إسترداد أيمن نور لحقوقه السياسية

[آل مصريم]

http://www.masrawy.c...29/4904938.aspx

بالزمة البنى آدم ده عنده نقطة دم فى وشه؟؟؟؟ مش مكسوف من نفسه ؟؟؟؟ العفو لا يعنى البرائة... فقط إعفاء من جزء من العقوبة الأصلية أو التبعيه أو كلاهما... يعنى مش برائة بالمرة نسى ولا عامل نفسه مش عارف إنها لازقة فيه للعمر كله... التزوير... جريمة مُخلة بالشرف و الأمانه برغم العفو

و الأخوان لا أأيدهم... لكن أبرء بهم أن يكون هذا الأيمن مرشح لهم أو مؤيد من جانبهم أقول ... اللى أختشوا راحوا ف ستين داهيه من زمان... يا زمان العجب

لا أعرف أيا من القوى السياسية على الساحة ممكن تؤيده بعد تاريخه العجيب....

فعلا مش قادر أفهم... هذا الشخص لن يحصل على أى نسبة تُذكر لوكمل مسوغات الترشـُح للرآسه... و ما يبدوا لى إنه عايش فى وهم منفصبل بيه عن الواقع.... كان مجرد صورة زمان الناس تتعلق بها كمعارضه للنظام السابق... لكن دلوقت...!!! راحت عليه

و أتوقع شخص آخر ربما يكون إسمه أيسر... يجيب أصوات أكثر يا سى أيمن

تم تعديل 29 مارس 2012 بواسطة آل مصريم

[hanzalah]

الفاضل الاستاذ المصري

اهلا بيك

انا عبرت في أكثر من موقف عن تأييدي لعبد المنعم أبو الفتوح وبالتالي فخبر أيمن لا يسرني ولايحزنني في شيء

لكن

التحول القوى المفاجىء من دولة لا يشغل بها اى شخص ذو مرجعية اسلامية اى منصب هام الى دولة اسلامية بالكامل يشغل كل

المناصب الهامة اشخاص بمرجعية اسلامية فى يوم وليله امر يعتبر صادم

على العكس استاذي الكريم .. المصريون يتمنون ذلك في قرارة أنفسهم

والناس التي ذهبت تؤيد تيار الاسلام السياسي ليست كلها أعضاء عاملين في الجماعه أو في حزب النور

تقدر تقول أن أغلبها ناس بسطاء زي حالاتي شايفين ان من يقول قال الله وقال الرسول سيكون نظيف اليد

وعنده قلب يرحمنا بيه من العيشة الغير آدمية بكل معنى الكلمة في جميع مناحي الحياة

أقول أغلب من صوتوا لتيار الاسلام السياسي وانا شخصيا اعطيت صوتي لحزب الوسط وعبد المنعم الصاوي ولم أعطه لتيار الاخوان أو السلف

لماذا

لأني رأيت أن تيار الوسط هو الأنسب جدا لحالتنا المصرية التي نعيشها حاليا

والايام أثبتت أني كنت على صواب

لان تيار اليمين وأقصى اليمين فوتنا ف الحيط

بل

من الواضح ان هناك مفارقه ومفاجأة للجميع

تيار النور السلفي بيلعب سياسه بشكل أفضل كثير من الاخوان حتى اللحظة

تخيل

أعود لتعليق حضرتك وأعقب عليه باختصار وأقول

أدعو و أتمنى وأرجو و أظن أن معي ناس بسطاء كثيرين جدا

ندعو ان يشغل كل المناصب في الدولة أشخاص لهم مرجعية اسلامية

بس تكون ليهم مرجعية اسلامية بجد

مش كده وكده

لان التجربة أثبتت لنا أن هناك كثير من أهل السياسة يرتدون عباءة الدين

لكن يبدو أنها كانت بمقاس أصغر كثيرا

فكشفت عن الكثير من العورات

الفكرية والمنهجية

نسأل الله العافية والسلامة

ياليتهم ارتدوا العباءة أم كباسين للبنت المصرية الشريفة التي سحلها الجنود

بل ياليتهم تقعرت وجوههم غضباً للشرف وللكرامة

مكنش ده بقى حالنا

تحياتي لحضرتك

تم تعديل 29 مارس 2012 بواسطة hanzalah

[المصرى جدا]

الفاضل الاستاذ المصري

اهلا بيك

انا عبرت في أكثر من موقف عن تأييدي لعبد المنعم أبو الفتوح وبالتالي فخبر أيمن لا يسرني ولايحزنني في شيء

لكن

التحول القوى المفاجىء من دولة لا يشغل بها اى شخص ذو مرجعية اسلامية اى منصب هام الى دولة اسلامية بالكامل يشغل كل

المناصب الهامة اشخاص بمرجعية اسلامية فى يوم وليله امر يعتبر صادم

على العكس استاذي الكريم .. المصريون يتمنون ذلك في قرارة أنفسهم

والناس التي ذهبت تؤيد تيار الاسلام السياسي ليست كلها أعضاء عاملين في الجماعه أو في حزب النور

تقدر تقول أن أغلبها ناس بسطاء زي حالاتي شايفين ان من يقول قال الله وقال الرسول سيكون نظيف اليد

وعنده قلب يرحمنا بيه من العيشة الغير آدمية بكل معنى الكلمة في جميع مناحي الحياة

أقول أغلب من صوتوا لتيار الاسلام السياسي وانا شخصيا اعطيت صوتي لحزب الوسط وعبد المنعم الصاوي ولم أعطه لتيار الاخوان أو السلف

لماذا

لأني رأيت أن تيار الوسط هو الأنسب جدا لحالتنا المصرية التي نعيشها حاليا

والايام أثبتت أني كنت على صواب

لان تيار اليمين وأقصى اليمين فوتنا ف الحيط

بل

من الواضح ان هناك مفارقه ومفاجأة للجميع

تيار النور السلفي بيلعب سياسه بشكل أفضل كثير من الاخوان حتى اللحظة

تخيل

أعود لتعليق حضرتك وأعقب عليه باختصار وأقول

أدعو و أتمنى وأرجو و أظن أن معي ناس بسطاء كثيرين جدا

ندعو ان يشغل كل المناصب في الدولة أشخاص لهم مرجعية اسلامية

بس تكون ليهم مرجعية اسلامية بجد

مش كده وكده

لان التجربة أثبتت لنا أن هناك كثير من أهل السياسة يرتدون عباءة الدين

لكن يبدو أنها كانت بمقاس أصغر كثيرا

فكشفت عن الكثير من العورات

الفكرية والمنهجية

نسأل الله العافية والسلامة

ياليتهم ارتدوا العباءة أم كباسين للبنت المصرية الشريفة التي سحلها الجنود

بل ياليتهم تقعرت وجوههم غضباً للشرف وللكرامة

مكنش ده بقى حالنا

تحياتي لحضرتك

شكرا استاذ حنظله

اى تغير كامل وفى وقت قصير يعتبر صادم

وتعبيرى صادم هنا ليس على الموافقون على التيار الاسلامى او الداعمون له بكل صوره سواء سلفيين - اخوان - وسط او اى تيار اسلامى اخر

الصدمة تحدث للمخالفين او المنافسين او نقول اللى لا يرغبون فى فوز التيارات الاسلامية ووجودها على راس الحكم واقصد بهم

التيارات الخارجية مثل الغرب واسرائيل ولا ابالغ لو قلت بعض الدول العربية

التيارات الداخلية المتمثله فى الاقليات - الليبراليين

فايدلوجيتهم تختلف مع الايدلوجيات الموجوده فى التيار الاسلامى

كل دولة بها نظام حكم يعتبر فريد من نوعه فلا يجب مثلا ان نشبه التيار الاسلامى فى حال فوزه فى مصر بالتيار الاسلامى فى افغانستان مثلا ؟

ولا يمكن تشبيه الحكم الشيوعى فى الصين بالحكم الشيوعى فى كوبا

فكل نظام حكم يعتبر حالة مستقلة بذاتها

المشكلة ان فيه جمله تكتب كثيرا

ايه اللى شوفناه من التيار الاسلامى علشان نهاجمه كده وانا اعتقد ان الرد عليها بتشبيهه بتيارات اخرى يعتبر خطأ

ففى مصر ننفرد بوجود عدة تيارات اسلامية تمثل كل منها تيار ومدرسة مستقلة بذاتها

نقطة خلافى الوحيدة فى ردك موضوع ان السلفيين بيلعبوا سياسة افضل وهاقول ليه

السلفيين بحثوا عن ارضاء الناخبين والناس بما يرضى الله بصرف النظر عن انه صح او غلط بمعنى انهم دلوقتى بيشوفوا الناخبين عايزين ايه ويعملوه حتى لا يتم مهاجمتهم وبالتالى فقد القاعدة التصويتية والجماهيرية

وبكلمة اكثر اختصارا بيبصوا تحت رجليهم

وده لا يعيبهم لخبرتهم السياسية القليلة وحداثة انشاء تنظيم وحزب لهم

اما الاخوان فبيبصوا لقدام قوى وللمستقبل وشايلين على دماغهم مهمة كبيرة وحاسين بيها وحاسيين انهم فى

وش المدفع حتى ان كل التيارات بما فيها التيارات الدينية تهاجم الاخوان ولكن لا يجب ان تنكر مكر وذكاء وخبرة الاخوان السياسية

تحياتى لحضرتك

تم تعديل 29 مارس 2012 بواسطة المصرى جدا

[ريمون]

انا بصراحه كنت من المؤيدين لأيمن نور من ساعه ما كان فى مجلس الشعب ورفع رغيف العيش فى المجلس و لما انشء حزب الغد و كنت بشترى الجرنال بتاعه كل اسبوع

و لما اترشح للرئاسه اديتله صوتى

و بعد كده تم التخلص منه و رميه فى السجن بتهمه تزوير توكيلات الحزب

و للى ميعرفش القصه فان تاسيس حزب كان يتطلب 50 توكيل فقط

الراجل جمع 2005 توكيل مش خمسين بس

و اللى حصل ان امن الدوله زرع واحد داخل الحزب يساعد فى توثيق التوكيلات. و الراجل ده بدل ما يوثقها زورها باوامر من امن الدوله

و بعد ما ايمن نور حقق مفاجئه كبيره فى انتخابات الرئاسه و حصل على ملايين من الاصوات و المركز التانى و الاخوان و امريكا بدئوا يشوفوه كبديل مقبول لمبارك. النظام حب يورى العين الحمره لخصومه و يقولهم ما تنسوش نفسكم انا بابا يله

و راح حرك قضيه التزوير دى و رمى ايمن نور فى السجن

نختلف او نتفق مع ايمن نور لكن الراجل قال كلمه حق فى وجه سلطان جائر و وقف فى الصفوف الاولى لاسقاط نظام مبارك

و دفع الثمن غالى من حريته و صحته و حياته الشخصيه

و كفايه انه فقد زوجته بسبب الضغوط الشديده اللى اتعرضت ليهااسرته

و للى بيقول عليه مزور.فده شخص انتخبه الملايين من المصريين مش هيعرف يلم 50 توكيل؟؟ ده يا راجل اتهموه انه مزور توكيل حماه!!

و رفع الظلم واجب عنه زى ما كان واجب انه يترفع عن خيرت الشاطر

بالنسبه لانتخابات الرئاسه فانا شايف انه مرشح محترم

رجل سياسه و نائب برلمانى و له علاقات مع جميع الاطراف

و فى نفس الوقت ما ورهوش حزب متلتل يدعمه فصعب يستفرد بالسلطه و ينقلب على الديموقراطيه

و الراجل علاقته بالاخوان متميزه من زمان و من اول الناس اللى زارت الدرَاسه ايام ما كانت جماعه الاخوان مازالت محظوره

مبروك د ايمن على استرداد حقوقك السياسيه

http://www.youtube.com/watch?v=nvON7BVLPMg&feature=related

الدقيقه 1:45 "الرغيف فى حجم كف اليد ... ده رغيف انا جايبه النهارده الساعه 8 الصبح ... انا بدعوك ان انت تطلبه و تاكله . اذا اكلته قدامى انا بسحب استجوابى. لأن ده اللى انت بتأكله للمصريين"