القصة المصرية للثورة بإختصار كما اراها و ابطالها

[MZohairy]

رأيي خطأ يحتمل الصواب و رأيك صواب يحتمل الخطأ

بإختصار

قامت في مصر ثورة لا رادع لها

اشترك فيها كل الشعب بدون تمييز و في وحدة مذهلة

تولى الحكم في مصر عقب خلع الرئيس السابق للأسف كل اعوان النظام السابق من مجلس عسكري و مجلس وزراء و كوادر في كل انحاء مصر

فاستمرت الثورة و الثوار في طلباتهم حتى التطهير الكامل

و تم تنحية الوزارة في ايام

وجد العسكر نفسه في مأزق رهيب..و سيجيئ عليه الدور في المفرمه عاجلا ام اجلا

يعمل ايه؟

:)

يفتت الثورة الى عدة اقسام

و يبدأ باخواننا الاسلاميين اللي فعلا عددهم مش قليل لكن عندهم شغف مهول لحكم مصر و تحويلها الى دولة اسلامية (حسب وجهة نظرهم)

نعمل استفتاء

و بعدين نعمل انتخابات شعب و شورى

شعبنا متدين و طيب و سيتبع عمياني من يرفع لافتة الدين و ينجحهم خصوصا انهم بلا تجارب سابقة تثبت او تنفي جدارتهم

و مفيش مانع من شوية دعم كمان من العسكر للاسلاميين للاكتساح

و بكده اصبح الاسلاميين اعداء للثوريين و الليبراليين بشكل رسمي

و اصبح التكتل اللي قام بالثوره مشتت و لا يمكن تجميعة مرة اخرى

و خدوا الاسلاميين المجلس الشعبي و مجلس الشورى

و لكن بدون اي صلاحيات

و بعد كده لازم انتخابات رئاسة و جشع و حب السلطة تملك من الاسلاميين الى درجه غير مسبوقة

فالفرصة المنتظرة لوجود دولة رئيسها اسلامي و مجالسها اسلامية و دستورها اسلامي اصبحت على مرمى البصر

و شعروا بالقوة

حتى حان وقت انزال الستار و خروجهم من المسرح

فالهدف منهم كان تفتيت الثوار بمنحهم بعض قطع الحلوى البسيطة و للأسف بلع الاسلاميين الطعم

و تم تنحية اكبر رأس في مرشحي الرئاسة الاسلامية بدون مجهود يذكر

و سيتم تنحية اي اسلامي اخر حتى يحصل الجنرال على الحكم

و توته توته خلصت الحدوته

[احمد رضوان]

و توته توته خلصت الحدوته

الحدوتة لسه ليها بقية ... والأرواح اللى ضحت مش ممكن ربنا حيضيع تضحياتها

[Salwa]

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ…(لأنفال:30).

ان شاء الله دم الشهداء مش حايضيع .

وان شاء الله ربنا سبحانه وتعالى حايبعت لنا الأصلح .

[Ahmed Anwer]

حتي تكون محايد فالنخبة الليبرالية لها دور ايضا ،

كما قال لي صديقي الأخواني ،،

هناك قوي مدنية معتدلة ممكن نحط أيدينا في ايديهم

بس معهومشي لا فلوس و لا إعلام و لأا حتي مقاعد في البرلمان

و هناك قوي مدنية متطرفة دوول معاهم فلوس و إعلام و كل حاجة

لكن آخرهم صياح لمدة 24 ساعة علي الفضائيات بدون تأثير

فلذلك قررنا نلعب لوحدنا :)

بس الدور الأكبر في فشل الثورة يقع علي عاتق الإسلام السياسي

بإعتباره من يملك القوة الشعبية

[MZohairy]

حتي تكون محايد فالنخبة الليبرالية لها دور ايضا ،

كما قال لي صديقي الأخواني ،،

هناك قوي مدنية معتدلة ممكن نحط أيدينا في ايديهم

بس معهومشي لا فلوس و لا إعلام و لأا حتي مقاعد في البرلمان

و هناك قوي مدنية متطرفة دوول معاهم فلوس و إعلام و كل حاجة

لكن آخرهم صياح لمدة 24 ساعة علي الفضائيات بدون تأثير

فلذلك قررنا نلعب لوحدنا :)

بس الدور الأكبر في فشل الثورة يقع علي عاتق الإسلام السياسي

بإعتباره من يملك القوة الشعبية

الله يفتح عليك

مفيش فريق كله ملائكة

و بالتأكيد كل له اخطاء

لكن من يملك العدد الاكبر يملك الخطأ الأكبر

و من يتفق مع العسكر عليه ان يتحمل ضربات العسكر

و اللي يبيع اخوه يتحمل لعنات القدر

اوعى تنسى الشهداء اللي ماتوا اللي اتوصفوا من الاسلاميين الفرحانين بأفظع الصفات

اوعى تنسى البنت اللي اتعرت و العبايه ام كباسين و ايه اللي وداها هناك

و الاف الاخطاء من جانب الفريق الاسلامي الذي طمع فقل ما جمع و ربنا يستر على باقي القصة

[MZohairy]

تفسير الخطة من زياد العليمي<br class="Apple-interchange-newline">

هي دي الخطة: خيرت الشاطر ينزل فلما يتشطب هوة وحازم واحتمال ايمن نور كمان يبقى مافيش اضطهاد لمرشح بعينه

ويدخل المرسي الاحتياطي يفتت اصوات ابو الفتوح ويطلع التاني في الانتخابات، وعمر سليمان كل الناس تتحالف عليه باعتباره مرشح مبارك،

فينجح عمرو موسى او شفيق,,, والمرسي وعمر سليمان يعترفوا بنزاهة الانتخابات

فاللي هايسقطوا مش هايقدروا يقولوا حاجة لان مرشح مبارك ومرشح اكبر جماعة سياسية سقطوا واعترفوا بنزاهتها، والمفروض بقى إن المدنيين ينبسطوا بسقوط مرشح الجماعة والثوريين ينبسطوا بسقوط عمر سليمان،

خدوا بقى عندكم خطتنا:مش لاعبين هاننزل الشارع قريب جداً وساعتها استنوا كلكم ردنا