الرجالة العوانس

[لماضة مصرية جدا]

السلام عليكم و رحمة الله و بركاته

اعزائي المستمعين و المستمعات

أهلا بيكوا في حلقة جديدة من برنامج

تعالوا نعيش بفكر جديد....و نشرب اللبن علشان نزود الحديد:)

من غير اي مقدمات طويلة....لاني بصراحة لو سبت لساني ينشر في الحتة دي....محدش هيوقفني

احب اقدم ليكو

كتاب جديد اسمه

الرجال العوانس

الكتاب من تأليف الرائع (بالنسبة لي ) شادي عبد السلام

عجبتني الفكرة

و قبل ما حد يحدفني بحاجة و يتهمني اني بشق الصف و هعمل فتنة و احنا مش ناقصين

الكتاب مش بيتكلم بس علي فكرة جديدة "العنوسة" في البطاقة الرجالي

لكن كمان بيتناول بشكل ساخركتير من الافكار اللي لازم تتغير في مجتمعنا عن الجواز

بس المرة ده بيتكلم عن الراجل...و مسئوليته في صناعة الفكرة اوتبنيها او ترويجها

الحقيقة ابلغ وصف للكتاب

انه شهد شاهد من اهلها

الكاتب "راجل" و يمكن هو نفسه يطلق عليه "عانس"

اتمنالكم رحلة قراءة ساخرة ممتعة جدا

صباحكم......نكش في الدماغ...:)

[ام نور محمود]

ريهام العزيزة جدا

هفيتي عليا جدا اليومين اللي فاتوا فسجلت دخول ( وانا نادرا ما افعل ) وحاولت اكتبلك على الوول او ابعتلك رساله بس معرفتش .. اوعي تكوني حظرتيني :)

المهم فضلت انكش لحد ماعترت فيكي هنا فاستجمعت شجاعتي وعملت حاجة بقالي بتاع سنه معملتهاش وهي اني اكتب رد في المحاورات وكله عشان خاطرك

المهم انا داخله اقولك انك في البال وان قلبي بيدعيلك من معاميق قلبه

صحيح .. كنت هانسى .. الكتاب شكله مشوق اوي واكيد هادور عليه واقراه

في حفظ الله

[engmido]

انتو الاتنين محدش شافكم من عشرين سنة

ثم انتى يا لماضة غايبة ده كله وجيالى بعنوسة الرجل

لا حول ولا قوة الا بالله

هههههههههههههههه

[لماضة مصرية جدا]

ريهام العزيزة جدا

هفيتي عليا جدا اليومين اللي فاتوا فسجلت دخول ( وانا نادرا ما افعل ) وحاولت اكتبلك على الوول او ابعتلك رساله بس معرفتش .. اوعي تكوني حظرتيني :)

المهم فضلت انكش لحد ماعترت فيكي هنا فاستجمعت شجاعتي وعملت حاجة بقالي بتاع سنه معملتهاش وهي اني اكتب رد في المحاورات وكله عشان خاطرك

المهم انا داخله اقولك انك في البال وان قلبي بيدعيلك من معاميق قلبه

صحيح .. كنت هانسى .. الكتاب شكله مشوق اوي واكيد هادور عليه واقراه

في حفظ الله

السلام عليكم و رحمة الله و بركاته

الو

الو

الو

ايوة يا كابية 7

ارفعي السماعة....(وش حد علي الرغم من انه بيتكلم في سماعة التلفون بس مصر كلها سااااااامعة)

انا فاكرة اخر مرة حضرتك كتبتي قولتلنا انك بتحضري الشنطة و مسافرة و من بعدها احنا قولنا بقي روحتي تجيبي طابع بوسطة....(وش حد بيعتب علي غيابك جامد...بس يا رب يكون خير)

الله يسعد قلبك علي الدعوات اللي من المعاميق...الواحد محتاجهم...فوق ما تتخيلي

بالنوسبة بقي للكتاب....(ما هو انا لازم اقول بوقين عن الكتاب في المداخلة و الا هتبقي فعلا مكالمة تلافون)

الكتاب يا ستي بيتصنف من ضن الكتابة الساخرة اللي انا بحبها جدا

يعني كتابة بتنتقد كل حاجة بس بدل ما بتقعدي تزعقي و الصراحة الواحد مبقاش عارف يزعق علي ايه و لا ايه...بتقعدي تضحكي

و الحقيقة انا لقيت دور نشر كتيرة اوي في مصر مهتمة بالموضوع ده

حبيت اختار لكم كتاب انا شخصيا متشجعة لصاحبه اخر سبع حاجات

و يا رب يعجبكم

صباحك....شط اسكندرية و دعوة من القلب اوي متغبيش تاني

تيكوب.....(متاخديش في بالك ....ده صوت السماعة لما بحطها)

[لماضة مصرية جدا]

ثم انتى يا لماضة غايبة ده كله وجيالى بعنوسة الرجل

لا حول ولا قوة الا بالله

هههههههههههههههه

السلام عليكم و رحمة الله و بركاته

مش عارفة ليه شامة ريحة تريقة....و حاساك هتقولي يا ما جاب الغراب لنينته

ما علينا

ما علينا

انا طبعا كان المفروض اتكلم عن الثورة

بس الحقيقة

احلي حاجة بحبها في العيشة في مصر...(غير حواري مع سواق التاكسي اللي بيحسسني انه احسن من اجدعها محلل سياسي)

ان الناس عايشة

يعني عايز تتكلم في الثورة ماشي

عايز تتكلم في الخبيز ماشي

عايز تتكلم عن حفلة منير اللي جاية ماشي

عايز تتكلم عن الحياة كلها ماشي

الكلام ده مش بيحصل للناس الرايقة....ابسلوتلي

ده بيحصل علشان الناس بتعافر و عايزة تعيش و تكمل

و عشان كده تحس فيه حياة

شادي عبد السلام...و اللي المفروض يجي بقي هنا و يأبجني (ده مصطلح شعبي معناه يديني البرادس و كدهوت)...علي الحملة الاعلانية الضخمة اللي هتطغي علي بوسترات عم الحاج ابو سيماعين

بيكتب في كل حاجة

في السياسة

و التاريخ

و السينما

و الحياة

حبيتكوا تعيشوا الحياة....وسط....الزعيق اللي بره

يعني نرش حبة مية قدام المحل

علشان الدنيا مطولة

و محتاجين نقف شوية نشم نفسنا و نرجع تاني

بعد المقدمة الطللية دي

قولي بقي

رايك ايه...يا عبد المعطي....في المنطق...قصدي في الرجالة العوانز....(وش حد مقلوب علي ضهره من الضوحك)

صباح حضرتك رضا

[ام نور محمود]

السلام عليكم و رحمة الله و بركاته

الو

الو

الو

ايوة يا كابية 7

ارفعي السماعة....(وش حد علي الرغم من انه بيتكلم في سماعة التلفون بس مصر كلها سااااااامعة)

انا فاكرة اخر مرة حضرتك كتبتي قولتلنا انك بتحضري الشنطة و مسافرة و من بعدها احنا قولنا بقي روحتي تجيبي طابع بوسطة....(وش حد بيعتب علي غيابك جامد...بس يا رب يكون خير)

الله يسعد قلبك علي الدعوات اللي من المعاميق...الواحد محتاجهم...فوق ما تتخيلي

بالنوسبة بقي للكتاب....(ما هو انا لازم اقول بوقين عن الكتاب في المداخلة و الا هتبقي فعلا مكالمة تلافون)

الكتاب يا ستي بيتصنف من ضن الكتابة الساخرة اللي انا بحبها جدا

يعني كتابة بتنتقد كل حاجة بس بدل ما بتقعدي تزعقي و الصراحة الواحد مبقاش عارف يزعق علي ايه و لا ايه...بتقعدي تضحكي

و الحقيقة انا لقيت دور نشر كتيرة اوي في مصر مهتمة بالموضوع ده

حبيت اختار لكم كتاب انا شخصيا متشجعة لصاحبه اخر سبع حاجات

و يا رب يعجبكم

صباحك....شط اسكندرية و دعوة من القلب اوي متغبيش تاني

تيكوب.....(متاخديش في بالك ....ده صوت السماعة لما بحطها)

والله ياريهام ملقتش طابع بوسطه فجبت بداله بيبي :)

ربنا رزقني بادهم وانت عارفه بأه العيال الزنانه مابتسيبش فرصه لاي حوارات انترنتيه :)

والكتاب مش لاقيه بس هادور تاني لان انا كمان بعشق الادب الساخر .. واهو نضحك بدل مانطق

سعيده اوي اني اتطمنت عليكي

احبك في الله

[pocy]

هههههههههههههههههههههه الله يسمحك يا ريهام .....

تغيبي تغيبي وترجعلنى ببصله يوه قصدى بكتاب بس الكتاب اسمه مشوق وجذاب وده اللى عاجبنى بصراحه .................

وفكرتينى بواحد عنده 45 سنه سالته فى مره هو ليه حضرتك متجوزتش .............رد على رد ههههههههههههههههههههههههه بلاش احسن ...............

قال ايه ياختى بلاقرف جواز يقصر العمر وعيال يزنوا ويقلقوا منامك ما احلى عيشه الحريه (وش يوسف بك وهبى)بذمه ده راجل ده ..............ايه اللى بقوله ده ....سورى ............

عودا أحمد .....يا جميل ...

الا مين احمد ده ..............اوعى يكون ابو عمر ههههههههههههههههه

يارب اشوفك بخير مع احلى كوبايه شاي بالنعناع ومش تنسي لازم تكون فى مج ازاز وورقه النعناع مفروده وطايره على الوش ااااااااااااااه يانى محدش يتبرع ويعملى كوبايه فى الخمسينه ههههههههههههه

[لماضة مصرية جدا]

هههههههههههههههههههههه الله يسمحك يا ريهام .....

تغيبي تغيبي وترجعلنى ببصله يوه قصدى بكتاب بس الكتاب اسمه مشوق وجذاب وده اللى عاجبنى بصراحه .................

وفكرتينى بواحد عنده 45 سنه سالته فى مره هو ليه حضرتك متجوزتش .............رد على رد ههههههههههههههههههههههههه بلاش احسن ...............

قال ايه ياختى بلاقرف جواز يقصر العمر وعيال يزنوا ويقلقوا منامك ما احلى عيشه الحريه (وش يوسف بك وهبى)بذمه ده راجل ده ..............ايه اللى بقوله ده ....سورى ............

السلام عليكم و رحمة الله و بركاته

بصلة....بصلة....بصلة....احلي لفظ سمعتوا في حياتي...(وش سوكيننة و هي بتكلم عبعال)

شوفي يا عزيزتي الرفيقة بوسي

انا عجبني الكتاب....(و دي المرة الديشليون اللي بقولها و حاسة ان شكلي بقي اهبل بزيادة)....لانه ببساطة هو ده المعني الحقيقي للثورة

ايون

الثورة مش انك تغيري سحنة و تحطي سحنة

الثورة الحقيقية انك تغيري افكار الناس

النهاردة كنت قاعدة مع بنوتة و بعدين بتحكيلي عن رغبتها انها عايزة تتجوز....(ايون واخدة حبوب الشجاعة...و قاعدة بتفضفض)

و بعدين بقولها طيب يا بنتي ايه موصافاتك و كدهوت علشان لو جه قدامي حد اقولك....(بقيت اشتغل خاطبة علي اخر الزمن...معلشي اهو كله بثوابه)

الهم لقيتها رصت ليا رصة حاجات فبقولها....دي كراسة مواصفات تلاجة يا بنتي

طبعا هي ضحكت و افتكرتني بتريق

بس ببساطة هي قعدت تحاول تقنعني ان فيه "ثوابت" في الزواج

و انا بحاول اقنعها ان مافيش حاجة اسمها "ثوابت" في اي حاجة اصلا

انا مش مع الفوضي في التفكير

لكن قطعا ضد "القولبة" في "تلاجات" ثابتة و التجمد لدرجة متخليناش نفكر بره العلبة

من ضمنها فكرة

الراجل.....مش بيتجوز...زي اخينا اللي فوق دوت علشان ببساطة خايف انه يلتزم بمسئولية

و البنت مش بتتجوز.....علشان قاعدة راسمة خط علي الارض و عايزة تمشي عليه

و احنا كمتابعين...عندنا لستة افكار مجتمع مش عايزة بس تتغير

دي عايزة تتنسف و تتبني من اول و جديد

من ضمنها

الراجل العانس....بيلاقي قبول مجتمعي.....الف مرة من البنت العانس

الراجل العانس.....بيرتبط انه رجل العيلة او اخو البنات او صاحب رسالة....(مش عارفة ايه هي)....و ده اللي معطلاه عن الزواج مع انه ببساطة....يا خايف يتجوز....يا مش عارف يلاقي الدماغ اللي تركب علي دماغه

مش انا اللي بقول ده....شادي بيقول....(اللي عايز يشرب ....يخش عليه)

كل ما بنوصف نفسنا و مشاكلنا صح....متهيالي ده ممكن يساعدنا نلاقي حل....او منلاقيش...مش الهدف ان الناس تقوم تجري تتجوز.....لكن علي الاقل تقدر تعيش و هي متكيفة مع واقعها من غير تزييف و لا بطولات عنترية

و دي وجهة نظر

[لماضة مصرية جدا]

والله ياريهام ملقتش طابع بوسطه فجبت بداله بيبي :)

ربنا رزقني بادهم وانت عارفه بأه العيال الزنانه مابتسيبش فرصه لاي حوارات انترنتيه :)

والكتاب مش لاقيه بس هادور تاني لان انا كمان بعشق الادب الساخر .. واهو نضحك بدل مانطق

سعيده اوي اني اتطمنت عليكي

احبك في الله

السلام عليكم و رحمة الله و بركاته مليون حمد لله علي السلامة و يا رب يقر عينك بيه و يكون جنتك في الدنيا و الاخرة

ابعتيلي عنوان حضرتك علي الخاص و ابعت الكتاب ليكي

اشك انه ينزل في الخليج.....(انا كنت راشقة في جرير بس مكنتش بلاقي فيها كل حاجة عايزاها)

مساكي.......لازم نقرا علشان لازم نعيش و نكمل

[Dreamwithme]

الله عليكي ياريهام وعلي مواضيعك الجامدة أكيد هأدور علي الكتاب لأني بأحب جدا النوع ده من الكتب بالنسبة لموضوع الرجالة العوانس أنا بصراحة بأستفز جدا جدا من المجتمع اللي بيقبل راجل رافض يتجوز وسنه كبير ومعندوش مشكلة خالص انه يتجوز في الوقت اللي هو عايزه وقت مايقرر ووقتها يطلب يتجوز من واحدة صغيرة ويرفض يتجوز من سنه والمجتمع بيقبل كده عادي وبيقولك حقه (بطوط بيشد في شعره). لكن أنا شخصيا شايفة إن سواء راجل او ست يتجوز في الوقت اللي هو عايزه مش شرط وقت معين المهم يكون الانسان مرتاح ومبسوط يعني عن تجربة شخصية حد اعرفه راجل اتجوز وهو عنده 45 كان رافض الجواز خالص لانه مش عايز يتجوز جواز تقليدي وعاوز يتجوز عن حب وفعلا صبر لغاية ماربنا رزقه باللي هو عايزه لكن مكانش رافض الجواز عشان رفض لتحمل المسئولية ولكن كان عايز حاجة معينة بيدور عليها ففي رأيي مش غلط المهم ان الواحد يأخد اللي هو عايزه سواء راجل أو بنت مش شرط التقيد بنظرة المجتمع ووقت محدد واشتراطات محددة 

[عبير يونس]

الله عليكي ياريهام وعلي مواضيعك الجامدة أكيد هأدور علي الكتاب لأني بأحب جدا النوع ده من الكتب بالنسبة لموضوع الرجالة العوانس أنا بصراحة بأستفز جدا جدا من المجتمع اللي بيقبل راجل رافض يتجوز وسنه كبير ومعندوش مشكلة خالص انه يتجوز في الوقت اللي هو عايزه وقت مايقرر ووقتها يطلب يتجوز من واحدة صغيرة ويرفض يتجوز من سنه والمجتمع بيقبل كده عادي وبيقولك حقه (بطوط بيشد في شعره). لكن أنا شخصيا شايفة إن سواء راجل او ست يتجوز في الوقت اللي هو عايزه مش شرط وقت معين المهم يكون الانسان مرتاح ومبسوط يعني عن تجربة شخصية حد اعرفه راجل اتجوز وهو عنده 45 كان رافض الجواز خالص لانه مش عايز يتجوز جواز تقليدي وعاوز يتجوز عن حب وفعلا صبر لغاية ماربنا رزقه باللي هو عايزه لكن مكانش رافض الجواز عشان رفض لتحمل المسئولية ولكن كان عايز حاجة معينة بيدور عليها ففي رأيي مش غلط المهم ان الواحد يأخد اللي هو عايزه سواء راجل أو بنت مش شرط التقيد بنظرة المجتمع ووقت محدد واشتراطات محددة

انا صوتي اتنبح في الكلام ده

بس هو مجتمعنا كده نعمل ايه

الراجل ما يعيبوش أي حاجة

لا سنه

و لا انه مطلق أو أرمل

أو عنده ولاد

أو حتى ما بيخلفش

حتى لو فلاتي وبتاع حريم كمان

كله عادي

وكل حاجة و لها تبرير

أما الست فلازم عليها حاجة بتدفع تمنها

مهما كان ملهاش ذنب فيها

فما بالكم لو اذنبت بقى

الحل ان مجتمعنا يبتدي يشوف الست كبني آدم

و ده ما اعتقدش يحصل قبل قرون smk:

أنا بس بأحاول أزرع فيكم الأمل

اييييييييييييييه

يللا اهو كله عشان مصر

:wub:

[الباشمهندس ياسر]

هو فيه راجل يعنس

...؟

جديده دي

[ssamir]

عنس يعنس عنوسا

الا الاقيه فين الكتب ده با فندم؟ زهقت من ميكي و بفكر اغير

[عطر الجنة]

مش عيب يبقى فى محاورات

و ناس جادعة زى اللى هنا و تشترى كتب

ده احنا هنا نئلف موسوعات

و تعالوا نتناقش جميعا من وجهة نظر رجالية و حريمية

فى حكاية مثلا

الامير تشارلز بصفته من اشهر العذاب و الليدى الجميلة دايانا و الطرف الثالث باميلا باركر

تحياتى

[عطر الجنة]

تعالوا نسأل بعض

ماذا يريد الرجل من المرأة ؟ و هل مايريده جميع الرجال واحد ؟

ماذا تريد المرأة من رجلها ؟ و هل هى اشياء ثابتة فى كل الاوقات ؟

طيب هل يفضل الرجل العذوبية رغم توفر العنصر المادى اذا لم يجد طلبه ؟

هل لو وقع فيما يسمى السمو الروحى ( الحب ) يقبل يتنازل عن طلباته و يدخل القفص برجله ؟

تحياتى

[عبير يونس]

ده احنا بعون الله نجيب ضلف أجدعها مناقشة

بالنسبة للأمير تشارلز فده طول عمره مش وش نعمة الحقيقة

عينه فارغة ما يملاهاش غير التراب بعيد عنكم

قال ايه

يسيب القمر ديانا

و يحب الحيزبون باميلا

وش فقر صحيح

اهو

حنقول ايه القلب و ما يريد

يا عيني عليكي يا ديانا يا ختي

رضيتي بالهم و الهم ما رضيش بيكي

بس دي ماتت :blink:

( وش عم أيوب في الجوكر)

بس عدم المؤاخذة

الرجل العانس مش هو العازب

العانس ده اللي يعتبر بكر لم يسبق له الزواج

تشارلز تزوج بالفعل

الا هو طلق ديانا ؟؟؟

و الا ماتت و هي مراته؟؟؟

:unsure:

يوووووووووه

بلاش نجيب في سيرة الناس بقى

البيوت أسرار

[لماضة مصرية جدا]

السلام عليكم و رحمة الله و بركاته

انا جييييييييييييييييييييييييت....(وش حد بيتلفت مش لاقي حد بس ببرضه هيكمل الي كفااااااااااااااح)

بمناسبة ان بكرة باذن الله هيكون حفل توقيع الكتاب مع ندوة عنه

احب احطلكم شوية اقتباسات منه

و طبعا كل واحدة منهم ممكن تفتح باب للحوار من كذا زاوية...كل واحد علي حسب اوكرة دماغه

و نبتدي بالباب الاول

المجتمع مُعاق.

إذا مات الرجل، فإن أرملته تخونه إن تزوجت بعده.

وإن ماتت المرأة، فإن ألف عروس تظهر لرعاية الأرمل وأطفاله.

إن تأخر الشاب في الزواج، وماله براحته،

يعُك ويصاحب ويلعب على النت.

وإن تأخرت الفتاة في الزواج،

فهي ملفوفة لفة هدايا في انتظار فارس الأحلام

ولو جاي راكب جحش!

من ناحية المجتمع معاق....فهو اينعم و جدا كمان

و شخصيا عجبتني فكرة تحول فارس الاحلام اللي خير اللهم اجعله خير كان لابس ابيض في ابيض و يتحول......الي

راكب جحش و قاعد و مدلدل رجليه

و عشان كده بحب اقول لكل البناتيت...انسفي خرافة "فارس الاحلام"

مش علشان مافيش حد اسمه فارس.....(اللي اسمه فارس ميردش الله يكرمكم)

لكن علشان البنت بتتزرع فيها و من هي صغيرة خرافات كتير اهمها بتبتدي من انها لازم تلعب عرايس و مطبخ و حاجات غريبة و تتوحد مع نموذج باربي و لما تتطور تبقي فلة و قلة و حاجات غريبة كده مش عارفاها

و تفضل الخرافة لغاية ما توصل لفكرة "فارس الاحلام" و هنا تحدث الصدمة

لان مافيش فارس و الحلم نفسه.....كان مش متفصل علي روحها هي....الحلم متفصل علي "يا تري شكلي قدام الناس هيكون ايه"

المجتمع معاق

و انا اولهم

من قيمة عشرين سنة ضوئية......كنت بفكر زيهم

دلوقتي

بنحاول يكون فيه ثورة

يمكن

يمكن

يمكن

اللي بعدينا يتغير

[لماضة مصرية جدا]

اقتباس آخر

ويلٌ لمجتمع لا يؤرقه سوى جسد المرأة.

المنتقبة لا ترى في نفسها سوى جسد ينبغي إخفاؤه، فجسدها مدعاة للعار.

مرتدية البيكيني لا ترى في نفسها سوى جسد ينبغي إظهاره، فجسدها مدعاة للفخر.

عزيزتي: جسدك ليس للبيع أو الفُرجة أو التخزين،

فلا تُعَرِّيه من أجل رجل،

ولا تخفيه خوفًا من رجل.

بل احترميه من أجل نفسك،

فلستِ سلعة في فاترينة.

فلا تسمحي للرجل أن يقايض على جسدك.

فإن ابتاعك اليوم، باعك غدًا.

اكسري الفاترينة فورًا!

[لماضة مصرية جدا]

تعالوا نسأل بعض

ماذا يريد الرجل من المرأة ؟ و هل مايريده جميع الرجال واحد ؟

ماذا تريد المرأة من رجلها ؟ و هل هى اشياء ثابتة فى كل الاوقات ؟

طيب هل يفضل الرجل العذوبية رغم توفر العنصر المادى اذا لم يجد طلبه ؟

هل لو وقع فيما يسمى السمو الروحى ( الحب ) يقبل يتنازل عن طلباته و يدخل القفص برجله ؟

تحياتى

السلام عليكم و رحمة الله و بركاته

استاذتي عطر من الجنة

حضرتك سالتي

ماذا يريد الرجل من المرأة؟

و ماذا تريد المرأة من الرجل؟

كنت لفترة طويلة بتستهويني فكرة قراءة الكتب اللي عناوينها بيحمل نفس الفكرة

و بعد فترة لقتني بقول لنفسي

ايه ده

انا مش عايزة منه حاجة

ده حقيقي

زمان كنت بقول لنفسي انا محتاجة الامان و الونس و حلم مشترك

دلوقتي

لقتني فعلا شم عايزة منه حاجة

و دي مش جملة يائسة و لا هي خبرات متراكمة من احباطات مختلفة

اطلاقا

بسميها مرحلة التصالح مع نفسي

انا ادركت ان محدش يقدر يديكي الامان اذا انتي محستهوش لوحدك

و محدش يقدر يديكي سعادة لو انتي معرفتيش مفاتيح نفسك

و محدش يقدر يديكي حلم لو ا انتي اصلا فقدتي القدرة ان يكون ليكي بوصلة في الحياة توجهك ناحية احلامك

دلوقتي بقت مدركة اكتر ان سبب مشكلات العلاقة بين الراجل و المرأة....انهم دايما بيتوقعوا اكتر من الطرف التاني يقدر يديه

كل واحد بيخش الارتباط و عنده لسته توقعات و النوكتة بقي ان كل واحد فيهم بني لسته التوقعات مش من خلال قراءة حقيقية لشريكه و انما من خلال تحاربه الحياتية او دماغه هو او هي

شخصيا انا مش عايزة منه حاجة...غير انه يكون نفسه

يكون فاهم مفردات انسانيته

يكون متصالح مع نفسه و مع الدنيا

يكون ليه حلم بيشمر كل يوم و بيسعي ليه

و يوم ما نتقابل....بلاش يعرفني علي ناس تانية انا معرفهاش و هو بيتقمص ادوارهم

خليه يعرفني علي روحه...هو...من غير اي تجمل

علشان مش هيلاقي مني

غير روحي انا

بكل غبائي و جنوني و اخطائي

و لحظة ما نتقبل ان كل واحد فينا بشر مش ملاك

متهيالي هنتفق ان دي بداية خطوة علي حلم شراكة انسانية خاصة

دي وجهة نظري

يمكن غلط

و يمكن صح

و يمكن لسه محتاجة تستوي علي نار هادية

بس شكرا لحضرتك و السؤال مطروح للمناقشة

[لماضة مصرية جدا]

ده احنا بعون الله نجيب ضلف أجدعها مناقشة

بالنسبة للأمير تشارلز فده طول عمره مش وش نعمة الحقيقة

عينه فارغة ما يملاهاش غير التراب بعيد عنكم

قال ايه

يسيب القمر ديانا

و يحب الحيزبون باميلا

وش فقر صحيح

اهو

حنقول ايه القلب و ما يريد

يا عيني عليكي يا ديانا يا ختي

رضيتي بالهم و الهم ما رضيش بيكي

بس دي ماتت :blink:

( وش عم أيوب في الجوكر)

بس عدم المؤاخذة

الرجل العانس مش هو العازب

العانس ده اللي يعتبر بكر لم يسبق له الزواج

تشارلز تزوج بالفعل

الا هو طلق ديانا ؟؟؟

و الا ماتت و هي مراته؟؟؟

:unsure:

يوووووووووه

بلاش نجيب في سيرة الناس بقى

البيوت أسرار

يا ندااااااااااااااااااااااامة....(لا هو احنا كل ده لسه مجبناش في سيرة الناس و الناس اللي جنب الناس)

طب شوفي بقي يا عبير

انا وقفت اوي عند تعبيرك "حد يسيب ديانا القمر و ياخد ام سحلول"

و حيث اني متربية مع ولدين اكبر مني

فاسمحيلي اقولك اوقات الولد بيبقي ليه "نظرة" تانية غير البنت خالص

ابسط مثال كل اما نقول علي واحد حلوة....لازم تلاقيهم حدفوا مقص شمال

يمكن مقاييس الجمال تختلف

بس الاهم هنا

انه فيه حاجة اسمها "كيميا الحب"

انتي ممكن تشوفي ديانا....اميرة قلوب

لكن بالنسبة ليه....محصلشي التفاعل الكيميائي اللي حصل فعلا مع حد تاني اسمها باميلا

و ده بيفرق في العلاقات الانسانية جدا

مبينفعشي نحكم عليها و احنا واقفين بره القزاز...مقاييسنا بتكون مختلفة عن اللي قاعدين يرتشفوا الشاي جوه القزاز

بالنسبة للراجل العانس "تشرلز"....(يا خوفي بكرة يرفعوا قضية عليا...يالهوي لاتكونشي كده سب وبتاع)

انا بعتبر "عنوسته" يعني تأخر زواجه و لخبطته علي حسب تقييمنا

لانه ببساطة كان في مرحلة "تيه"...يعني ماشي مش عارف هو عايز ايه

عايز يتجوز واحدة وجه اعلامي

و لا عايز يكمل قصة حب مكتوب عليها الاعدام

غالبا النموذج ده بيتكرر بشكل كبير اوي و بمفردات مختلفة

و علشان كده فكرة ربط الزواج بسن....ده مش حقيقي

لان العمر الحقيقي زي ما دريمي قالت هو العمر اللي بيحس فيه الراجل او المرأة انه دلوقتي....مبقاش "تاية" و قادر ياخد قرار و يحصله التفاعل بقي و يطلع بقاليل...(وش حد في المعمل)

طبعا دي وجهة نظر