اكتشافات مطبخية

[عبير يونس]

اهلا اعزائي

فكرة الموضوع خطرت لي الليلة دي بعد تجربة مطبخية ناجحة و لله الحمد

كان ابنائي متعطشين لصينية مكرونة بالباشميل

و ابما أنني أخدت اجازة

متوقع مني بالطبع تنفيذ هذه الرغبة المحمومة

المهم

كنت شايلة لحم مفروم لهذه المناسبة

وهوب

لم أجده

و تذكرت اني عملته كفتة الاسبوع الماضي

قلت خليها مكرونة نباتية

قطعت بصل على طماطم على فلفل رومي مع زيت زيتون و ثوم و زنجبيل و شوحتهم لحد اما دبلوا

و عملتهم حشوة بدل اللحمة المفرومة المعصجة

و بعدين طقت في راسي الفكرة

ليه اسلق المكرونة؟؟؟

هه؟ هه؟

طب ليه ما اعملهاش زي اللازانيا

يعني احطها نية و عليها الحشوة و عليهم الباشميل الساخن و ازج بهم في فرن ساخن

و قلت اجرب

و بالفعل طلعت تووووووحفة و لله الحمد و المنة

قلت اعمل موضوع و اسميه اكتشافات او "افتكاسات" مطبخية

نتبادل فيه الخبرات معا

في انتظار اكتشافاتكم

:wub:

[se_ Elsyed]

إيه ده ؟

طب والله لأقول لأونكل بندق

يا أونكل بندق

تعالى حالاً من فضلك

[عبير يونس]

إيه ده ؟

طب والله لأقول لأونكل بندق

يا أونكل بندق

تعالى حالاً من فضلك

ششششششششش

وطي صوتك

في ايه؟

انا عملت حاجة غلط يا ابيه؟؟؟

:unsure:

[زهرة الجبل]

ههههههههههه

و الله جيتي في وقتك يا أخت عبير ربنا يكرمك

علشان نخرج شويه من جو السياسه و الكآبه ده

شوفي بقى يا ستي

هو جميل خالص إقتراحك ده و شكله لذيذ قوي و الواحد ممكن يجربه

يعني عاجباني فكرة الخضار بدل اللحمه .. بس مش متخيله المكرونه استوت ازاي منغير سلق .. لأنها بتبقى أسمك من اللازانيا

بس نجرب و نحكم

تسلم إيديكي

[عبير يونس]

ههههههههههه

و الله جيتي في وقتك يا أخت عبير ربنا يكرمك

علشان نخرج شويه من جو السياسه و الكآبه ده

شوفي بقى يا ستي

هو جميل خالص إقتراحك ده و شكله لذيذ قوي و الواحد ممكن يجربه

يعني عاجباني فكرة الخضار بدل اللحمه .. بس مش متخيله المكرونه استوت ازاي منغير سلق .. لأنها بتبقى أسمك من اللازانيا

بس نجرب و نحكم

تسلم إيديكي

أهلا أهلا زهورة حبيبتي

بصي يا ست الكل

هو كان اكتشاف سعادتك

لأن الحلل كلها كانت مشغولة

و مفيش وقت و الولاد حاياكلوني لو ما خلصتش بسرعة

فجات لي الفكرة فورا

و لأني عارفة ما شاء الله ان ولادي ياكلوا اي حاجة

قلت نجرب

و الحمد لله ربنا جابها زين

:wub:

اما فكرة الخضار فاباعملها من زمان و باعملها بالتونة كمان و بالسبانخ و بالخضار المشكل

و احيانا بتخديعة البصل فقط

و طبعا معروف انها لما بتتعمل بالفراخ و المكرونة الشرايط بتبقى " نيجرسكو "

لازم الواحد يتصرف

الحياة مش حتقف على لحمة مفرومة يعني

:closedeyes:

[زهرة الجبل]

ههههههههههه

و الله جيتي في وقتك يا أخت عبير ربنا يكرمك

علشان نخرج شويه من جو السياسه و الكآبه ده

شوفي بقى يا ستي

هو جميل خالص إقتراحك ده و شكله لذيذ قوي و الواحد ممكن يجربه

يعني عاجباني فكرة الخضار بدل اللحمه .. بس مش متخيله المكرونه استوت ازاي منغير سلق .. لأنها بتبقى أسمك من اللازانيا

بس نجرب و نحكم

تسلم إيديكي

أهلا أهلا زهورة حبيبتي

بصي يا ست الكل

هو كان اكتشاف سعادتك

لأن الحلل كلها كانت مشغولة

و مفيش وقت و الولاد حاياكلوني لو ما خلصتش بسرعة

فجات لي الفكرة فورا

و لأني عارفة ما شاء الله ان ولادي ياكلوا اي حاجة

قلت نجرب

و الحمد لله ربنا جابها زين

:wub:

اما فكرة الخضار فاباعملها من زمان و باعملها بالتونة كمان و بالسبانخ و بالخضار المشكل

و احيانا بتخديعة البصل فقط

و طبعا معروف انها لما بتتعمل بالفراخ و المكرونة الشرايط بتبقى " نيجرسكو "

لازم الواحد يتصرف

الحياة مش حتقف على لحمة مفرومة يعني

:closedeyes:

هههههههههه

و الله إنتي عسل يا عبير

طب إيه رأيك بقى أنا بعملها باللرز ؟

يعني صينية رز بالباشاميل .. و بتبقى تحفه

و أحياناً بعملها باللحمه المفرومه و احياناً تانيه بعملها بالكلاوي

بتبقى تحفه بجد

بس طبعاً بيبقى رز مسلوق عادي كأنه هيتتاكل رز أبيض

خصوصاً لما تزودي الباشاميل بقى و تبقى سايحه و سخنه كدا .. ممممم .. الله يسامحك جوعتيني

بس اعتقد إني لقيت إجابه للسؤال الأزلي بتاع كل يوم : (( هناكل إيه بكره ؟؟ )) ..

بسم الله الرحمن الرحيم .. الإجابه : .. مكرونه بالباشاميل

:clappingrose: :clappingrose:

تم تعديل 5 أبريل 2012 بواسطة زهرة الجبل

[se_ Elsyed]

لازم الواحد يتصرف

الحياة مش حتقف على لحمة مفرومة يعني

على رأيك

الجيش بيقول لك إتصرف

فكرتيني بالحاجة أم عمر حرمنا المصون .. في أول الجواز كانت متمكنة بنسبة 50 % من الطبخ .. لانها الصغيرة ومتدلعة وكمان كانت دودة مذاكرة ومالهاش في المبطخ .. المهم في مرة في أول الجواز نفحتني صينية بطاطس .. لكن ما كانتش بطالة والله .. المهم بعدها بيومين لقيتها بتقول لي : أنا عاوزه اعترف لك بحاجه بس سامحني يا سي السيد ...

أنا قولت إنها راحت زارت سيدنا الحسين من ورايا بس رجلها ما اتكسرتش المرة دي .. المهم قالت لي .. صينية البطاطس اللي كلتها كلها من كام يوم نسيت أحط لها سمنه او زيت او أي منتجات مهدرجة ... قولت لها مش ِإشكال .. عادي .. بعدها بشوية .. قالت لي .. وكمان نسيت أحط عليها شوربة وعملتها بالمية .. قولت لها ماشي ... شوية قالت لي وكمان نسيت ... فقلت لها أبوس إيدك كفاية ما هو ما فضلش حاجه تانية غير إنك تقولي نسيتي تحطي بطاطس وإن اللي كان موجود في الصينية ده نبوت الغفير مثلاً .

إذن اهم حاجه ايتها الأخت عبير إنك تجدي المادة الخام اللي تجربي فيها إفتكاساتك .. والأهم من هذا إنك ما تاكليش من الأفتكاسات دي وتقفي من بعيد تراقبي تأثيرها على الغلابة اللي بتجربي فيهم .

[زهرة الجبل]

لازم الواحد يتصرف

الحياة مش حتقف على لحمة مفرومة يعني

على رأيك

الجيش بيقول لك إتصرف

فكرتيني بالحاجة أم عمر حرمنا المصون .. في أول الجواز كانت متمكنة بنسبة 50 % من الطبخ .. لانها الصغيرة ومتدلعة وكمان كانت دودة مذاكرة ومالهاش في المبطخ .. المهم في مرة في أول الجواز نفحتني صينية بطاطس .. لكن ما كانتش بطالة والله .. المهم بعدها بيومين لقيتها بتقول لي : أنا عاوزه اعترف لك بحاجه بس سامحني يا سي السيد ...

أنا قولت إنها راحت زارت سيدنا الحسين من ورايا بس رجلها ما اتكسرتش المرة دي .. المهم قالت لي .. صينية البطاطس اللي كلتها كلها من كام يوم نسيت أحط لها سمنه او زيت او أي منتجات مهدرجة ... قولت لها مش ِإشكال .. عادي .. بعدها بشوية .. قالت لي .. وكمان نسيت أحط عليها شوربة وعملتها بالمية .. قولت لها ماشي ... شوية قالت لي وكمان نسيت ... فقلت لها أبوس إيدك كفاية ما هو ما فضلش حاجه تانية غير إنك تقولي نسيتي تحطي بطاطس وإن اللي كان موجود في الصينية ده نبوت الغفير مثلاً .

إذن اهم حاجه ايتها الأخت عبير إنك تجدي المادة الخام اللي تجربي فيها إفتكاساتك .. والأهم من هذا إنك ما تاكليش من الأفتكاسات دي وتقفي من بعيد تراقبي تأثيرها على الغلابة اللي بتجربي فيهم .

مش ممكن و الله يا أبو عمر اسلوبك القصصي الفكاهي ده بجد

الواحد خاف من نفسه لما في وسط الصمت كده و البيت كله نايم لقيتني بضحك لوحدي و بصوت

ربنا يحفظ لك أم عمر و لا يحرمك من صينية البطاطس بتاعتها

تحياتي

[عبير يونس]

لازم الواحد يتصرف

الحياة مش حتقف على لحمة مفرومة يعني

على رأيك

الجيش بيقول لك إتصرف

فكرتيني بالحاجة أم عمر حرمنا المصون .. في أول الجواز كانت متمكنة بنسبة 50 % من الطبخ .. لانها الصغيرة ومتدلعة وكمان كانت دودة مذاكرة ومالهاش في المبطخ .. المهم في مرة في أول الجواز نفحتني صينية بطاطس .. لكن ما كانتش بطالة والله .. المهم بعدها بيومين لقيتها بتقول لي : أنا عاوزه اعترف لك بحاجه بس سامحني يا سي السيد ...

أنا قولت إنها راحت زارت سيدنا الحسين من ورايا بس رجلها ما اتكسرتش المرة دي .. المهم قالت لي .. صينية البطاطس اللي كلتها كلها من كام يوم نسيت أحط لها سمنه او زيت او أي منتجات مهدرجة ... قولت لها مش ِإشكال .. عادي .. بعدها بشوية .. قالت لي .. وكمان نسيت أحط عليها شوربة وعملتها بالمية .. قولت لها ماشي ... شوية قالت لي وكمان نسيت ... فقلت لها أبوس إيدك كفاية ما هو ما فضلش حاجه تانية غير إنك تقولي نسيتي تحطي بطاطس وإن اللي كان موجود في الصينية ده نبوت الغفير مثلاً .

إذن اهم حاجه ايتها الأخت عبير إنك تجدي المادة الخام اللي تجربي فيها إفتكاساتك .. والأهم من هذا إنك ما تاكليش من الأفتكاسات دي وتقفي من بعيد تراقبي تأثيرها على الغلابة اللي بتجربي فيهم .

شوف يا أخ أحمد

فكرتني بالمشهد بتاع شيريهان لما كانت عاملة ريا في مسرحية " سك على بناتك"

مع أحمد راتب لما كانت بتطفشه

و جابت له قهوة

فلما داقها قال لها ايه ده بانزعاج

قالت له أصل معندناش سكر

فشرب تاني و قال لها دي طعمها غريب اوي

قالت له أصل معندناش بن :blink:

معندناش غير زيت خروع

و بعدين انا ولادي ياكلوا الحديد لا مؤاخذة

و يقولوا كماااااااان

ده انا اللي غلابة :sad:

على فكرة فاروق ابني الكبير برضه له افتكاسات

حابقى اقول لكم عليها

اصله من زمان متابع قناة " فتافيت" و نفسه يبقى شيف

لا و النبي ما انت قايم

يا شيف بندق

[عبير يونس]

النهاردة قمت من النوم جعانة جدا

و كان بقى لي فترة مليش نفس آكل

وبآكل بالعافية عشان ما اقعش من طولي

قلت اما اشوف ايه الموجود و افتكس حاجة

اللي شجعني ان واحدة من بناتي ما راحتش المدرسة النهاردة عندهم اجازة

و لاقيتها جعانة برضه

لقيت صدور فراخ وبطاطس جاهزة للقلي

اني الاقي خضار ابدا

:sad:

المفروض اتسوق بس مكسلة

المهم

رحت جايبة حلة الضغط

وحطيت زيت زيتون و توم و جنزبيل وشوحت فيهم الفراخ

حطيت عليهم البطاطس و كاري و حوالي 4 بصلات مقطعين

شوية ميه و غطيت عليهم

وبس كده

مع عيش بلدي بقى

و عيشوا

:wub:

[بندق أفندى]

وبس يا سيدى ..

وفى الأخر صحيت من النوم ..

تحياتى لمكسرى الحواجز والتابوهات .. نحن ولا فخر لا نعترف بالأكل التقليدى بعد وفاة جدتى وأمى رحمها الله

اذن لا يتبقى لنا الا الأفتكاس .. وطوال عمرى الافتكاسى لم أفتكس أكلة لا يمكن أكلها

صحيح انا مركز فى السمك أكتر .. بس ده عشان ماليش تقل على اللحوم .. يعنى لو سنة ما أكلتش لحمة مش هأفتقدها

[عبير يونس]

الشيف بندق بذات نفسه هنا

أنا كده عديت يا رجالة

النهاردة افتكست افتكاسة بسيطة

بس الطعم امممممممم لذيذ

ويستحق التجربة

كان عندي لحم مفروم

و شوية مكرونة يجي كيلو الا ربع كده

كنت حاعمل مكرونة باشميل

بس حسيت المكرونة حتبقى قليلة على 3 صواني

متتخضوش

ما شاء الله لازم 3 صواني من الحجم المتوسط او 2 كبار عشان البشر اللي عندي

قلت مش حينفع

كان عندي في الفريزر بواقي بطاطس جاهزة للقلي

قلت حلو

رحت مشوحة اللحمة المفرومة مع 3 بصلات مقطعة ارباع

و حطيت علبتين صلصة صغيرين

مع البطاطس

وثوم بالجنزبيل وكمون وكاري

و شوية مية مغلية وفي حلة الضغط

اما المكرونة

فعملتها محمرة

البطاطس طبعا ذابت مع اللحم المفروم في تناغم بديع وصارا كيانا واحدا

بألف هنا وشفا

والا اللقاء مع افتكاسة جديدة

[أستاذة جيجي]

ههههههههه

موضوع جميل و الحمد لله فهمت معنى كلمة افتكاسه ( يعنى اختراع ) كلمة مدوخانى بقى لها فترة

و مش عارفه القى لها معنى .. المهم شكرا و الحمد لله ..

الاختراعات الجميله نابعة من عقليه مبتكرة محدثه و ذواقة

ان شاء الله متابعه

[عبير يونس]

ههههههههه

موضوع جميل و الحمد لله فهمت معنى كلمة افتكاسه ( يعنى اختراع ) كلمة مدوخانى بقى لها فترة

و مش عارفه القى لها معنى .. المهم شكرا و الحمد لله ..

الاختراعات الجميله نابعة من عقليه مبتكرة محدثه و ذواقة

ان شاء الله متابعه

أهلا بحضرتك أستاذة جيجي

و يسعدنا تكوني واحدة من أسرتنا الجميلة

و شرفني حضورك هنا عزيزتي في موضوعي المتواضع

و في انتظار مشاركاتك و " افتكاساتك"

[abofasad]

يعني انت يا ست عبير مش بس أديبة وشاعرة مشهورة

انما كمان شف من الدرجة الولى

اللهم لا حسد

ما شاء الله

[abofasad]

يعني انت يا ست عبير مش بس أديبة وشاعرة مشهورة

انما شف من الدرجة الأولى

اللهم لا حسد

ما شاء الله

[هدوة يوسف]

:flr1: موضوع جميل استمروا وامتعونا

[أبو محمد]

بالإضافة إلى استعماله فى السلطة والبدنجان ابو خل

إكتشف القو السحرية لهذا السائل الموجود فى مطبخك

:)

الخل الوفى

https://www.youtube.com/watch?v=jO1QOoGnLeA

[أبو محمد]

اطبخوا الفراخ على طول .. غسيلها يؤدى إلى تلوث المطبخ

ببكتيريا تسبب التسمم

حذار من غسل الدجاج قبل الطهي!

الاثنين 18 شعبان 1435هـ - 16 يونيو 2014م

غسل الدجاج ينشر البكتيريا

لندن - العربية نت

حذر خبراء صحيون من أن غسل الدجاج قبل الطهي، وهو ما تقوم به غالبية ربات المنازل والطهاة، قد ينشر بكتيريا قاتلة في مختلف أنحاء المطبخ، ما يمكن أن يؤدي للإصابة بأمراض خطيرة.

وصدر التحذير عن الوكالة المتخصصة بالمعايير الغذائية في بريطانيا، حيث قالت إن أكثر من نصف البريطانيين يقومون بغسل الدجاج في مطابخهم قبل الطهي، وهو ما يقف وراء الآلاف من حالات التسمم الغذائي التي يتم تسجيلها سنوياً في بريطانيا، حيث تكون البكتيريا القاتلة قد انتشرت في المطبخ وتسللت إلى أطعمة أخرى.

ويقول الباحثون الذين توصلوا إلى هذه النتائج المفاجئة إن الكثير من الناس يقومون بغسل الدجاج واللحوم قبل طهيها ظناً منهم أنهم يقومون بتنظيفها، إلا أن الباحثين انتهوا إلى أن هذا السلوك يسبب ضرراً كبيراً على الصحة.

ويقول الباحثون إن البكتيريا الضارة والقاتلة تنتشر في مختلف أنحاء المطبخ، سواء على الأسطح المختلفة أو في معدات الطبخ، وذلك عند القيام بغسل الدجاج، في الوقت الذي كان من الممكن ترك هذه البكتيريا تموت عندما يتم طهي الدجاج بشكل طبيعي.

وشدد البحث على أن البكتيريا المسماة (Campylobacter) والتي تنتشر في المطبخ عند غسل الدجاج هي المسؤولة عن معظم حالات التسمم الغذائي التي يتم تسجيلها في بريطانيا والتي يزيد عددها عن 280 ألف حالة سنوياً، فيما انتهى البحث أيضاً إلى أن الدجاج الملوث يتسبب بأربعة من بين كل خمسة حالات تسمم في المملكة المتحدة.

وبحسب وكالة المعايير الغذائية ذاتها التي أجرت البحث، فإن الاقتصاد البريطاني يتكبد خسائر سنوية بمئات الملايين من الجنيهات الإسترلينية بسبب حالات التسمم التي يحتاج علاجها إلى تكاليف مالية كبيرة، إضافة إلى الإجازات المرضية التي تتكبد أعباءها الشركات والمؤسسات الحكومية.

وبحسب الدراسة المسحية التي أجرتها الوكالة فإن 44% من البريطانيين لا يقومون بطهي الدجاج مطلقاً إلا بعد غسله، فيما قال ثلث الذين استطلعت آراؤهم، أي الغالبية الساحقة من الــ44%، قالوا إنهم يفعلون ذلك من أجل التخلص من الجراثيم الضارة، فيما قال نحو الثلث أيضاً إنهم يغسلون الدجاج بهدف إزالة الأوساخ منه.

انتشار البكتيريا في محيط قطره 3 أقدام

وحذرت الوكالة بشدة من عمليات غسل الدجاج، مؤكدة أنها تسبب انتشار بكتيريا (Campylobacter) التي تسبب بدورها تسمماً غذائياً وتشكل خطراً على حياة الإنسان. ووجد الباحثون أن غسل الدجاج تحت صنبور المياه يؤدي إلى انتشار البكتيريا في محيط يبلغ قطره ثلاثة أقدام، أي أنه غالباً ما يصل طعاماً مجاوراً أو معدات في المطبخ ستستخدم في عملية الطهي أو إعداد الطعام.

وبحسب الباحثين الأطباء فإن أعراض الإصابة بالبكتيريا المشار إليها تتمثل في آلام البطن، والقيء، والإسهال الشديد، إلا أن هذه الأعراض قد تتطور بشكل أكبر خطورة بالنسبة لبعض الناس، وخاصة لدى الأطفال وكبار السن ممن هم فوق الستين عاماً، حيث يمكن للبكتيريا أن تقوم بتطوير المرض في جسم الإنسان الذي لديه جهاز مناعة أضعف.

وتظهر أعراض الإصابة بالتسمم الغذائي الناتج عن بكتيريا (Campylobacter) خلال يومين إلى خمسة أيام فقط من اختراق البكتيريا لجسم الإنسان.

وتقدر الدراسة التي أجرتها وكالة المعايير الغذائية أن أكثر من 20 ألفاً يضطرون للمبيت في المستشفيات ببريطانيا سنوياً بسبب التسمم الغذائي، فيما يتم تسجيل 500 حالة وفاة سنوياً بسبب التسمم الغذائي في بريطانيا.

ورغم أن الوكالة وجدت أن الدجاج هو السبب الرئيس لانتشار البكتيريا السامة، إلا أنها حذرت أيضاً من أنها قد توجد في المياه غير المعالجة، والحليب غير المبستر، وكذلك في كبد الدجاج والمواشي المخصصة للطبخ في المنازل.

[باهى الطائر الحزين]

لقيت طبق بيض بالبسطرمه في التلاجه

حطيت عليه معلقتين سمن بلدي

ومعلقتين فول ورشة فلفل وكزبره وكمون

الطعم ماقلقوش هااااايل

مع الإحتفاظ ببراءة الإختراع طبعا

:buba: