الشيطان يلاعبني بكلمة ......لو !!

[محمد حسن الانور]

انا خريج علاج طبيعي 2009 جالي وظيفه اختصاصي تسويق اجهزه طبيه بالرياض وخلصت التاشيره وتصاريح العمل والحجز هيكون علي يون الاتنين القادم ان شاء الله

الراتب 5000 شامله النقل والاقامه( 1000بدل سكن ,1500ريال بدل تنقل )

واليوم جالي عقد عمل في الرياض في المركز الطبي العالمي للعلاج الطبيعي وطبعا بمؤهلي

5000 ريال والتنقل والأكل والتامين عليهم وكمان عربيه خاصه بدل تنقل

اعمـــــــــــــــــــــــــــل إيه؟؟؟؟!!!!

علي العلم باي لو فكرت اغير الجواز لازم اعمل كل حاجه من الاول وطبعا الفلوس اللي اخدها المكتب هتروح عليا ولسه هكشف طبي علشان عدي علي الكشف اكتر من شهرين

افيدونـــــــــــــي

[ozoozo]

طبعا المركز الطبي

[AbkaReno]

لو حضرتك مالي ايدك من الوظيفه التانيه توكل على الله لان المركز الطبي افضلك طبعا

صلى استخاره قبل كل شيء

[ozoozo]

السيلز الاساسي بتاعها 2500 ريال (لانك لاهاتوفر في السكن ولا المواصلات ...ماتفتكرش انك مثلا هاتشعبط في الاتوبيس ب300 ريال وتحوش الباقي ...يبقي السكن والمواصلات هايكلفوك فعلا 2500 ريال )

المركز الطبي الاساسي 5000 يعني الضعف زائد المميزات التانيه

بس خلاص

[hakeem]

هى التانية طبعا احسن لو مضمونه ميه *المية وخلى بالك تغيير الاوراق مش هياخد وقت كتير هتغير البطاقة بصورة من مؤهلك وتعملها مستعجله من ام 75 لحلوح لو مغليتش والجواز بيقعدله 4 ايام..مش موضوع كبير يعنى ولا حاجه بس هتضطر تاخد اللفه بتاع المعامل وجامكا وكل ده من الاول تانى بس بردوا انت الكسبان..واقولك صلى استخارة واللى فى الخير ربنا يسهلهولك

[محمد حسن الانور]

هى التانية طبعا احسن لو مضمونه ميه *المية وخلى بالك تغيير الاوراق مش هياخد وقت كتير هتغير البطاقة بصورة من مؤهلك وتعملها مستعجله من ام 75 لحلوح لو مغليتش والجواز بيقعدله 4 ايام..مش موضوع كبير يعنى ولا حاجه بس هتضطر تاخد اللفه بتاع المعامل وجامكا وكل ده من الاول تانى بس بردوا انت الكسبان..واقولك صلى استخارة واللى فى الخير ربنا يسهلهولك

انا شاكر لردودكوا بس الوظيفه التانيه لسه ليها انترفيوا بس هما اتصلوا وقالولي انت كنت مقددم معانا من فتره بس عايزين الوقت مؤهلك وسنه تخرجك بس لسه هيبقي في مقابله

يعني مش اكيده

ثانيا المفروض المكتب الاول بيحجزلي الوقت تذاكر الطيران

وكمان المكتب التاني لازم طبعا هياخد نسبه كام الف والمكتب الاول اخد كل فلوسه يعني راحوا عليا

مينفعش طيب وانا في الرياض اغير مسمي الوظيفه واتنقل لمكان تاني ولا الكفيل مبيرضاش ولا اصلا مينفعش؟؟؟

[hakeem]

كده يبقى انت كملت واخترت وربنا ييسرلك اصل المكتب خلاص خد فلوسة..يعنى خلاص زى ما قلت راحوا عليك

انك تغير المهنه ده سهل لو انها مش هتفرق كتير..

انك تنقل من شغل لشغل تانى وانت فى الرياض افتكر الكفيل يوم ما يخدمك هيدفعك تمن التأشيرة والاقامة وخلافه ويديك خروج نهائى وترجع على المتاح ليك بئا..وده بالظبط لسه حاصل عندنا امبارح سواق عمل مشكله ومصمم يروح طالبوة ب 4000 ريال وخروج نهائى..

[محمد حسن الانور]

كده يبقى انت كملت واخترت وربنا ييسرلك اصل المكتب خلاص خد فلوسة..يعنى خلاص زى ما قلت راحوا عليك

انك تغير المهنه ده سهل لو انها مش هتفرق كتير..

انك تنقل من شغل لشغل تانى وانت فى الرياض افتكر الكفيل يوم ما يخدمك هيدفعك تمن التأشيرة والاقامة وخلافه ويديك خروج نهائى وترجع على المتاح ليك بئا..وده بالظبط لسه حاصل عندنا امبارح سواق عمل مشكله ومصمم يروح طالبوة ب 4000 ريال وخروج نهائى..

بفكر اسبها لله واكمل في اللي انا فيه وربنا لو كان في خير في الشغل الجديد ده مكنش جبهولي في الوقت بدل الضايع كده

ولا اتصل بالمكتب التاني اخليهم يقولوا للكفيل الجديد اني رايح السعوديه يوم الاتنين وممكن هو يتفاوض مع الكفيل القديم وده طبعا بعد الانترفيو

ولا اسبها لله واستمر؟؟؟؟؟

[محمد حسن الانور]

كده يبقى انت كملت واخترت وربنا ييسرلك اصل المكتب خلاص خد فلوسة..يعنى خلاص زى ما قلت راحوا عليك

انك تغير المهنه ده سهل لو انها مش هتفرق كتير..

يعني ايه؟؟؟

هو انا ممكن اشتغل في مهنه وانا الجواز بتاعي مكتوب فيه مهنه تانيه؟؟؟؟؟؟؟؟؟؟؟؟؟؟؟؟؟؟؟؟

[AbkaReno]

لا يتم نقل الكفاله الا بعد مرور سنتان من تاريخ دخولك..

[محمد حسن الانور]

لا يتم نقل الكفاله الا بعد مرور سنتان من تاريخ دخولك..

اهاااااااااا يعني مفكرش واتعب نفسي

وانا اللي عمال اوثق في مزاوله المهنه علشان لو رحت ابقي احاول احول لحاجه تانيه ...شكرا ريحتني ربنا يريح قلبك

طيب حضرتك تنصحني بورق معين او حاجات معينه اخدها معايا؟؟؟شهادات معينه او ورق معين او حاجات معينه اوثقها من الخارجيه؟؟؟؟؟؟؟؟

[Blizzard]

طبعاً وظيفة المركز الطبي أفضل لو مضمونة زي ما قالوا الزملاء..

اذا كان موضوع الوظيفة الثانية ممكن يتحسم في خلال شهر مثلاً، أقترح تأجيل سفرك لمدة شهر ( ممكن تقول انه عندك ضروف طارئة .. إلخ )، وتحاول تنهي موضوع الوظيفة الثانية، لو زبطت كانسل الوظفية الأولى وامشي في إجراءات الثانية، ولو ما زبطتش، انت ما زلت في السيف سايد ومازالت الوظيفة الأولى محجوزة ;)

بصراحة الفرق يستحق التعب.. تتعب شهر بس ترتاح في المستقبل وتستمتع بمميزات افضل، غير انك كمان حتشتغل في نفس مجال تخصصك.

وربنا يوفقك،

[mtawfeek]

طبعاً وظيفة المركز الطبي أفضل لو مضمونة زي ما قالوا الزملاء..

اذا كان موضوع الوظيفة الثانية ممكن يتحسم في خلال شهر مثلاً، أقترح تأجيل سفرك لمدة شهر ( ممكن تقول انه عندك ضروف طارئة .. إلخ )، وتحاول تنهي موضوع الوظيفة الثانية، لو زبطت كانسل الوظفية الأولى وامشي في إجراءات الثانية، ولو ما زبطتش، انت ما زلت في السيف سايد ومازالت الوظيفة الأولى محجوزة ;)

بصراحة الفرق يستحق التعب.. تتعب شهر بس ترتاح في المستقبل وتستمتع بمميزات افضل، غير انك كمان حتشتغل في نفس مجال تخصصك.

وربنا يوفقك،

[/quote

هو ده الصح 100 %