الإخوان ترشح الشاطر للرئاسة بأغلبية الأصوات

[المصرى جدا]

طبعا من حق الاخوان تغيير موقفهم من الترشح في الرئاسة.....فقد يكون ما جعلهم ينوون الترشح..أهم من الاسباب التي دعتهم سابقا لعدم خوض منافسة الترشح للرئاسة....

والسياسة بها تخطيط ومكر...هكذا قلنا....وهم احرار في قرارهم

طبعا القرار بانزال الشاطر في الانتخابات خطأ واضح فعلا لتشتيت الاصوات على 3

ولكن انا اظن ان هناك مفاجاة قادمة لو تمت سيكون هذا القرار صائب مائة في المائة

لكني لن اقول هذه المفاجأة الان.......

ولو تم ما اتوقعه.....سيرضى جميع الاسلاميين على هذا القرار...اما اذا لم يتم ما اتوقعه..فتكون اكبر غلطة...اخذها الاخوان...

الفاضل ابو ريم

هل تتوقع تعيين ابو الفتوح نائب وتنازله لخيرت الشاطر ؟

[الدكتور ياسر]

طيب فضلا أخي العزيز دكتور ياسر

سيادتكم وصفتم الشاطر بالمرشح الثقيل

طيب ثقيل من أي جهة ؟

كخبرات سياسية أتفق معك

لكن كأرضية في الشارع المصري كيف ترى ثقله ؟

وهل فترة الشهر ونصف الباقية للإنتخابات الرئاسية كافية له لكي يروج لنفسه بشكل يجعله يتفوق في هذه النقطة على حازم صلاح أو أبو الفتوح ؟؟

هل استمعت إلى خيرت الشاطر من قبل يا أستاذ إبراهيم ؟؟

يتمتع بكاريزما واضحة ورؤية سياسية عميقة وهو معروف جيدا في الشارع المصرى ,

بالإضافة الى أنه قضى سنوات طوال كمسجون سياسي مما سيكسبه تعاطفا كبيرا بين أوساط عديدة

ولا تنسى يا أخى أنه لم ينل قسطا كافيا من التشويه كالذى ناله مرشح كأبو إسماعيل او كرئيس مجلس الشعب مثلا ..

يعنى مقشرة يا أستاذ إبراهيم ..اختاروه بعناية فائقة يا أخى ..

[Abu Reem]

بصراحة انا ارى انه ليس من الجيد.....الخوض في هذا الامر....علنا هكذا في المنتديات...خاصة في مثل هذا الامر.........وذلك للمصلحة العامة......

طبعا..لاي شخص الحق في النقاش ومحاولة كشف ما وراء هذا الخبر...خاصة وان مسألة اختيارنا لرئيس الجمهورية هو امر يهمنا جميعا...

لكن احيانا...يكون عدم كشف كل الاوراق امر مهم..وخصوصا ان هناك من يريدون...عدم الاستقرار لمصر.....

المهم لكل مصري أن يختار مرشحه بما يرضي الله ويرضي ضميره..ويرى انه يصلح لقيادة مصر ويكون به اكبر قدر من صفات القائد الصالح القوي..ويكون ايضا به اقل نسبة من العيوب والاخطاء..

هذا ما يهمنا جميعا.....ولو اختار الناس عمرو موسى وفاز فعلينا احترام رأيهم لو كانوا اغلبية....وليس علينا الا عمل كشف حساب له في نهاية الاربع سنوات..فاذا كان جيدا استمر واذا كان سيئا..اخترنا غيره....

[أحمد محمد]

اللعبة أصبحت مكشوفة جداً

ألافراج عن خيرت الشاطر و رد ألاعتبار و دلوقتي نزول الشاطر مرشح رئاسة

بس معروف أن خيرت الشاطر رجل أعمال كبير

أزاي هيكون رئيس الدولة رجل أعمال

يعني أحنا كنا بنتقد الحزب الوطني بسبب حكومة رجال ألاعمال دلوقتي هيكون الرئيس هو من رجال الاعمال

و هما كانو فصلو أبو الفتوح بسبب مخالفتة لقرار ألاخوان و ترشح للرئاسة و بعدين هما دلوقتي يرشحو الشاطر

[خالد شحاته]

اعتقد اكبر غلطه وقعت فيها الجماعه في ترشيح رئيس لان بجد الان في مصر ناس كتير بدئت تفقد الثقه في الجماعه للاسف كان من الممكن دعم ابو الفتوح وده كان يكون شي ممتاز جداااا من الجماعه انما الا حصل اكيد في شي في الكواليس وهي دي السياسه الا بيقولو عليها للاسف مفيش صرحه ولاشي وكل واحد يقول الحرب خدعه الله يستر علي البلد لانها هتمر بظروف ربنا واخده العالم بيها ممكن يطلع حكم المحكه ببطلان مجلس الشعب وكدا تكون كارثه لان كدا رجعنا لنقطه الصفر

[capitshino]

كمال الهلباوى ييقرر الانسحاب من جماعة الاخوان المسلمين على الهواء مباشرة على ال 10 مساء

اعتقد ان الجماعة لم تمر باصعب من تلك الفترة .

[pocy]

اولا من هو خيرت الشاطر ...............

* من مواليد الدقهلية في 4/5/1950م

* متزوج وله عشرة من الأولاد والبنات وعشرة من الأحفاد

(أكاديمية بشرية)

* حاصل على بكالوريوس الهندسة- جامعة الإسكندرية عام 1974

* حاصل على ماجستير الهندسة - جامعة المنصورة

* حاصل على ليسانس الآداب جامعة عين شمس- قسم الاجتماع

* حاصل على دبلوم الدراسات الإسلامية معهد الدراسات الإسلامية.

* حاصل على دبلوم المجتمع المدني والمنظمات غير الحكومية- كلية الاقتصاد والعلوم السياسية - جامعة القاهرة.

* حاصل على دبلوم إدارة الأعمال- جامعة عين شمس

* حاصل على دبلوم التسويق الدولي- جامعة حلوان.

* عمل بعد تخرجه معيدًا، ثم مدرسًا مساعدًا بكلية الهندسة جامعة المنصورة حتى عام 1981م حيث أصدر السادات قرارًا بنقله خارج الجامعة مع آخرين ضمن قرارات سبتمبر 1981م.

* يعمل حاليًا بالتجارة وإدارة الأعمال، وشارك في مجالس وإدرات الشركات والبنوك.

* بدأ نشاطه العام الطلابي والسياسي في نهاية تعليمه الثانوي عام 1966م.

* انخرط في العمل الإسلامي العام منذ عام 1967م.

* شارك في تأسيس العمل الإسلامي العام في جامعة الإسكندرية منذ مطلع السبعينيات

* ارتبط بالإخوان المسلمين منذ عام 1974م

* تعرض للسجن أربع مرات:

الأولى: في عام 1968م في عهد عبد الناصر؛ لاشتراكه في مظاهرات الطلاب في نوفمبر 1968م حيث سجن أربعة أشهر، وفُصل من الجامعة، وجُنِّد في القوات المسلحة في فترة حرب الاستنزاف قبل الموعد المقرر لخدمته العسكرية المقررة.

الثانية: في عام 1992م ولمدة عام، فيما سمي بقضية سلسبيل.

الثالثة: في عام 1995م حيث حُكم عليه بخمس سنوات في قضايا الإخوان أمام المحكمة العسكرية.

الرابعة: في عام 2001م لمدة عام تقريبًا.

هذا بالإضافة إلى طلب القبض عليه عام 1981م، ولكنه كان خارج مصر آنذاك.

* تدرج في مستويات متعددة وأنشطة متنوعة في العمل الإسلامي، من أهمها مجالات العمل الطلابي والتربوي والإداري.

* عضو مكتب الإرشاد لجماعة الإخوان المسلمين منذ عام 1995م.و نائب للمرشد العام حاليا

* أقام لفترات مختلفة في اليمن والسعودية والأردن وبريطانيا، وسافر إلى العديد من الدول العربية والأوروبية والأسيوية.

واحد من أكثر العقليات فى المنطقة ترتيباُ وتنظيماً .

اقتصادي من طراز فريد .

الرباط الخاص بي

ثانيا : ارى انه الشخص المناسب جدا من وجهه نظرى واحسست بهذا الامر منذ ان تقدموا بقانون العفو فى البرلمان ومن ثم رد الشرف له .....

ومن هنا بدأت القراءه عنه انه انسان ممتاز بكل المقاييس السياسيه والاقتصاديه ....وطبعا الاسلاميه ولله الحمد ولا ازكى على الله احدا ولكنى الان سأقول بعد ترددى فى ترشيح من سأقولى انى مع خيرت الشاطر ان شاء الله وبكل ثقه

ثالثا : اتمنى من الشيخ حازم ان ينسحب امام خيرت الشاطر ........ لانى ارى فرقا فى الكفاءه والخبره فى تلك الامور والله تعالى اعلم واقدر ..............

[الدكتور ياسر]

ثالثا : اتمنى من الشيخ حازم ان ينسحب امام خيرت الشاطر ........

مش هيحصل يا أخت pocy

وبصراحة لا أرى هذا عدلا ..

أبو إسماعيل بذل جهدا فوق العادة طوال عام كامل وليس من العدل أبدا أن نطلب منه

الإنسحاب أمام الشاطر الذى انتظر مباركة الجماعة وموافقتها للدخول في السباق قبل شهر ونصف الشهر

فقط من بداية الانتخابات ..

صدقينى يا أختى مع احترامى للشاطر .. هذا الترشح يضرب مرشحى الثورة فضلا عن الاسلاميين منهم في مقتل ..

وصدقينى أيضا لقد قدمنا الرئاسة على طبق من ذهب لشفيق أو موسى ما لم تحدث مفاجأة ..

[se_ Elsyed]

العبد لله الفقير لسه جاي من جلسة مع مجموعة من الأصدقاء .. ولأنني كنت بره من الصبح فلم أتابع أي اخبار وعرفت منهم الخبر الأسود

أيوه إسود .. بس الحمد لله نحن تنبأنا به مبكراً .. وقولناه بعلو الصوت إن الإخوان مشيوا في طريق الحزب الوطني .. بس هما جابوا من الأخر .. وماحدش صدقني .. صح ؟

الاخوان دلوقت أيها السادة بيطبقوا مقولة مرشدهم السابق قدس الله سره " طظ في مصر "

فعلاً طظ في مصر

عارفين ليه ؟

لإن الخلاف والإختلاف ده .. هايصحينا على مصيبة وكارثة بإننا هانلاقي يا إما عمرو موسى أو احمد شفيق ناطط فوق دماغنا .. ومعاه الجيش طبعاً .. ولكنا بدون مقاطعة هانتنفخ رسمي ..

عقاباً على ثورتنا

عرفتوا ليه كنت بأصوت من تشرذمنا اللي كان السبب فيه الإخوان والنور اللي ماشي وراه ومبدأ الإقصاء ؟

شوفتوا مرسي وصبحي صالح قال إيه لمصطفى النجار : إعرف حجمك ... فاكرين دي كلمة مين ؟

الحزب الوطني وأحمد عز .. صح ؟

ندخل على الكلام التقيل بقى .. كإجتهاد شخصي

- المجلس العسكري والإخوان والحمد لله قولتها وما باخافش .. عاملين زي الهجامين .. الحرامية يعني بالعربي ... اللي بيقسموا الغنيمة دلوقت وماسكين مطاوي لبعض دلوقت ... وبرضوا ... طظ في إم مصر

ليه بقى ؟

بسم الله الرحمن الرحيم

1- الإخوان نزلت الشاطر بالبراشوت على موضوع الرئاسة ... وهما متأكدين مليون المية إنه مش هايكسب . لأن أرضية أبو إسماعيل وأبو الفتوح أقوى . كمرشحين محترمين الناس اللي بتفهم شايفه فيهم الأمل ... على الجانب الإخر فإن إغفال قوة وارضية شفيق وعمرو موسى هاتبقى منتهى التغفيل

2- الإخوان عارفين إن ده إختيار مؤلم وهايشتت كتير من قوة الجماعة وخصوصاً الشباب اللي مش شايفين نفسهم خرفان ... إدبح أبو الفتوح عشان خالف أمر الجماعة ونزل سباق الرئاسة .. حاضر ... وبعدها رشح الشاطر لإنتخابات الرئاسة لأن المرشد شاف رؤية بتقول كده .. حاضر

طب برضوا ليه حيرتنا ؟

نقول ليه

- ده كرت إرهاب في وش المجلس العسكري اللي عمل ضربة إستباقية النهاردة وصرح الاخ سامي عنان اليوم الصبح بإن لا صحة لترشحة للرئاسة هههههههههههههههههه طب وهو حد جاب سيرتك ؟ وإشمعنى النهاردة بالذات ؟

... عشان يقول إن العسكري موجود يا بوبيهات وإوعى يغرك جسمك

طيب ... إيه الذلة اللس ماسكها العسكري على الإخوان ؟

1- كرت حظر الجماعة .. بالراحة ومن غير إنفعال ... انا اعرف إني أبص لحاجه معينة أقول عليها على طول .. دي محل فول وطعمية .. ده مسمط .. ده فندق .. دي شقة سكنية .

لكن لا مؤخذه المبنى الكبيرررررررررررررررررررررر اللي هو مقر الجماعة .. ده عبارة عن إيه ؟

يا ترى هما جمعية أهلية مسجلة ولا زي الجمعية الشرعية كده .. ولا جماعة أنصار السنة المحمدية ... ولا ولا ولا ولا ...

طبعاً ماحدش عراف لأنهم مازالوا كيان يعمل بدون ترخيص وممكن السلطة تشمعه في أي لحظة

2- الكرت التاني .. مازال العسكري يحتفظ بواحد محامي من ابو خمسة جنية ممكن يرفع قضية قدام اي محكمة لإبطال إنتخابات مجلس الشعب لإن حزبي الحرية والعدالة والنور قائمين على أساس ديني ونزلوا الإنتخابات على أساس ديني .. وده واضح وماحدش يقدر ينكره وده غير دستوري

- الكرت التالت .. المادة المسممة رقم 28 .. يعني حازم .. الشاطر .. الخايب .. مش عارف مين ... بعد البوليكة دي كلها .. هووووووووووووووووووووووووووب هايطلع الغرياني ويعلن فوز أحمد شفيق وهو بيصفي مع أبو إسماعين ... حد عنده مانع ؟

الكروت بقى اللي ماسكها الأخوان بصفتهم حزب الأغلبية ومعاهم ولاد عمهم السلفيين ؟

1- الخروج الامن .... وبرضوا عندهم محامي من أبو خمسة تعريفة هايرفع نفس قضية قتل الثوار في محمد محمود وماسبيرو ومجلس الوزرا ووزارة الداخلية و و و و .. وطنطاوي وشيلته هايشرفوا على البورش ... حتى لو طلعوا براءة بعد سنة ونصف سنتين وحلني .. بس هايدوقوا اللي بيدوقه مبارك وعصابتة دلوقت ...

وطنطاوي بيقول لبديع دلوقت ؟ مش عيب بعد العمر ده كله أنام على البورش يا بدعدع ؟

2- سبوبة الجيش و30 % من إقتصاد مصر يسيطر عليه الجيش .... وميزانية مجهولة ... وهبر بالهبل بيحصلوا عليها ... فعاوز إنت في مجلس الشعب تلغوص في السبوبة دي بعد العمر ده كله وترجعنا للمرتبات أم خمسة جنية ؟

3- .. طب هاتعلن فوز شفيق ؟ طب وحياة راس بديع الكبير لأقعده في البيت بالجلابية زي ست أبوها وأخليه نظام برلماني خالص في الدستور .. وخليه ينفعك

يبقى سيب وأنا أسيب يا معلم

- هاتسيبني اخرج خروج أمن ومافيش قضايا تترفع عليه ولا بهدلة ولا بورش ... وتسيب لي حته من الميزانية والهبابير

- في المقابل انا مش هالغوص لك في موضوع الحزب الديني ولا مجلس الشعب ... وهاسيب لك فوقيهم تشكيل الحكومة يا معلم

إيه رأيكم دام فضلكم ؟

وهاتكلم على رد فعل السلف اللي بعيد عن حزب النور .. وأعني هنا الداعمون لحازم أبو إسماعيل

وهاتكلم عن دورنا أحنا كشعب مصر مش الضيوف

وهاتكلم عن شخص محترم زي أبو الفتوح اللي إتهرس لمجرد إنه فكر مره كبني أدم مش خروف

وهاتكلم عن غرور الإخوان زي الوفد زممممممممممممممممممممممممان لما كانوا بيقولوا إن الوفد لو رشح حجر .. فهايكسب ... إبقى قابلني المرة دي

تحياتي ،،،

[se_ Elsyed]

حد لسه بيشك في مصداقيتهم ؟

حد لسه بياكل من الأونطة ؟

حد لسه بيصدق الصداع اللي بقى له شهور

مش هانرشح حد

بنقف على مسافة متساوية مع الجميع

رئيس توافقي

رئيس تايواني

لأ لا الظروف إتغيرت .. أه تخيلوا كان في تراب اليومين اللي فاتوا مع شوية زعابيب

هههههههههههههههههههههه حقاً .. إنهم الإخوان الكاذبون

[se_ Elsyed]

كاذبون

[Abu Reem]

اولا من هو خيرت الشاطر ...............

* من مواليد الدقهلية في 4/5/1950م

* متزوج وله عشرة من الأولاد والبنات وعشرة من الأحفاد

(أكاديمية بشرية)

* حاصل على بكالوريوس الهندسة- جامعة الإسكندرية عام 1974

* حاصل على ماجستير الهندسة - جامعة المنصورة

* حاصل على ليسانس الآداب جامعة عين شمس- قسم الاجتماع

* حاصل على دبلوم الدراسات الإسلامية معهد الدراسات الإسلامية.

* حاصل على دبلوم المجتمع المدني والمنظمات غير الحكومية- كلية الاقتصاد والعلوم السياسية - جامعة القاهرة.

* حاصل على دبلوم إدارة الأعمال- جامعة عين شمس

* حاصل على دبلوم التسويق الدولي- جامعة حلوان.

* عمل بعد تخرجه معيدًا، ثم مدرسًا مساعدًا بكلية الهندسة جامعة المنصورة حتى عام 1981م حيث أصدر السادات قرارًا بنقله خارج الجامعة مع آخرين ضمن قرارات سبتمبر 1981م.

* يعمل حاليًا بالتجارة وإدارة الأعمال، وشارك في مجالس وإدرات الشركات والبنوك.

* بدأ نشاطه العام الطلابي والسياسي في نهاية تعليمه الثانوي عام 1966م.

* انخرط في العمل الإسلامي العام منذ عام 1967م.

* شارك في تأسيس العمل الإسلامي العام في جامعة الإسكندرية منذ مطلع السبعينيات

* ارتبط بالإخوان المسلمين منذ عام 1974م

* تعرض للسجن أربع مرات:

الأولى: في عام 1968م في عهد عبد الناصر؛ لاشتراكه في مظاهرات الطلاب في نوفمبر 1968م حيث سجن أربعة أشهر، وفُصل من الجامعة، وجُنِّد في القوات المسلحة في فترة حرب الاستنزاف قبل الموعد المقرر لخدمته العسكرية المقررة.

الثانية: في عام 1992م ولمدة عام، فيما سمي بقضية سلسبيل.

الثالثة: في عام 1995م حيث حُكم عليه بخمس سنوات في قضايا الإخوان أمام المحكمة العسكرية.

الرابعة: في عام 2001م لمدة عام تقريبًا.

هذا بالإضافة إلى طلب القبض عليه عام 1981م، ولكنه كان خارج مصر آنذاك.

* تدرج في مستويات متعددة وأنشطة متنوعة في العمل الإسلامي، من أهمها مجالات العمل الطلابي والتربوي والإداري.

* عضو مكتب الإرشاد لجماعة الإخوان المسلمين منذ عام 1995م.و نائب للمرشد العام حاليا

* أقام لفترات مختلفة في اليمن والسعودية والأردن وبريطانيا، وسافر إلى العديد من الدول العربية والأوروبية والأسيوية.

واحد من أكثر العقليات فى المنطقة ترتيباُ وتنظيماً .

اقتصادي من طراز فريد .

الرباط الخاص بي

ثانيا : ارى انه الشخص المناسب جدا من وجهه نظرى واحسست بهذا الامر منذ ان تقدموا بقانون العفو فى البرلمان ومن ثم رد الشرف له .....

ومن هنا بدأت القراءه عنه انه انسان ممتاز بكل المقاييس السياسيه والاقتصاديه ....وطبعا الاسلاميه ولله الحمد ولا ازكى على الله احدا ولكنى الان سأقول بعد ترددى فى ترشيح من سأقولى انى مع خيرت الشاطر ان شاء الله وبكل ثقه

ثالثا : اتمنى من الشيخ حازم ان ينسحب امام خيرت الشاطر ........ لانى ارى فرقا فى الكفاءه والخبره فى تلك الامور والله تعالى اعلم واقدر ..............

الله ينور عليك ..يا اخت بوسي............

ما شاء الله عليك............كلامك....رائع..وموزون...ومنطقي..جدا.......

مداخلة قيمة بالفعل وفي وقتها........

[se_ Elsyed]

طيب .. حلو قوي

رد فعل السلفيين إيه بقى ؟

- ماليش دعوة بحزب النور اللي ممكن يمشي زي البتاع ورا الحرية والعدالة عشان يباصي له وزارتين تلاتة في السبوبة الجاية ... باتكلم عن السلفيين الحقيقيون على الأرض زي مجلس شورى علماء السلف .. محمد حسان والحويني ويعقوب ... إلخ

دول بلا شك هايغضبوا جداً وهاياخدوها مسألة كرامة لان الإخوان لبسوهم في الحيط وتخلوا عنهم وهما شايفين إنه كان من الأولى لهم دعم حازم أبو إسماعيل .. او على الأقل أبو الفتوح اللي منهم .. وبالتالي سيزيد ذلك من إصرارهم على دعم أبو إسماعيل .. واعتقد إن في دي بالذات الأية هاتتعكس والسلفيين هايقلبوا الطاولة وأبو إسماعيل هايكمل للنهاية كفرد عضلات وإثبات قوة على الأرض ورد الصفعة بتاعت الشاطر لهم دي ...

----------------

اللي أكل تراب هنا هو أبو الفتوح اللي كانت حظوظة تكاد تكون متساوية أو أقل بقليل من أبو إسماعيل .. ما لم تكن هناك مفاجأت ستحدث ...

بجد صعبان عليه تلك الشخصية المحترمة دي

------------

في وسط الهيصة دي بقى

فين الشعب المصري من ده كله ؟

ده موضوع كبير وهانتكلم فيه كتير بعد كده .. ولازم نكون فهمنا وكشفنا الناس اللي زي دي ... ولازم يكون لنا دور في اللعبة لأن إننا من سيدفع الثمن ... ولازم نكون عرفنا حقيقة هؤلاء اللي لم يختلفوا ولو قيد انملة عن الحزب الوطني

كوش يا معلم تحت حجة .. هانتحمل المسئولية وده قدرنا .. مع إن أول إمبارح بيقولوا مستحيل نتحمل المسئولية لوحدنا . ومشاركة لا مغالبة

ههههههههههههههه

مشاركة بأمارة

مجلس الشعب

لجنة الدستور

رئاسة الوزرءا والوزراء وهي جاية وأتحدى من دلوقت والحمد لله كلامنا طلع صح ... وسؤال أرجو إنكم تحتفظوا بالإجابة لما تشوفوها على أرض الواقع ... هل سيلجأ الإخوان إلى الكفاءة ام الثقة عند تشكيل الوزارة ؟ ( انظر الكتاب من صفحة ثورة 52 .. حتى عصر المخلوع )

وأدي الرئاسة بيخططوا لها كمان

ونعم المشاركة ... وبإذن الله هاييجوا على بوزهم قريب

[Abu Reem]

حد لسه بيشك في مصداقيتهم ؟

حد لسه بياكل من الأونطة ؟

حد لسه بيصدق الصداع اللي بقى له شهور

مش هانرشح حد

بنقف على مسافة متساوية مع الجميع

رئيس توافقي

رئيس تايواني

لأ لا الظروف إتغيرت .. أه تخيلوا كان في تراب اليومين اللي فاتوا مع شوية زعابيب

هههههههههههههههههههههه حقاً .. إنهم الإخوان الكاذبون

بدأنا...........ههههههههههه...

مش انت ياما قلت السياسة عاوزه مكر ودهاء ..وعلشان كده الاسلاميين مياينفعوش..يدخلوا عالم السياسة....اهم ياعم...بيلعبوا صح......

هم لم يكذبوا يا عزيزي....هم غيروا رأيهم...وهذا حقهم..طالما لم يضروا أحد...لا يجب اتهام فصيل سياسي كامل بالكذب..بدون..دليل...

زي ما انت كده تقول..مثلا..أنا مش ناوي اقعد في الغربة تاني..وتأكد لكل من حول ذلك..وبعدين..تجد انك محتاج تشتري شقة في مكان افضل...تقوم قاعد سنتين ثلاتة كمان...ده مش كذب...ياعزيزي..معلش..لا تضحك على من يقرأ لكلامك...

الإخوان نزلت الشاطر بالبراشوت على موضوع الرئاسة ... وهما متأكدين مليون المية إنه مش هايكسب . لأن أرضية أبو إسماعيل وأبو الفتوح أقوى . كمرشحين محترمين الناس اللي بتفهم شايفه فيهم الأمل ... على الجانب الإخر فإن إغفال قوة وارضية شفيق وعمرو موسى هاتبقى منتهى التغفيل

دلوقتي بقى ابو الفتوح وابو اسماعيل كمرشحين محترمين الناس اللي بتفهم.وشايفة فيهم الامل..

يعني تقصد تقول الناس اللي هاترشح ابو اسماعيل..ناس بتفهم وشايفه فيه الامل..اتمنى يكون ده رأيك فعلا..لان في ناس تانية شايفة غير كده عن ابو اسماعيل...ويمكن عندها حساسية من سماع اسمه او رؤية صورته.....وشايفة ان اللي بيرشحوه ناس متشددين وحشين...وويستاهلوا الحرق

تم تعديل 31 مارس 2012 بواسطة Abu Reem

[se_ Elsyed]

خبط في الحلل يا معلم وإحنا اللي هانتهرس لو ما فوقناش ..

ولو الهلفطة دي إتكررت ... يبقى توقعوا غضبة ورد فعل غبي من العسكري .. والأيام بيننا

فيديو. . أبو بركة: أحذر العسكرى من مصير القذافى

د.أحمد أبو بركة المستشار القانونى لحزب الحرية والعدالة حوار- فؤاد أبوهميلة: منذ 3 ساعة 22 دقيقة

فى حواره مع بوابة الوفد أكد د.أحمد أبو بركة المستشار القانونى لحزب الحرية والعدالة الذراع السياسية لجماعة الإخوان المسلمين, حرص الحزب الشديد على تمثيل كل الأطياف بلجنة وضع الدستور.

وأكد أبو بركة أن البرلمان يستطيع حجب الثقة عن حكومة د.كمال الجنزورى ، كما وجه تحذيرات للمجلس العسكرى فى حالة الاستمرار فى تجاهل إرادة الأغلبية محذراً العسكرى من مصير القذافى ، وإلى نص الحوار :

http://www.youtube.com/watch?v=EShSF2lmIMo&feature=player_embedded

اقرأ المقال الأصلي علي بوابة الوفد الاليكترونية الوفد - فيديو. . أبو بركة: أحذر العسكرى من مصير القذافى

[طبيبة بالخارج]

تجنبت الكلام في السياسة و متابعة أخبارها فترة طويلة عشان الضغط و الصداع لكن خبر النهاردة جبرني على المتابعة و المشاركة كمان في التعليق

من الأول أنا منحازة للاخوان (معرفش اسمها ايه دلوقتي أصل المسميات بقت كتير المهم) سمعت كتير مقولة ان الاخوان بقوا زي الحزب الوطني و حيعملوا زيه لكني بمخي الغير متخصص سياسيا لا أفهم ما هو وجه الشبه؟ فالحزب الوطني صنعه السادات و أعطاه الشرعية و القوة السياسية التشريعية و التنفيذية لكونه رئيس الحزب و رئيس مصر في ذلك الوقت و بعده حسني مبارك فمن أعطى القوة للحزب الوطني هو تمكنه من السلطة التشريعية و التنفيذية و من ثم القدرة على تسيير أمور الدولة حسب هواه و هواه كان للاسف للسرقة و الفساد غالبا

نيجي بقه للاخوان ايه يملكوه دلوقتي من سلطات؟ هل المجلس العسكري اخوان؟ هل حكومة الجنزوري اخوان؟ هل الداخلية كانت طول الفترة السابقة اخوان بس متخفيين؟ الحزب الوطني كان بيضمن ترشح مرشحيه سواء رئيس دولة أو مجلس شعب او شورى لأن التزوير كان سهل عليهم لكن الاخوان وحشين و حيرغموا الشعب المصري على القبول بخيرت الشاطر رئيس لمصر بإيه؟

بالنسبة بقه لرأيي في ترشيح الشاطر فرأيي من قبل و حتى الآن ان الاخوان كانوا افضل لا يدعموا احد من مرشحي الرئاسة و خصوصا في وجود د. أبو الفتوح لكني كما كل المشاركين في محاورات المصريين (معظمهم على الأقل) لا أعمل بالسياسة و لا أملك أي منصب يؤهلني لتفسير و تحليل ترشيحهم للشاطر (كنت أراه أفضل كرئيس وزراء الصراحة)

أدعو الله أن يكتب الخير لمصر و أعود للبعد عن الكلام في السياسة

[capitshino]

احذرو يا جماعة من التسرع فى الحكم على ترشيح الاخوان للشاطر

البلد فى ازمة كبيرة والظاهر ان فى مشكلة اكبر بين الاخوان العسكرى ومش

عارف هتوصل لايه

حتى داخل الحماعة نفسها نسبة التصويت كانت 56 نعم الى 52 لا على ما اتذكر

تم تعديل 31 مارس 2012 بواسطة capitshino

[pocy]

الرجوع للحق خيرا من التمادى فى البطل .............

كما ان الاخوان قالوها من قبل ......عندما قالوا انهم يمشون مع التيار ويسايروووه وانهم مع مصلحتهم ............

ولكنهم ردوا بكل قوه ............(( نحن مع مصلحه مصر مادامت لم تخالف شرع الله )) يعنى ايه المشكله ...لما اكون شوفت حاجه فى وقت ......ثم علمت ان هذا الامر فيه مضره فهل اكمل .......

اعتقد لا احد منا يكمل فى طريق لا يعرف نهايته ............

انت بنفسك سين سين غيرت اقوالك فى كذا موضوع بعد معرفه الظروف المحيطه والتى تترأى شيئا فشيئا ......

ولا اظن انهم كاذبون بل أدركوا امورا لا تدركها وعلك اخى ان تقرأ فى سيره الرجل وتحاول ان تعطر صوتك لمن تراه اصلح لك ولاولادك ولمصر اجمع ولن يعترضك احد فهو قرار سنحاسب عليه جميعا ................

[se_ Elsyed]

يعني تقصد تقول الناس اللي هاترشح ابو اسماعيل..ناس بتفهم وشايفه فيه الامل..اتمنى يكون ده رأيك فعلا..لان في ناس تانية شايفة غير كده عن ابو اسماعيل...ويمكن عندها حساسية من سماع اسمه او رؤية صورته.....وشايفة ان اللي بيرشحوه ناس متشددين وحشين...وويستاهلوا الحرق

إفهم كلامي كويس الله يرضى عليك

من يرون في حازم أبو إسماعيل الامل .. هم بالتأكيد مؤيدوه

ومن يراه متشدد ومن يدعمه متشدد .. هو حر ...

الإختلاف هو سنة الحياة

هم لم يكذبوا يا عزيزي....هم غيروا رأيهم...وهذا حقهم..طالما لم يضروا أحد...لا يجب اتهام فصيل سياسي كامل بالكذب..بدون..دليل...

اه تخيل ما كذبوش ... دول نصبوا بس ؟

لأ يا عزيزي أضروا الشعب المصري كله

أضروا الشعب المصري اللي لم يطلب منهم تبرير عشان ما ينزلوش مرشح أصلاً .

وكل يوم يقرفونا بشعارات

كاذبة

شعارات كاذبة لحد يمكن النهاردة الصبح .. ده انا اجيب لك ألف تصريح .. الحمد لله لسه قايل نفس الكلام من شويه قطب من أقطابهم وهو الدكتور كمال الهلباوي اللي كان ممثل لهم وناطق بإسمهم في أوروبا لفترات طويلة جداً .. و رمى إستقالته اليوم في وشهم واتهمهم بالكذب

عيب يا أبو ريم لما تدافع عن موقف باطل إتخذوه ....

اما ضربك بمثل إني أقول أنا مش هاقعد في الغربة انا اسف .. ده رأي شخصي اتغرب ما أتغربش وبعدين أغير رأيي فده موقف شخصي وضررة أو نفعه هايعود علي انا

وإلا ما رأيك في الالف مقولة بتاعت : لأ لأ هاننزل الإنتخابات على 30 % من المقاعد ؟ لأ أ أ 40 % .... ونفاجأ إنهم نزلوا على 100 % من المقاعد

لأ بس خلوا بالكم ... رئاسة اللجان هاتبقى بالعدل .. مشاركة يا فندم مشاركة

ههههههههههههههههههههههههه ثم إدينا شوفنا

الإخوان عمرهم يا جماعة ما هايشيلوا المسئولية لوحدهم .. لازم مشاركة جميع قوى الشعب العاملة ... وأدوا فرصة للجنزوري حرام عليكم ياللي بتضربوا ترامادول ...

وهوووووووووووووب تاني يوم ... اه يا جنزوري يا وغد .. يسقط يسقط الجنزوري .. وإحنا اللي هانعمل الوزارة من الالف والياء .. أصل ده قدرنا إننا نتحمل المسئولية .. لكن لن نُرشح ولن ندعم أحد في إنتخابات الرئاسة

وهووووووووووووو .. اللي بيكذب شو بنقوله ؟

شاطر شاطر

[Alshiekh]

السلام عليكم

مستغربين ليه؟

فبل الإخوان مايعملوها عملها السلفيين

الإخوان راقبوا الثورة من بعيد وعند التأكد من حدوثها هرولوا وانضموا لها بعد أوامر قادتهم بعد الإشتراك

السلفيين حرموا التظاهر والإضراب وطالبوا الناس بالجلوس في بيوتهم والإكتفاء بالدعاء ليس على الظالم ولكن بأن يفتح الله عليهم خزائن السماوات ووجوب طاعة الحاكم مهما كانت زندقته وظلمه، وبعد نجاح الثورة إدعوا زورا أنهم كانوا أول المشاركين.

الإخوان قالوا مشاركة بـ 25 - 30% بس ولا مغالبة ،

والسلفيين قالوا الانتخابات كفر واللي يشارك فيها عليه وزر والديموقراطية دي بنت حرام وغير شرعية

الاخوان رفعوا النسبة لـ 50 % بل وطمعوا في أكثر من ذلك،

والسلفيين دخلوا الانتخابات وحشدوا المساجد وعلى رأسهم الساحر الكبير الذي طالب بأن تكون المساجد هي أبواق دعايتهم

السلفيين رشحوا ابو اسماعيل للرئاسة بعد تكفير فكرة رئيس الجمهورية

والاخوان فضلوا ساكتين ولابدين في الدرة لحد اعلانهم خيرت الشاطر مرشحا للرئاسة.

هؤلاء واولئك الذين يطلقون على أنفسهم إسلاميين؟ اليس من الافضل لهم أن يسموا أنفسهم الكذابون أوالمنافقون بدلا من تشويه إسم الإسلام بإلصاقه بأسمائهم؟

كلهم كاذبون

سلفيون كاذبون

حزب النور كاذبون

اخوا مسلمون كاذبون

حزب الحرية والعدالة كاذبون

مجلس شورى العلماء السلفي كاذبون

ويوم أن يتمكنوا من الأرض سترون الكذب على أصوله

ويبقى الليبراليون والعلمانيون الذين لم يحملوا المصاحف ويضعوها على رؤوسهم لخداع الشعب والقفز على الثورة ورفس الثوار.