عمر سليمان يتراجع عن الانسحاب ويعلن ترشحه للرئاسة

[se_ Elsyed]

حسبى الله ونعم الوكيل

طيب الناس اللى بره مصر مظبطين نفسهم وخلاص, طيب اللى جوه مصر يعملوا إيه؟

ههههههههههههههههههههههههههههههههههههههههههههه

ضحكه خبيثة

[محمد عبدالعزيز]

حسبى الله ونعم الوكيل

طيب الناس اللى بره مصر مظبطين نفسهم وخلاص, طيب اللى جوه مصر يعملوا إيه؟

ههههههههههههههههههههههههههههههههههههههههههههه

ضحكه خبيثة

مكانش العشم ياسى السيد, ده بدل ماتشوفلى أى فيزة إن شالله حتى مهندس كمبيوتر مش حاقول لأ خلاص, دى آخرة الزمالة فى الثورة برضه؟

يا إما بقى الواحد يشوف موضوع كنكة ده, بس يارب ألحق...

اوعى العو

[engmido]

انا نفسى اشوفك يا س س بعد الخبر ده

ده انت تلاقيك منكد عالعيال عندك ...ههههههههه

لانى عارفك معبى جداااا من نظام كوكى

[ماستر]

ههههههههههههههههههههههه ده جزء من بيان عمر سليمان للامة المصرية اليوم

مع وعد منى أن أبذل كل ما أستطيع من جهد، معتمداً على الله وعلى دعمكم لننجز التغيير المنشود واستكمال أهداف الثورة وتحقيق آمال الشعب المصرى

استكمال أهداف الثورة المضادة

[se_ Elsyed]

انا نفسى اشوفك يا س س بعد الخبر ده

ده انت تلاقيك منكد عالعيال عندك ...ههههههههه

لانى عارفك معبى جداااا من نظام كوكى

لأ والله بالعكس

أنا انكد على العيال لما يكون خبر غير متوقع

لكن لما تكون كل حاجة واضحك .. وأوراق اللعبة مكشوفة ... يبقى تزعل ليه لما تعك وبعدين اللي قدامك يقول لك " كش ملك " ؟

[se_ Elsyed]

انا مش قلقان من عمر زليمان ....اللي قلقني بجد ..الراجل اللي وراه ..هينفخ اي واحد حط كومنت علية

ميزة عمر سليمان ....إنة لا هيقلع امك الحجاب , ولا هيلبسها ,ولا له دعوة بأمك أصلا , هو عايزك إنت يا معلم

[se_ Elsyed]

[se_ Elsyed]

عمر سليمان فى أول تصريحاته : سنقضي على العشوائيات تماما في خلال 3 أيام

[AbkaReno]

انا معنديش غير كلمة حسبى الله ونعم الوكيل وربنا يعدي الايام الي جايه على خير

[أحمد محمد]

ياتري في حد متصور أن عمر سليمان نزل ألانتخابات و هو ممكن يخسر

يعني أية ؟؟ سليمان خلاص كدة بقا رئيس مصر الثورة هههههههههه

خلصت و سلميلي علي البلد و الثورة

دا أكبر كابوس ممكن يحصل

الحل الوحيد هو الرجوع تاني لميدان التحرير

[se_ Elsyed]

يا لهوي ياما ..

إذا كان من دلوقت وبيحصل كده

وكده

وهو لسه رايح النهاردة يسحب ورق اللوتاريه بتاع الترشح

اومال لو لا قدر الله ربنا غضب علينا ووصل الادمي ده لكرسي الحكم ؟

إيه هايمشي قدامه كوماندوز يضربوا الناس بالنار ؟

مين يا جماعة القوات اللي بتلبس باريه أزرق دول ؟

في الحالة دي لا قدر الله . اكتر ناس هايتشغلوا في مصر هما

العجلاتية

ومستوردي كومبروسرات النفخ

قلبي وياكوا يا مصريين فين ما تروحوا .. تريلم تريلم

ربنا معاكو

[se_ Elsyed]

تصدق بالله كنت باحترمك وباتكلم عنك كلام كويس .. وفي الاخر طلعت خروف ودلدول

إخص عليك وعلى علمك

النشائي يصاحب عمر سليمان أثناء سحب أوراق ترشحه للرئاسة

4/7/2012 2:13:00 PM

كتب - محرر مصراوى:

حضر عالم الذرة المصري، الدكتور محمد النشائي، لمقر اللجنة العليا للانتخابات الرئاسية، اليوم السبت، بصحبة اللواء عمر سليمان نائب رئيس الجمهورية السابق الذي سحب أوراق ترشحه للرئاسة.

يأتي ذلك، بعدما أعلن النشائي تنازله عن الترشح للرئاسة، مؤكداً أن مصر تحتاج فى الفترة المقبلة تحتاج إلى رجل بقوة سليمان يعلم جيدًا كيفية التعامل مع الملفات الداخلية والخارجية.

[se_ Elsyed]

طب رامي لكح ومتأكد أنا إنه خروف كبير

حتى أنت يا أنور يا سادات طلعت خروف ؟

وفالق دماغنا بشعارات ثورية في مجلس الشعب ولجان حقوق الإنسان

أه يا بلد مليانه خرفان

الحمد لله أنا ما باحبش اللحمة الضاني أساساً

الدكتور محمد أنور عصمت السادات ، رئيس حزب الإصلاح والتنمية، أن الحزب لم يحدد بعد موقفه النهائي من المرشح الذي سيدعمه، وأن هناك اجتماعا مساء اليوم السبت للتصويت على الأمر.

وأضاف في اتصال هاتفي، صباح اليوم السبت، مع الإعلامية جيهان منصور خلال برنامج ''صباحك يا مصر'' على قناة دريم، أن تصريحات رامي لكح، نائب رئيس الحزب، حول القرار بدعم رئيس ذو خلفية عسكرية لتحقيق الاستقرار في البلد ، لم تعني الاتفاق على عمر سليمان ، لأن الحزب لم ينتهي من حسم مرشحه للرئاسة حتى الآن.

وقال السادات إنه أمام المشهد الذي تمر به مصر وحالة عدم الاستقرار فهناك حاجة للحزم وإعمال القانون، وضرورة تولي أصحاب الخبرة والرؤية التي تلبي احتياجات الناس ومطالبهم والكل مطروح على الطاولة.

[rewsha]

لا حول ولا قوة الا بالله

حسبي الله ونعم الوكيل

لو حد من المحاورات ماشي في الشارع ولقى واحده ماشيه تكلم نفسها وتقول (حسبي الله ونعم الوكيل )*

يبقى دي

انا

انا جالى احباط خلاص وفقدان للامل في اي تغيير

كده يبقى احنا كنا على مدار سنتين بنغير جو وبعدين رجعنا تاني للمربع رقم صفر

طب ماكنا من الاول سيبناه يمسك (عمر سليمان)

مش كان نايب ....كان وفر علينا السنتين اللي فاتوا دول

[الغريب]

حسبى الله ونعم الوكيل

طيب الناس اللى بره مصر مظبطين نفسهم وخلاص, طيب اللى جوه مصر يعملوا إيه؟

بصراحة أنا أول ما سمعت الخبر قولت الحمدلله أني مستعجلتش ونزلت مصر بعد الثورة صحكة شريرة بردو

[se_ Elsyed]

حسبى الله ونعم الوكيل

طيب الناس اللى بره مصر مظبطين نفسهم وخلاص, طيب اللى جوه مصر يعملوا إيه؟

بصراحة أنا أول ما سمعت الخبر قولت الحمدلله أني مستعجلتش ونزلت مصر بعد الثورة صحكة شريرة بردو

غريب

بأقول لك .. أنا كلمت زهيري عشان ينظم لنا رحلة كمان أسبوعين لكندا نزور فيها مرتفعات كلمنجارو وشلالات فياجرا نهدي فيها أعصابنا عشان نعرف نفكر ... الرحلة دي هاتتكلف 100 الف دولار للشخص الواحد .. لمدة إسبوع - يا بلاش والله - .. شاملة الفطار فقط والإنتقالات والإقامة في فندق 5 نجوم ... اعمل حسابك معانا عشان عندي 10 اماكن بس يادوب حمولة الطيارة الشارتر بتاعت زهيري ؟

[سكر]

بمناسبة عمر سليمان

السلفيين يرجعوا الفضائيات

واﻻ‌خوان يرجعوا السجون

والثوريين يسخنوا فى الميدان والشعب يظبط الدش على اى قناه

وانا هرجع اشتغل فى السعوديه

[se_ Elsyed]

وانا هرجع اشتغل فى السعوديه

ههههههههههههههه

في نظام سعودة دلوقت يا حبيبي ...

بأقول لك يا طاطا .. معايا فيزا سائق خاص تخلص على 20 باكو .... جاي ؟

[سكر]

هو ينفع ارشح عمر سليمان واخليه يحكم السعوديه

[احمد رضوان]

يا لهوي ياما ..

إذا كان من دلوقت وبيحصل كده

وكده

مين يا جماعة القوات اللي بتلبس باريه أزرق دول ؟

الجتت دي هي بالضبط جتت الحرس الجمهوري شكلهم كانوا بيحرسوه السنة اللى فاتت وعارفين انه الرئيس المنتظر لما كنا بنتقرطس

تم تعديل 7 أبريل 2012 بواسطة احمد رضوان