مفاجأة أخوانية أخرى ... محمد المرسي يتقدم غداً باوراق ترشحه للرئاسة إحتياطياً للشاطر

[se_ Elsyed]

والله العظيم انا في إيجي نفر مجنون

ماما ماما .. تعالي لي يا ماما .. أنا باعيط يا ماما

مفاجأة: الإخوان ترشح محمد مرسي للرئاسة غدا كـ “احتياطي للشاطر”

Sat, 04/07/2012 - 16:52

رئيس “الحرية والعدالة” استخرج صحيفة الحالة الجنائية اليوم.. ويتراجع عن الترشح في حالة استمرار الشاطر

جمال حشمت: طرح اسم مرسي تم خلال اجتماع شورى الجماعة تحسبا لأي طعون حول موقف الشاطر القانوني

سعد عمارة: تلقينا رسالة باجتماع طارئ للهيئة العليا للحرية والعدالة مساء اليوم

كتب – سارة خالد وأحمد رمضان :

في مفاجأة غير متوقعة قرر حزب الحرية والعدالة الجناح السياسي لجماعة الإخوان المسلمين الدفع بالدكتور محمد مرسي رئيس الحزب كمرشح خلال انتخابات رئاسة الجمهورية المقرر إقامتها الشهر المقبل، وذلك رغم ترشيح جماعة الإخوان للمهندس خيرت الشاطر لخوض السباق.

وعلمت” البديل” أن ترشح محمد مرسي جاء ليكون بديلا للمهندس خيرت الشاطر في حالة وجود أي موانع قانونية تعوقه عن خوض السباق، في ظل الأنباء العديدة التي تتردد حول أحقيته في الترشح بعد حصوله علي عفو من المجلس العسكري.

وتتضمن خطة الإخوان أن يقوم مرسي بالانسحاب في اللحظات الأخيرة، في حالة التأكد من أحقية الشاطر في خوض الانتخابات، وذلك مع غلق باب الطعون وإعلان قائمة أسماء المرشحين النهائية.

وعلمت “البديل” إن رئيس حزب الحرية والعدالة قام باستخراج صحيفة الحالة الجنائية صباح اليوم، تمهيدا لتقديمها مع أوراقه ترشحه عن الحزب غدا، قبل إغلاق باب الترشح للانتخابات الرئاسية.

وقال جمال حشمت عضو الهيئة البرلمانية لحزب “الحرية والعدالة” في تصريحات خاصة لـ”البديل” أن قرار الدفع بالدكتور محمد مرسي تم اتخاذه خلال اجتماع مجلس شوري الجماعة الذي انعقد يوم الثلاثاء الماضي والذي تم الاتفاق خلاله علي اختيار مرشح أساسي وآخر بديل، تحسبا لأي تلاعب من جانب القائمين علي الانتخابات أو المجلس العسكري.

وأكد حشمت أن ترشح رئيس حزب الحرية والعدالة وخوضه للسباق لن يستمر في حالة التأكد من أحقية المهندس خيرت الشاطر في الاستمرار بالسباق للنهاية، باعتباره هو المرشح الأول للحزب والجماعة في سباق الرئاسة.وكان قانونيون قد أشاروا إلى أن خيرت الشاطر ليس من حقه قانونا الترشح للرئاسة طبقا لنص المادة الثانية من قانون ممارسة الحقوق السياسية والتي تشترط حصوله على رد الاعتبار وأشاروا إلى أن العفو الكلي الذي حصل عليه لا يكفي لرد اعتباره .. كما تقدم عدد من المواطنين اليوم بينهم أبو العز الحريري المرشح المحتمل للرئاسة بطعون ضد ترشح الشاطر للرئاسة ونظرتها المحكمة في جلستها الأولي اليوم وتم تأجيل القضية إلى يوم الثلاثاء القادم .

وقال جمال حشمت عضو الهيئة العليا لحزب الحرية والعدالة أن ترشيح مرسي سيتم طرحه على أعضاء الهيئة العليا خلال اجتماعهم مساء اليوم بمقر الحزب أمام وزارة الداخلية نظر لوجود شكوك حول موقف الشاطر القانوني .. بينما قال سعد عمارة عضو الهيئة العليا أنهم تلقوا رسالة لحضور اجتماع عاجل اليوم نصها “اجتماع عاجل اليوم لأمر طارئ .

.

[se_ Elsyed]

خلاص

بلاها سوسو

وخد نادية

وإذا كان الشاطر هو سيدنا يوسف هذا العصر ..

فاحنا كنا شايلين التقيلة بقى لوقت عوزه ... فمحمد المرسي والله العظيم ما بيطلع إلا للحبايب

لأن المرسي .. 30 شاطر في بعض ... وهو رجل دولة ( بس دولة غير بتاعت الشاطر .. الشاطر كان رجل دولة شرق أوسطية .. لكن المرسي ربنا يوعد السامعين .. من الدول اللي هاي فاي )

عيب كده نتكلم جد بقى

بالله عليكم لو تحقق هذا الخبر المنشور في جريدة البديل .. وتقدم المرسي باوراق ترشحه غداً ... تفتكروا إيه إحساس الأخوان اللي هايأيدوه ويرشحوه ويطبلوا له وهما زي لا مؤخذه اكياس الجوافة او الشخص اللي بيُساق .. المرشد يقول شاطر .. يا سلام ونعم الرجال .... تاني يوم يقول مرسي .. يأتي الرد .. اللهم صلي عالنبي احسن وأحسن .

[se_ Elsyed]

الرباط الخاص بي

[ام سلمي]

الحمد لله رب العالمين

و الله انا سعيدة جدا بالخبر ده ان شاء الله يكون حقيقي

الاغلبية كانت عايزة حازم ....... حيخرجوه بكرة بجرة قلم

راح الاخوان نزلوا الشاطر ......ومن ساعتها وكل يوم والتاني نسمع كلام عن موانع

قانونية وصحية وبتنجانية تمنعه من الترشح

و نزلوا لنا هما شفيق وعمر سليمان دول ما عندهمش مشاكل

فالاخوان بقي يسكتوا و يسيبوهم يكملوا المؤامرة

لا طبعا نزلوا لهم محمد مرسي احتياطي ،

اما نشوف حيطلعوا ان والده كان هندي هو كمان واللا حيطلعوا لنا بايه تاني

يتهيا لي ما فيش قدام المجلس العسكري اللا انه ينزل بطنطاوي :)

ربنا ينصرنا وينصر الاخوان علي المجلس العسكري

يسقط حكم العسكر

[pocy]

الحمد لله رب العالمين

و الله انا سعيدة جدا بالخبر ده ان شاء الله يكون حقيقي

الاغلبية كانت عايزة حازم ....... حيخرجوه بكرة بجرة قلم

راح الاخوان نزلوا الشاطر ......ومن ساعتها وكل يوم والتاني نسمع كلام عن موانع

قانونية وصحية وبتنجانية تمنعه من الترشح

و نزلوا لنا هما شفيق وعمر سليمان دول ما عندهمش مشاكل

فالاخوان بقي يسكتوا و يسيبوهم يكملوا المؤامرة

لا طبعا نزلوا لهم محمد مرسي احتياطي ،

اما نشوف حيطلعوا ان والده كان هندي هو كمان واللا حيطلعوا لنا بايه تاني

يتهيا لي ما فيش قدام المجلس العسكري اللا انه ينزل بطنطاوي :)

ربنا ينصرنا وينصر الاخوان علي المجلس العسكري

يسقط حكم العسكر

سوبر سوبر لايك ام سلمي .......

بجد قلتى كل اللى عايزه اقوله .........وباختصار شديد

يارب ارزق مصر حاكما ليحكمها ويرد عنها الفاسدين يارب اللهم امين .........

[se_ Elsyed]

لا طبعا نزلوا لهم محمد مرسي احتياطي

غلط غلط .. غلط يا أم سلمى

الوقت ده كان محتاج أبو تريكه .. إزاي ينزل المرسي وهو أشول وإحنا محتاجين واحد في الناحية اليمين

----------

دي دعابة لو ليكي في الكورة

عارفه يا ام سلمى

بالتأكيد سمعتي عن حديث الرسول بإن لن يدخل الجنة من كان في قلبة مثقال ذرة من كبر

والرسول وضحها لهم وقال إن الكبر بطر الحق

تفتكري أبو الفتوح ده بالنسبة لهم إيه ؟

يهودي ...

تفتكري لو كانوا تخلوا عن الكِبر ودعموا أبو الفتوح على أساس إنه واحد منهم وأبصم بالمليون إنه كان منتظر كلمة منهم فقط عشان يرجع لهم ويبقى مُدعم منهم .... كان إيه هايبقى الموقف دلوقت ؟

ممش كان إحترامنا لهم هايزيد خصوصاً إن تأييد ابو الفتوح ما كانش هايبقى مجاملة أو سد خانة

لكن الكبر .. الكبر يا عزيزتي

وهاتسمعي أحلى تطبيل للمرسي اللي كان فلتة زمانة وإحنا مش عارفين

وحسبنا الله ونعم الوكيل

[عطر الجنة]

عرائس الماريونت اصبحت كثيرة على الساحة السياسية

[الدكتور ياسر]

بصراحة ..

ضربة معلم ..

أبو إسماعيل والدته امريكية برضاه أو غصبن عنه ..

الشاطر عفو صحي وسوابق برضاه أو غصبن عنه ولو عدا دا كله تبقى والدته صومالية

برضه برضاه او غصبن عنه..

العوا جده سورى وابوه لازم يكون سورى برضه برضاه او غصبن عنه ..

أبو الفتوح هيطلع قطرى .. وعشان يخزوا العين طلعوا حكاية عمرو موسى الفشنك بتاعت الجنسية الفرنسية ..

اما نشوف هيعملوا إيه مع مرسي ..

برافو الحرية و العدالة ..

برافو بجد bv:-

[se_ Elsyed]

ههههههههههههههه

لأ حلوه

حلوه صحيح

طب ولو الاخوان ما لحقوش يرشحوا المرسي ؟

إيه هايبقى تعليقكم

[MZohairy]

بصراحة ..

ضربة معلم ..

أبو إسماعيل والدته امريكية برضاه أو غصبن عنه ..

الشاطر عفو صحي وسوابق برضاه أو غصبن عنه ولو عدا دا كله تبقى والدته صومالية

برضه برضاه او غصبن عنه..

العوا جده سورى وابوه لازم يكون سورى برضه برضاه او غصبن عنه ..

أبو الفتوح هيطلع قطرى .. وعشان يخزوا العين طلعوا حكاية عمرو موسى الفشنك بتاعت الجنسية الفرنسية ..

اما نشوف هيعملوا إيه مع مرسي ..

برافو الحرية و العدالة ..

برافو بجد bv:-

بلاش المثالية دي و حسن الظن يا دكتور

اللي يطبخ باميه يطبخ ملوخيه

و عليك ان تفهم ان العسكر لن يمكنوا اي اسلامي من تولي الحكم

هم استفادوا من الاسلاميين و لعبوا بورقتهم و خلاص انتهى دورهم

الحاكم القادم لمصر عسكري

الا اذا قامت ثوره تانيه (و مانسحبش منها الاسلاميين كما حدث من قبل)

[نوران]

فعلا الخبر منتشر في كل المواقع الإخبارية

مرسي يتقدم بأوراق ترشحه للرئاسة عن الحرية والعدالة تحسبا لاستبعاد الشاطر

انتهى الدكتور محمد مرسي، رئيس حزب الحرية والعدالة، من تجهيز أوراق ترشحه لرئاسة الجمهورية، ممثلا للحزب، وهو ما يكشف النقاب عن أسباب دفع جماعة الإخوان المسلمين بالمهندس خيرت الشاطر، بصفة "مستقل"، مدعوما بتوقيعات نواب حزب الحرية والعدالة في البرلمان.

وينتظر أن يتقدم مرسي بأوراق ترشحه رسميا إلى اللجنة العليا للانتخابات الرئاسية، صباح غد الأحد، قبل غلق باب الترشح لأول انتخابات بعد الثورة.

وكشفت مصادر بحزب الحرية والعدالة أن ترشيح مرسي جاء بعد توارد الأنباء عن احتمالات إزاحة المهندس خيرت الشاطر عن السباق على خلفية الحكم العسكري الذي ما يزال ساريا في قضية "ميليشات الأزهر، حيث خرج من السجن بعد الثورة بعفو صحي.

رابط الخبر

[ذهبية]

معلش انا اسفة انا هاقول رد تانى خالص

اية اللى برافوا اخوان برافوووووو

هو اية الاخوان يرحوا شمال ترحوا انتم شمال و لا اية

يمين يمين ترحوا انتم يمين

المرفوض ان الاخوان يتعاملوا معانا كاننا راشدين لينا عقل بنفكر فية مش اطفال قصر بابا و ماما اللى بيقولوا لنا اية علشان هما اللى عارفين مصلحتنا و احنا ضغيرين

معلش الاخوان لية مخترتش ابو الفتوح من الاول و دعمتة

سؤال محتاج اجابة

لية اختارت الشاطر و بعدين نزلت بمرسى ما كان من الاول

هو المطلوب منى انى لازم اصفق لها على طول الخط و لا اية بالضبط

[الدكتور ياسر]

معلش انا اسفة انا هاقول رد تانى خالص

اية اللى برافوا اخوان برافوووووو

هو اية الاخوان يرحوا شمال ترحوا انتم شمال و لا اية

يمين يمين ترحوا انتم يمين

المرفوض ان الاخوان يتعاملوا معانا كاننا راشدين لينا عقل بنفكر فية مش اطفال قصر بابا و ماما اللى بيقولوا لنا اية علشان هما اللى عارفين مصلحتنا و احنا ضغيرين

معلش الاخوان لية مخترتش ابو الفتوح من الاول و دعمتة

سؤال محتاج اجابة

لية اختارت الشاطر و بعدين نزلت بمرسى ما كان من الاول

هو المطلوب منى انى لازم اصفق لها على طول الخط و لا اية بالضبط

يا مدام ذهبية دول مرشحين احتياطيين ..

السيناريو اليمنى اصبح على الأبواب .. بمعنى ان نائب الرئيس السابق يتولى رئاسة البلاد لمصلحة الرئيس

الجالس خلف الستار ..

يعنى حضرتك مش شايفة كل العقبات التى توضع للمرشحين الغير موالين للنظام البائد ؟؟

إيه المشكلة أن يكون هناك أكثر من مرشح إسلامى او حتى غير إسلامى ثم يحدث انسحاب قبل بدء التصويت

لصالح واحد او اثنين على الأكثر من المرشحين ؟؟

على فكرة أنا متوقع إن دا هيحصل بين شفيق وسليمان وعمرو موسى لمصلحة واحد منهم فقط ..

المشكلة إننا بنلعب حاليا على أرض المنافس وبحكام غير محايدين ولابد من وجود خطط وبدائل متعددة ..

وآدى حضرتك شفتى بنفسك سقط أبو إسماعيل فلم يعد هناك مرشح قوى بديل نثق في قدرته على حصد الكتلة

التصويتية التى كان سيحظى بها ..

[se_ Elsyed]

وآدى حضرتك شفتى بنفسك سقط أبو إسماعيل فلم يعد هناك مرشح قوى بديل نثق في قدرته على حصد الكتلة

التصويتية التى كان سيحظى بها

قصدك مرشح قوي تفصيل على الكيف

على قناة الحياة منذ 5 دقائق سمعت خالد سعيد المتحدث بإسم الجبهة السلفية ... وبعده الدكتور عصام دربالة وهما بيدافعوا عن ترشيح الشيخ صفوت حجازي وبيقولوا عملنا كده لان الساحة الان أصبحت خالية للفلول وبكده مش هايبقى في مرشح إسلامي

فشريف المذيع قال له : إنتوا ما بتتكلموش عن أبو الفتوح ليه ؟ ههههههههههههههههههه

فالراجل سكت وقال له .. أه إحنا بحترمة

يبقى في عندنا إسلامي

وإسلامي بشرطة

[سكر]

سيناريو اليمن ايه

احنا رايحين لسيناريو رومانيا بالحرف

[محمد عبدالعزيز]

بيقولك مرسى من أصل فرنسى

العب ياللى بتلعبbnd5::

استدراك

الكلام ده على عهدة دكتور عمار على حسن, كتبه على فيسبوك

الواحد من كتر المفاجآت بقى

تم تعديل 8 أبريل 2012 بواسطة محمد عبدالعزيز

[احمد رضوان]

بيقولك مرسى من أصل فرنسى

العب ياللى بتلعبbnd5::

استدراك

الكلام ده على عقدة دكتور عمار على حسن, كتبه على فيسبوك

الواحد من كتر المفاجآت بقى

أيوه سليم الكلام ده وجده إسمه ... بيكو

فيبقى كده أسمه بالكامل

محمد ميرسي بيكو ، وعنوانه البنزينة اللى في مدخل نيس

[se_ Elsyed]

بيقولك مرسى من أصل فرنسى

العب ياللى بتلعبbnd5::

استدراك

الكلام ده على عقدة دكتور عمار على حسن, كتبه على فيسبوك

الواحد من كتر المفاجآت بقى

أيوه سليم الكلام ده وجده إسمه ... بيكو

فيبقى كده أسمه بالكامل

محمد ميرسي بيكو ، وعنوانه البنزينة اللى في مدخل نيس

تصحيح بسيط للعلوان

ورا البنزينة اللي في مدخل نيس .. جنب مقلة عم نيكولاي سارخوسي

[hanzalah]

مش نعم أيام الاستفتاء كانت تعني رضى الله ودخول الجنه والحصول على الاستقرار

مش غريبه انه بعد سبعين نعم لم نحصل على شيء مما سبق

--------------------------------------------------------------------------------------

مش كان فيه من يومين احتفال بيوم لليتيم في مصر

هو الاخوان مش حلقوا لنا من سنة وقالوا مش عاوزين مليونيه (كانت لسه حكاية كشف العذرية ظازه) احنا رايحين نحتفل بيوم اليتيم

طب السنة مفيش ايتام في مصر نحتفل بيهم والا ايه

مفيش حس ولاخبر يعني

هو اليتيم لايُدخل التيار الاسلام السياسي الجنة والا ايه

--------------------------------------------------------------------

مش الاخوان أول فصيل جلس مع عمر سليمان الذي قال لمراسلة سي ان ان ان الشعب المصري غير مؤهلل للديمقراطية الان

طب ما نزلتوش بمليونية ليه تطالب باعدامه أو وقف فرم المستندات أو محكامة رؤوس النظام البائد

وكنتوا دايما مشغولين وعندكوا عزومات لما كنا بننزل مليونيه

----------------------------------------------------------------------

طب عمر دلوقتي مرشح العسكر اصبح كُخه ليه .. ماهو حق روقه وكلها ديمقراطية

يعني تسبوا العسكر يلطعوا الكل على قفاه باعلان دستوري وبعدين تسبوا المادة 28 بدون أي تعليق وبعدين تزعلوا

لأ ومين الاحتياطي مرسى و صفوت حجازي

مفيش أي قناة اتصال مع عبد المنعم ابنكم .. طب انتوا بتحرقوا عيالكوا

امال عيالي انا الغلبان هتعملوا فيهم ايه بعد ما تحكمونا

لأ لأ لأ

ما يحكمشي

:closedeyes:

[ام سلمي]

الاستقبال الحاشد لمؤتمر محمد مرسي بالاسكندرية

http://www.youtube.com/watch?v=ZIns-Wuisvg