كل ما يخص أخبار ونتائج إنتخابات الرئاسة

[se_ Elsyed]

تحذير هام لولادنا في الرياض

ماحدش يروم بكره السفارة ينتخب .. أو يحاول .. لسببين :

1- بكرة في إجتماع لقادة دول مجلس التعاون الخليجي .. وبالتالي طريق مكه المؤدي إلى حي السفارات بيكون مغلق تماماً .. وأنا شخصياً في اليوم ده مش بأقدر أنزل من بيتي لأن كل الشوارع حواليه بتتبقى ممغلقة تماماً ...

2- عندي معلومات أكيدة إن الإخوان فوجهوا دعوة لأنصارهم إنهم يحتشدوا ويعملوا منظر يوم الأثنين قدام السفارة ويروحوا ينتخبوا كلهم مره واحده عشان يبان عددهم كبير ... خليهم يعانوا هناك بقى ولو عرفوا يروحوا أو يخرجوا من الحي الدبلوماسي يبقى يقابلوني

[egyptiantrans]

كويس انك بلغتنا يا سي السيد احسن خريص بيبقى مشكلة لما الاعلام دي بتتعلق

[se_ Elsyed]

الحمد لله

الخطة 318 نجحت .. روحت من حوالي ساعة السفارة .... الدنيا رايقة وزي الفل عشان ده وقت الناس بيكونوا فيه في الشغل لسه ... والموضوع كله ما أخدش معانا ربع ساعة ..

المطلوب من كل واحد رايح السفارة .

1- تضع ورقة الترشح في ظرف صغير وتقفله وما تكتبش عليه حاجة .

2- تخلي معاك الإقرار وصورة بطاقة الرقم القومي او صورة الجواز المميكن الجديد + صورة الإقامة .. ودول هايشوفوهم ويمسحوا على البار كود اللي موجود على الإقرار .. وخلاص هاترجع بالورق دده تاني وتحط الظرف في الصندوق وخلاص

واحد صاحبي فتى لي فتوى غير شرعية خلاني خبطت مشوار لحد البيت جبت بطاقة الرقم القومي ... وطلع الصورة تمشي الحال ...

ونسيت أقول لكم . إن اللي مش هاينتخب أبو الفتوح هايرجعوه من على باب السفارة ...

[مروان]

الحمد لله

الخطة 318 نجحت .. روحت من حوالي ساعة السفارة .... الدنيا رايقة وزي الفل عشان ده وقت الناس بيكونوا فيه في الشغل لسه ... والموضوع كله ما أخدش معانا ربع ساعة ..

المطلوب من كل واحد رايح السفارة .

1- تضع ورقة الترشح في ظرف صغير وتقفله وما تكتبش عليه حاجة .

2- تخلي معاك الإقرار وصورة بطاقة الرقم القومي او صورة الجواز المميكن الجديد + صورة الإقامة .. ودول هايشوفوهم ويمسحوا على البار كود اللي موجود على الإقرار .. وخلاص هاترجع بالورق دده تاني وتحط الظرف في الصندوق وخلاص

واحد صاحبي فتى لي فتوى غير شرعية خلاني خبطت مشوار لحد البيت جبت بطاقة الرقم القومي ... وطلع الصورة تمشي الحال ...

ونسيت أقول لكم . إن اللي مش هاينتخب أبو الفتوح هايرجعوه من على باب السفارة ...

مش تقول يا ريس انك كنت هناك النهاردة كان نفسي اتعرف عليك

عموما انا خمنت كده انك واحد م الموجودين الرفيعين اقصد المليانين وقلت يا سلام لو ده يطلع سي السيد

كنت اروح لك على طول وقول لك انا مروان

مروان يا راجل اللي بيكتب في المنتدى

تبص وتقولي لي منتدى ايه يا عم هو انا اعرفك؟؟؟؟

المهم هاحكي لكم عن تجربتي اليوم في السفارة ومع البريد السعودي

كان معي ظرفين بتاعي وده طلعت به ع السفارة والثاني بتاع المدام لانها بعافية شوية وده ارسلته بالبريد السعودي

اولا طلعت حوالي الساعة 8و30 بتوقيت الرياض واول ما شفت الاعلام على خريص قلبي وجعني

قلت بتوع مجلس التعاون وفعلا الطريق كان قافل بس كان ماشي واحدة واحدة

وصبرت شوية لقيت نفسي فوق كوبري الخليج وشوية لقيت نفسي فوق شارع الستين وشوية لقيت الطريق فاضي وهب ظهرت يافطة حي السفارات

وكأن الكامري تعرف ماذا اريد فقد انرفت يمينا ونزلت الشباك الازاز علشان الاغي العسكري اللي مبصيليش طبعا لان التراب كان مغطيها تماما وانا طبعا مغسلتهاش بقالي اسبوع

وفين وفين على ما لقيت ركنة بعد ما استنين لاند كروزر عبال ما تطلع وطلع روحي صاحبها عبال ما طلع ودخلت مكانه

جهزت الاوراق سريعا

ودلفت من باب الامن اللي اعطاني رقم

ووقفت في الطابور اللي كان صغير في الاول وبعدين صار طويلا

طبعا العوائل سيدي يا سيدي على طول مفيش وقوف

كان خلفي راجل كبير في السن وماس ورقة الاقتراع بس قلت له يا حج معاك صورة الاقامة قالي بصوت جهوري اه

معاك صورة بطاقة الرقم القومي

اه

طيب معاك

اه

دخلنا جوة كانوا منظمين النهاردة ثلاث اجهزة كمبيوتلر على ثلاث طاولات منهم جهاز مخصص للعوائل

وحاطين كراسي على العادة السعودية علشان محدش يقف في الطابور اللي جوة

طلبت من الراجل الكبير الطيب صاحب الصوت الجهوري انه يصورني لحظة وضع المظروف

فرح الراجل قوي باين عليه كان فاكر انه هو اللي هيطلع في الصورة مش انا

المهم جه دوري واظهرت الصور والاصول وكل حاجة عرفت اجيبها معايا

اتبسط مني الموظف قوي وخلاني امضي وختم لي ع الظرف بسرعة

وحانت اللحظة اللي مات في سبيلها مئات الشهداء

اللحظة اللي مكنتش احلم بيها في يوم من الايام

وشاء الله الا يحرمني من اي انتخابات داخل مصر وخارجها

ووضعت الظرف وقلبي معه

وصورني عمنا الحاج وكان الموظف غاية في اللطف والذوق عندما تركه يصورني باسما

وجه الدور على عمنا الحاج

معاك الاقامة ؟

ايوة

البطاقة؟

اه

الاقرار؟

اقرار ايه؟

طب انت مسجل؟

مسجل ايه؟

مسجل ع النت اسمك وبياناتك؟

لا

للاسف ملكش صوت

رايت الدموع تفر من عيني الرجل

وانتظرته الى ان خرج واخذت اواسيه وافهمه النظام

وقالي يعني ايه الحل؟

قلت له مفيش غير انك تنزل مصر وتصوت يوم 24

وهنا تدخل احد الشباب وقال ينفع تعمل توكيل لحد في مصر ينتخب مكانك

مش عارف ده حل كويس ولا لا

طلعت لقيت ثلاثة من الشباب صوتوا لابو الفتوح وواقفيت تحت يافطة السفارة وطلبوا مني ان اصورهم

طبعا صورت اليافطة وهم لا

ومرة تانية صورت اتنين وسبت التالت

اخذوا يضحكون بالروح المصرية الجميلة ثم علموني ما هو التصوير وان هناك اختراع اسمه اللمس وفيه زرار صغنن بتاع الكاميرا

المهم خدوا اللقطة الجميلة وانصرفوا باسمين

عدت بالكامري التي كانت تنهب الارض نهبا الى البريد السعودي فرع الروضة

ودخلت بقلب جامد وفتح صدري قوي وعاوز اتشاكل مع السعوديين اللي مش هيتعاونوا معانا في انتخاباتنا الحرة

رمقني الشاب بابتسام وقالي السفارة؟

قلت نعم

قالي دي خدمة خاصة ولازم بريد ممتاز قلت ماشي

حط الظرف بتاع ام الوليد المنتظر في ظرف بلاستيكي انيق ولصق عليه البيانات

وقعد يلعب شوية ع الكمبيوتر اللي قدامه ثم قدم لي ورقة صغيرة وطلب 10 ريال

قلت مش خسارة لا في مصر ولا في ام الوليد المنتظر

ولما رجعت وحكيت لها ع ال10 ريال

كنت.............................

لكن الحمد لله عدت على خير

الامور ميسرة ولله الحمد

ومفيش اي مشاكل

اللي معاه صورة الاقامة والرقم القومي يمشي الحال

اللي معاه صورة الجواز المميكن يمشي الحال

اللي معاه الجواز القديم يكلم حد يبعت له صورة الرقم القومي من مصر على الايميل ويطبعها ويصور الجواز وخاصة الصفحة اللي فيها التاشيرة ويمشي الحال

انا صورت الورقة اللي حاطينها النهاردة ع الباب وبها الشروط

وهحاول ارفعها لكم

اطيب تمنياتي بمستقبل افضل للجميع

[مروان]

اخيرا عرفت ارفع الصورة

دي يا جماعة الشروط اللي على باب السفارة بالرياض للتصويت والاوراق المطلوبة

يارب الصورة تكون واضحة

[se_ Elsyed]

يا نهار أبيض

دي السفارة في الرياض عصر اليوم ... الحمد لله انا روحت الساعة 11 وما كانش في الا ييجي 20 واحد

[se_ Elsyed]

هنا الكويت .. بلد الذكريات الجميلة

[tarek hassan]

أبو إسماعيل يدعو للتصويت لصالحه فى ورقة مستقلة بالانتخابات الرئاسية

دعا الشيخ حازم صلاح أبو إسماعيل المرشح المستبعد من الانتخابات الرئاسية، بالتصويت لصالحه فى الانتخابات الرئاسية، المقرر إجراء الجولة الأولى منها يومى 23 و24 من الشهر الجارى، ولكن فى ورقة منفصلة عن بطاقة التصويت، حتى لا تبطل أصوات الناخبين.

وقال أبو إسماعيل، فى أول درس أسبوعى يعقده بمسجد أسد بن فرات، منذ استبعاده من الانتخابات الرئاسية، "اللى عايز ينتخبنى فى الانتخابات الرئاسية، يحضر معه ورقة مستقلة عن بطاقة التصويت ويكتب فيها اسمى، ثم يضعها فى صندوق الاقتراع، ولا يبطل صوته".

وحذر أبو إسماعيل، من إبطال الأصوات فى الانتخابات الرئاسية، قائلاً: كل إبطال للصوت، قد يأتى يوم القيامة ذنباً.

وأكد أبو إسماعيل، أنه لم يتوصل بعد لقرار دعم مرشح معين فى الانتخابات الرئاسية، وأشار إلى أن دعم أى من الدكتور محمد مرسى أو الدكتور عبد المنعم أبو الفتوح المرشحان لرئاسة الجمهورية، له مزاياه وأخطاره الكبيرة، قائلاً لأنصاره، إذا استطعت أن أتوصل لقرار سأعلنه صريحاً، وإن لم أتوصل لقرار، فإنى لا أريد أن أحمل نفسى شيئاً لا أقدر عليه.

وأوضح أبو إسماعيل، أن القضية فى الانتخابات الرئاسية الآن، ليست تطبيق الشريعة الإسلامية، قائلاً: الشريعة فى الحالتين أى - مرسى أو أبو الفتوح - فى نفس المستوى، معلقاً فى موضع آخر "الاثنين واحد".

وحذر أبو إسماعيل، مما أسماه نهضة الأبواب الأربعة فى الانتخابات الرئاسية، وهو الأمر الذى فسره بأن قيادات جهاز الأمن الوطنى، تدرس توزيع الكتل التصويتية المختلفة، بحيث يتساوى الجميع فى النهاية، ثم يبدأون فى تزوير مجموعة من الأصوات لترجيح مرشح عن أخر، وقال "رجال الأمن الوطنى يدرسون توجيه كتلة أصوات المسيحيين، سواء إلى الفريق أحمد شفيق أو عمرو موسى المرشحين لرئاسة الجمهورية، وكذلك كتلة أصوات الفلول، وفى المقابل يبدأون توجيه مجموعات مختلفة للتصويت سواء لمرسى أو أبو الفتوح، حتى يتساوى الأربع مرشحين، ثم يحددون لمن سيزورن الأصوات، مشدداً على أن الخطة تقضى ألا يصل مرسى أو أبو الفتوح إلى جولة الإعادة من الأساس".

وأكد أبو إسماعيل، أنه فى حالة وصول شفيق وموسى إلى مرحلة الإعادة، فإن الشعب المصرى لن يفرق معه من ينجح من الاثنين، مشيراً إلى أنه فى هذه الحالة سيكون شفيق أفضل من موسى، بالنسبة للقائمين على الحكم.

ودعا أبو إسماعيل، أعضاء مجلسى الشعب والشورى من حزبى الحرية والعدالة والنور السلفى إلى تبنى قضية معتقلى أحداث العباسية، والاعتصام داخل مقر مجلس الشعب، احتجاجاً على عدم الإفراج عن المعتقلين، وطالبهم بأن يفصحوا عما ورد عن الشهادات التى وردت فى لجنة تقصى الحقائق بالمجلس، بأن المعتقلين تعرضوا إلى التعذيب وانتهاك الأعراض والإحالة إلى القضاء العسكرى، مشيراً إلى أن القضية فى أيدى أعضاء مجلس الشعب، وأنهم قادرون على حلها.

وكشف أبو إسماعيل، أنه يحتفظ بمستندين خطيرين، فى القضية التى رفعها لإثبات أن والدته لم تحصل على الجنسية الأمريكية، وقال سنعود وبأيدينا حكمين من القضاء العادى والمستعجل.

وأعلن أبو إسماعيل، أنه سيبنى حركة سياسية ودولية كبيرة جداً، تتضمن حزباً وجمعية ودعوة على مستوى أبعد من الحدود، بحسب تعبيره.

[Abu Reem]

هنا الكويت .. بلد الذكريات الجميلة

اظن طالما المواطن بيذهب بنفسه للسفارة يبقى مش مطلوب منه يضع استمارة الترشيح في ظرف ثم يدخلها في ظرف اخر..

يعني اعتقد ان التصويت بيكون فقط بانك تعلم امام اسم المرشح اللي هتختاره ثم تضع الاستمارة في الصندوق مباشرة..ثم توقع امام اسمك في السفارة وخلاص مش كده ..ولا برده لازم حكاية المظاريف دي

اشرح لنا طالما انت رحت بنفسك للسفارة

تم تعديل 13 مايو 2012 بواسطة Abu Reem

[se_ Elsyed]

هنا الكويت .. بلد الذكريات الجميلة

اظن طالما المواطن بيذهب بنفسه للسفارة يبقى مش مطلوب منه يضع استمارة الترشيح في ظرف ثم يدخلها في ظرف اخر..

يعني اعتقد ان التصويت بيكون فقط بانك تعلم امام اسم المرشح اللي هتختاره ثم تضع الاستمارة في الصندوق مباشرة..ثم توقع امام اسمك في السفارة وخلاص مش كده ..ولا برده لازم حكاية المظاريف دي

اشرح لنا طالما انت رحت بنفسك للسفارة

لأ .. دي تعليمات وزارة الخارجية

وبعدين أنا شرحت يا أبو ريم النهاردة الصبح لما روحت

أهو

المطلوب من كل واحد رايح السفارة .

1- تضع ورقة الترشح في ظرف صغير وتقفله وما تكتبش عليه حاجة . الظرف لازم لازم لازم .. والحمد لله كنت واخد معايا أظرف صغيرة وفرقتها على الناس

2- تخلي معاك الإقرار وصورة بطاقة الرقم القومي او صورة الجواز المميكن الجديد + صورة الإقامة .. ودول هايشوفوهم عشان دي إثباتاتك ويمسحوا على الباركود اللي موجود على الإقرار .. وخلاص هاترجع بالورق دده تاني وتحط الظرف في الصندوق وخلاص

نقطة اخرى ... في انتخابات البرلمان كل واحد مننا راح وهو شايل أوراق وأظرف ترشيح بتاعت الزملاء الاخرين وكمان الزوجات والأبناء لو كبار ...

دلوقت امام عيني ما وافقوش للواحد اللي جاي ينتخب له ولزوجته .. وقالوا له لازم تيجي

وكلمة حق ... رجال السفارة منظمين العملية قوي .. وفي تيسيرات للعائلات .. مش بيقفوا معانا في الطابور وبيدخلوهم للجان أخرى بدون طوابير عشان السيدات والاطفال وكده .... وبجد الف شكر لهم وعلى تعبهم لأن ضغط عليهم جامد وأرهاق .. ولسه الفرز كمان ..

[se_ Elsyed]

ده الموت اهون من إن عمرو موسى وأبو بلوفر يوصلوا للنهائيات مع بعض

#رصد|متابعات| في استطلاع مركز الأهرام للدراسات السياسية : # عمرو_موسى في المقدمة وصعود #أحمد_شفيق و #محمد_مرسي علي حساب #عبدالمنعم_أبوالفتوح و #سليم_العوا.

خلاص ما بقاش فاضل إلى بضعة أيام ... ولازم نكثف شغلنا عشان نقضي على الفلين دول من الجولة الاولى

الحمد لله . ربنا يشهد إن في إنتخابات المغتربين الواحد عمل اللي عليه وحشدنا حشد جيد لأبو الفتوح .. وباحاول في مصر كمان على جميع الجبهات وكل اللي أعرفهم عشان الواحد يبقى أرضى ضميره أمام الله .

[se_ Elsyed]

طب أقول إيه ؟

يعني الواحد لو طول لسانه .. فممكن مُشرف معدي كده ولا كده يهبدني إنذار

" اعلن المستشار حاتم بجاتو بإن اللجنة العُليا للإنتخابات تلقت العديد من الشكاوى من المغتربين في العدد من اللجان تفيد بإنهم عندما ذهبوا للإدلاء بأصواتهم .. وجدوا توقيعات أمام أسماءهم للدلالة على أنهم أتوا وصوتوا .. وجاري التحقيق في ذلك "

وكمان تلقت اللجنة شكاوى من وجود مندوبين للمرشحين يقومون بالدعاية المختلفة لمرشحيهم داخل اللجان ..

يعني يموت الزمار .. وصوابعة بتزور ؟

[الدكتور ياسر]

أتوقع بكل اسف تزوير الانتخابات لصالح شفيق غالبا , والسيناريو الذى صرح به شفيق نفسه اليوم بنيته

الاستعانة بالجيش لاخماد التظاهرات ضد فوزه تبدو واقعية ومنطقية واكبر دليل على ذلك احداث العباسية ..

قال الفريق أحمد شفيق، المرشح الرئاسي، إن القوات المسلحة ستتصدى للمعترضين على فوزه في الانتخابات الرئاسية، مؤكدًا أن فض الاعتصام في أحداث العباسية في دقائق كان «عينة» لإثبات قدرة الجيش على إخلاء الميدان، وأشار إلى أن الشعب المصري لن يسمح للإخوان أو التيارات الإسلامية بحكم مصر.

وأضاف خلال لقائه على قناة «دريم» في برنامج «الحقيقة» مع الإعلامي وائل الإبراشي، مساء الإثنين، أن القوات المسلحة لم تفض ميدان التحرير أثناء ثورة 25 يناير، لأنها كانت إرادة الشعب، والجيش يحترم الإرادة الشعبية، ويلبي تطلعات المواطنين.

وتابع: «في حال نزول المواطنين إلى الشارع اعتراضًا على فوزي، القوات المسلحة ستتصدى لهم بكل قوة، وأعتقد أن فض اعتصام العباسية في دقائق كان عينة، والجيش أثبت قدرته على إخلاء ميدان العباسية في دقائق».

المصدر

تم تعديل 14 مايو 2012 بواسطة الدكتور ياسر

[se_ Elsyed]

ما هو يا إما انا مش فاهم .. يا في حاجه غلط

السفارات المصرية المختلفة هاتبتدي تُعلن نتيجة الفرز إعتباراً من يوم الجمعة القادمة .. بعد 3 أيام يعني .. يعني قبل الإنتخابات في مصر بثلاثة أيام

إنتو مش شايفين إن ده خطأ ؟

لأنه مليون المية هايأثر على النتيجة داخل مصر ...

يعني مثلاً لو أعلن إن من النص مليون اللي انتخبوا خارج مصر أبو الفتوح حصل على 60 % مثلاً .. ومع إني اعلنت إني هارشحه لكن هذا لا يمنع من قول الحق وأقول إن النتيجة المفروض تبقى سرية وتُعلن كلها مرة واحدة في الخارج وفي الداخل ...انا لا اتمنى أي تأثير على الناخب من أي جهة

كما أُعيد وأكرر إن عشان المرحلة الاولى تنتهي 24 مايو .. ويتم إعلان النتيجة يوم 29 ... ده كتير جداً جداً وتحس كأن في ناس بتطبخ جوه وتسبك الموضوع لمدة 5 أيام

فلا اعتقد أن الفرز سيستغرق اكثر من يوم ... خصوصاً إنه سيتم في اللجان الفرعية ... يعني العملية محكومة وملمومة ... وحتى لو تم تجميع نتائج 52 الف لجنة .. فالمفروض إن ده ما يستغرقش وقت ..

إذا كنا ما كناش بنأمن إن الصناديق تتنقل من اللجان الفرعية المختلفة إلى لجنة الفرز الرئيسية لما في ذلك من عدم امان .. وأيضاً سلامة للصناديق .. وشوفنا في الإنتخابات البرلمانية من خلال النقل في صناديق وقعت إتكسرت .. وفي صناديق تاهت ... وهكذا .. يبقى هانأمن لما النتيجة تتخلل عند اللجنة العليا لمدة 5 أيام ؟

ده مش شك لكنه تخوف من أي محاولة للتعدي على حلمنا .. واللي لازم اللي يعمل كده يعدي على جثثنا الاول ...

[الدكتور ياسر]

في مصر فقط يمكن للأموات التصويت بالانتخابات ..

[se_ Elsyed]

كل من يحاول الإتصال باللجنة العليا للإنتخابات عشان الفضيحة دي .. سكتممممممممممم بكتمممممممممممممم

أما وزارة الداخلية فبتقول ماليش دعوه انا بره الموضوع

[se_ Elsyed]

كله يحبس نفسه

كله يبحلق كويس

ده منظر الطوابير النهاردة امام السفارة المصرية بالرياض

وواحد صديقي معانا هنا في المنتدى قعد اكتر من 5 ساعات في طوابير فراخ الجمعية دي

سيارات الناخبين المصريين تغلق الحى الدبلوماسى بالسعودية

[ماستر]

كله يحبس نفسه

كله يبحلق كويس

ده منظر الطوابير النهاردة امام السفارة المصرية بالرياض

وواحد صديقي معانا هنا في المنتدى قعد اكتر من 5 ساعات في طوابير فراخ الجمعية دي

سيارات الناخبين المصريين تغلق الحى الدبلوماسى بالسعودية

كان فية زحام شديد النهاردة فى السفارة والطوابير كانت زى الحلزونة وكل الناس كانت بتفكر هو الطابور هيروح على فين بعد كدة حتى اننا بقينا نلف فى حلزونة بجد ونسينا احنا فين

فى الرسم بالاسفل توضيح بالون الاحمر لسير الطابور واخدنا وقت كتير جدا بنلف فى حلزونة

[نوران]

[نوران]