كان على عيني يا عنبو والله ,,

[م تيمور المراغي]

كان على عيني والله

بس كده البلد حتخرب و عجلة الانتاج حتقف

وبعدين حرام عليكوا اللي بتعملوه في البلد ده منكوا لله

[م تيمور المراغي]

ده مخطط بانديتا لاسقاط الجيش وتقسيم مصر الى 7 دويلات على فكره ,,

[م تيمور المراغي]

وآدي كمان عكاشة بيحذر من مخططات الاخوان وبيستنجد ب شباب 6 ابريل لانقاذ مصر !

http://www.youtube.com/watch?v=J1GpAryrPFQ

[عنبو]

يعنى اقوم من النوم الاقى العربيه مخبوطه وانا طالع بها من النرفزه اقوم خابطها واول لما افتح الكمبيوتر الاقى تيمور بيقولى كان على عينى على العموم ياعم تيمور رصيدنا عندكم يسمح

[متعب]

احد التعليقات

Rana Maher عايزين توقعو بينا وبين الجيش ده آخر عمود في البلد ده هو اللي حمى الثوره هو ماما وبابا وأنور وجدي إهئ إهئ عااااا..ماله الجنزوري شاب زي الفل وكلها شهرين و يمشي بلاش فوضى

منذ حوالي ساعة · أعجبني · 2

Nany Mosa هههههههههههههههههههههههههههههههههههههههههههه

منذ حوالي ساعة · أعجبني

Aya El Telbany والله البلتاجى دة راجل محترم وابن ناس...سيبك من بديع وغيره ..الكدب ملوش رجلين :)

منذ حوالي ساعة · أعجبني · 2

Alaa Elsaidy وربنا قولتها من ذلان الأخوان بوشين...

منذ حوالي ساعة · أعجبني

Ahmed Ringo الاخوان لو راحوه التحريراحناهنطلع علي العباسيه

منذ حوالي ساعة · أعجبني · 2

Mohammed Albanna احلى حاجة في الاخوان انهم مبيتعلموش من اخطاء الماضي

منذ 49 دقائق · أعجبني

سى السيد السيد طنطاوى يابلاش واحد غيره مينفعناش . دى نعلقها فى العباسيه لما نروح هناك .

منذ 48 دقائق · أعجبني

Maher Alfkay حلو وكداب لية صدقتك

منذ 41 دقائق · أعجبني · 1

صابر عابدين خدعوك فقالوا الجيش نازل عشان يحمى الثورة ... والحقيقة ان الجيش نازل عشان يحمى النظام خدعوك فقالوا الجيش والشعب ايد واحده والحقيقة ان الجيش ايد والشعب قفه خدعوك فقالوا ان الجيش بيحمى الحدود والحقيقة ان الجيش بيحمى ويكنس ويغسل ويطبخ للواءات المجلس العسكرى خدعوك فقالوا ان هناك اتفاق بين الاخوان والمجلس والحقيقة ان الاخوان لم يستوعبوا درس الخيانه باب الضباط الشطار صفحة رقم 1952

منذ 41 دقائق · أعجبني · 2

سى السيد السيد مش هو ده ال نزل شرف فى التحرير وعمله ثائر وجاب شويه من اتباعه وصفقوا وقال هيه ولبسوه للشعب .

منذ 25 دقائق · أعجبني · 1

Mohamed Ahmed اخر الزمان المنافقين زي الرز

لا حول ولا قوة الا بالله ...

منذ 17 دقائق · أعجبني

Haytham A. A. Fattah ما يعملوا الدستور و يخلصونا ... او يعملوا انتخابات للجنة الدستور مباشرة من الشعب... بلاش موضوع الكفاءات دة .... عشان ما فيش حد منهم مع الثورة اصلا..... و بعدين مجلس الشعب اللي جاي بعد كدة ..... يعدل فيه زي ما هو عايز ..... و لا لازم البلد تكون ماشية في الدوامة و خلاص بلا نهاية

منذ 8 دقائق · أعجبني

تم تعديل 31 مارس 2012 بواسطة Folana

[م تيمور المراغي]

ماشي يا سيدي ,, بس ابقوا افتكروها ,,

أحمد ماهر || ... ستقف 6 ابريل بجوار الاخوان ضد انتهاكات المجلس العسكري على الرغم من تخلى الجماعة عن الثورة والثوار فى مواقف كثيرة وأيضاً اختلافنا الكبير معهم

والسبب ببساطة شديدة (( أننا جميعا في مركب واحدة و سندفع الثمن جميعا دون تمييز بين إخوان أو إبريلي أو لبيرالي )) .

[متعب]

احمد ماهر يروج ينزل لوحده . مفيش حد هيعبره اصلا

دى مجموعه اصلا خارجه عن القانون وتربيه معتقلات وحبسجيه ومجرمين ننزل نساعدهم على ايه

اذا كانت الجماعه نفسها ملهاش اى مسمى قانونى ولا معترف بيه

الصح ال يعمله احمد ماهر هو حمايه منشأت مصر منهم وبعدين العسكر ده وضع تانى بعد ما نخلص من الخارجين على القانون دول ونرجعهم السجون تانى مكانهم الطبيعى .

ويرجع ال فاضل منهم خارج السجون يعتلى المنابر زى زمان كده ويقول اللهم وفق قادتنا الى ماتحبه وترضاه

[متعب]

اهم اجلوا المليونيه ياعمونا

لما لقوا الشارع ضدهم سحبوا ناعم والطبيعى انهم يلجؤا للخروج من الازمه بحل سياسى

غلطه عمر الاخوان انهم اقصوا كل التيارات السياسيه وحاربوهم علنا وكان المفترض احتواء الكل وكانوا هيقفوا معاهم ويسلموهم الحكم

ويمكن ربنا وقعهم فى الغلطه دى لان اهدافهم مش لوجه الله . دول اهدافهم كانت لسرقه مصر

وزى ماشفنا الانابيب للاخوان والشعب يرجع للكانون

المراكز السياديه والتعينات والذى منه والشعب ياكل طين

كل ده بيتعمل وهما لسه على البر . بس الغرور قتلهم

تم تعديل 28 مارس 2012 بواسطة متعب

[عنبو]

وسام على صدرى ان اسجن فى سبيل قضيه انا مؤمن بها وعار على ان اعيش بلا قضيه فما الفرق اذٍ بينى وبين البهائم . دخل معظم الاخوان المعتقل فى سبيل قضيه مؤمنين بها ومع كل الاضطهاد الذى تعرضوا له الا انهم مازلوا متفوقين فى مجالاتهم عن الاخرين .

قد يختلف بعض الناس مع الاخوان وهذا امر طبيعى فمن طبيعة البشر الاختلاف والتفاوت بينهم ولكن ان يتحول الخلاف فى الرأى الى فوبيا من الطرف الاخر فلابد اذ من استشارة طبيب نفسى

وفيه سؤال هو ليه الاخوان اختلفوا مع العسكرى ؟ مهو طالما الاخوان وحشين كده وناس ولاد ................ ليه اختلفوا مع العسكرى ما كانوا يطبخوها مع بعض ووقتها اغلب الشعب هيبارك والمشايخ هتخطب على المنابر ان هذا هو الصالح العام للمسلمين .. ليه الاخوان اختلفوا

[متعب]

العلاقه موجوده فى الشارع المصرى ياسيد عنبو

انزل الشارع وشوف رد فعله على الاخوان ايه

كل ال اعطاهم صوته بيضرب نفسه بالقديمه انه غلط الغلطه دى

اما عن اختلافهم مع العسكر لانهم عاوزين يقصوهم ويخرجوهم برة اللعبه بضمان عدم محاكمتهم وخلاص زى ما اقصوا الشعب المصرى

[hanzalah]

اليوم حصل شيء جديد

قررت اروح الشغل في القطار .. وقطار منوف - لمن لايعرفه - غير أي قطار

واخد كل زبدة المنوفية والباجور و كفر أبو قرص وطينة مصر كلها تلاقيها راكبه فيه

عارفين الناس مجمل كلامها طبعا عن السياسة

لكني تحولت الى إذن فقط .. واستمريت انصت لحلقات نقاش لمدة ساعه كاملة

إني ألاقي واحد يقول بوء واحد حلو ف حق الاخوان .. مفيش

الشعب المصري كما قلنا مليون مره .. طيب .. بس مش عبيط

الاخوان دفعهم الغرور إلى الهاوية

بجد والله لو العسكر استفردوا بيهم المرة دي ..لن تقوم لهم قائمة .. وانا شخصيا لا أرى ذلك في صالح الوطن بالمره

انا سأدعم الاخوان لو نزلوا مليونية ضد حكم العسكر بأهداف واصحه معلنه توافق اتجاهي السياسي

لن أرد لهم الصاع لمجرد التشفي - مع انهم باعوني ف عشرين موقف سابق - بس أنا برضه اجدع منهم

كفاية اني اكون راضي عن فنسي وضميري مرتاح .. مش مهم مين معايا ف الخندق .. المهم نتعلم الدرس ونظل مع بعض ع الحلوه والمره ..لان ملناش غير بعض

بلا ليبرالي بلا اخواني بلا بطيخ ممسمر

العسكر لطع الكل على قفاه ولازم نقف له

[se_ Elsyed]

وسام على صدرى ان اسجن فى سبيل قضيه انا مؤمن بها وعار على ان اعيش بلا قضيه فما الفرق اذٍ بينى وبين البهائم . دخل معظم الاخوان المعتقل فى سبيل قضيه مؤمنين بها ومع كل الاضطهاد الذى تعرضوا له الا انهم مازلوا متفوقين فى مجالاتهم عن الاخرين .

قد يختلف بعض الناس مع الاخوان وهذا امر طبيعى فمن طبيعة البشر الاختلاف والتفاوت بينهم ولكن ان يتحول الخلاف فى الرأى الى فوبيا من الطرف الاخر فلابد اذ من استشارة طبيب نفسى

وفيه سؤال هو ليه الاخوان اختلفوا مع العسكرى ؟ مهو طالما الاخوان وحشين كده وناس ولاد ................ ليه اختلفوا مع العسكرى ما كانوا يطبخوها مع بعض ووقتها اغلب الشعب هيبارك والمشايخ هتخطب على المنابر ان هذا هو الصالح العام للمسلمين .. ليه الاخوان اختلفوا

عشان لما الإتنين جم يفرقوا السبوبة إختلفوا يا عنبو

السبوبة اللي هي توزيع الكراسي والمناصب والمغانم

[عنبو]

وسام على صدرى ان اسجن فى سبيل قضيه انا مؤمن بها وعار على ان اعيش بلا قضيه فما الفرق اذٍ بينى وبين البهائم . دخل معظم الاخوان المعتقل فى سبيل قضيه مؤمنين بها ومع كل الاضطهاد الذى تعرضوا له الا انهم مازلوا متفوقين فى مجالاتهم عن الاخرين .

قد يختلف بعض الناس مع الاخوان وهذا امر طبيعى فمن طبيعة البشر الاختلاف والتفاوت بينهم ولكن ان يتحول الخلاف فى الرأى الى فوبيا من الطرف الاخر فلابد اذ من استشارة طبيب نفسى

وفيه سؤال هو ليه الاخوان اختلفوا مع العسكرى ؟ مهو طالما الاخوان وحشين كده وناس ولاد ................ ليه اختلفوا مع العسكرى ما كانوا يطبخوها مع بعض ووقتها اغلب الشعب هيبارك والمشايخ هتخطب على المنابر ان هذا هو الصالح العام للمسلمين .. ليه الاخوان اختلفوا

عشان لما الإتنين جم يفرقوا السبوبة إختلفوا يا عنبو

السبوبة اللي هي توزيع الكراسي والمناصب والمغانم

طيب ياعم احمد هخلينا معاك , فاكر ايام زمان (( قبل شهور يعنى )) الناس قالت الاخوان عاوزين المجلس وبس تماما والاخوان اتفقوا مع المجلس على المجلس (( الاول مجلس العار والتانى مجلس الشعب )) ودلوقتى الناس بتقول لاء دول الاخوان طمعوا فى اكتر من كده

مهو لو الاخوان عاوزين مصلحتهم (( زى ما الناس بتقول )) ما كانوا يرضوا بالفتات اليى المجلس هيرميه ليهم ياخدوا كذا وزراه مع المجلس ويبقى تمام قوى على الاخوان كجماعه وهيعملوا اعلى مصالح

ولكنهم رفضوا الموضوع ده اليى انا واثق منه ان الاخوان يريدون ويعملون لصالح مصر والشعب المصرى قد تختلف معهم فى الطرق المؤيده الى ذلك ولكنهم لو كانوا يريدوا عكس ذلك لما دخلوا المعتقلات واضطهدوا فى العصور السالفه

تحياتى

عنبو

[se_ Elsyed]

صلي عالحبيب يا عنبو

يرضوا بفتات مين ؟

ده عينهم على اللي أكبر من كده

مش قولت لك لما طمعوا في كرسي رئاسة الوزرا والرئاسة حدث الخلاف ؟

إنت حر يا عنبو تنتمي لمن تريد ان تنتمي له

لكن هاسألك أسئلة على المستوى الشخصي وما تاخدهاش بحساسية والله

- ترضى يا عنبو تكون سوري في الكلمة ضمن جماعة تسوق أصحابها أو المنتمين إليها كالقطيع ؟ ... طب إنت راجل مثقف ومحترم .. وعاوز ترشح أي مرشح غير المرشح الخفي اللي هايرشحوه الإخوان واللي ماحدش عارفه لحد دلوقت .. هل تستطيع أن تجهر بإيمانك هذا في شعاب مكه او في أي مكان رسمي به الإخوان ؟ أتحدى

- بالله عليك يا شيخ .... الإخوان ما حلفوش بالطلاق إنهم لا يسعون إلى كرسي الرئاسة ... طب إيه اللي بيحصل دلوقت ؟

- هل انت راض عما حدث مع واحد من كواردهم زي الدكتور أبو الفتوح ؟

- هل إنت راض عن إسلوب إضرب ولاقي ويطلع كل شوية يقرفنا واحد زي البلتاجي يقول علينا ان نعترف باخطاءنا وإننا بعنا او تخلينا عن القوى السياسية الأخرى و و و و و .... طب كسبنا إيه من كده او إستفدنا إيه من تانيب الضمير ده ؟

- هل إنت راض عن مهزلة لجنة الطرطور دي ؟

- إرجع كده لورا وأنا عارف إن عربيتك فيها مشاكل ... فاكر يا عنبو من كام إسبوع لما اعلنوا الحرب على من يرفض تعيين مولانا كمال الجنزوري وكانوا بيقولوا فيه شعر جاهلي وإنه رجل المرحلة ؟

- فاكر يا عنبو لما لساننا دلدل وقررنا إسقاط مجلس العار اللي هو المجلس العسكري وطلعوا هما الإخوان إتكلموا عن مخطط إحراق مصر وأقنعة بانديتا وكيف نذكر بالسوء ألهتنا العوالي من العسكر لأنهم عمدان مصر ... عمرك شوفت بيت من غير عمدان ؟

- وإيه اخبار فترة العدة اللي كانت 6 شهور وكانوا بيصبرونا إنهم هايعدوا هوا ... إيه هما حافظين جدول الضرب بالعكس والشهرين بقوا أكتر من الست شهور ؟

ها .. أقول لك كمان ولا لسه شوية ؟

طب أكلمك عن قانوت تحريم وتجريم التظاهر بدون إذن أولياء الأمر وامن الدولة والامن الغذائي وماما وبابا ؟

طب المليونية الجاية اللي بيدعوا إليها .. تفتكر إنها مليونية طاهرة وشريفة ومش محتاجة تصاريح لإنها متوضية ؟

عنبو ... صباحك عنب يا حبيب قلبي

[متعب]

اليوم حصل شيء جديد

قررت اروح الشغل في القطار .. وقطار منوف - لمن لايعرفه - غير أي قطار

واخد كل زبدة المنوفية والباجور و كفر أبو قرص وطينة مصر كلها تلاقيها راكبه فيه

عارفين الناس مجمل كلامها طبعا عن السياسة

لكني تحولت الى إذن فقط .. واستمريت انصت لحلقات نقاش لمدة ساعه كاملة

إني ألاقي واحد يقول بوء واحد حلو ف حق الاخوان .. مفيش

الشعب المصري كما قلنا مليون مره .. طيب .. بس مش عبيط

الاخوان دفعهم الغرور إلى الهاوية

بجد والله لو العسكر استفردوا بيهم المرة دي ..لن تقوم لهم قائمة .. وانا شخصيا لا أرى ذلك في صالح الوطن بالمره

انا سأدعم الاخوان لو نزلوا مليونية ضد حكم العسكر بأهداف واصحه معلنه توافق اتجاهي السياسي

لن أرد لهم الصاع لمجرد التشفي - مع انهم باعوني ف عشرين موقف سابق - بس أنا برضه اجدع منهم

كفاية اني اكون راضي عن فنسي وضميري مرتاح .. مش مهم مين معايا ف الخندق .. المهم نتعلم الدرس ونظل مع بعض ع الحلوه والمره ..لان ملناش غير بعض

بلا ليبرالي بلا اخواني بلا بطيخ ممسمر

العسكر لطع الكل على قفاه ولازم نقف له

انا مستعد اركب معاك فى الرآى ده بس ايه الضمانات انهم مش هيبعونا تانى

تاريخهم كله بيع مش شراء

هاتلى مرة واحده اشتروا فيها او كانوا بيجهدوا فعلا من اجل مصر . عوزين دليل واحد على ده

الاخوان طول عمرها بتجاهد ودخلت السجون عشان سرقت مصر وعمرهم ما عرفوا العدل ولا يعرفوا طريقه فين حته

اتباعهم لو هما ولعوا فى مصر على قلبهم زى العسل . ليه بقى . لانهم موعودين بالجنه . فمش مشكله بالنسبه للاتباع ان الشعب يخش النار

هو من العدل اننا نحاكم واحد غلط فى شخص المشير ويقولوا عليه رمز لمصر . ومين هو المشير . ده شخص المشير اسمه طنطاوى

يعنى زياد وصف طنطاوى بوصف قامت الدنيا وطلبوا بمحاكمته على وصفه لشخص

انما ال سب مصر كوطن مش شخص بقى على لسان مرشدهم ( طظ فى مصر وال فى مصر ) يبقى ولائهم هنا لمين لشخص ولا لمصر

يبقى احنا هنا قدام مفارقه قذرة واحد سب شخص اسمه طنطاوى يحاكم وانما من سب مصر يحكم مصر !!!!!!!!

ايه القيىء ده

المجلس العسكرى عارف تاريخهم كويس فى الخيانه لانه كله مسجل عندهم والتاريخ شاهد على ده باعوا كل الدنيا من اجل الوصول الى الحكم

اذا كانوا اكتر من 84 سنه بيجاهدوا للوصول الى الحكم وطول عمرهم فى السجون ولما الشباب يساعدهم ويوصلهم للحكم فى اول محطه باعوه

واتهموه بالترامدول والعماله وبقيه القصه ال شفناها بالعين المجرده

طبعا ظننا منهم انهم خلاص ركبوا الدنيا ومش محتاجين الشباب دول تانى .

وعلى رآى المثل ال متحتكشى لوشه اليوم بكرة تحتاج لاأفاه

وادى النتيجه خسروا الشارع ونفس الشباب ال باعوهم وكان المفترض انهم يضموه ليكون جبهه ليهم .

لاء استبعدوه واشاعوا الفتن فى البلاد ان ال بيهاجم الاسلاميين بيهاجم الاسلام وال بيحارب الاسلامين على اساس انه خسر فى الانتخابات

وعلى ارض الواقع مفيش اصلا حد اترشح من التحرير عشان ادعائهم الكاذب ده واشتغلوا فى التحريم والتكفير

كان التحرير هدفه مش السلطه . هدفه كان اصلاح مصر ومع ذالك توالت الاتهامات لهم انهم هما ال عاوزين يقسموا مصر والمخطط البنفسجى والرمادى والوان الطيف

والعسكر مش عبيط ولا حاجه . العسكر معاه اوراق ليهم هيحرقهم اكتر عند الشعب المصرى ومنها اتفاقيه كامب سليمان

ال الطبيعى انهم يعرضوها على الشعب عند اللزوم ككرت لضربهم فى الشارع اكتر والدليل حاليا ان سليمان خلع من الترشيح عشان السبب ده عل ما اعتقد

وفى جعبتهم كتير ال يخلي الشعب المصرى يطلع يطالب باعدامهم مش بس سجنهم

الاخوان بتلعب غلط مع منظمه عالميه يهوديه كامله متكامله الاركان

والطبيعى انهم لو استخدموا الارهاب بتاع زمان وقتل البشر ويقولوا الله اكبر والكلام ده وتكبير ووو

مش هيلحقوا لانهم هيكونوا فى العنبوكات عن بكره ابيهم

ولما نوهوا ليوم الجمعه كمظاهرة هيحطموا بيها الدنيا وفجأة لقوا رد الفعل عكسى من عماليهم لغوا المظاهرة

واعتقد انهم هيقدموا تنازلات من يوم وجاى . رغم ان ده مش عرفهم وعمرهم ما عرفوا طريق التنازلات باى شكل من الاشكال

وخلينا نتكلم بوضوح ان لو العسكر حاليا حدفهم فى النار الشعب هيبارك ده لانهم باعوه شامى ومغربى

يبقى احنا ايه مكسبنا من شراء البائع ؟؟

[عنبو]

السلام عليكم ورحمة الله وبركاته (( تحية الاسلام ))

الاخ العزيز الى قلبى ابو عمر اقسم بالله انى احبك فى الله

صلي عالحبيب يا عنبو

عليه افضل الصلاة والتسليم

يرضوا بفتات مين ؟

ده عينهم على اللي أكبر من كده

مش قولت لك لما طمعوا في كرسي رئاسة الوزرا والرئاسة حدث الخلاف ؟

ياعم احمد مهو انا بقولك لو هو بيلعب لمصلحته هياخد وزراه ولا اتنين يبظط نفسه من خلالهم وخلاص ولكنه عاوز يخدم مصر من خلال الوزاره وده مش عيب ولا حرام على فكره من حقى احلم انى اكون وزير واعمل على ذلك طالما الغرض هو خدمة الوطن . صدقنى لو الاخوان بتلعب لمصلحتها كانت اخدت كذا حاجه وخلصت على كده .

إنت حر يا عنبو تنتمي لمن تريد ان تنتمي له

لكن هاسألك أسئلة على المستوى الشخصي وما تاخدهاش بحساسية والله

اكيد طبعا انا حر واى شخص حر فى الانتماء الى اى حزب يرى فيه الاصلاح والاقرب الى تحقيق الخير للوطن واسأل ياعم اليى انت عاوزه انا ماعنديش مشاكل فى اى حاجه خالص

- ترضى يا عنبو تكون سوري في الكلمة ضمن جماعة تسوق أصحابها أو المنتمين إليها كالقطيع ؟ ... طب إنت راجل مثقف ومحترم .. وعاوز ترشح أي مرشح غير المرشح الخفي اللي هايرشحوه الإخوان واللي ماحدش عارفه لحد دلوقت .. هل تستطيع أن تجهر بإيمانك هذا في شعاب مكه او في أي مكان رسمي به الإخوان ؟ أتحدى

خدى نفس كده واكتم علشان عاوزين نعلى مع بعض

بص يا ابو عمر اولاً الانتماء للجماعه يكون الهدف والغايه منه خدمة الدين والوطن وبناء على ذلك يكون الانتماء واذا وجدت ان الجماعه تحيد عن ذلك (( خدمة الدين والوطن )) يبقى لا سمع ولا طاعه بمعنى انا لما بسمع كلام الجماعه مش بسمع كلام الجماعه لانه قرأن انزل لا بسمع كلام الجماعه لانى مقتنع به . وعندما لا اكون مقتنع برأى ما اسأل وافضل اصعد اصعد الى ان اصل الى المرشد (( حصل مع واحد صاحبى على فكره الموضوع ده )) واذا لم اقتنع ليس على فرض ان ابقى فى الجماعه فبسهوله جدا اترك الجماعه . اوعى تقولى هيطخوك بالنار وشغل الافلام الهندى ده .

اذا الموضوع ليس انسياق وراء شخص ولكنه مشاركه فى خدمة الدين والوطن , اما عن جهرى باننى سوف ارشح شخص بعينه فاحب اقولك اننى بالفعل عملت كده وفيه اخوان كتير عملوا كده وبعد صدور قرار الجماعه لو رايت اننى غير مقتنع بالمرشح اليى اخترته الجماعه سوف اناقش وان لم اقتنع لن انتخبه فلقد تربينا على خدمة الدين والوطن فكيف لى ان اخالف ضميرى .

بالله عليك يا شيخ .... الإخوان ما حلفوش بالطلاق إنهم لا يسعون إلى كرسي الرئاسة ... طب إيه اللي بيحصل دلوقت ؟

من حقى ان غير خططى طالما الغايه نبيله والسبيل الى تحقيقها نبيل ايضاً يعنى انا ممكن اقولك والله يا احمد انا مش هرشح نفسى وبعد كده تستجد بعض الامور التى تجعل من ترشحى امر ضرورى وفيه صالح الدين والوطن فسوف ارشح نفسى يا سيدى الفاضل الوعد اليى بينى وبينك هو خدمة الدين والوطن وعلى هذا ممكن ان تحاسبنى بعد اعطائى الفرصه كامله .

[المصرى جدا]

الاخوة الافاضل

سمعت امس الدكتور غزلان ينفى دعوة الجماعة الى اى مليونية فى الجمعة القادمة وان الجمعه دعى اليها منافسون لتوريط الجماعة

ومن ضمن ماقاله ان الاوراق التى وزعت فى المنصورة وتحمل شعار الحرية والعدالة لم يكن الحزب او الجاعة اللى وزعها بل تدخل ضمن الالعاب التى يلعبها

المنافسون لتوريط الاخوان

للاسف واضح ان الاعلام بيلعب لعبة خطيرة وربنا يسترها

تم تعديل 29 مارس 2012 بواسطة المصرى جدا

[عنبو]

- هل انت راض عما حدث مع واحد من كواردهم زي الدكتور أبو الفتوح ؟

وهل تطبيق القانون المتفق عليه يزعل حدا وابو الفتوح نفسه قال فى البدايه انه لو دخل الانتخابات لن يدخل تحت مسمى الاخوان ولكنه سوف يدخل مستقل انت عارف لو الاخوان دعمت ابو الفتوح كل التيار الليبرالى والعلمانى الملتف حول ابو الفتوح هيتركوه ويقولوا لا ياعم دى كانت لعبه من الاخوان

- هل إنت راض عن إسلوب إضرب ولاقي ويطلع كل شوية يقرفنا واحد زي البلتاجي يقول علينا ان نعترف باخطاءنا وإننا بعنا او تخلينا عن القوى السياسية الأخرى و و و و و .... طب كسبنا إيه من كده او إستفدنا إيه من تانيب الضمير ده ؟

على فكره فيه ناس كتير قوى بتتكلم من الاخوان بصفه شخصيه وليست بصفه رسميه وده اليى بيحصل خلط عند الناس لان الاخوان فيها تيار تنورى حماسى وفيها تيار وسطى وفيها تيار يمينى كل ده موجود داخل الاخوان

هل إنت راض عن مهزلة لجنة الطرطور دي ؟

اقولى ايه اليى مش عاجبك فى اللجنه بس خد الموضوع كبكدج متجبش اسمين وتقولى بص دول

- إرجع كده لورا وأنا عارف إن عربيتك فيها مشاكل ... فاكر يا عنبو من كام إسبوع لما اعلنوا الحرب على من يرفض تعيين مولانا كمال الجنزوري وكانوا بيقولوا فيه شعر جاهلي وإنه رجل المرحلة ؟

ياعم احمد انا قولت ليك العهد اليى بينك وبين الاخوان مصلحة الوطن والدين دلوقتى كل يوم فيه جديد والمجلس كل شويه يطلع بالعوبه وبعدين توليع البلد مش هيبقى فى صالح حد على فكره انت بتحاول تطلع من الموضوع باقل الخسائر واكثر المكاسب دون تنازل عن المبادأ العامه

الجنزورى ياعم احمد الناس كانت بتحلف بحياته قبل سنه ونص من الان فقد يكونوا توسموا فيه خيراً ولكن عندما اثبت انه لا يصلح يبقى بح فلا توجد ثقه مطلقه فى احد (( اليس هذا كلامك ))

- فاكر يا عنبو لما لساننا دلدل وقررنا إسقاط مجلس العار اللي هو المجلس العسكري وطلعوا هما الإخوان إتكلموا عن مخطط إحراق مصر وأقنعة بانديتا وكيف نذكر بالسوء ألهتنا العوالي من العسكر لأنهم عمدان مصر ... عمرك شوفت بيت من غير عمدان ؟

ده مش كان رأى الاخوان بس يا عم ده كان رأى عموم الشعب المصرى على فكره ولما رأوا ان العسكرى يحيد هيقفوا له عاوز تقف معاهم اوكيه مش عاوز تقف اوكيه انت حر

- وإيه اخبار فترة العدة اللي كانت 6 شهور وكانوا بيصبرونا إنهم هايعدوا هوا ... إيه هما حافظين جدول الضرب بالعكس والشهرين بقوا أكتر من الست شهور ؟

كل يوم يا عم فيه جديد وكل يوم مجلس العار يطلع بخازوق جديد لما تبقى مسؤل يا احمد هيقى قرارك محسوب عليك وهتحسب الف مره قبل ما تاخد قرار لانى اى حاجه هتلبس فيك والناس كلها هتقول الاخوان هما اليى بوظوا البلد يا سيدى الفاضل عندما تكون تحت دائرة الضوء لا يمكن ان تتصرف بما هو بعيد عن هذه الدائرى وليس لديه ما يخسره فان احسن قالوا احسنوا وانا اساء لم يذكره احدا اساسا

طب أكلمك عن قانوت تحريم وتجريم التظاهر بدون إذن أولياء الأمر وامن الدولة والامن الغذائي وماما وبابا ؟

طيب ودى فيها ايه هو مش ده قانون معمول به فى دول العالم وبعدين ارجع كده وشوف اراء الاعضاء هنا كانت فى وقت من الاوقات عامله ازاى يا احمد زى ما قولتلك انت كل يوم عندك مصيبه مينفعش تثبت على رأى كل يوم تفاضل بين الاقل خساره وتختاره

طب المليونية الجاية اللي بيدعوا إليها .. تفتكر إنها مليونية طاهرة وشريفة ومش محتاجة تصاريح لإنها متوضية ؟

لا متوضيه ولا حاجه عاوز تدعمها اوكيه مش عاوز عادى يعنى بس خد بالك ان لو لم ينجح الاخوان فى نقل السلطه الى مدنيه فلن ينجح غيرهم . واذا استطاع المجلس العسكرى القضاء على الاخوان فلسوف يتمكن بكل سهوله ويسر ان يقضى على الاخرون او ان يتركهم يتحدثون ويعملوا اعتصامات فليس لهم قبول لدى الشعب المصرى

عنبو ... صباحك عنب يا حبيب قلبي

صباحك زى العسل

[ريما وبودى]

صعبان على الاخوان يقعوا فى الغلطات دى كلهاونفسى يفوقوويرجعو لرشدهم

بس الحمد لله نظرتى فى 6 ابريل ما خيبتش ما جريوش واترمو فى حضن المجلس ذى غيرهم

تم تعديل 31 مارس 2012 بواسطة ريما وبودى

[ssmaly]

الاخوان فى الايام الأولى من الثورة بعثوا برسائل تطمين

1-سوف ننافس على 35% من مقاعد مجلس الشعب

2-لن يكون لنا مرشح للرئاسة

ولكن نزلت على كل المقاعد فى مجلس الشعب وكانت تطالب بسرعة الانتخابات حتى لا تتيح فرصة للاحزاب الجديدة وشباب الثورة بالاستعداد للانتخابات

وفى بداية الانتخابات كانت هناك احداث محمد محمود وكما تعرفون موقف الجماعة المتخازل والمعادى للثوار واللاهث الى اتمام انتخابات مجلس الشعب المنزوع الصلاحية بامر المجلس العسكرى

2-فصلت ابو الفتوح وكل مؤيدنه من الجماعة ولكن هى ترشح واحد على الرئاسة (وهو كارت تهدد به ولن تستعمله)

3- اذا حصلت على الوزارة بجانب مجلس الشعب ومجلس الشورى ولعبت بكارت الرئاسة ستتحول الى الحزب الواطى الديمقراطى

4- ماهية حكاية البيعة؟هل هى البيعة على الخلافة الاسلامية زى زمان ولا شىء اخر؟

5- الحزب الواطى كان له بيعة هو الاخر ولكن بمسمى اخر وكان هناك الولاء للحزب والولاء لاحمد عز وجمال

6-الاخوان جاهدوا طوال الستون سنه وحاربوا وقاتلوا واتقتلوا واعتقلوا طوال الستون سنه فى سبيل السلطة وليس شىء اخر طبعا كان المعلن خدمة الوطن والدين

طبعا ما حدث خلال السنة الماضية اثبت للجميع انهم كانوا مجاهدون لأجل للسلطة وانا لا اعيب عليهم ذلك ولكن اعيب عليهم انهم يعلنون عكس ذلك