ازاى اقدر اختار مرشحي

[أبو العز]

ياريت المحاورات تفتح لنا توبيكات خاصة بكل مرشح لعرض برنامجه ونقوم بمتاقشة المرشح والتعرف على رؤيته حتى نستطيع اتخاذ القرار الصحيح

لانى للاسف مش قادر افهم ايه الهدف من كثرة الانتقادات الموجهة لاى مرشح نفسى اسمع برامج المرشحين علشان اعرف اتخذ قررارى كل اللى باسمعه ان فلان فلول وعلان امه يهودية وده خالته سورية والتالت اخوانجى

مش قادر افهم ليه مركزين فى الانتقادات اختار على اى اساس اذا كله بيشتم وينتقد فى كله

العبرة فى النهاية لاختيار الشعب والصندوق الانتخابى

نفسى اشوف مناظرة علنية بين كل المرشحين اللى انطبقت عليهم الشروط وايه خطتهم فى تنمية البلد والنهوض بها

عايز اشوف الخبرات والثقافةو الرؤية لكل مرشح محتمل

[لماضة مصرية جدا]

السلام عليكم و رحمة الله و بركاته

استاذي ابو العز

عايز رايي الشخصي

اني مش هرشح حد

دلوقتي خالص

لان اللي بيحصل ان كل مشجعي فريق...قصدي...كل مؤييدي مرشح بتحس معاهم بتعصب عجيب و كانهم كانوا يعرفوه شخصيا مثلا

و ده اصلا بيجيب ارتفاع في ضغط الدم...مش من الحوار....اطلاقا...لكن علشان المنطق الجبار اللي مالوش اي دعوة بالمنطق و بعدين هتنصدم صدمة عمرك بقي لما تسمع مبررات اختيار كل مرشح

الهوم ورك بتاعنا بقي دلوقتي

ان احنا نتابع من بعيد

و الحمد لله القنوات و الفيس بوك مش مخلية حاجة....(النهاردة علي سبيل المثال لقيت اصدقائي الفتوحيين....جيبنلي صورة للمناضل ابو الفتوح و هو بشعر اسود و فارقه من النص...طب ده كلام)

المعلومات هتيجي لحد عندناسواء المؤيدين....و الاكثر من المعارضين

بس السؤال

هو النهائي بقي بين مين و مين؟؟؟

التربيطات هترسي علي مين...بيحبوا يسموها توافقات...و انا شايفاها تربيطات

و نستني لغاية ما فصول المسرحية تكمل

و دي وجهة نظري

لغاي

[عطر الجنة]

التاريخ الأسود لـ عمر سليمان " العقرب السام "..

[أبو العز]

يعنى يااستاذة لماضة رأيك نستنتى النهائى علشان نروح نشجع قصدى ننتخب

انا بس نفسى فى عمل مناظرة علنية بين كل 2 مرشحين وتكون بنظام الدورى يعنى كل مرشح يقابل الفرق الاخرى كل يوم والناس تقدر تحكم على فكر المرشح وبرنامجه الانتخابى ومؤهلاته وفريق العمل اللى ح يشتغل معاه وقدرته على تنفيذ تلك البرامج وتكون تلك المباريات على الهواء مباشرة زى امريكا

أهو يكون دورى مفيد للبلد بدل الدورى اللى بيموتوا فيه المشجعين والشعب كله يقعد يتفرج ويبقى الاختيار على عينك ياتاجر

ساعتها لما اروح انتخب اكون كونت قناعة كاملة عن مرشحى اللى استشعر ان فيه الخير وانه فعلا هو ده اللى ح ينهض بالبلد

لا اريد مرشحا يفرض على لمجرد انه مع او ضد تيار معين

أن شاء الله ربنا يولى الأصلح

تم تعديل 10 أبريل 2012 بواسطة أبو العز

[الغريب]

1- أعرف أولا صلاحيات الرئيس في الدستور الحالي (الاعلان الدستوري مادة 25-56) ، وتعلم أيضا ماهية السلطة التنفيذية التي يفترض أن يكون الرئيس على رأسها.

2- تعرف على برامج المرشحين لتختار منهم ما يناسب تطلعاتك.

3- أعلم قبل كل شئ أنك أن الله سائلك عن إختيارك.

[القط الابيض]

أعلم قبل كل شئ أن الله سائلك عن إختيارك.

افضل شيء ممكن نعمله علشان واحنا بنختار مانتخمش فى لا متدين ولا علمانى المهم ليس الشكل المهم الجوهر والمكنون ربنا يولى علينا من يصلح