ابحار في عالم الأمومة

[عبير يونس]

اهلا اهلا باللماضة كلها

شوفي بقى

م الآخر كده

انتي تحديدا حتبقي ألذ أم فيكي يا مصر

و يا بختهم الولاد اللي حتبقي انتي امهم

مش مجاملة صدقيني

مين يطول يبقى عنده أم دمها عسل كده و مخها كبير وقلبها يساع الكون بحاله

ياريتك كنتي أمي

:sad:

مش بأهزر والله

أنا أصلي باستشعر الأمومة عن بعد

اوعي تخافي من المسؤولية

مادمتي تعرفي تبقي مسؤولة في أي مجال

فمسؤولية الأمومة زيها زي أي مسؤولية تانية

و زي شغلك كده

لوبتحبيه حيبقى مجهوده على قلبك زي العسل

السر في انجذاب الابناء للأم

انها دايما تدهشهم

متبقاش مملة

و تحس بيهم متبقاش آلة أوامر

وتبقى صديقة

أي حد ممكن يهتم بطفل

يأكله و ينظفه و يلبسه

زي شغل البيت كده ممكن أي خادمة تعمله

لكن في لمسات معينة بتميز ست البيت عن الخادمة

و بتميز الأم عن المربية

و دي ما تقلقيش عندك منها ماشاء الله من وسع

ربنا هو اللي بيحفظهم مش احنا

مديهم لنا أمانة و هو سبحانه اللي بيحرسها

يارب يرزقك بأبناء تقر عينك بهم يارب

آمين آمين آمين

بس تتجوزي الأول و الا تبقى فضيحة :blink:

ههههههههههههههههههههههه

مساكي عسل زيك

و دفا زي اللي جوة قلبك في منه كتيييييييييييييييييير اللهم بارك

[عبير يونس]

موقف أثر فيا جدا

سلافة الله يعافيكم و يعافي ولادكم بقى لها يومين عندها اسهال حاد

و هي كانت لسه بادية تتعلم الحمام

انا أصلي ما باستعجلش على موضوع الحمام ده

و بسيبهم براحتهم خالص من غير توتر

لحد اما همة يبقوا عايزين يستغنوا عن الحفاضات

المهم

امبارح غصبا عنها حصل تسريب من الحفاضة و الدنيا اتبهدلت

اخواتها شخطوا فيها

اخدتها في حضني بسرعةعلى الحمام

ونظفتها و اخدت دش واتضبطت

وانا لفاها في الفوطة و داخلة بيها الاوضة عشان انشفها و ألبسها

لقيتها بتبصلي و تقول لي " ايبك يا أمي" يعني أحبك

و على وشها نظرة امتنان غريبة

انا بصراحة جسمي قشعر و تأثرت جدا

و تذكرت موقف حصل معايا وانا صغيرة

طبعا مش فاكرة تفاصيله

لكن ماما الله يرحمها حكتهولي كتير و هي مبسوطة اوي

كانت برة البيت

وسايباني مع اخواتي الكبار

و دخلت في رجلي حتة ازاز

و فضلت ساكتة و ما عيطتش لحد اما هي جت و قلتلها

وهي بتخرجها كانت بتقول لي ليه ماقلتيش لاخواتك يشيلوهالك

و انا قلتلها : انتي مش حتوجعيني ... همة حيوجعوني

الحصول على ثقة طفل

هوأكبر مكاسب الأمومة

[Salwa]

مساء الصفاء والحب والحنية .

يعنى مش عارفة ليه خطر على بالى حاجة ...!!

لو كل النساء ........بتفكر ........وتحس ..زى لماضة وعبير .

كانت حاتبقى الدنيا حلوة قوى .

وبالتالى كل ابناء الأرض كانوا حايبقوا ابناء ناضجين .(( مش بقول صالحين..بس ))..

وقفت كتير قوى قوى امام تعبير .عبير... (لقيتها بتبصلي و تقول لي " ايبك يا أمي" يعني أحبك

و على وشها نظرة امتنان غريبة)

شوفى هى صغننة ازاى ؟؟

وفهمت...وانتى فهمتى وحسيتى بيها .

هو ده التعبير المظبوط ياعبير ....هى دى الكلمة اللى كانت ناقصة ومفروض تكمل البازل .

الشعور بالامتنان...

ولادنا من أول بيتولدوا فيه بيكونوا مرتبطين بينا .........ولما بيكبروا شوية .

بيشعروا بالامتنان وبالأمان .

ألأمان ده بقى اللى انتى شعرتى بيه ......وبس عبرتى عنه بقولك لوالدتك...( انتى مش بتوجعينى ياماما )

بس كدة ببساطة ..

يعنى شاعر النيل حافظ ابراهيم عندما قال

الأم مدرسة اذا اعددتها اعددت شعبا طيب الاعراق .

مكذبش.

مكذبش فعلا ...

الأم عندما تكون ....

اهم شئ تكون كلها امومة .يعنى حنينة بشكل طبيعى ربانى ...ربنا سبحانه وتعالى خلقها كدة .

وعندما تكون......

واعية ومتعلمة .مش شرط مثقفة .....لكن ؟؟ أنا اقصد بواعية أن فيه امهات مش متعلمات لكن ( نصاحة الدنيا فيهن)..

وعندما تكون..

خالية من العقد النفسية ....ياسلام بقى .دى ولادها يطلعوا يكسروا الدنيا مواهب والكلام ده حقيقى ومش مجرد شعارات .

وغيره وغيره ..

مش عارفة ليه دلوقت افتكرت حاجة ..

أنا اتعاملت مع الولاد من يوم ما اتولدوا على انهم حايكونوا ...........زى النشافة ..

اللى حايشوفوه ف البيت ويسمعوه ويعرفوه مننا حاينطبع عليهم ...,علشان كدة كنت دايما احرص انهم يشوفوا كل جميل ورايق ...وكنت ببعدهم بقدر الامكان عن سماع اى شئ مؤلم أو ملهوش موقع من الاعراب ف حياتنا وكنت على طول اديهم ثقة ف نفسهم .

ومش وقته طبعااا انسى نفسى واحكى ..

انا بحب اسمع عبير دلوقت .والصراحة يعنى كلامها كله رائع ومريح..

الأمومة شئ عظيم فعلا ياجماعة .

ولو تركت نفسى سوف اكتب كثيراااا...

كفايا كدة ..

ربنا يحنن قلوبنا كلنا على بعض ... :clappingrose:

[عبير يونس]

مساء الصفاء والحب والحنية .

يعنى مش عارفة ليه خطر على بالى حاجة ...!!

لو كل النساء ........بتفكر ........وتحس ..زى لماضة وعبير .

كانت حاتبقى الدنيا حلوة قوى .

وبالتالى كل ابناء الأرض كانوا حايبقوا ابناء ناضجين .(( مش بقول صالحين..بس ))..

وقفت كتير قوى قوى امام تعبير .عبير... (لقيتها بتبصلي و تقول لي " ايبك يا أمي" يعني أحبك

و على وشها نظرة امتنان غريبة)

شوفى هى صغننة ازاى ؟؟

وفهمت...وانتى فهمتى وحسيتى بيها .

هو ده التعبير المظبوط ياعبير ....هى دى الكلمة اللى كانت ناقصة ومفروض تكمل البازل .

الشعور بالامتنان...

ولادنا من أول بيتولدوا فيه بيكونوا مرتبطين بينا .........ولما بيكبروا شوية .

بيشعروا بالامتنان وبالأمان .

ألأمان ده بقى اللى انتى شعرتى بيه ......وبس عبرتى عنه بقولك لوالدتك...( انتى مش بتوجعينى ياماما )

بس كدة ببساطة ..

يعنى شاعر النيل حافظ ابراهيم عندما قال

الأم مدرسة اذا اعددتها اعددت شعبا طيب الاعراق .

مكذبش.

مكذبش فعلا ...

الأم عندما تكون ....

اهم شئ تكون كلها امومة .يعنى حنينة بشكل طبيعى ربانى ...ربنا سبحانه وتعالى خلقها كدة .

وعندما تكون......

واعية ومتعلمة .مش شرط مثقفة .....لكن ؟؟ أنا اقصد بواعية أن فيه امهات مش متعلمات لكن ( نصاحة الدنيا فيهن)..

وعندما تكون..

خالية من العقد النفسية ....ياسلام بقى .دى ولادها يطلعوا يكسروا الدنيا مواهب والكلام ده حقيقى ومش مجرد شعارات .

وغيره وغيره ..

مش عارفة ليه دلوقت افتكرت حاجة ..

أنا اتعاملت مع الولاد من يوم ما اتولدوا على انهم حايكونوا ...........زى النشافة ..

اللى حايشوفوه ف البيت ويسمعوه ويعرفوه مننا حاينطبع عليهم ...,علشان كدة كنت دايما احرص انهم يشوفوا كل جميل ورايق ...وكنت ببعدهم بقدر الامكان عن سماع اى شئ مؤلم أو ملهوش موقع من الاعراب ف حياتنا وكنت على طول اديهم ثقة ف نفسهم .

ومش وقته طبعااا انسى نفسى واحكى ..

انا بحب اسمع عبير دلوقت .والصراحة يعنى كلامها كله رائع ومريح..

الأمومة شئ عظيم فعلا ياجماعة .

ولو تركت نفسى سوف اكتب كثيراااا...

كفايا كدة ..

ربنا يحنن قلوبنا كلنا على بعض ... :clappingrose:

بالعكس يا ماما سلوى

ياريت تحكي

المساحة هنا للتواصل

و لتبادل المشاعر والتجارب

ياريت نسمع من حضرتك

و من كل أم هنا تحب تشاركنا مساحتها الخاصة في عالم الأمومة

و حتى البنوتات

و حتى الزملاء الأفاضل

ممكن يحكوا لنا عن احاسيسهم بأمهاتهم

فالأمومة علاقة ثنائية

[عبير يونس]

و رغم أنك تقلق منامي

ولكن كيف أنام وأنت على هذه الحالة؟؟؟

بكاؤك مزعج حقا ...لمن لا قلب له

أما أنا فقلبي يمزقه أن يرى دمعة واحدة من عينيك يا صغيري

أو آهة واحدة من صدرك

لا يهم القلق و عدم النوم

المهم أن تعود ابتسامتك تشرق على وجهك مرة أخرى

هيا اهدأ

و ابتسم من أجل ماما

[طبيبة بالخارج]

بسم الله ما شاء الله ربنا يبارك لك فيهم يا عبير و عقبال ما تشوفيهم عرايس و عرسان بإذن الله

ربنا يعينك و يقومك بالسلامة، أنا لسه وخده بالي من التوبيك دلوقتي و أنا لسه النهاردة الصبح ابني الصغير (داخل على 3 سنين) صحي 6:30 على غير ميعاده و طبعا لازم ماما تبقى "صبيح خير ماما" و يا ويلي لو حاولت أتناوم كمان شوية فقعدت قلت أنا ايه اللي كان خبطني في دماغي عشان أجيب 4 أبناء "استغفر الله طبعا مش أنا اللي جبتهم دي ارادة ربنا" بس الواحد ساعات لما بيتعب أوي بلاقي نفسي مش الأم المثالية يا ترى عدت عليكي لحظات زي كده؟

[se_ Elsyed]

عبير عبير

مع إن الموضوع بتاع أحساسيس الامومة وست الحبايب يا حنانا ننا .. ومنتظرين حد من الرجالة يعمل لنا موضوع عن أحاسيس الأبوبة ... خدي الموقف ده اللي حصل إمبارح قدامي ووقفلت بلمت وعملت نفسي عبدو العبيط

باجيب العيال من المدارس إمبارح .. فولادي بيطلعوا من مكان عشان كبار ... وولاد صديقي باجيبهم معايا بيطلعوا من مكان تاني عشان صغيرين فحاطين الصبيان مع البنات لحد G2 على اساس إن مافيش خوف منهم ههههههههه

المهم واقف قدام البوابة إلا وأب ماسك إبنه في إيده والواد مش باين من الأرض لانه في كي جي 1 وشنطة المدرسة أساساً اكبر منه حجماً .. فلقيت الأب بيقرب من بنت كده طلعت صديقة بنته اللي منتظرها وبيسلم عليها وبيقول لها : إزيك ؟ أنا والد سلمى زميلتك في الفصل .... البنت ممكن في G1 وده احمد أخو سلمى .. فالبنت وشها أتغير وقالت له : يا عمو أنا عاوز أشتكي لك من أحمد عشان كل ما يشوفني يشتمني ؟ قال لها بيشتمك إزاي عيب طبعاً ... بيقول لك إيه ؟ وهو بيبص للواد المقروص اللي مش باين من الشنطة

كل ده وأنا رامي ودن ناحيتهم لأنهم واقفن جنبي والكلام بييجي لحد ودني من غير ما أعمل مجهود

فقالت له : كل ما يشوفني يقول لي " يا مُزه "

أه والله العظيم

انا سمعت كده وقولت يا نهار أبيض ... ده أنا على كده فضلت عيل لحد ما أتخرجت من الجامعة !!!!! العيال دي إختصرت ييجي 20 سنة من عُمرنا ...

[عبير يونس]

بسم الله ما شاء الله ربنا يبارك لك فيهم يا عبير و عقبال ما تشوفيهم عرايس و عرسان بإذن الله

ربنا يعينك و يقومك بالسلامة، أنا لسه وخده بالي من التوبيك دلوقتي و أنا لسه النهاردة الصبح ابني الصغير (داخل على 3 سنين) صحي 6:30 على غير ميعاده و طبعا لازم ماما تبقى "صبيح خير ماما" و يا ويلي لو حاولت أتناوم كمان شوية فقعدت قلت أنا ايه اللي كان خبطني في دماغي عشان أجيب 4 أبناء "استغفر الله طبعا مش أنا اللي جبتهم دي ارادة ربنا" بس الواحد ساعات لما بيتعب أوي بلاقي نفسي مش الأم المثالية يا ترى عدت عليكي لحظات زي كده؟

اولا اهلا بيكي يا قمر

ثانيا

يوووووووووو

كتييييييييييييير طبعا

على فكرة انا ليا مفهوم خا ص جداااااااااااا عن الام المثالية

يعني

انا بمفهوم ناس كتير مش من الامهات المثاليات

و اولهم ابو الولاد

شايفني ما انفعش أم أصلا

هههههههههههههههه

نموذج الام اللي ماسكة طبق و بتجري ورا ابنها

عشان تأكله بالعافية

و تعلمه الحمام و هو عنده شهور :blink:

ولما يكبر تفتح شنطته تشوف كتبه و كراريسه

وتكرهه في المذاكرة

انا بقى مش كده خالص

و ولادي بفضل الله بياكلوا و كويس وقريب حا يا كلوني ما شاء الله

و الحمد لله بيتعلموا الحمام براحتهم و من غير توتر و لا مشاكل

و بيعملوا واجباتهم لوحدهم و يجوا يوروني الاستارز اللي المدرسة ادتهالهم و رسوماتهم

انا باسيبلهم مساحة من الفوضى

المساحة دي سابوهالي ماما وبابا و انا طفلة

والحمد لله لما كبرت عارفة كويس يعني ايه مسؤولية والتزام

في ناس كتير ما بيعجبهمش طريقتي

و يحاولوا يجدوا لي ثغرات عشان يثبتوا خطأ طريقتي

لكن العبرة عندي بالنتائج

انا ابني انسان

وهذا هو هدفي الحقيقي

انسان بكل ما فيه من نجاحات و اخفاقات لا يخجل منها

بل يعمل على اصلاحها

انسان حقيقي

وليس انسان سوبر!

[عبير يونس]

الحقيقة كل ما آجي اكتب هنا عن التجربة الجديدة أتراجع

و حاسة كأني أم لأول مرة

امبارح مريت بتجربة مؤلمة جدا

كان في لحظات طفلي الوليد حيروح مني

كنت مدياه ببرونة و نام وهو بيشربها

و فجأة بصيت عليه لقيته مش عارف ياخد نفسه و من غير صوت

وفي ثانية كنت واقفة بيه

و في ثواني كأنها دهر

الهمني ربنا اني احضنه من ضهره واضغط على الحجاب الحاجز

اول ضغطة مكانش في استجابة

وفي التانية طلع صوت ضعيف

طبعا انهرت و فضلت شايلاه و باحمد ربنا

و في لحظة تذكرت اني في بداية حملي مكنتش عايزاه!!!

و قد ايه انهرت اني كنت في ثانية حأفقده

و طبعا نتيجة الموقف

على تراكمات أخرى من غضب و تعب على قلق

اني من امبارح بأقاوم بشدة أعراض اكتئاب ما بعد الولادة

اللي بأحاول قدر الامكان ما استسلمش لها من يوم الولادة

و ربنا يستر

[عبير يونس]

عناد الأبناء

هو أصعب شيء في الأمومة

و عندي منه الكثير

:)

و ابنائي أنواع باختلاف شخصياتهم

فمنهم من يثنيه اظهارغضبي منه عن عناده

ومنهم الرقيق الذي لا يرضيه مجرد أن أكون غير راضية عن شيء ليرجع عنه

ومنهم العنيد الذي يفعل العكس تماما

فهو لا يفعل إلا ما أكون غير راضية عنه

و لا يثنيه سوى تجاهلي لما يفعل

فيكف

و منهم من هو في حالة متوسطة بين أسلوب وآخر

تعودت على استراتيجيات متعددة للتعامل

و اغيّرها من طفل لآخر

و لنفس الطفل من آن لأخر بحسب حالته المزاجية

فالأطفال

متقلبون و يضجرون بسرعة

و لابد معهم من الصبر

لأننا أولا وأخيرا نحبهم و لا نستغني عنهم

مهما صعب التعامل معهم

و عزاؤنا أنهم يوما ما سيقدرون ما نفعله من أجلهم

حتى ولو بعد فوات الآوان

فربما يصيبنا شيء من دعائهم لنا بالرحمة

حين نغادر هذا العالم

[عبير يونس]

تفاصيل صغيرة

تظل معنا طوال العمر

تم تعديل 20 فبراير 2013 بواسطة عبير الشرقاوي

[نورالعين]

لا اعرف كيف فاتنى هذا الموضوع

ما شاء الله عليك يا عبير

وربنا يحفظلك اولادك ويجعلهم قرة عين لك ولوالدهم

انا مبهورة بروعة احاسيسك وهدوءك المبدع في التربية ادامه الله عليك