الإخوان ترشح الشاطر للرئاسة بأغلبية الأصوات

[se_ Elsyed]

ماليش دعوة بحزب النور اللي ممكن يمشي زي البتاع ورا الحرية والعدالة عشان يباصي له وزارتين تلاتة في السبوبة الجاية

والله العظيم يا جماعة كتبت الكلمتين دول وما كنتش سمعت كلام بكار بكار بكار .. أبو كف صغير ومنمنم

شبكة رصد

‎#رصد | مَن - الرئيس | قناة مصر 25 | نادر بكار : ترشيح المهندس خيرت الشاطر لرئاسة الجمهورية جاء بالتوافق بين حزب النور , وحزب الحرية والعدالة .

سبوبة يا فندم سبوبة

مازلت في إنتظار الجماعة السلفية اللي على الأرض بالفعل

[Abu Reem]

يعني تقصد تقول الناس اللي هاترشح ابو اسماعيل..ناس بتفهم وشايفه فيه الامل..اتمنى يكون ده رأيك فعلا..لان في ناس تانية شايفة غير كده عن ابو اسماعيل...ويمكن عندها حساسية من سماع اسمه او رؤية صورته.....وشايفة ان اللي بيرشحوه ناس متشددين وحشين...وويستاهلوا الحرق

إفهم كلامي كويس الله يرضى عليك

من يرون في حازم أبو إسماعيل الامل .. هم بالتأكيد مؤيدوه

ومن يراه متشدد ومن يدعمه متشدد .. هو حر ...

الإختلاف هو سنة الحياة

هم لم يكذبوا يا عزيزي....هم غيروا رأيهم...وهذا حقهم..طالما لم يضروا أحد...لا يجب اتهام فصيل سياسي كامل بالكذب..بدون..دليل...

اه تخيل ما كذبوش ... دول نصبوا بس ؟

لأ يا عزيزي أضروا الشعب المصري كله

أضروا الشعب المصري اللي لم يطلب منهم تبرير عشان ما ينزلوش مرشح أصلاً .

وكل يوم يقرفونا بشعارات

كاذبة

شعارات كاذبة لحد يمكن النهاردة الصبح .. ده انا اجيب لك ألف تصريح .. الحمد لله لسه قايل نفس الكلام من شويه قطب من أقطابهم وهو الدكتور كمال الهلباوي اللي كان ممثل لهم وناطق بإسمهم في أوروبا لفترات طويلة جداً .. و رمى إستقالته اليوم في وشهم واتهمهم بالكذب

عيب يا أبو ريم لما تدافع عن موقف باطل إتخذوه ....

اما ضربك بمثل إني أقول أنا مش هاقعد في الغربة انا اسف .. ده رأي شخصي اتغرب ما أتغربش وبعدين أغير رأيي فده موقف شخصي وضررة أو نفعه هايعود علي انا

وإلا ما رأيك في الالف مقولة بتاعت : لأ لأ هاننزل الإنتخابات على 30 % من المقاعد ؟ لأ أ أ 40 % .... ونفاجأ إنهم نزلوا على 100 % من المقاعد

لأ بس خلوا بالكم ... رئاسة اللجان هاتبقى بالعدل .. مشاركة يا فندم مشاركة

ههههههههههههههههههههههههه ثم إدينا شوفنا

الإخوان عمرهم يا جماعة ما هايشيلوا المسئولية لوحدهم .. لازم مشاركة جميع قوى الشعب العاملة ... وأدوا فرصة للجنزوري حرام عليكم ياللي بتضربوا ترامادول ...

وهوووووووووووووب تاني يوم ... اه يا جنزوري يا وغد .. يسقط يسقط الجنزوري .. وإحنا اللي هانعمل الوزارة من الالف والياء .. أصل ده قدرنا إننا نتحمل المسئولية .. لكن لن نُرشح ولن ندعم أحد في إنتخابات الرئاسة

وهووووووووووووو .. اللي بيكذب شو بنقوله ؟

شاطر شاطر

ياعزيزي ابو عمر.....كلامك مملوؤ بالاخطاء..

الاخوان لم ينزلوا على 100 % من مقاعد مجلس الشعب...

والاخوان لم ينفردوا برئاسة لجان مجلس الشعب...

بل ان النسب حول ما ذكرته اهلاه هي تقريبا نسب تقارب نسب تفوقهم في الحصول على اصوات غالبية الشعب المصري...

- وايضا هناك من ينسحب من المسئولية متعمدا حتى يظهر الاخوان وكأنهم مستحوذون على كل شيء..تماما كما يحدث الان في اللجنة التأسيسية للدستور..ينسحب العديد من الاسماء الغير محسوبة على التيارات الاسلامية..ثم يقولون بعد ذلك ان الاخوان تريد الاستحواذ على كل شيء.....

ياعزيزي...الناس ليس ساذجة لتصدق هذا الكلام المغلوط عن الاستحواذ...ولكن لا تنسى ان في جميع دول العالم هناك احزاب..تحصل على الاغلبية..وبالتالي..من الطبيعي ان تأخذ حقها في قيادة شعوبها...بالحق والعدل والمساواة في حقوق المواطنين...هذا ما يجب ان تحاسبهم عليه....

- والان نحن امام حق شرعي في تقديمهم لمرشح اسمه خيرت الشاطر....وليس من حق احد ايهام الناس ان هذا كذب..ومثل هذا الكلام المعاد والمكرر..

- كل ما يتطلبه التعليق على هذا الخبر هو..الحديث عن هذا المرشح المسمى بخيرت الشاطر..هل هو اكثر كفاءة وخبره من باقي المرشحين ام لا...هل تصلح خبراته لقيادة مصر...ام لا....هل الرجل علىه تحفظات...تمنعنا من قبوله كمرشح ام لا..

- اما الحديث عن الاخوان..او المرشد..او البرلمان...او تاريخ الاخوان..واخطائهم..كل هذا الكلام وترديده الان...هو كلام..لا هيودي ولا هيجيب.....وترديده اصبح مثل ( قصة الجمل في الصحراء ) التي نعرفها جميعا..

- الخبر عن مرشح رئاسة..لجمهورية مصر العربية..اما ان نرتفع الى مستوى الخبر ونتحدث عن الرجل هل يصلح ام لا يصلح..ونضع المبررات والاسباب...او نترك الكلام المعاد المكرر..الذي. رغم تكراره..فنجد انه يرفع من رصيد الاخوان...على عكس ما يتمنى مرددوه

[se_ Elsyed]

ياعزيزي...الناس ليس ساذجة لتصدق هذا الكلام المغلوط عن الاستحواذ...ولكن لا تنسى ان في جميع دول العالم هناك احزاب..تحصل على الاغلبية..وبالتالي..من الطبيعي ان تأخذ حقها في قيادة شعوبها...بالحق والعدل والمساواة في حقوق المواطنين...هذا ما يجب ان تحاسبهم عليه....

وهل في دول العالم برضوا الأغلبية بتتكلم عن المشاركة لا المغالبة وإشراك جميع القوى السياسية و و و و و

صددددددددددددداع كل يوم

طب هانروح بعيد ليه

ربنا يديك طولة العمر يارب .. مش هما بيتكلموا عن المشاركة والمصلحة العامة و و

وهو نفس كلام الحزب الوطني ...

طب تراهن على 10 نقط خضرا يا أبو ريم على تشكيل الحكومة الجاية لو شكلوها هايكون شكلها إيه ؟

[se_ Elsyed]

أماعن مبدأ

كده تسليك .. وكده توليع

قصدي إمبارح يبقى حرام وشديدي العقاب .. لما نشوف عندنا رجال اعمال وتجار سياسيين زي احمد عز والمغربي و و و وباقي الشلة الفاسدة

والنهاردة لما يترشح ملياردير معروف زي الشاطر للرئاسة أو إمبارح لرئاسة الوزرا .... يبقى حلال الله أكبر

[se_ Elsyed]

إركن دلوقت يا بيكو الله يرضى عليك عشان هاتتهرس في النص يابني

نفى نادر بكار المتحدث الرسمي لحزب النور السلفي ما تردد عن دعمه لخيرت الشاطر مرشح الإخوان للرئاسة .

قال نادر بكار المتحدث الرسمي لحزب النور السلفي وفي تدوينة له على صفحته الرسمية على - الفيس بوك: نُسب إلي تصريحات غير صحيحة بشأن دعم آحد مرشحي الرئاسة ؛ وهو ما أنفيه تماماً.

وتابع قائلا :" أنا ملتزم بقرار الحزب بعدم الإعلان عمن سندعمه في انتخابات الرئاسة حتى موعد غلق باب الترشح ؛ وأي صحيفة تنقل عني غير ذلك سيكون محض كذبٍ وافتراء"

اقرأ المقال الأصلي علي بوابة الوفد الاليكترونية الوفد - بكار ينفى دعمه للشاطر

[محمد عبدالعزيز]

[se_ Elsyed]

[Alshiekh]

أماعن مبدأ

كده تسليك .. وكده توليع

قصدي إمبارح يبقى حرام وشديدي العقاب .. لما نشوف عندنا رجال اعمال وتجار سياسيين زي احمد عز والمغربي و و و وباقي الشلة الفاسدة

والنهاردة لما يترشح ملياردير معروف زي الشاطر للرئاسة أو إمبارح لرئاسة الوزرا .... يبقى حلال الله أكبر

يا أخي سين سين

كما كان للحزب الوطني حوارييه

فللإخوان والسلفيين حواريون أيضا

سيرون كل مايفعله الإخوان والسلفيين صح على طول الخط

يظهر كلام عمر سليمان كان صح لانه كان خابزهم وعاحنهم وفاهمهم علشان كده أول ماشاور لهم ذهبوا اليه مهرولين

[Abu Reem]

ماليش دعوة بحزب النور اللي ممكن يمشي زي البتاع ورا الحرية والعدالة عشان يباصي له وزارتين تلاتة في السبوبة الجاية

والله العظيم يا جماعة كتبت الكلمتين دول وما كنتش سمعت كلام بكار بكار بكار .. أبو كف صغير ومنمنم

شبكة رصد

‎#رصد | مَن - الرئيس | قناة مصر 25 | نادر بكار : ترشيح المهندس خيرت الشاطر لرئاسة الجمهورية جاء بالتوافق بين حزب النور , وحزب الحرية والعدالة .

سبوبة يا فندم سبوبة

مازلت في إنتظار الجماعة السلفية اللي على الأرض بالفعل

ياعم الله يخليك...لا تأخذ ردود افعالك من اي خبر تقرأه..نادر بكار..نفى هذا الكلام تماما ...وقال ان الحزب لم يتخذ اي قرار حول مرشحهم للرئاسة ولن يتخذوه قبل اغلاق باب الترشح

مش باقول لك..انت واخد قرار مسبق...بادانة كل ما يتعلق بالاخوان وشايف كل السلفيين ...خونه وبيلعبوا على الحبل.....

التسرع حش ياعم احمد.....والكلمة في هذا الوقت والله العظيم محسوبة علينا.....

مش معنى كلامي ان الاخوان والسلفيين ملائكة..اكيد فيهم ابالسة..وعندنا امثلة لا داعي لذكرها...لكن باذن الله..الغالبية منهم...على خير...وفي النهاية احنا يهمنا مرشح قوي خبراته عالية..ويكون متوازن..

والشاطر اجده سياسيا واقتصاديا...على خبرة كبيرة..ورجل ادارة اعمال ناجح...وعلى خلفية دينية جيدة

والرجل غير محسوب على الفلول....وعلى فكرة عبد المنعم ابو الفتوح ايضا جيد..ولكن صراحة الشاطر خبراته افضل بكثير .....فهل عندنا بديل رابع..مثلا...افضل من هؤلاء جميعا..

[se_ Elsyed]

والشاطر اجده سياسيا واقتصاديا...على خبرة كبيرة..ورجل ادارة اعمال ناجح

إن لله وإنا إليه راجعون

إقرا المثال بتاع المغربي وياسين وباقي شلة رجال الأعمال

تفتكر يا أخ أبو ريم بارك الله فيك .. أول ما الشاطر يتولى الرئاسة والعياذ بالله .. هايصفي اعماله ويودعها بيت مال المسلمين ؟

أقسم بالله تحليل الحرام وتحريم الحلال لهو السواد بعينه

[se_ Elsyed]

تخيلوا وده أمر مستبعد لو البرادعي رجع في كلامه ورشح نفسه

ههههههههههههههههههههههههه

ساعتها مش هايكون سياسي وغير هدومه .... قصدي رأيه

إنما هايكون مارق وكاذب وممكن نقطع له حواجبه ... صح ؟

[Abu Reem]

أماعن مبدأ

كده تسليك .. وكده توليع

قصدي إمبارح يبقى حرام وشديدي العقاب .. لما نشوف عندنا رجال اعمال وتجار سياسيين زي احمد عز والمغربي و و و وباقي الشلة الفاسدة

والنهاردة لما يترشح ملياردير معروف زي الشاطر للرئاسة أو إمبارح لرئاسة الوزرا .... يبقى حلال الله أكبر

طب ايه رأيك نخلي حزب الوفد هو اللي يشكل الحكومة..

الوفد اللي كان بيؤيد ترشيح عمرو موسى..للرئاسة....

انا عمال اسمع كلام ناس..للاسف....انطلقوا الان لمهاجة الاخوان كالعادة..دون ان تجد في كلامهم اي شيء موضوعي.....

- السياسة ليس فيها ثوابت..وليس فيها..." لم تقولون ما لا تفعلون " السياسة فيها نتائج...نهائية نحاسبهم عليها...لو تم تحقيق نجاح بنسبة 70 % مثلا في تحقيق برامجهم سواء في البرلمان او الرئاسة او الحكومة يبقى اهلا وسهلا..لو فشلوا..نقول لهم فشلتوا ونشوف غيرهم..دون تخوين او تسفيه....هكذا يحدث بين كل الاحزاب في العالم..مرة جمهوريون ، ومرة ديموقراطيون..هذا ينجح فترة وهذا ينجح فترة..ثم يعود من فشل لينجح مرة اخرى..دون تخوين او تشويه

- في اسرائيل ليكود مرة عمل مرة..وهكذا..

- انما في مصر الناس لسه..في سنة اولى حرية.....طالما وجدوا حزب جاهز..ومستعد..وبيزرع بقاله عشرات السنين..ولا يوجد عمليا احزاب جاهزة وقوية غيره..يقول لك ده زي الحزب الوطني....

ربنا يهدي..بس...ونرجع نتكلم عن المرشح وليس عن الحزب...لان المرشح هو ما يهمنا..

[se_ Elsyed]

تعرفوا بقى اللعبة هاتدخل دور الغباوة إمتى ؟

لو طلع موضوع طنط ام حازم صحيح .. ونعكشوا في تاريخها وطلعت امريكانية وكان إسمها كاترين كمان

يا نهار مش فايت !!!!!!!!!!!

ده أبو إسماعين يروح فيها بعد معجنة البوسترات والمظاهرات دي

انا باتكلم جد والله لان في نكش جامد دلوقت في الموضوع ده والدنيا مقلوبة بالرغم من إن الست ماتت خلاص ربنا يرحمها وده يمكن اللي كان مطمن أبو إسماعيل بإن سرها مات معاها .. لكن على مين

تصدقوا بالله ؟

اللي حط القوانين دي إنسان غبي وتحس إنه شغال في أرشيف تحت الأرض وما خرجش منه

يعني إيه المشكلة إن والدتي تبقى مصرية لكن معاها جنسية تاني ؟

إيه معنى إني اتزوج من سيدة من جنسية عربية .. والوطن العربي بلادي أمي وأبويا وأجدادي ووطني حبيبي والكذب اللي كانوا بيعلموه لنا .. والجامعة العربية ومش عارف مين . وبعيدين يقولوا لي : مراتك أجنبية .. إطلع بره يا وغد

[Abu Reem]

والشاطر اجده سياسيا واقتصاديا...على خبرة كبيرة..ورجل ادارة اعمال ناجح

إن لله وإنا إليه راجعون

إقرا المثال بتاع المغربي وياسين وباقي شلة رجال الأعمال

تفتكر يا أخ أبو ريم بارك الله فيك .. أول ما الشاطر يتولى الرئاسة والعياذ بالله .. هايصفي اعماله ويودعها بيت مال المسلمين ؟

أقسم بالله تحليل الحرام وتحريم الحلال لهو السواد بعينه

هوه لو بفى رئيس جمهورية..هيبقى محتاج..اعماله....ده هيبقى الريس يابوعمر...والبلد كلها بتاعته..هههههههههه

وبعدين ياسيدي...القرار في ايد الشعب ..هو الراجل هيفوز بالرئاسة..علشان ترشح...

اللي مش عاوز خيرت الشاطر..وشايف الاخوان وحشين..ولاد..تيت....يرشح ابو اسماعيل......

HSBC

ما قلنا لكم من الاول.....بوسماعيييين.....راجل بركه...زي اللاصقة السحرية كده....

[se_ Elsyed]

ونرجع نتكلم عن المرشح وليس عن الحزب...لان المرشح هو ما يهمنا..

إزاي يا بيه ؟

الكلام ده لما يكون مرشح مستقل

إنما لما يكون مرشح حزب نصب على الناس وكذب وصدعنا بكلام معسول ... يبقى أصدقهم إزاي بعد كده ؟

النقطة اللي مش وصله لك يا أبو ريم .. إن الكذاب ما كانش مضطر يقول ويعيد ويحلف بايمانات المسلمين إنه مش هايعمل كذا وكذا وكذا .. وبعدين كل كلامه بدون إستثناء يلحسه في غمضة عين

كان ليه من الاول أساساً؟

[capitshino]

التحدى الأكبر لخيرت الشاطر ......... هيجيب مكان لبوستراته منين ؟

[Abu Reem]

ونرجع نتكلم عن المرشح وليس عن الحزب...لان المرشح هو ما يهمنا..

إزاي يا بيه ؟

الكلام ده لما يكون مرشح مستقل

إنما لما يكون مرشح حزب نصب على الناس وكذب وصدعنا بكلام معسول ... يبقى أصدقهم إزاي بعد كده ؟

النقطة اللي مش وصله لك يا أبو ريم .. إن الكذاب ما كانش مضطر يقول ويعيد ويحلف بايمانات المسلمين إنه مش هايعمل كذا وكذا وكذا .. وبعدين كل كلامه بدون إستثناء يلحسه في غمضة عين

كان ليه من الاول أساساً؟

طيب هات لي..كده تصريح واحد حلفوا فيه بالله انهم مش هيرشحوا حد من الحزب....

...وبعدين...مرشح حزب او مرشح مستقل....هتفرق ايه...هو جاي مرشح نفسه للبرلمان...ده مرشح نفسه لرئاسة الجمهورية.....واللي مش عايز ينتخبه...عنده ابو اسماعيييل..نو بروبلم...الاثنين حلوين..الاثنين طعمين....

- وبعدين مسألة الكذب دي انا وضحتها لك قبل كده...طيب ما البرادعي رجع في ترشحه...عن الرئاسة...ايه رأيك نسميه الكذاب..البرادعي.....او نسميه كبير الكذابين...

علشان كذب على مؤيديه.....

لا ....لا...طبعا البرادعي...عنده اسبابه التي تراجع..من أجلها...ولذلك الرجل احترم نفسه بتراجعه ( بكذبه ) اما الاخوان عندما يقولون ان عندهم اسبابهم في تغيير رأيهم يصبحوا كذابين..ولا ستين...تيييت

تصبح على خير يا عم....

[سكر]

لم اكن اتطلع لاى منصب . سمعتهإ فين فين قبل كدة

فكرتنى يا احمد بحكايه ارنب السباق

[eslam elmasre]

السلام عليكم

مستغربين ليه؟

فبل الإخوان مايعملوها عملها السلفيين

الإخوان راقبوا الثورة من بعيد وعند التأكد من حدوثها هرولوا وانضموا لها بعد أوامر قادتهم بعد الإشتراك

السلفيين حرموا التظاهر والإضراب وطالبوا الناس بالجلوس في بيوتهم والإكتفاء بالدعاء ليس على الظالم ولكن بأن يفتح الله عليهم خزائن السماوات ووجوب طاعة الحاكم مهما كانت زندقته وظلمه، وبعد نجاح الثورة إدعوا زورا أنهم كانوا أول المشاركين.

الإخوان قالوا مشاركة بـ 25 - 30% بس ولا مغالبة ،

والسلفيين قالوا الانتخابات كفر واللي يشارك فيها عليه وزر والديموقراطية دي بنت حرام وغير شرعية

الاخوان رفعوا النسبة لـ 50 % بل وطمعوا في أكثر من ذلك،

والسلفيين دخلوا الانتخابات وحشدوا المساجد وعلى رأسهم الساحر الكبير الذي طالب بأن تكون المساجد هي أبواق دعايتهم

السلفيين رشحوا ابو اسماعيل للرئاسة بعد تكفير فكرة رئيس الجمهورية

والاخوان فضلوا ساكتين ولابدين في الدرة لحد اعلانهم خيرت الشاطر مرشحا للرئاسة.

هؤلاء واولئك الذين يطلقون على أنفسهم إسلاميين؟ اليس من الافضل لهم أن يسموا أنفسهم الكذابون أوالمنافقون بدلا من تشويه إسم الإسلام بإلصاقه بأسمائهم؟

كلهم كاذبون

سلفيون كاذبون

حزب النور كاذبون

اخوا مسلمون كاذبون

حزب الحرية والعدالة كاذبون

مجلس شورى العلماء السلفي كاذبون

ويوم أن يتمكنوا من الأرض سترون الكذب على أصوله

ويبقى الليبراليون والعلمانيون الذين لم يحملوا المصاحف ويضعوها على رؤوسهم لخداع الشعب والقفز على الثورة ورفس الثوار.

تعجبني جرأتك في قول كلمة الحق

انا هاضيف كلمة بس على كلمتك وهي انهم جميعهم

كاذبون

[Ahmed Anwer]

ثالثا : اتمنى من الشيخ حازم ان ينسحب امام خيرت الشاطر ........

مش هيحصل يا أخت pocy

وبصراحة لا أرى هذا عدلا ..

أبو إسماعيل بذل جهدا فوق العادة طوال عام كامل وليس من العدل أبدا أن نطلب منه

الإنسحاب أمام الشاطر الذى انتظر مباركة الجماعة وموافقتها للدخول في السباق قبل شهر ونصف الشهر

فقط من بداية الانتخابات ..

صدقينى يا أختى مع احترامى للشاطر .. هذا الترشح يضرب مرشحى الثورة فضلا عن الاسلاميين منهم في مقتل ..

وصدقينى أيضا لقد قدمنا الرئاسة على طبق من ذهب لشفيق أو موسى ما لم تحدث مفاجأة ..

فيه كلام إن الشيخ حازم هينسحب قريبا

و يتصور الأمر بشكل المضحي من أجل المصلحة

هروبا من مطب إن والدته فعلا أمريكية

بس ده كله توقعات ناس بتأكدها علي تويتر ،، و من الإسلام السياسي كمان