والله زمان يا مليونيات .... وبدأ الحشد لمليونية حماية الثورة 20 إبريل

[ام سلمي]

نوارة نجم nawaranegm :

هو انا احلف لكم على المصحف ان المظاهرة دي مش عشان حازم ابو اسماعيل? انزلوا احنا نقدر نخلص الليلة

القوى المشاركة في الاعتصام:

-6 أبريل (الجبهة الديموقراطية)

-الاشتراكيون الثوريون

-أزهريون بلا حدود

-ثورة الغضب المصرية الثانية

-ثوار بلا تيار

-انصار ابو اسماعيل

-حركة شباب الثورة

و الدعوة السلفية بمدينة العبور تعلن انضمامها للإعتصام و تتحرك بمسيرة من ميدان الجيزة

تم تعديل 28 أبريل 2012 بواسطة ام سلمي

[se_ Elsyed]

ألتراس أهلاوي نزل الملعب ....

صدقوني ... المجلس العسكري بيترعب من أي جماعات مالهاش اهداف او حسابات سياسية .. لان هو شافهم في الـ 18 يوم ... وعرف إنهم ما بيتثبتوش بكرسي أو منصب او حته من التورتة .... وشافهم في محمد محمود وماسبيرو ومجلس الوزراء

لكن ياريت يحافظوا على سلمية التظاهرات دي .. ويحددوا مطالبهم .. ويعملوا رعب للمجلس العسكري عشان المادة 28 القذرة ... ويبينوا إستعداد إن كل مصري ممكن يضحي بنفسه لو حد حاول يسرق حلمه ويزور الإنتخابات لصالح حد من النظام القديم عشان يدفن الثورة

مطلوب الان وفوراً ... جلوس كل القوى السياسية مع بعها البعض لفتح صفحة جديدة ... صفحة بدون حسابات .. بدون تورتة وجاتوهات .... صفحة بدون إتهامات وتخوين ....

صدقوني زي ما بتقول البت نواره ... أقسم بالله نخلصها في يومين .. ونعمل إحنا إنتخاباتنا على مزاجنا وأقسم بالله لو جه مين الكل هايرضى به وأدينا جربنا في إنتخابات مجلس الشعب إن أغلي المصريين ما فرقتش معاه مين اللي كسب طالما كسب بشرف وبنزاهة ...

ونضع دستور على مزاجنا ... دستور لكل مصر مش لفئة أو جماعة .....

[ام سلمي]

الشرطة العسكرية بتصورالمعتصمين بكاميرات فيديو !!

نشطاء: الشرطة العسكرية ترصد المشاركين في اعتصام العباسية بالفيديو

نشر عدد من النشطاء عبر صفحاتهم على مواقع التواصل الاجتماعي، صورا واضحة لمجموعة من أفراد الشرطة العسكرية بزيهم الرسمي يرصدون المشاركين في اعتصام العباسية الذي بدأ منذ ساعات، من خلال كاميرات فيديو متنوعة.

ويعتقد النشطاء أن الشرطة العسكرية تستخدم هذه اللقطات فيما بعد لتعقب العناصر التي تلاحظ قيامها بدور قيادي في فعاليات الثورة تمهيدا لاعتقالهم، خصوصا مع تكرر هذا المشهد في معظم الفعاليات الثورية، وهو الأسلوب ذاته الذي كان يستخدمه أمن الدولة قبل الثورة.

والاعتصام الذي بدأه أنصار المرشح الرئاسي المستبعد حازم صلاح أبو إسماعيل، وحركة "ثوار بلا تيار"، بعد مسيرة حاشدة قدمت من ميدان التحرير، قبل أن تعلن حركات ثورية الانضمام إليهم لاحقا، يدخل نهاره الأول، وسط دعوات بتصعيده.

http://shorouknews.com/news/view.aspx?cdate=28042012&id=9f9de189-426c-43f3-ae6f-5b8f883b34e6

[se_ Elsyed]

الروينى: معتصمو "الدفاع" مغيبون

أكد اللواء حسن الرويني عضو المجلس العسكري أن المجلس ملتزم بوعوده بتسليم السلطة في 30 يونيه بعد انتخاب رئيس مدني للبلاد, وطالب الرويني المعتصمين بشارع الخليفة المأمون بالتزام السلمية والعودة لميدان التحرير.

وقال الرويني - في تصريحات صحفية أمام وزارة الدفاع - إن هؤلاء المعتصمين مغيبون وغير مدركين بما يطالبون به بإسقاط حكم العسكر.

قائلا: المجلس العسكري لا يحكم وخروجه الآن من السلطة دون وجود رئيس مدني يهدد بهدم الدولة وإسقاط المؤسسات.

وحذر من وجود مندسين يستغلون تلك الأوقات لافتعال الأزمات والمشاكل.

ومنع الرويني بعض أهالي العباسية الذين تجمعوا لفض الاعتصام بالقوة وطالبهم بالتفوض مع المعتصمين وإقناعهم دون استخدام قوة أو عنف.

وطالب قوات الشرطة العسكرية بالالتزام بضبط النفس لأعلي درجة وعدم الانصياع لاستفزازات بعض المتظاهرين

اقرأ المقال الأصلي علي بوابة الوفد الاليكترونية الوفد - الروينى: معتصمو "الدفاع" مغيبون

إيه ترامادول برضوا وكده ولا العيال غيروا الصنف ؟

وأيوه كده يا راجل .. كنت والله العظيم قلقان على اهل العباسية الشرفاء وقولت هما فين .. أتاريك يا لئيم أقنعتهم بعدم التصدي للمعتصمين او إستخدام العنف

بأقول لك يا ريس ... ما تعينوا اهالي العباسية في الجيش وأدوهم رُتب .. والله باتكلم جد وأهم يبقوا خط الدفاع الاول عن المجلس العسكري ... بس إفرض العيال العفاريت جم من ناحية الخليفة المأمون .. أو من ناحية محطة مترو كوبري القبة ؟

[doctor ayman]

ممكن يااستاذ سي السيد تفهمني ما هي مطالب الاعتصام

معلهشي اذا كنت مش فاهم

لان اللي اعرفه ان المجلس العسكري هيمشي في 30 يونيو

وبالتالي المطالبه بسقوط حكم العسكر مالهاش محل من الاعراب

واعرف كمان ان اللي بيطالبو بالغاء الماده 28 هما انصار ابو اسماعيل

وده علشان خاطر عيون المرشح بتاعهم بس

طيب المعتصمين بيطالبو بايه كمان

[se_ Elsyed]

ممكن يااستاذ سي السيد تفهمني ما هي مطالب الاعتصام

معلهشي اذا كنت مش فاهم

لان اللي اعرفه ان المجلس العسكري هيمشي في 30 يونيو

وبالتالي المطالبه بسقوط حكم العسكر مالهاش محل من الاعراب

واعرف كمان ان اللي بيطالبو بالغاء الماده 28 هما انصار ابو اسماعيل

وده علشان خاطر عيون المرشح بتاعهم بس

طيب المعتصمين بيطالبو بايه كمان

يا دكتور أيمن أنا مع التصعيد ده اللي بيعمل كرت إرهاب للعسكر اللي قلوظوها لاحمد شفيق وقبلوا الطعن بتاعه بعد إنتهاء المدة ... يبقى هل نستبعد إنهم يستغلوا نفس السيف المسموم بتاع المادة 28 ويعلنوا النتيجة وتبقى خلصت كده ونتقابل الثورة الجاية ؟

[se_ Elsyed]

بقت فكرة مهروسة مليون مرة .. ومع ذلك منفذوها لا يملوا

ومع ذلك مافيش كلب منهم إتمسك .. تخيلوا ؟

الان أيها السادة .. بدا موقعة جمل جديدة .. في هجوم للبلطجية على المعتصمين بالقرب من وزارة الدفاع

#رصد | مجموعة من البلطجية يهاجمون المعتصمين في محيط مقر #وزارة_الدفاع

[se_ Elsyed]

بدء إطلاق نار على المعتصمين ...

بس أنا متأكد من إن ولاد أبو إسماعيل مش هايسكتوا .. نفسي يمسكوا عيال من دول ويعلقوهم من رجلهم في كوبري القبة بصراحة ..

[se_ Elsyed]

أرى الان سيارات إسعاف تنقل المصابين من المكان .... والكل متعايش مع بعضه

يعني معتصمين سلميين ... سيارات إسعاف ... عربات مدرعة وشرطة عسكرية .... بلطجية في حماية الجيش ... الكل متعايش بشكل غريب .

[se_ Elsyed]

بدء إطلاق نار على المعتصمين ...

بس أنا متأكد من إن ولاد أبو إسماعيل مش هايسكتوا .. نفسي يمسكوا عيال من دول ويعلقوهم من رجلهم في كوبري القبة بصراحة ..

ههههههههههههههههه لسه ما كملتش كلامي إلا ويقوم ولاد أبو إسماعيل بالقبض على إتنين من البلطجية ممن يطلقون النار على المتظاهرون .. أنا نفسي بقى ما يتسلموش للشرطة ولا الجيش ويتسلموا للمستشار أحمد مكي أو الخضيري أو يركبوهم حمار بالمقلوب وياخدوهم بكره لمجلس الشعب ويعترفوا امام مصر كلهم مين وراهم

رجالة يا ولاد والله وربنا معاكم

للأسف الغبي أبو مخ بالوظة اللي بيخطط لده لحد دلوقت مافهمش الشباب دول اللي الموت بيخاف منهم مش هما اللي بيخافوا منه

[se_ Elsyed]

ههههههههههههههههه

والله العظيم زي ما أكون بادير العمليات من موقعي على الكنبة

الثوار يمسكون احد البلطجيه و يقومون بإستجوابه

أطلق مجهولون يرتدون ملابس مدنية ويقفون خلف قوات الجيش والشرطة العسكرية قنابل صوت وغاز وخرطوش ورصاص من أسلحة آلية في الهواء وحجارة على المتظاهرين المعتصمين بجوار وزارة الدفاع وسط حالة من الاستعداد والتأهب من قبل قوات الشرطة العسكرية والأمن المركزي.

كما أغلقت قوات الشرطة طريق صلاح سالم ومنعت السيارات من المرور من خلاله وحولت طريق السيارات إلى ناحية أكاديمية الشرطة القديمة مع وجود حالة تأهب قصوى لقوات الأمن بجوار وزارة السياحة استعدادا لحدوث اشتباكات

ها .. نزل يابني خبر شرفاء العباسية

[se_ Elsyed]

والحيوان التاني اهو