اللوا العصار : لن نوافق على قانون العزل السياسي ...فنحن الحاكم الشرعى للبلاد

[se_ Elsyed]

يا ناس يا هو .. إحنا في شهر نوفمبر لسه وخلونا ننزل الميدان ولا نتركة عشان نقتلع العسكر

فلتصمت أيها الرعديد ... العسكر دول هما عامود الخيمة .. وبعدين إنت ناسي إن في برلمان خلاص كمان كام يوم

... يا ناس بقينا في يناير خلاص وجابوا الجنزوري من المتحف وعملوه رئيس وزرا حرام عليكم خلونا نستغل الذكرى الأولى لقيام الثورة ونشكر العسكر ونقول لهم إرجعوا مساكنكم ؟

ما هذا التخريف .. إنت ناسي إن فاضل 6 شهور على تسليم السلطة .. وإن المجلس العسكري إذا وعد أوفا .. على فكرة إنت واد بانديتا وضد الشرعية ... وسيبك من حكاية مجلس الوزرا .. العيال دي نازلة أساساً عشان تمننع الشرعية البرلمانية

هههههههههههههههه وتمر الأيام .... وخلاص فاضل شهرين على تسليم لا مؤخذه السلاطة ..... إلا ونلاقي السفاح نازل علينا ببارشوت .. وإلا نلاقي العصار طالع يتكلم النهاردة ويقول

يقول إيه يا ولاد يا بتوع الـ 6 شهور وتسليم السلطانية ؟

اكد الواء محمد العصـار عضو المجلس العســكرى لا نسعى للصدام ولكن لن نوافق على قانون العزل وعلى مجلس الشعب ان يحترم ان هناك من يحكم هذا البلد والا سوف نتخذ اجراءت لن تعجب البعض موكدا قانون الغدر او العزل لن يطبق ونحن اكدنا لن يكون هناك سياسة اقصاء وقال ولكن من واضح ان سياسة الاقصاء هى لغة مجلس الشعب بدلا من مناقشة قضايا الوطن والخطر الذى يداهم الوطن اصبحنا نناقش اشياء لا تمت للشعب بصلة واكد سيادة لواء ان سعد الكتاتنى رئيس مجلس الشعب اتصل بسيادة المشير ونوكد ان كان رد سيادة المشير طنطاوى نهائيا لن يكون عزل لاحد ولا هناك اقصاء وقال بالحرف الواحد انتو خايفين من الصناديق ولا خايفين من ايه احنا واقفين على مسافة واحدة بين كل مرشحين عليكم انتم كمان تتبعو هذا النظام وانا غير موافق على قانون الاقصاء واكد لواء العصار ان المشير طنطاوى اكد صباح اليوم حتى هذه اللحظات نقوم بضبط النفس ونبتعد عن اثارة الشعب والراى العام ولكن هناك محاولات لجر القوات المسلحة لاشياء لا يعلمها الا الله موكدا ان المجلس العسكرى اكد انه على مسافة واحدة بين جميع مرشحين وقال لواء العصار ان الفريق سامى عنان ابلغ جماعة الاخوان المسلمين قانون العزل لن يطبق ونحن الحاكم الشرعى للبلاد

الرباط الخاص بي

عرفتوا مين دلوقت اللي لعب شخصية عبدو مصلحة وودا البلد في داهيه بإنتهازيتة ؟

[ذهبية]

قالها خلاص الفم المليان و اعلى ما خيلكم اركبوا

انا من يحكم مصر و روح انت و هو العبوا بعيد

احنا حاطينكم كدة منظر لو اتجراتكم عليا هنطلع العين الحمراااا و اللى عندة شوق فى حاجة يعملها

كدة العب على المكشوف ام نشوف بقى رد الفعل اية من المجلس اللى راح رمى نفسة فى حضن العسكر

و فرح بشوية وعود و ساب الميدان و الثوار

اعتقد انة هيعرف ان الله حق و هيرجع تانى يوحد الصفوف

بس يا خوفى ان الثورة السلمية بالتصرفات دى تتحول الى غير سلمية

[se_ Elsyed]

ام نشوف بقى رد الفعل اية من المجلس

إوعي تقولي كده يا مدام جولدن

المجلس هايسحب السكة من حكومة الجنزوري

المجلس 100 عتريس في بعض

المجلس هو الشرعية .. والشرعية هي المجلس

وهانعدم أي حد يتكلم عن البردعة والحمار

[se_ Elsyed]

ياما صرخنا وقولنا مجلس شعب + دستور + إنتخابات رئاسة في ظل وجود العسكر = بابا غنوج

قالوا عملاء وبيقبضوا