الرجالة العوانس

[لماضة مصرية جدا]

عنس يعنس عنوسا

الا الاقيه فين الكتب ده با فندم؟ زهقت من ميكي و بفكر اغير

و لو اني شامة ريحة شياط...و تريقة

بس و لو

الكتاب مكتبة ألف- فرع الميرغني- بكرة هيكون فيه ندوة عنه لو حضرتك مهتم

[لماضة مصرية جدا]

هو فيه راجل يعنس

...؟

جديده دي

اده سؤال و لا استنكار و لا برضه تريقة

طيب

اه فيه رجالة بتعنس

ممكن حضرتك تقرا الكتاب

"فيه راجل بيعمل زي شجرة الخريف...بيجي الدنيا و بتتساقط أوراقه....من غير ما حد يحس بيه"

ممكن يكون عاش لوحده

او ممكن يكون كون اسرة بالفعل لكنه برضه عاش لوحده جواها

(مقتبس من شادي بس بتصرف)

[عبير يونس]

ده احنا بعون الله نجيب ضلف أجدعها مناقشة

بالنسبة للأمير تشارلز فده طول عمره مش وش نعمة الحقيقة

عينه فارغة ما يملاهاش غير التراب بعيد عنكم

قال ايه

يسيب القمر ديانا

و يحب الحيزبون باميلا

وش فقر صحيح

اهو

حنقول ايه القلب و ما يريد

يا عيني عليكي يا ديانا يا ختي

رضيتي بالهم و الهم ما رضيش بيكي

بس دي ماتت :blink:

( وش عم أيوب في الجوكر)

بس عدم المؤاخذة

الرجل العانس مش هو العازب

العانس ده اللي يعتبر بكر لم يسبق له الزواج

تشارلز تزوج بالفعل

الا هو طلق ديانا ؟؟؟

و الا ماتت و هي مراته؟؟؟

:unsure:

يوووووووووه

بلاش نجيب في سيرة الناس بقى

البيوت أسرار

يا ندااااااااااااااااااااااامة....(لا هو احنا كل ده لسه مجبناش في سيرة الناس و الناس اللي جنب الناس)

طب شوفي بقي يا عبير

انا وقفت اوي عند تعبيرك "حد يسيب ديانا القمر و ياخد ام سحلول"

و حيث اني متربية مع ولدين اكبر مني

فاسمحيلي اقولك اوقات الولد بيبقي ليه "نظرة" تانية غير البنت خالص

ابسط مثال كل اما نقول علي واحد حلوة....لازم تلاقيهم حدفوا مقص شمال

يمكن مقاييس الجمال تختلف

بس الاهم هنا

انه فيه حاجة اسمها "كيميا الحب"

انتي ممكن تشوفي ديانا....اميرة قلوب

لكن بالنسبة ليه....محصلشي التفاعل الكيميائي اللي حصل فعلا مع حد تاني اسمها باميلا

و ده بيفرق في العلاقات الانسانية جدا

مبينفعشي نحكم عليها و احنا واقفين بره القزاز...مقاييسنا بتكون مختلفة عن اللي قاعدين يرتشفوا الشاي جوه القزاز

بالنسبة للراجل العانس "تشرلز"....(يا خوفي بكرة يرفعوا قضية عليا...يالهوي لاتكونشي كده سب وبتاع)

انا بعتبر "عنوسته" يعني تأخر زواجه و لخبطته علي حسب تقييمنا

لانه ببساطة كان في مرحلة "تيه"...يعني ماشي مش عارف هو عايز ايه

عايز يتجوز واحدة وجه اعلامي

و لا عايز يكمل قصة حب مكتوب عليها الاعدام

غالبا النموذج ده بيتكرر بشكل كبير اوي و بمفردات مختلفة

و علشان كده فكرة ربط الزواج بسن....ده مش حقيقي

لان العمر الحقيقي زي ما دريمي قالت هو العمر اللي بيحس فيه الراجل او المرأة انه دلوقتي....مبقاش "تاية" و قادر ياخد قرار و يحصله التفاعل بقي و يطلع بقاليل...(وش حد في المعمل)

طبعا دي وجهة نظر

ههههههههههههههههه

ده كان هزار يا قمر

وطبعا كلامك صح

مفيش حد بيحب حد عشان شكله حلو

مراية الحب عامية فعلا

مبتخليناش نشوف عيوب اللي بنحبهم

بنبقى عارفينها طبعا

بس مبتنطبعش في خيالنا و لا بتبقى في الصورة اللي في قلوبنا عن الحبيب

و المثل بيقول

كل فولة ولها كيال

اللي تشوفيه انت وحش وغلس

غيرك يشوفه ملوش مثيل و أظرف مخلوق في الدنيا

والعكس بالعكس

[عادل أبو عمر]

و لحظة ما نتقبل ان كل واحد فينا بشر مش ملاك

متهيالي هنتفق ان دي بداية خطوة علي حلم شراكة انسانية خاصة

دي وجهة نظري

إني اعترض

و متقوليش بتعترض علي ايه علشان هقولك انا بقي ملاك...(وش عيل رخم حاطط ايديه في وسطه)

فين الحوارات دي من زمااااان

عنوسة الرجل إذا صح التعبير هي فكر غير قويم يرفض السكينة ... لكن عنوسة البنت هي خطأ مجتمع لا يستوعبها .. لا يرحمها بلا ذنب منها .. مثلها مثل المطلقة .. كلاهما صارت حياتها الخاصة سببا في وضعها موضع اتهام من المجتمع بلا جريمة اقترفتها رغم أنها هي قد تكون ضحية أوعلى الأقل لا تستحق تلك النظرة الظالمة ..

تحياتي لحضرتك

[elzahraa]

بحيكي يا لماضة على الموضوع اللي بيمس مشكلة حقيقية متغافل عنها

واول مرة لاحظتها كان شخص في الخمسينات ولسة ماتجوزش واما تعجبت عرفت انه موضوع عادي ويوم ما اجوز وهو داخل على الستين خلاص اجوز بنت عندها 25 سنة!!!

انا اللي استغربته جدا ان لو في ست في مكانه زمان الناس كلت وشها واتبهدلت من المجتمع عشان ما اجوزتش رغم ان المشكلة مش عندها المشكلة عند البيه اللي رفض يجوز ويوم ما اجوز خد شابة وضيع فرصة شاب للارتباط بها وساب اللي في سنة !!!!

انا ضد اجبار اي انسان على الجواز لكن مع ملاحظة ان الامر لا يختص النساء وحدهم وانه ليس بايديهم وان لوم الرجل اولى من لوم المرأة لانه من يتوجب عليه البحث عن عروس والسعي عن الزواج وليس العكس اذن مشكلة تأخر الزواج في المجتمع مشكلة رجالي

لكننا في مجتمعنا دأبنا على لوم المرأة فالرجل في جرائم التحرش لا يلام كالضحية و لا في اي جريمة الجاني فيها رجل مدامت الضحية امرأة !!! ليأتيه العقاب الالهي بعدما يصير ابا بانه لا يستطيع حماية ابنته مما كان يفعل هو ببنات الناس

دا فيما يخص الرجل اما المرأة فهى كدة كدة ملامة عانس او مطلقة او خالعة او ارملة او حتى معلقة او زوجة اولى او ثانية او حياتها طبيعية هى دائما نكدية ومجرمة وسبب مصيبة ما اعرفهاش فاسهلها تكبر دماغها من الموضوع دا خالص لان الرجل بيداري على خيبته والست اللي تنتقدها تبقى مريضة فاسهلها تكبر دماغها وما تعملش غير اللي يريحها لانها بتتعب في شغلها وحياتها العملية فمش ناقصة تنزوج رجل غير مناسب يحاربها في البيت كمان اهو على الاقل تلاقي مكان تستشعر فيه استراحة محارب

و تحياتي :)