جوزي في الرياض وعايزة أسافرله أعمل إيه

[أم ياسين]

السلام عليكم

أزيكم جميعا من فترة كبيرة بتابع المنتدى بس أول مرة أشترك فيه بجد ماشاء الله عليكم بتساعدوا بعض ربنا يكرمكم كلكم يارب

عندي مشكلة كبييييييييييييييييرة ومحتاجة رأيكم معايا

أولا جوزي تأشيرة سائق خاص وشغال محاسب مرتب 2500 ريال كنت بحسب في بدل سكن معرفش و مسألش عن أي تفاصيل للعقد حتى سافر بقاله شهر تقريبا ولسه مش مضى عقد ناس قالتلي عادي فترة الاقامة بتاعته 3 شهور هما بيختبروه وبعد كده هيشوفوا يمضوا معاه ولا لأ

طلع مفيش بدل سكن

دلوقتي بقا أنا عايزة أسافرله وطبعا زي ما أنتم عارفين لازم أطلع على شغل علشان تأشيرته مش هيقدر يأخدني كمان المرتب مش هيكفي حاجه

هو في جنوب الرياض الدار البيضاء الله يكرمه سود الحياة في وشي وقالي السكن غالي ومش هقدر أجيبك العيشة هنا لفرد لأسرة لأ ونطلق أفضل

وبقال أسبوعين بيقولي نطلق والأمور الحمدلله مقلوبة خالص أنا دلوقتي قدمت في المكتب اللي سفره لقيته بيقولي مش هلاقي شغل قبل بداية السنة الدراسية الجديدة علشان المدارس هي بس اللي بتطلب سيدات

اسألتي ومعلش طولت عليكم

أولا هو فعلا الشغل في المنطقة للسيدات صعب

ثانيا حد يعرف كذا شركة أقدم عن طريقها وأروح لجوزي بدل ما البيت يخرب

ثالثا وده الاهم هو يا جماعة أول السفر بيكون الشخص متغير ولا جوزي في حاجه غلط

أنا قولت أروحله عمرة وأحاول أفهم ماله وفي ايه بس لقيت الفلوس اللي شايلاها للسفر هتتصرف ومش هيبقا معايا فلوس لو جت فرصة سفر

أنا حتى قولت للمكت أي تأشيرة المهم أكون أنا وابني جنب جوزي والله ما فارق معايا هنربح من السفر ده ولا هنخسر قد ما فارق معايا إنه لو قعد سنة لوحده مش هنكمل مع بعض أصلا من يوم ما سافر وأنا معرفهوش

الله يكرمكم جميعا ومعلش طولت عليكم

[lovelyramy]

يا أختى الفاضله ياريت تتقبلى كلامى كأخوكى اللى خايف على مصلحتك

اولا لازم تقدرى الحاله النفسيه لزوجك والضغوط اللى هو فيها انه جه ولسه مش ضامن نفسه لان ال 3 شهور لسه ماعدوش وكمان انه مايلاقيش بدل سكن وان فعلا العيشه فى الرياض غاليه جدا خاصه للعائلات

كمان مفيش حد اول ما بيجي بيجيب زوجته كده مره واحده لازم انتظار

كمان وهو اساسا جاى من مصر اكيد عارف ان سائق خاص مفيش ليها استقدام

ياريت تحاولى تخففى عنه وما تشديش قصاده لانه محتاج اللى يخفف عنه مش اللى يعصبه اكتر

وان شاء الله مع الوقت الامور تتحسن ويقدر يجيبك هنا

[مروان]

معلش يا ام ياسين

اصبري عليه

الانسان في الغربة بيعاني من ضغوط رهيبة تجعله لا يحسن التدبير

هو حاسس بالزنب من ناحيتك وانه مش عارف يجيبك فبيقول اي كلام من القهر والحزن

لكن صدقيني هو متهونش عليه العشرة بالسهولة دي واول ما ربنا يجمعكم هتشوفي مقدار ما يكنه لك من الحب

اتمنى من الله ان يلم شملك به قريبا

كل ما اطلبه منك انك لا تضغطي عليه بل صبريه وهوني عليه البعاد

الان فيه طريقين للم الشمل

اولا انه يغير مهنته او يعمل زيارة بالفلوس ولما تيجي بالسلامة ممكن تساعديه باي شغل

او انك فعلا تشوفي تاشيثرة عمل تدخلي بيها

والطريقين محتاجين صبر وبحث ودعاءءءءءءءءءءءءءءءءءء

ربنا معاكم

[se_ Elsyed]

ربنا يجمعكم على خير ويصلح احوالكم

لكن إسمحي لي أتكلم ومعليش إستحمليني

و مسألش عن أي تفاصيل للعقد حتى سافر

ده سبب كل المشاكل

حضرتك الواحد لو إشترى غسالة لازم بيقرا الكتاالوج بتاعها الاول

ما بالك بقى لو عن عمل وغربة وفراق للأهل والأحباب ؟ .. أقوم طالع كده من غير ما اعرف شروط العقد وفرحان إني هاتغرب ... وأبسط حاجه كان سأل عن إمكانية الإتسقدام وما إلى ذلك

الناس اللي هنا وفاهمه الدنيا فيها إيه ممكن تلاقي ناس تقول لحضرتك كلام حلو ولأ هاتقدري تيجي وممكن يعمل لحضرتك زيارة و و و

وهذا غير صحيح

معليش الحقيقة مُره شوية

أولاً : مهنة سائق خاص أو عامل زراعة أو عامل مزرعة .. غير قابلة للتعديل وغير مسموح لها بعمل إستقدام أو زيارة

ثانياُ : المرتب ضعيف جداً ويادوب ممكن يعيش به هنا ويبعت لكم جزء بسيط

ثالثا: حضرتك بتقولي بتدوري على عقد ليكي .. كده دخلتي في سكة تانية خالص لأن عقود عمل السيدات نادرة وتكاد تكون محصورة على القطاع الطبي سواء طبيبات أو ممرضات .. ودول ما بيهزروش ولازم تكون خبرة وتخصص في نفس المجال .. وقطاع التدريس تنسية تماماً لأنه متخم هنا سواء السعوديات أو من التعيينات الداخلية ... يعني لو في مدرسة ما .. ليه تكلف نفسها تأشيرات وما إلى ذلك في حين إن امامها فرصة تعيين مدرسات هم في الاصل ستات بيوت وبتكون زهقانة من قعده البيت فبتبقل بأي مرتب وبيضربوا المرتبات هنا بطريقة فظيعة .. بالاضافة إنك لو لقيتي تاشيرة يبقى كده برضوا دخلتي في تكاليف تزيد عن 10 الاف جنية ..

لكن الموضوع له حل بإذن الله بالتفكير بهدوء في حلول مختلفة .. فزوجك لسه مسافر ما كملش شهر ... خليه بقى شوية وأتفق مع الزملاء إنك ما تضغطيش عليه وأستحملي سنة لحد ما الأمور تتضح ويكون معاكم مبلغ كويس وتكون الأمور في مصر وضحت رؤيتها وممكن ساعتها ينزل مصر يستقر وسطكم وربنا يوفقه في عمل أفضل في مصر ... أو يستمر هنا وإذا كان وقته يسمح له ممكن يعمل عمل أخر ويزود دخله وبالتالي يقصر مدته هنا عشانكم .. أو يظبط تأشيرة بمهنة أفضل وشروط أحسن وينزل ويرجع بها وتحصلوه إنتم بعدها على طول

ومعليش إنتوا مستعجلين قوي .. يعني مافيش حاجه إسمها بعد شهر حد يقدر يأثث بيت هنا ويعمل إستقدام لعائلتة وكمان هايبقى عاوز يشتري عربية .. طب إزاي إلا بقى لو كان مرتب ما حصلش ويقدر يغطي ده كله .

[أم ياسين]

يا أختى الفاضله ياريت تتقبلى كلامى كأخوكى اللى خايف على مصلحتك

اولا لازم تقدرى الحاله النفسيه لزوجك والضغوط اللى هو فيها انه جه ولسه مش ضامن نفسه لان ال 3 شهور لسه ماعدوش وكمان انه مايلاقيش بدل سكن وان فعلا العيشه فى الرياض غاليه جدا خاصه للعائلات

حقيقة فعلا غالية جدااااااااااااا

كمان مفيش حد اول ما بيجي بيجيب زوجته كده مره واحده لازم انتظار

حاضر

كمان وهو اساسا جاى من مصر اكيد عارف ان سائق خاص مفيش ليها استقدام

بس كان في أمل مثلا اشتغل معاه لحد ما يقدر يغيرها لقيته بيقولي مش ينفع تتغير خالص مدى الحياة يعني

ياريت تحاولى تخففى عنه وما تشديش قصاده لانه محتاج اللى يخفف عنه مش اللى يعصبه اكتر

وان شاء الله مع الوقت الامور تتحسن ويقدر يجيبك هنا

يارب ربنا يكرم جزاك الله خيرا على الرد

[أم ياسين]

معلش يا ام ياسين

اصبري عليه

الانسان في الغربة بيعاني من ضغوط رهيبة تجعله لا يحسن التدبير

هو حاسس بالزنب من ناحيتك وانه مش عارف يجيبك فبيقول اي كلام من القهر والحزن

لكن صدقيني هو متهونش عليه العشرة بالسهولة دي واول ما ربنا يجمعكم هتشوفي مقدار ما يكنه لك من الحب

اتمنى من الله ان يلم شملك به قريبا

كل ما اطلبه منك انك لا تضغطي عليه بل صبريه وهوني عليه البعاد

الان فيه طريقين للم الشمل

اولا انه يغير مهنته او يعمل زيارة بالفلوس ولما تيجي بالسلامة ممكن تساعديه باي شغل

او انك فعلا تشوفي تاشيثرة عمل تدخلي بيها

والطريقين محتاجين صبر وبحث ودعاءءءءءءءءءءءءءءءءءء

ربنا معاكم

جزاك الله خيرا حاضر هنصبر إن شاء الله

[أم ياسين]

ربنا يجمعكم على خير ويصلح احوالكم

لكن إسمحي لي أتكلم ومعليش إستحمليني

و مسألش عن أي تفاصيل للعقد حتى سافر

ده سبب كل المشاكل

حضرتك الواحد لو إشترى غسالة لازم بيقرا الكتاالوج بتاعها الاول

ما بالك بقى لو عن عمل وغربة وفراق للأهل والأحباب ؟ .. أقوم طالع كده من غير ما اعرف شروط العقد وفرحان إني هاتغرب ... وأبسط حاجه كان سأل عن إمكانية الإتسقدام وما إلى ذلك

الناس اللي هنا وفاهمه الدنيا فيها إيه ممكن تلاقي ناس تقول لحضرتك كلام حلو ولأ هاتقدري تيجي وممكن يعمل لحضرتك زيارة و و و

وهذا غير صحيح

معليش الحقيقة مُره شوية

أولاً : مهنة سائق خاص أو عامل زراعة أو عامل مزرعة .. غير قابلة للتعديل وغير مسموح لها بعمل إستقدام أو زيارة

ثانياُ : المرتب ضعيف جداً ويادوب ممكن يعيش به هنا ويبعت لكم جزء بسيط

ثالثا: حضرتك بتقولي بتدوري على عقد ليكي .. كده دخلتي في سكة تانية خالص لأن عقود عمل السيدات نادرة وتكاد تكون محصورة على القطاع الطبي سواء طبيبات أو ممرضات .. ودول ما بيهزروش ولازم تكون خبرة وتخصص في نفس المجال .. وقطاع التدريس تنسية تماماً لأنه متخم هنا سواء السعوديات أو من التعيينات الداخلية ... يعني لو في مدرسة ما .. ليه تكلف نفسها تأشيرات وما إلى ذلك في حين إن امامها فرصة تعيين مدرسات هم في الاصل ستات بيوت وبتكون زهقانة من قعده البيت فبتبقل بأي مرتب وبيضربوا المرتبات هنا بطريقة فظيعة .. بالاضافة إنك لو لقيتي تاشيرة يبقى كده برضوا دخلتي في تكاليف تزيد عن 10 الاف جنية ..

لكن الموضوع له حل بإذن الله بالتفكير بهدوء في حلول مختلفة .. فزوجك لسه مسافر ما كملش شهر ... خليه بقى شوية وأتفق مع الزملاء إنك ما تضغطيش عليه وأستحملي سنة لحد ما الأمور تتضح ويكون معاكم مبلغ كويس وتكون الأمور في مصر وضحت رؤيتها وممكن ساعتها ينزل مصر يستقر وسطكم وربنا يوفقه في عمل أفضل في مصر ... أو يستمر هنا وإذا كان وقته يسمح له ممكن يعمل عمل أخر ويزود دخله وبالتالي يقصر مدته هنا عشانكم .. أو يظبط تأشيرة بمهنة أفضل وشروط أحسن وينزل ويرجع بها وتحصلوه إنتم بعدها على طول

ومعليش إنتوا مستعجلين قوي .. يعني مافيش حاجه إسمها بعد شهر حد يقدر يأثث بيت هنا ويعمل إستقدام لعائلتة وكمان هايبقى عاوز يشتري عربية .. طب إزاي إلا بقى لو كان مرتب ما حصلش ويقدر يغطي ده كله .

جزاك الله خيرا

هي فعلا الحقيقة مرة جداااااااااااااااا

أحنا وافقنا على السفر أو أنا بالأخص على أساس صاحبتي قالتلي هيسافر وبعد شوية يشوفلي شغل وأنا أدور كمان واللي يلاقي فينا خير وبركة ومش مهم دخل أول سنة عادي بعد أول سنة نبدأ نحس بتعويض الغربة

فأنا خططت ندخل جمعية ونقبضها في الأول علشان ندفع سكن 6 شهور لأن طبعا كلكم عارفين إنه لازم يكون مقدم وأنا معايا مصاريف سفري إن شاء الله

فكده كل اللي ناقص موضوع الشغل

بعد ما كان المكتب اللي سفره بيقول عادي بسيطة وسله دلوقتي بيقولي مش قبل 6 شهور على ما تبدأ السنة الدراسية علشان نشوفلك شغل

لأن السيدات شغلها في موسم المدارس بس

طيب إيه رأيكم في كلام المكتب صح ولا بيضحك عليا أنا سألت مكتب تاني قالي كده برضوا إن موسم المدارس بس مطلوب فيه

سؤال كمان هو جوزي مش مضى عقد ينفع لو جاله شغل تاني يمضي عقد فيه ولا لأ هو دلوقتي في التأشيرة سائق خاص ومدتها 3 شهور

[أم ياسين]

والله يا جماعة مش عارفة أشكركم أزاي

بس فعلا أنا عرفت ليه جوزي مضغوط نفسيا أنا بما بدأت أصدق الواقع أنا نفسي أتقهرت مش زعلت وحزنت أوي

الواحد يتغرب عن أهله علشان فلوس حتى مش هيصرفها مع أحبابه

الحمدلله يارب أرزقنا الصبر فمن لنا سواك

[أم ياسين]

أنا قرأت هنا في المنتدى مش هينفع تغير الكفالة إلا بعد سنتين

هو دلوقتي لسه اصلا معملش اقامة مكتوب 3 شهور يعني زيارة لابو فهد ياريت حد يفيدني

[moshtaak]

أنا قرأت هنا في المنتدى مش هينفع تغير الكفالة إلا بعد سنتين

هو دلوقتي لسه اصلا معملش اقامة مكتوب 3 شهور يعني زيارة لابو فهد ياريت حد يفيدني

حتى تغيير الكفالة لن يفيده

لان المهنة صعبة جدا فيها كل حاجة سواء استقدام او زيارة وحتى نقل الكفالة بيبقى صعب

ربنا معاكوا ويقويكوا

[أم ياسين]

شكرا ليكم يا جماعة ياريت تفيدوني بمكاتب توظيف موثوق فيها علشان أدور على شغل واضح إن ده الحل الوحيد لسفري ليه والله المستعان