بعد الأمر بضبطه.. مرتضى : '' لو وزير الداخلية راجل يجي يقبض عليا '' !!!!!!!!

[se_ Elsyed]

إيه .. ماسك سي دي على وزير الداخلية هو كمان ؟

علق المستشار مرتضى منصور المتهم التاسع فى قضية قتل المتظاهرين المعروفة اعلاميا بـ '' موقعة الجمل '' على قرار هيئة المحكمة بضبطه واحضاره بأنه قرار تهريجى وانتقامى من قبل المستشار مصطفى عبد الله رئيس المحكمة متسائلا كيف للقاضى أن يأمر بضبطى وإحضارى أو يستمر فى نظر القضية وهو مقدم ضده طلب رد.

أضاف مرتضى : إن هذا القرار ليس قرارا قانونيا وانما قرارا سياسيا جاء باوامر الشخية موزه قرينة حاكم قطر بعدما زادت شعبيته واقترابه من الوصول لمنصب رئيس الجمهورية''.

وتساءل: لماذا لم يأمر القاضي بضبط واحضار الـ 14 متهم المخلى سبيلهم على ذمة القضية؟، مضيفا هل يجرؤ القاضى ان يواجه الرأي العام ويخبره لماذا لم يتم القبض على رجلي الأعمال محمد ابو العنيين ومحمد كامل المتهمين فى ذات القضية.

وردا على سؤاله عن رد فعله اذا داهمت الشرطة بيته لإلقاء القبض عليه، اكد منصور انه فى انتظار ''راجل يجيى يقبض عليا.. ولو وزير الداخلية راجل يجيي يقبض عليا''، مضيفا: "خليه يقبض على البلطجية اللى مليين الشوارع''.

[se_ Elsyed]

انا مش بأفهم قوي في القانون

لكن بأفهم في الكوسة

من أول يوم لموقعة الجمل كان المتهمين اللي مقبوض عليهم زي صفوت الشريف وفتحي سرور وحسين مجاور وماجد الشربيني ورجب حميده .. مسجونين على ذمة القضية وبقى لهم دلوقت أكتر من سنة .. وبصراحة حاجه كتير قوي إن دي تبقى مدة حبس إحتياطي بدون البت في القضية ..

في نفس الوقت في ناس مُطلق صراحها زي عيشة عبد الهادي ومحمد أبو العينين وإتنين من ظباط الشرطة .. بيحضروا الجلسات بس

لحد كده كويس

لكن الكوسة بقى إن قضايا الجنايات لازم المتهمين يحضروا فيها ويقفوا في القفص .. لكن ما وجدناه إن مرتضى منصور وإبنه وإبن اخته ضربوا بكل هذا عرض الحائط ولم يحضروا ولا جلسه ... أقصد هنا الواد إبنه وإبن اخته لكن مرتضى حضر جلستين تلاتة وبقى له 3 جلسات لم يحضر وطظ في المحكمة وفي القضاء

الأغرب والأغرب إن منذ اكتر من عام صدر قرار من النيابة بالقبض على مرتضى منصور وإبنه وإبن اخته لتغيبهم عن حضور الجلسات .. ومع ذلك لم يُنفذ القرار

هو في إيه ؟

[shawshank]

الأغرب والأغرب إن منذ اكتر من عام صدر قرار من النيابة بالقبض على مرتضى منصور وإبنه وإبن اخته لتغيبهم عن حضور الجلسات .. ومع ذلك لم يُنفذ القرار

هو في إيه ؟

أكيد لم يستدل على عنوانهم smk:

[se_ Elsyed]

مرتضى منصور يغيب عن محاكمته رغم قرار ضبطه فى قضية موقعة الجمل

[hanzalah]

مش فاهم ايه حكاية موزه دي اللي ماشك فيها عم مرتضى سيديهات

هو كان محروم من الموز وهو صغير

:closedeyes:

[se_ Elsyed]

الفار مستخبي في المصيدة دلوقت عند قريبة هشام الرفاعي الذي يتمتع بحصانة قضائية وفاكر نفسه هايعيش بقية حياتة جوه الشقة والشرطة واقفة بره بالمئات

هههههههههه

"منصور" يختبئ بشقة صهره "القاضى" محتمياً بحصانته القضائية

السبت، 14 أبريل 2012 - 17:54

كتب إبراهيم أحمد - تصوير حسين طلال

احتمى المحامى مرتضى منصور، المرشح المحتمل لرئاسة الجمهورية، بصهره المستشار والمقيم فى إحدى شقق العقار الذى يتواجد فيه مكتبه الخاص بشارع أحمد عرابى بالعجوزة.

مصادر مقربة من القذافي .. قصدي من مرتظا بيقولوا إن سبب إلقاء القبض عليه إنه وقف وساند الشيخ حازم أبو إسماعيل .... شوف إزاي يا أخي