إختبر ذكاءك وجاوب على السؤالين دول

[se_ Elsyed]

والله العظيم ما هي فذلكة .. أنا شخصياً مش عارف الإجابة ... وياريت أي حد عارف يعرفني لو كان عارف وهنيالك يا فاعل الخير والثواب

س س .. قصدي س 1 : بما إن إنتخابات الرئاسة خلاص كمان شهر ونصف تقريباً .. وعلى اخر شهر 6 المفروض يكون عندنا رئيس مولود .. نهشتكه وندلعه ونرضعه وكدهوت ... السؤال ... الرئيس داهوت هايستمد صلاحياته من أنهي دستور ولا من انهي تعديل ؟ طب نفرض مثلاً أبو العزيز الحريري هو اللي فاز ... وطقت في دماغه إنه يخلع البرلمان على حسب كل الدساتير المصرية الساقط منها واللي صاحي واللي بتعطي الصلاحية دي للسيد الرئيس .. حد هايقدر يمنعه ؟

طب تكملة السؤال ...... بالمنظر ده مستحيل الدستور يتكتب قبل 4 أو 5 شهور .. إذا كنا في اللجنة التاسيسية بنعمل كده أومال في الشغل التقيل هانعمل إيه .. طيب .. خلصنا الدستور على شهر 8 ... وخدنا شهر ترتيب للإستفتاء وبيانات الناخبين وبتوع الخارج والداخل وتنقية القوائم والناس اللي ماتت والناس اللي تمت 18 ... إلخ ...

بنفتح الصندوف اللي مخبيين فيه الدستور لقينا إن الدولة بقت برلمانية والناس وافقوا على كده في الإستفتاء على الدستور .. وبالتالي رئيسنا هايبقى راجل بركة زي ميشيل سليمان بتاع لبنان وكل دوره يبقى مسلماتي .. يعني يقعد قدام قصر الدوبارة على المصطبة مع براد الشاي والبقسماط ويسلم على اللي رايح واللي جاي ويعزمه عشان يقعد يسقي معاه شاي بالبقسماط ... والله باتكلم جد ....... يعني بالعربي الرئيس اللي جه في شهر 7 وإستلم عدة الشغل وفصل له بدلتين سموكن معتبرين ... فجاة جينا بعد شهرين ولبسناه الجلابية وطلع معاش وبقى بركة ... تفتكروا هايرضى بالامر الواقع ؟

طب إيه ؟ ها إيه ؟

س 2 : حد عارف فيكي يا جمهورية مصر العالمية الإستفتاء على الدستور هايبقى عامل إزاي ؟

انا مش باهزر ... يعني تاتا تاتا ولا لوكشه واحده ؟

قصدي انا كمواطن مصري صالح وإبن حلال .. هاروح اللجنة وأنا ماسك مُجلد في إيدي فيه ييجي 400 مادة من مواد الدستور وأكون مذاكرهم كويس وأعلم على مادة مادة موافق او غير موافق ؟

ولا هاروح أبصم على كل البيعة وخلاص لوكشه واحده حتى لو معترض على بعض المواد ؟

طيب في الحالة دي ... خليكوا معاية الله يخليكم أنا تعبتكم معايا

في الحالة دي فرضنا الاغلبية رفضت الدستور أبو 400 مادة ... هانقول 200 .. خليهم 200 ... خليها علينا ... طيب الدستور المفروض يرجع للجنة التاسيسية تاني عشان تعيده ... حلو الكلام ؟

طب هاتعيد إيه وهما مش عارفين المواد المُعترض عليها إساساً ......!!!!!!!!!!!!!!!!!!!!!!!

اه يا نافوخي يانا ياما ...

بالله عليكم لو حد عنده إجابة يريحني ويقولها لي

[AhMeD nOr]

فى سبب اساسى لانتخاب الرئيس و المفروض قبل الدستور

نحن الان و كاننا نثق فى المشير فلول حسنى

ولا نعطى لنفسنا الثقه فى اختيار شخص يقود البلد

هنسيب المشير راكب على دماغنا و احنا بنكتب الدستور

و م خايفين نختار واحد سيختاره الملايين يكون موجود و احنا بنكتب الدستور

اكبر خطا كتابه الدستور و المشير هو الرئيس

لانه هو اصلا معاااااااااااااه كل الصلاحيات يبا كان من الافضل لنا اننا نختار واحد مكااااان المشير الاول و بعدين نكتب الدستور

اعتقد الايام القادمه تحمل الكثير و يجب التصعييييييييييييد ضد العسكر بكل قوة و حزم

[ام سلمي]

طب تكملة السؤال ...... بالمنظر ده مستحيل الدستور يتكتب قبل 4 أو 5 شهور

يتهيأ لي النقطة دي بالذات في صالحنا ، لان المجلس العسكري ساعتها حيضطر غصب عنه انه يمشي في نهاية شهر 6 قبل الاستفتاء علي الدستور

و مش حيقدر يفرض صلاحيات و ضمانات خاصة للمؤسسة العسكرية ، لو البرلمان فعلا قدر ياخر الدستور يبقوا خدعوا المجلس العسكري

[عطر الجنة]

ده اللى قاله الدكتور البرادعى

و كل الناس العاقلة اللى يهمها مصر اولا ايا كان موضعه فيها

الدستور اولا

لكن فى مصالح شخصية دخلت فى العملية افسدتها

و كانت النتتيجة سماع كل من علا صوته فقط

و قد سمعت احد جهابزة القانون قال يبقى درب من العبث تغيير معظم نصوص الدستور

فقط مطلوب تغيير بعض المواد فقط

نحن فى عهد المتناقضات اللى بتفصل حسب المزاج و الاهواء

[Mr MAGED]

أنا لا أعتقد أيضا ً أنه سيتم تغيير جميع مواد الدستور

بل سيتم الاعتماد علي الدستور الحالي .. الغاء بعض المواد كقانون الطواريء مثلا ... وتعديل المواد الشاذة وتوزيع أكثر للسلطات

وشخصيا ً أفضل أن يتم تعديل الدستور تحت سلطة رئيس منتخب من الشعب أيا ً كان شخصه

علي أن يتم ذلك تحت سلطة المجلس العسكري الموقر .. الذي يحارب بكل قوة أن تكون المؤسسة العسكري دولة داخل الدولة

وألا يكون للبرلمان وصاية ولا سلطات علي ميزانية وزارة الدفاع .. ولا أن يكون وزير الدفاع تابعا لرئيس الوزراء وبالتالي لرئيس الجمهورية

[Abu Reem]

اخيرا عثرت على هذا الموضوع.....بعد بحث طويل

هذا الموضوع من أهم المواضيع التي يجب ان تخضع للنقاش وبحث الاراء المختلفة والبدائل...لانها مسألة في غاية الاهمية ولا يجب ان ننتظر مثلما نفعل كل مرة في كل امر من امور تسليم السلطة حتى نفاجأ بقرار اتخذ ثم نعود فنلوم عليه البرلمان او اللجنة التأسيسية او حتى المجلس العسكري

- كيف لا يُؤخذ هذا الموضوع بمثل الجدية اللازمة في حين المواضيع الاخرى التي ترقى الى نفس الاولوية او الاهمية نراها تتصرد مواضيع المحاورات...

- لا اعرف هل اصبح الهدف من بعض المواضيع هو فقط الانتقادات التي قد يكون بعضها في محلة والكثير منها في غير محله...وعندما يثار موضوع يهم كل مصري...وموضوع يطرح اسئلة وجيهة جدا..نهملها..ولا نلتفت اليها..ثم نعود بعد ذلك لانتقاد القرار الذي سيُتخذ بشأنها

- اتمنى من الجميع نشر هذه الاسئلة والاستفهامات التي طُرحت في الموضوع في اكبر عدد من المواقع وعلى الفيس بوك..وان تأخذ حفها من النقاس كي نقوم بتوعية الشعب ونقوم بلفت نظر كل من يهمه الامر..على وعسى ان نرى لها صدى ومناقشات على الفضائيات...

وسأعود لمناقشتها باذن الله معكم..ومرة ارخى هل هناك من عنده اقتراح او يعرف كيف يمكن حل هذه الاسئلة ؟؟

بنفتح الصندوف اللي مخبيين فيه الدستور لقينا إن الدولة بقت برلمانية والناس وافقوا على كده في الإستفتاء على الدستور .. وبالتالي رئيسنا هايبقى راجل بركة زي ميشيل سليمان بتاع لبنان وكل دوره يبقى مسلماتي .. يعني يقعد قدام قصر

س 2 : حد عارف فيكي يا جمهورية مصر العالمية الإستفتاء على الدستور هايبقى عامل إزاي ؟

انا مش باهزر ... يعني تاتا تاتا ولا لوكشه واحده ؟

قصدي انا كمواطن مصري صالح وإبن حلال .. هاروح اللجنة وأنا ماسك مُجلد في إيدي فيه ييجي 400 مادة من مواد الدستور وأكون مذاكرهم كويس وأعلم على مادة مادة موافق او غير موافق ؟

ولا هاروح أبصم على كل البيعة وخلاص لوكشه واحده حتى لو معترض على بعض المواد ؟

طيب في الحالة دي ... خليكوا معاية الله يخليكم أنا تعبتكم معايا

في الحالة دي فرضنا الاغلبية رفضت الدستور أبو 400 مادة ... هانقول 200 .. خليهم 200 ... خليها علينا ... طيب الدستور المفروض يرجع للجنة التاسيسية تاني عشان تعيده ... حلو الكلام ؟

طب هاتعيد إيه وهما مش عارفين المواد المُعترض عليها إساساً ......!!!!!!!!!!!!!!!!!!!!!!!

تم تعديل 4 أبريل 2012 بواسطة Abu Reem

[se_ Elsyed]

الغريبة إن كل اللي شاركوا في الموضوع ما كانش عندهم إجابة حتى الأن !!!!!!!!

طب خدوا سؤال تاني من خارج المقرر اهو

س : أكتب ما تعرفه عن التصويت في إنتخابات الرئاسة داخل مصر ؟

هاغششكو اهو عشان ما تقولوش الراجل ده بيعجزنا وبيعمل فينا زي ما عملت الثانوية العامة

نقول وبالله التوفيق إن الإنتخابات الرئاسية خلاص الشهر الجاي ... طب بتوع خارج مصر زي حالتنا كده بنروح السفارة وبنقف طابور طووووووووويل وبنوقع في دفتر متاخده منه الأسامي من على النت وكل واحد صوت بيوقع قدام إسمه .. يعني سين سين لو بيستهبل وصوت مره وحب ياخد صابونه تاني ووقف مره أخرى في اخر الطابور .. هايتفقس لأن التصويت في مكان واحد والعملية ملمومة ..

مركزين معايا ؟

طب اللي داخل مصر وحيث أن لجنة الإنتخابات هاتعمل زي أيام التصويت على الدستور كده ولن يلتزم أي مواطن بمكان إقامتة او دايرته ... دول بقى لو عملوا زي أيام المخلوع وكانت عربيات النقل واتوبيسات الشركات جاهزة وفي الخدمة وبتاخد الناخبين في جولة سياحية على كل اللجان عشان يصوتوا والواحد فيهم على أخر النهار بيكون عمل له كوتا بتاع 20 أو 30 مرة ... لأ وإيه ... خصوصاً إن التصويت هايكون على أكثر من يوم .. وماحدش يقول لي هايبقى كمبيوتريز لأن في ناس متربصة وقاعدة عشان تطعن في الموضوع ده لو تم لأنه مش أمان ومن وجهة نظرهم ممكن يتلعب فيه أو يتعمل عليه هاك أو ما إلى ذلك .. وأساساً اللجنة الإنتخابية ما فكرتش فيه ... وبرضوا ماحدش يقول لي الحبر السري اللي بتلغوص به صوابعك لأن بشوية تنر او الأسيتون بتاع المونيكير بيطلع زي الحلاوة ... خصوصاً ان هايبقى داخل مصر .. تخيلوا كام ؟

52 الف لجنة إنتخابية .... يا الله

ها .. حد عارف الإجابة ولا نستنى لما تحصل كارثة ؟

[محمد عبدالعزيز]

الغريبة إن كل اللي شاركوا في الموضوع ما كانش عندهم إجابة حتى الأن !!!!!!!!

طب خدوا سؤال تاني من خارج المقرر اهو

س : أكتب ما تعرفه عن التصويت في إنتخابات الرئاسة داخل مصر ؟

هاغششكو اهو عشان ما تقولوش الراجل ده بيعجزنا وبيعمل فينا زي ما عملت الثانوية العامة

نقول وبالله التوفيق إن الإنتخابات الرئاسية خلاص الشهر الجاي ... طب بتوع خارج مصر زي حالتنا كده بنروح السفارة وبنقف طابور طووووووووويل وبنوقع في دفتر متاخده منه الأسامي من على النت وكل واحد صوت بيوقع قدام إسمه .. يعني سين سين لو بيستهبل وصوت مره وحب ياخد صابونه تاني ووقف مره أخرى في اخر الطابور .. هايتفقس لأن التصويت في مكان واحد والعملية ملمومة ..

مركزين معايا ؟

طب اللي داخل مصر وحيث أن لجنة الإنتخابات هاتعمل زي أيام التصويت على الدستور كده ولن يلتزم أي مواطن بمكان إقامتة او دايرته ... دول بقى لو عملوا زي أيام المخلوع وكانت عربيات النقل واتوبيسات الشركات جاهزة وفي الخدمة وبتاخد الناخبين في جولة سياحية على كل اللجان عشان يصوتوا والواحد فيهم على أخر النهار بيكون عمل له كوتا بتاع 20 أو 30 مرة ... لأ وإيه ... خصوصاً إن التصويت هايكون على أكثر من يوم .. وماحدش يقول لي هايبقى كمبيوتريز لأن في ناس متربصة وقاعدة عشان تطعن في الموضوع ده لو تم لأنه مش أمان ومن وجهة نظرهم ممكن يتلعب فيه أو يتعمل عليه هاك أو ما إلى ذلك .. وأساساً اللجنة الإنتخابية ما فكرتش فيه ... وبرضوا ماحدش يقول لي الحبر السري اللي بتلغوص به صوابعك لأن بشوية تنر او الأسيتون بتاع المونيكير بيطلع زي الحلاوة ... خصوصاً غن هايبقى داخل مصر .. تخيلوا كام ؟

52 الف لجنة إنتخابية .... يا الله

ها .. حد عارف الإجابة ولا نستنى لما تحصل كارثة ؟

نستنى طبعاً واحنا ورانا حاجة؟!

أدينا قاعدين مع بعض وياما حصلت كوارث جرى إيه يعنى؟

احنا نستنى ولما نلاقى شفيق ولا عمر سليمان هو اللى بقى رئيس أحلف لك بأى قسم يعجبك إن ساعتها كلنا حننزل مع بعض ونروح...

.

.

.

.

.

.

.

.

.

.

السجن طبعاً عشان نبقى نستنى هناك براحتنا بقى

[se_ Elsyed]

طب اللي داخل مصر وحيث أن لجنة الإنتخابات هاتعمل زي أيام التصويت على الدستور كده ولن يلتزم أي مواطن بمكان إقامتة او دايرته ... دول بقى لو عملوا زي أيام المخلوع وكانت عربيات النقل واتوبيسات الشركات جاهزة وفي الخدمة وبتاخد الناخبين في جولة سياحية على كل اللجان عشان يصوتوا والواحد فيهم على أخر النهار بيكون عمل له كوتا بتاع 20 أو 30 مرة ... لأ وإيه ... خصوصاً إن التصويت هايكون على أكثر من يوم .. وماحدش يقول لي هايبقى كمبيوتريز لأن في ناس متربصة وقاعدة عشان تطعن في الموضوع ده لو تم لأنه مش أمان ومن وجهة نظرهم ممكن يتلعب فيه أو يتعمل عليه هاك أو ما إلى ذلك .. وأساساً اللجنة الإنتخابية ما فكرتش فيه ... وبرضوا ماحدش يقول لي الحبر السري اللي بتلغوص به صوابعك لأن بشوية تنر او الأسيتون بتاع المونيكير بيطلع زي الحلاوة ... خصوصاً ان هايبقى داخل مصر .. تخيلوا كام ؟

52 الف لجنة إنتخابية .... يا الله

ها .. حد عارف الإجابة ولا نستنى لما تحصل كارثة ؟

ومازال تحدي سمنة روابي قائماً .. ومازال السؤال مطروح وباقي أسبوع على الإنتخابات

-------------

سؤال تاني فكرت فيه واكتشفت كارثة حقيقية ممكن لا قدر الله تحصل

معروف إن المرحلة الاولى للإنتخابات هاتنتهي يوم 24 مايو .. صح ؟

حد سأل نفسه ولقى إجابة عن لماذا يتم إعلان النتيجة بعد 5 أيام كاملة ؟ يعني يوم 29

ليه لا مؤخذة .. هاتنزلوا تتأكدوا من الناس هما صوتوا لمين وخلوهم يحلفوا اليمين ؟

مساءكم فُل إن شاء الله