كل ما يخص أخبار ونتائج إنتخابات الرئاسة

[se_ Elsyed]

‎

#رصد | بيان من لجنة الانتخابات الرئاسية

تعلن لجنة الانتخابات الرئاسية عن بالغ استيائها مما ورد لها، أثناء مزاولتها لعملها نحو استكمال إجراءاتها توصلاً إلى إتمام انتخابات رئاسة الجمهورية على نحو يرضى الله ويحفظ صالح الوطن ويعبر تعبيرًا دقيقًا عن إرادة هذا الشعب العظيم، من أنباء تفيد: أنه أثناء مناقشة تعديلات خاصة بقانون الانتخابات الرئاسية، تطاول عليها البعض، وتناثرت أقاويل غير مسؤولة من البعض ال...أخر، توحى بعدم الثقة فى اللجنة، ابتغاء منعها من مواصلة العملية الانتخابية، وإذا كانت اللجنة قد تسامحت كثيرًا فيما تردد فى بعض الأوساط السياسية، ممن يزعمون أنهم أضيروا من قرارات أصدرتها اللجنة، وهى قرارات ما اتخذتها إلا تطبيقًا لأحكام القانون؛ فإنه ليس بمساغ ،من بعد، قبول قالة بعض من نواب الشعب فى المجلس النيابى فى هذا الخصوص، وفى هذا التوقيت بالذات، وما صدر عنهم من تهديدات للجنة وأعضائها وأمانتها العامة، والتعريض، أثناء المناقشات، بقضاة مصر الأجلاء المشرفين على العملية الانتخابية، ناسين أن قضاة مصر ما سعوا يوما إلى دور، وما طلبوا الأشراف على الانتخابات، وإنما لبوا طائعين نداء الوطن، الذى عبرت عن إرادته جموع المواطنين الذين خرجوا محتشدين، فى التاسع عشر من مارس 2011، يحملون قضاة مصر العظماء تلك الأمانة ، فحملوها راضين، وفى كل ذلك ما يقوض جهود اللجنة الحثيثة فى إتمام عملها، ويتعذر معه، والحال كذلك، استمرار اللجنة فى أداء مهمتها الوطنية على النحو الذى يليق بأعضائها من شيوخ قضاة مصر، ويتفق مع ما شرفهم به الوطن والدستور من عبء تحملوه بكل فخر واعتزاز، متعبدين بأدائه إلى الله عز وجل، غير طامعين فى منصب أو جاه، وإنما قاضين به دين وطنهم عليهم.

لــــــــذا

فإن اللجنة ترى أنه قد يكون من الأفضل أن تجلى موقفها، وتعلن لأبناء هذا الشعب العظيم: أنه إزاء سعى البعض إلى تأزيم المواقف، وتأجيج الفتن، فإنه يتعذر عليها، والحال كذلك، الاستمرار فى مباشرة أعمالها على النحو الذى يرضيها ويحقق آمال أهلنا المصريين فى غد أكثر إشراقًا وتقدمًا لوطننا الحبيب . وفى الوقت ذاته فإن اللجنة ، وهى تترفع عن الرد على ما أصابها من تطاول، تهيب بالمجلس الأعلى للقوات المسلحة المنوط به إدارة شئون البلاد؛ أن يمارس سلطاته الدستورية بحسبانه حكمًا بين السلطات، تمكينًا للجنة من مواصلة أدائها لأعمالها، وإنجاز ما تبقى من إجراءات، وإنهاء العملية الانتخابية فى مواعيدها المحددة سلفًا، إعلاءً للمصلحة العليا للوطن.

وتعلن اللجنة أنها قد قررت، آسفة، إرجاء اللقاء مع السادة المرشحين ورجال الصحافة والإعلام، والذى كان مقررًا عقده مساء غد الموافق الثلاثاء الثامن من مايو سنة 2012؛ وحتى تتهيأ الظروف الملائمة لعقده.

وقى الله مصر وشعبها شر الفتن، وحفظها كل سوء

[se_ Elsyed]

مش عارف ليه الشيطان هيء لي إني كنت ممكن أسمعهم وهما بيتكلموا عن دورهم في فضايح إنتخابات الشعب والشورى في 2010 و 2005

لكن خاب ظن الشيطان هههههههههههه

مش عارف ليه نفس الشيطان قال لي إنهم هايضربوا عبد المعز إبراهيم بالشلوت ويقولوا له أطلع بره ياللي جبت لنا العار

لكن خاب ظني برضوا

[se_ Elsyed]

حاسس بغدر من البيان ده .. وحاسس إن المجلس العسكري ادمن لعبة المُحلل ::::: الكوبري يعني

يعني أنا أهو على الطلاق كنت عاوز اسلم السلطانية .. لكنكم أيها الشعب النمرود قد جرحتم مشاعر الناس بتاعت لجنة الإنتخابات .. فأعتذورا عن إستكمال دورهم

واللجنة دي متشكلة طبقاً للإعلان الدستوري في شهر مارس 2011

وحيث إنهم لموا هدومهم ومشيوا ..

وحيث إن فاضل أيام بسيطة على الإنتخابات .. فمستحيل نلحق نعمل لجنة تاني ... نيجب لكم منين اللهي ياخدكم قادر يا كريم ..

أشربوا بقى وأستنوا قد سنتين تلاتة لحد ما يكبر عندنا قضاة محترمين ونجيبهم يشكلوا لجنة ....

أهو مش إحنا اللي عاوزين نقعد .. انتوااللي كل شوية تسوون مشاكل أنتو ووجوهكم ( الجملة الاخرانية دي خليجي عشان ننوع .. الفنان مش لازم يكرر نفسه )

[shawshank]

وحيث إن فاضل أيام بسيطة على الإنتخابات .. فمستحيل نلحق نعمل لجنة تاني ... نيجب لكم منين اللهي ياخدكم قادر يا كريم ..

المجلس العسكري مابيقفلش الباب على صباعه أبدًا.

يعني سايب كل الأبواب مواربة ... وكل يوم بيعرض فقرة جديدة بتمثل باب جديد ... وده بيبيّن أد ايه دول ناس - بالاشتراك مع المخابرات - فاهمين قوي قوي (عكس ما يمكن البعض يظن).

المجلس العسكري سايب كل الخيارات متاحة، بما يجعل احتمال حصاره في خيار واحد ضد مصلحته ضئيل جدًا، أو مستحيل. وفي كل الأحوال يظل حل مجلس الشعب وإعلان الأحكام العرفية خط دفاع أخير إن اخترقت الخطوط السابقة له.

أنا بقيت بستنى كل شوية عشان أشوف هيعملوا ايه في المطب ده. وكل مرة أفاجأ بـ "فقرة" جديدة من إبداعات المجلس العسكري، تنم عن ثبات هايل، وهدوء في الحسابات والتفكير والترتيب.

اللي المجلس العسكري بيلعبه سياسيًا من يوم خلع مبارك حتى الآن يُدرَّس في مدرسة الاستبداد والديكتاتورية.

تم تعديل 7 مايو 2012 بواسطة shawshank

[محمد عبدالعزيز]

كلما سمعت "أبناء هذا الشعب العظيم" أو "شعب مصر العظيم" أتحسس قفايا

[se_ Elsyed]

وحيث إن فاضل أيام بسيطة على الإنتخابات .. فمستحيل نلحق نعمل لجنة تاني ... نيجب لكم منين اللهي ياخدكم قادر يا كريم ..

المجلس العسكري مابيقفلش الباب على صباعه أبدًا.

يعني سايب كل الأبواب مواربة ... وكل يوم بيعرض فقرة جديدة بتمثل باب جديد ... وده بيبيّن أد ايه دول ناس - بالاشتراك مع المخابرات - فاهمين قوي قوي (عكس ما يمكن البعض يظن).

المجلس العسكري سايب كل الخيارات متاحة، بما يجعل احتمال حصاره في خيار واحد ضد مصلحته ضئيل جدًا، أو مستحيل. وفي كل الأحوال يظل حل مجلس الشعب وإعلان الأحكام العرفية خط دفاع أخير إن اخترقت الخطوط السابقة له.

أنا بقيت بستنى كل شوية عشان أشوف هيعملوا ايه في المطب ده. وكل مرة أفاجأ بـ "فقرة" جديدة من إبداعات المجلس العسكري، تنم عن ثبات هايل، وهدوء في الحسابات والتفكير والترتيب.

اللي المجلس العسكري بيلعبه سياسيًا من يوم خلع مبارك حتى الآن يُدرَّس في مدرسة الاستبداد والديكتاتورية.

أستاذ يا شاوشنك وهارش الفولة .. معلمممممممممم

ده انا أحلق نص شنبي .. ونص دقني .. وأمشي باللوك الجديد ده عشان العيال يحدفوني بالطوب ويقولوا العبيط أهو .. لو ما كان عمر سليمان له دور اكتر من الدور اللي كان بيلعبه أيام مبارك

طب حاجه تاني

مش ملاحظين إن بقى لنا سنة ونصف كأن بلاعه أتفتحت وشفطت المخابرات العامة والمخابرات الحربية ؟.. مش هاتكلم عن أمن الدولة

لكن هاتكلم عن جهاز هو تابع للقوات المسلحة بالفعل وهو المخابرات الحربية ...

وجهاز تابع لرئيس الجمهورية اللي هو المخابرات العامة

ودول لوحدهم أسماء على علم في العالم كله .. ومش مبالغة لكنها حقيقة

بقى عاوزين تأكلوني البالوظة وتقنعوني إن فجأة التسجيلات أنتهت .. وفجأة تصوير الكاميرات توقف ؟

طب بلاش كده ... ما يحدث في سيناء منذ عام ونصف ... عاوزين تفهموني إن محافظ شمال سيناء .. والاخر بتاع جنوب سيناء واللي هما في الأصل لواءات مخابرات .. عاوزين تفهموني إنهم مش قادرين يمسكوا ولو صرصار من اللي بيعملوا تفجيرات ؟ سيبكم من الغاز .. هانقول إنها حركة بلدي من المجلس عشان هما وطنيين وعاوزين يرضوا الشعب المصري الغاضب من هذه الاتفاقية .. معايا ؟

طب بالنسبة لشريحة واحده مما يحدث وهو في الأسبوع الماضي فقط .. .. مرتين في خلال أقل من 4 أيام تنضرب قوات واقفة في لجان تفتيش في العريش وهي مشتركة من الشرطة والجيش بالأربجيهات وتتحرك مدرعات ويموت ناس

كل ده ومافيش معلومه حتى عن مين دول وبيعملوا إيه وإزاي إتكررت كتير جداً جداً جداً خلال السنة ونصف الماضيين ...

طب فين هيبة الجيش والدولة والكلام المحفلط ده ؟

طب حاجه تاني .. أعتقد إن العريش كمدينة صغيرة مافيهاش غير مستشفى واحد مركزي ...

فعاوزين تفتحوا بؤي بالعافية وتأكلوني البالوظة اللي مش باحبها وتقولوا لي ان خلال سنة ونصف مافيش عسكري واقف بعصاية مقشة حراسة على المستشفى واتكررت أكتر من مرة هجوم مسلحين على المستشفى في فترات لا يفصل بينها أيام أو اسابيع ويا إما بيخطفوا جثثهم لو كان أنضرب عليهم نار وماتوا او يخطفوهم وهما مصابين ... تخيلوا ؟

طب تخيلوا إن حرس الحدود حتى أيام مبارك بيتعامل مع الأفارقة اللي بيتهربوا عن طريق السودان مروراً بمصر وعاوزين يهاجروا لأسرائيل عن طريق الصحرا عن طريق البدو وقصاصي الأثر ... تخيلوا إن إسرائيل بتشجب الطريقة دي مع إنهم مهاجرين غير شرعيين .. ولحد دلوقت لسه بنضربهم بالنار . وده حقنا بالمناسبة .. طب تخيلوا الأفارقة دول بيدفعوا لبعض البدو عشان يخطفوا المصابين الأفارقة من نفس المستشفى والعملية بتبقى زي السكينة في الجاتوه وماحدش بيقول لهم قف مكانك ؟

طب قسم ثان العريش اللي الفيديو موجود على اليوتيوب .. المسلحين ذوي الرايات السوداء جاءوا في سيارات دفع رباعي بدون لوحات .. وبعض الموتوسيكلات . وهما شايلين أسلحة فوق العربيات وظاهرة لجميع منسوبي جمعية النور والامل و كانوا معديين في تظاهرة جنب دبابات ومدرعات الجيش اللي واقفه على الحواجز وبينهما حوالي متر واحد فقط .. ودخلوا لحد القسم ... وأخلوا العمارة اللي أمامه من السكان .. ونصبوا الأربيجيهات ومدافع الجرانوف .. وفضلوا يضربوا في قسم الشرطة من المغرب حتى الفجر .. وفين وفيييييييييييييييييييييين قوات الجيش وصلت على الفجر .. وقالوا لنا في بيان رسمي ... يا خسارة .. الوحشين كان معاهم عربيات دفع رباعي مش بتغرز في الرملة . وهربوا عن طريق شاطيء العريش ... على اساس إن معاهم عربيات بر مائية

طب من حوالي 5 شهور الجيش عمل عملية إسمها النسر الخاطف ... لتطهير سينا .. وما سمعناش عن أي نتيجة

بلاش دي ... في شهر إبريل قريت يعني دي والله إن القوات الخاصة وقوات الصاعقة بتقوم الأن باعمال لم تحدث منذ حرب أكتوبر لتطهير سينا

إييييييييييييييييييييه في إييييييييييييييييه

إحنا هنود ولا بتستهبلوا وفاكريننا داقين عصافير عشان هارشين غنتوا بتعملوا كده ليه وليه عاوزين حدودنا تبقى ملتهبه عشان ترعبوا إسرائيل عشان تضغطوا عليها وعلينا .. عشان تبينوا إننا من غيركم ما نسواش بصلة وإن اهي إسرائيل أهي هاتنط على بيوتكم لو قولتم يسقط يسقط حكم المماليك العسكر ؟

لأ معليش إحنا بنفهم برضوا

[shawshank]

لأ معليش إحنا بنفهم برضوا

ماهو الفهم لوحده مش كفاية. ما احنا كنا فاهمين أيام مبارك على مدار 20 سنة مثلا على الأقل لحد ما قمنا بثورة. هم معندهمش مانع يكون كل المصريين فاهمين بس مايتحولش ده لفعل على الأرض (إلا بعد 20 سنة يبقى كويس قوي).

اللي حضرتك سردت تفاصيله ده بقى كله باب واحد بس (سيناء والحدود) من الأبوب اللي فتحها المجلس العسكري وبيلعب بيها. فيه أبواب تانية كتير، منها: نشر فوضى، عقد صفقات، الإعلام، استفتاء وشق صف، إعلان دستوري، أولاد مبارك، صفقة الرئيس القادم، لجان الكترونية، لجنة انتخابات متواطئة، اعتقال ثوار، دستور جديد، حكومة موالية، ضمان ولاء القيادات الدنيا في القوات المسلحة.

شفت بيتعبوا أد ايه؟ بس للأمانة، هم مابيبنوش نظام جديد ... هم بيحافظوا على نظام موجود. يعني على الأقل الكوادر موجودة.

كل ده بقى بيجري بالتوازي مع حاجات تانية خلف الكواليس، زي تجهيز الخطة (ب) للهروب عند الضرورة، وما يقتضيها من نقل أموال وخلافه. وكل ده غير عنف على الأرض ضد الثوار وتنسيق مع البلطجية والداخلية. والباب الجديد اللي ظهر، وهو احتمال تنحي لجنة الانتخابات وكما كنت انتخابات رئاسة.

الأبواب الكتير قوي دي، من ناحية محتاجة قدرات كبيرة لمتابعتها، ومن ناحية بتدي المجلس العسكري بدائل كتير قوي، وما عليه إلا إنه يختار أفضلها.

جزء مني معجب باللي بيعمله المجلس العسكري، لأنه سيمفونية من التخطيط والتنفيذ الهايلين، مع مرونة رائعة في ردود الأفعال، اللي متزنة جدًا ومفيهاش أي اضطراب.

[wahed_masry]

السلام عليكم

الإنتخابات ستكون بإذن الله زي ال"فل" إذ أن اللعبة كبيرة

الخطة هي الأتى

برغم أن شفيق ياراجل له شعبية كبيرة إلا أننا لا نرضى به (أعنى الأكثرية)

ولكننا نسؤيد عمرو موسى

أتوقع لما يتوقع الكثيرون أن تكون الإعادة بين أبو الفتوح وعمرو موسى

وهذا سيكون إختبار حقيقي للثورة (إذا وافقتم على أنه ثورة وليست إنقلاب عسكري مقنع

)

تحياتى

[ام سلمي]

بطاقات الاقتراع للمغتربين حتبقي علي موقع العليا للانتخابات بداية من الليلة ان شاء الله

الليلة.. الموقع الإلكتروني للعليا للرئاسة يطرح بطاقات التصويت للمغتربين

اعلن الوزير المفوض عمرو رشدي، المتحدث الرسمي باسم وزارة الخارجية، ان بطاقات اقتراع المصريين في الخارج في الانتخابات الرئاسيه ستكون متاحه علي موقع اللجنه العليا للانتخابات بدءا من منتصف ليل الخميس بتوقيت القاهره، ليتمكنوا من طبع البطاقات والتصويت وارسالها بالبريد للسفارات والقنصليات المصريه المعنيه.

وناشد المتحدث الرسمي باسم وزاره الخارجيه المصريين في الخارج الاسراع بارسال بطاقات التصويت بالبريد لتفادي التكدس الذي شاب بعض عمليات التصويت في الانتخابات البرلمانيه الاخيره.

http://www.akhbarak.net/news/2012/05/10/869200/articles/8104776/الليلة_الموقع_الإلكتروني_للعليا_للرئاسة_يطرح_

[se_ Elsyed]

أحسن وحوش المغتربين .... مش مهم إنك تروح اللجنة وتؤدي الواجب الوطني .. لكن الاهم إنك تشجع أي حد مكسل جنبك

كذا واحد مكلمني ومبيت عليه عشان اخد لهم اوراق الإقتراع بتاعتهم معايا ... لكن خلاص الموضوع إتحسم ولازم ترروح بنفسك يا حلو

[ام سلمي]

[tarek hassan]

يسري فودة على تويتر:

تبدأ المناظرة بتغطية تمهيدية ٧:٣٠م على أون تي في و دريم بمشاركة ريم ماجد وعمرو خفاجي وحافظ المرازي مع د. عمرو الشوبكي

وتبدأ المناظرة بين د. عبد المنعم أبو الفتوح و السيد عمرو موسى ٩م و تديرها منى الشاذلي و يسري فودة

بث مباشر: «المناظرة» موسى × أبو الفتوح

http://muslimzine.bl...-post_2602.html

تم تعديل 10 مايو 2012 بواسطة tarek hassan

[se_ Elsyed]

ده نموذج الترشيح ....

[se_ Elsyed]

رجالة جده عاملين الواجب

[se_ Elsyed]

دبي بتدحرج المسا

[se_ Elsyed]

انا هانفذ الخطة 513 ..

يعني هاروح في وسط الأسبوع .. وفي وقت يكون الناس فيه في الشغل .. وهاستحمل الحر مش إشكال .. إنما بالمنظر ده الدنيا هاتبقى ولا الجمعية التعاونية

[se_ Elsyed]

الرياض وشقاوة الرياض

[tarek hassan]

عاجل: الإدارية العليا تقرر إجراء الانتخابات الرئاسية في موعدها.. وتحكم بصحة إحالة العزل للدستورية

قضت المحكمة

الإدارية العليا، اليوم السبت، بوقف جميع أحكام القضاء الادارى، وأكدت برئاسة المستشار مجدى العجاتى، على انعقاد الانتخابات الرئاسية فى موعدها يومى 23 و24 مايو الجارى، وعدم سريان قانون العزل السياسى على أيا من المرشحين للرئاسة.

الإدارية العليا تقرر إجراء انتخابات الرئاسة فى موعدها يومى 23 و24 مايو الجارى - التحرير

أصدرت المحكمة الإدارية العليا حكما منذ قليل، يقضي بإجراء الانتخابات الرئاسية في موعدها.

كما حكم المحكمة بصحة إحالة قانون العزل السياسي إلى المحكمة الدستورية العليا، والمرسل من اللجنة العليا للانتخابات الرئاسية، كما ورد بقناة الجزيرة مباشر مصر

[se_ Elsyed]

دبي النهاردة

يا نهارررررررررررررررررر

[se_ Elsyed]

لما المصريين اللي في الخارج كده واللي سجلوا بس 500 الف ... يبقى الناخبين في مصر يروحوا يحجزوا دور من دلوقت

رجالة أبو ظبي الأشاوس

بيتهيألي اللي لابسه موف في موف دي ريهام ( لماضه ) واللي جنبها دي ممكن تكون كوثر صاحبتها الانتيمة