإساءة للدين الإسلامى